جۇڭحۋا ۇلتى ورتاق تۇلعا تانىمىن ۇزدىكسىز بەكەمدەيىك
− باس شۋجي شي جينپيڭنىڭ مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
2019.09.30 10:30 كەلۋ قاينارى : شينجياڭ گازەتى
”56 جۇلدىز، 56 شوق گۇل، 56 ۇلت اعا - باۋىر، اپەكە - ءسىڭلى ءبىر ءۇيلى جانداي“. جۇڭحۋا ۇلتى مەن ءار ۇلتتىڭ قارىم - قاتىناسىن وبرازدى ەتىپ ايتقاندا، ءبىر ۇلكەن وتباسى مەن وتباسى مۇشەلەرىنىڭ قارىم - قاتىناسى؛ ءار ۇلت اراسىنداعى قارىم - قاتىناس ءبىر ۇلكەن وتباسىنداعى تۇرلىشە مۇشەلەردىڭ قارىم - قاتىناسى.
”ۇلتتاردىڭ ءبىر ءۇيلى جانداي ەتەنەلىگى جۇڭحۋا ۇلتىنىڭ ۇلى گۇلدەنۋىنىڭ، ءسوز جوق، جۇزەگە اسۋىنىڭ ءتۇبىرلى كەپىلى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇلتتار ىنتىماعى، العاباسارلىعى ىستەرىن نەگىزدىك ءىس رەتىندە ويداعىداي مىقتى يگەرۋىمىز كەرەك“. مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىندا باس شۋجي شي جينپيڭ جۇڭحۋا ۇلتىنىڭ قالىپتاسۋ جانە دامۋ تاريحىن تەرەڭ سۇيىسپەنشىلىكپەن ەسكە الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ىشكى قوزعاۋشى كۇشىن ىشكەرىلەي ايگىلەپ، جۇڭحۋا ۇلتى ورتاق تۇلعا تانىمىن بەكەمدەۋ، بىرگە ىنتىماقتاسا كۇرەس جۇرگىزۋدىڭ، بىرگە گۇلدەنىپ، دامۋدىڭ قۇدىرەتتى كۇشىن ۇيىستىرۋ ءۇشىن قۇلشىنۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى.
”مەملەكەتتىڭ جەرى مىڭداعان لي كەڭ، بۇل جۇرتشىلىق قونىستاناتىن جەر“. ءبىزدىڭ ۇلان - بايتاق جەرىمىزدى ءار ۇلت بىرگە اشقان. ءار ۇلت بۇرىنعىلار ارىپ - شارشاپ ءجۇرىپ، قاجىرلىلىقپەن ىلگەرىلەپ، وتاننىڭ كوركەم تاۋ - سۋىن بىرگە اشتى. بۇگىنگى تاڭدا 9 ميلليون 600 مىڭ شارشى كيلومەتردەن استام مەملەكەت تەرريتورياسى شۇرايلى دا كەڭ - بايتاق، بۇل ءار ۇلت بۇرىنعىلار بىزگە قالدىرعان قاسيەتتى مەكەن ءارى جۇڭحۋا ۇلتى سۇيەنىپ تىرشىلىك ەتكەن، دامىعان كورىكتى مەكەن. ءبىزدىڭ ۇزاق تاريحىمىزدى ءار ۇلت بىرگە جازعان. چين مەن حاننىڭ ايبىنى، ۇلى تاڭنىڭ سالتاناتى، كاڭشي - چيانلۇڭ زامانىنداعى گۇلدەنۋدىڭ بارلىعىن ءار ۇلت بىرگە سومداعان تاريح. بۇگىن ءبىز جۇڭگو ارمانىن جۇزەگە اسىرۋدا ءار ۇلت حالقىنىڭ كۇشىنە مىقتاپ سۇيەنەمىز. ءبىزدىڭ شۇعىلالى مادەنيەتىمىزدى ءار ۇلت بىرگە جاراتقان. جۇڭحۋا مادەنيەتى ءار ۇلت مادەنيەتىنىڭ شوعىرلى جيناعى. جۇڭحۋا مادەنيەتىنىڭ وسىنشاما كەرەمەتكە تولى، ويعا شۇلەن بولۋىنىڭ سەبەبى، ونىڭ بارلىعىن ءبىر بويىنا جيناقتاعان سيىسىمدى ەرەكشەلىگىنەن بايقالادى. ءار ۇلت مادەنيەتى ءوزارا توعىسىپ نۇر - شۇعىلا شاشىپ، جۇڭحۋا مادەنيەتى ۋاقىت وتكەن سايىن جاڭعىردى، بۇل بۇگىنگى ءبىزدىڭ قۇدىرەتتى مادەنيەت سەنىمىمىزدىڭ ءتۇپ توركىنى. ءبىزدىڭ ۇلى رۋحىمىزدى ءار ۇلت بىرگە جەتىلدىردى. تاريحتىڭ سالقار كوشىندە ءار ۇلت وتانشىلدىقتى وزەك ەتكەن ۇلى ۇلت رۋحىن بىرگە سومدادى. جۇڭحۋا ۇلتى رۋحى ءار ۇلت حالقىنىڭ قانى مەن جانىنا تەرەڭ ءسىڭىپ، جۇڭگونىڭ دامۋىن، العا باسۋىن ىلگەرىلەتۋدىڭ قۇدىرەتتى رۋحاني قوزعاۋشى كۇشىنە اينالعان.
