اۆتونوميالى رايون جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ نەگىزگى تاقىرىبىنداعى «وتاندى جىرلايمىز» اتتى ادەبيەت - كوركەمونەر ساۋىق كەشىن وتكىزدى
چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، لي پىڭشين ءار ۇلت، ءار سالا ۋاكىلدەرىمەن بىرگە كونسەرتتى كوردى
2019.09.30 10:28 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، ۋاڭ شيڭرۇي 9 - ايدىڭ 28 - كۇنى ۇرىمجىدەن حابارلايدى. جۋىردا، اۆتونوميالى رايوننىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ نەگىزگى تاقىرىبىنداعى «وتاندى جىرلايمىز» اتتى ادەبيەت - كوركەمونەر ساۋىق كەشى شينجياڭ راديو - تەلەۆيزيا ستانسياسىنىڭ ستۋدياسىندا وتكىزىلدى. اۆتونوميالى رايون باسشىلارىنان چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، لي پىڭشين قاتارلىلار ءار ۇلت، ءار سالا ۋاكىلدەرىمەن بىرگە كونسەرتتى كورىپ، جاڭا جۇڭگو قۇرىلعاندىعىنىڭ 70 جىلدىعىن بىرگە قۇتتىقتادى.
”تۋعان كۇنىڭدە باقىت تىلەيمىز، مەنىڭ جۇڭگوم ...“ ساۋىق كەشتىڭ شىمىلدىعى «بۇگىن سەنىڭ تۋعان كۇنىڭ» اتتى قويۋ سۇيىسپەنشىلىككە تولى انمەن اشىلدى. ءار ۇلت ادەبيەت - كوركەمونەر قىزمەتكەرلەرى اسەم ءان اۋەنىمەن، مىڭ بۇرالعان بيمەن، مەرەيلى ريتىممەن ۇلى جۇڭگو كوممۋنيستىك پارتياسىن، ۇلى وتاندى جانە ۇلى جاڭا ءداۋىردى قىزۋ ىنتامەن جىرلاپ، جۇڭگو كوممۋنيستىك پارتياسىنىڭ پارمەندى باسشىلىعىندا، پارتيانىڭ ۇلت ساياساتىنىڭ نۇر - شۇعىلاسىندا، شينجياڭداعى ءار ۇلت حالقىنىڭ بىرگە ىنتىماقتاسا كۇرەس جۇرگىزىپ، بىرگە كوركەيىپ دامىعان جاندى كورىنىسىن تولىق ايگىلەدى، شينجياڭداعى ءار ۇلت ۇلاندارىنىڭ جاڭا جۇڭگو قۇرىلعاندىعىنىڭ 70 جىلدىعىنا دەگەن تاماشا تىلەكتەرىن، شي جينپيڭ جولداستى ۇيتقى ەتكەن پارتيا ورتالىق كوميتەتىنە دەگەن شەكسىز العىسىن تەرەڭ سۇيىسپەنشىلىكپەن بەينەلەپ، ۇلى وتاننىڭ گۇلدەنىپ - كوركەيۋىنە بىرگە تىلەك ءبىلدىردى.
«شۋاقتى كۇن استىندا»، «ماۋجۋشيدىڭ مەيىرى شىرقاپ تاۋىسقىسىز»، «مەن جانە مەنىڭ وتانىم» سياقتى كورەرمەندەرگە ابدەن تانىس كلاسسيكالىق اندەر وتان قۇشاعىنداعى ءار ۇلت ۇلاندارىنىڭ وتانمەن تىنىستاس، تاعدىرلاس، تىلەكتەس بولعان داڭق پەن ماقتانىش سەزىمىن انگە قوستى؛ «ءساليقا پارتيانىڭ ءسوزىن تىڭدايدى»، «ساحارادان بەيجيڭگە كوز تاستادىم»، «حۋاىر جانە ورەن»، «مالشىلار كوممۋنيستىك پارتيانى جىرلايدى»، «پارتيانىڭ مەيىرىمىن ۇرپاقتار بويى ەستە ساقتايمىز»، «شاتتانا شىرقايىق»، «انام جۇڭحۋا» سياقتى ءان - بيلەردە شينجياڭداعى ءار ۇلت حالقىنىڭ پارتياعا دەگەن رياسىز ماحابباتى مەن ماڭگى پارتياعا العىس ايتاتىن، پارتيانىڭ سوزىنە قۇلاق اساتىن، پارتياعا ىلەسەتىن بەرىك بەكىمدەرى بەينەلەندى؛ 12 مۇقام ارقاۋ ەتىلگەن «ماحابباتىمدى وتان اناما ارنايمىن» ءان - ءبيى مەن «وتاندى جىرلايمىز» ءان - ءبيى، «وتان انا، جۇرەك ءسوزىمدى سىزگە ايتامىن» تاقىرىبىنداعى ولەڭ وقۋ سياقتى نومىرلەردە تيانشاننىڭ تۇستىگى مەن تەرىستىگىندەگى ءار ۇلت ۇلاندارىنىڭ جاڭا جۇڭگو قۇرىلعاندىعىنىڭ 70 جىلدىعىنا دەگەن ەڭ تاماشا تىلەكتەرى مەن وتاندى قىزۋ ءسۇيۋ، وتاندى كوركەيتۋدەي شىنايى سۇيىسپەنشىلىكتەرى بەينەلەندى؛ «ەل امان بولسا ”انار“دان حوش ءيىس اڭقيدى» ءبيى، «شالقىعان شاقتاعى المۇرت باعى» تاقىرىبىنداعى درامالاردى ۇلاستىرا ايتۋ، «جۇرەك ءسوزىمدى باس شۋجي شي جينپيڭگە ايتامىن» تاقىرىبىنداعى ونەر كورسەتىپ، ءان ايتۋ، «جۇڭگو ارمانىن بىرگە تۇلعالاۋ» ءان - ءبيى سياقتى نومىرلەردە جاڭا ءداۋىر ماداقتالىپ، جاڭا داۋىرگە تالپىنۋ دارىپتەلىپ، شينجياڭداعى ءار ۇلت حالقىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، بەرەكە - بىرلىككە كەلىپ، ەل بىرلىگىنەن بەرىك قامال سوعىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بۇلجىماستان دايەكتىلەندىرىپ، كورىكتى شينجياڭدى كوركەيتىپ، وتان ارمانىن بىرگە جۇزەگە اسىراتىن ورتاق جۇرەك ءۇنى شىنايى سۇيىسپەنشىلىكپەن ايگىلەندى.
ەڭ سوڭىندا بۇكىل الاڭداعىلار ورىندارىنان تۇرىپ، بىركەلكى داۋىسپەن «وتاندى جىرلايمىز» ءانىن اسقاقتاتا شىرقادى، مەملەكەت تۋى جەلبىرەپ، ءان اۋەنى اسقاقتاپ، ساۋىق كەش تىڭ ورلەۋگە كوتەرىلدى. تۇتاس ساۋىق كەش تارتىمدى بولىپ، ءار ۇلت كورەرمەندەرىنەن شاتىرلاعان شاپالاق ءۇنى كوتەرىلدى.
اۆتونوميالى رايوندىق پارتكومنىڭ تۇراقتى مۇشەلەرى شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، جي جىڭ، سارقىت اقان، ياڭ شين، جاڭ چۇنلين جانە اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى باسشىلارى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى نەگىزگى جاۋاپتى جولداستار، زەينەتكە، دەمالىسقا شىققان ساقا جولداستار، ءار ۇلت، ءار سالا، ءار كاسىپ ۋاكىلدەرى كونسەرتتى كوردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