جۇڭگو تاريحى ءار ۇلتتىڭ كوپ نەگىزدى، ءبىر تۇلعالى جۇڭحۋا ۇلتى بولىپ توعىسىپ شوعىرلانۋ تاريحى، ءار ۇلتتىڭ ءبىر تۇتاس ۇلى وتاندى بىرگە قالاۋ، دامىتۋ، بەكەمدەۋ تاريحى دەۋگە بولادى. ۇلتتاردىڭ ىنتىماقتاسىپ توعىسۋى، كوپ نەگىزدە شوعىرلانىپ ءبىر تۇلعاعا اينالۋى ۇلتتاردىڭ مادەنيەتتەگى ءبارىن قابىلداپ قوردالاندىرۋىنان، ەكونوميكاداعى ءوزارا ءبىر - بىرىنە سۇيەنىپ كۇنەلتۋىنەن، سۇيىسپەنشىلىكتەگى ءوزارا جاقىندىعىنان باستاۋ الادى، جۇڭحۋا ۇلتىنىڭ ىنتىماقتاسىپ، ءبىر تۇتاستانۋىنداعى ىشكى قوزعاۋشى كۇشىنەن باستاۋ الادى. ءدال وسىنداي بولعاندىقتان دا، جۇڭحۋا وركەنيەتى تەڭدەسسىز باۋىرمالدىق پەن قابىلداۋ قۋاتىنا يە بولىپ، ۇزاق ۋاقىت جالعاسىپ، بارعان سايىن ۇلعايىپ، تامىرىن تەرەڭگە جايىپ، جاپىراعى جايقالا ءتۇستى.
ۇلى وتانىمىزدىڭ جەرى كەڭ، وركەنيەتى ۇزاق تاريحقا يە، جۇڭحۋا ۇلتىنىڭ كوپ نەگىزدى، ءبىر تۇلعاسى − الدىڭعىلاردىڭ بىزگە قالدىرعان مول مۇراسى ءارى ەلىمىز دامۋىنىڭ وراسان زور ارتىقشىلىعى. جۇڭحۋا ۇلتىنىڭ كوپ نەگىزدى، ءبىر تۇلعالى جاعدايىندا، ءبىر تۇلعا كوپ نەگىزدى قامتيدى، كوپ نەگىز ءبىر تۇلعانى قۇرايدى؛ ءبىر تۇلعا كوپ نەگىزدەن ايرىلا المايدى، كوپ نەگىز دە ءبىر تۇلعادان ايرىلا المايدى؛ ءبىر تۇلعا نەگىزگى جەلى جانە بەتالىس، كوپ نەگىز ماڭىزدى فاكتور مەن قوزعاۋشى كۇش. جۇڭحۋا ۇلتى ءبىر تاعدىرلاس ورتاق تۇلعا، جاقسىلىقتا دا، جاماندىقتا دا بىرگە بولادى. ءار ۇلت تەك ءوزىنىڭ تاعدىرىن جۇڭحۋا ۇلتىنىڭ تاعدىرىمەن تىعىز بايلانىستىرعاندا عانا، بولاشاعى بولادى، ۇمىتكە تولى بولادى. ءار ۇلتتىڭ ىنتىماقتاسا كۇرەس جۇرگىزىپ، بىرگە گۇلدەنۋى − جۇڭحۋا ۇلتىنىڭ كوركەيۋىنىڭ نەگىزى، تىرلىگىنىڭ تىرەگى، كۇشىنىڭ قاينارى.
تاريحقا قايىرىلا قاراساق، ەلىمىزدەگى ءار ۇلت حالقىنىڭ تىنىستاس، تاعدىرلاس، جۇرەكتەس بولعان كۇرەس جۇرگىزۋ ساپارى جۇڭحۋا ۇلتىنىڭ مىعىم ۇيىسۋ قۋاتى مەن كەرەمەت جاسامپازدىعىنىڭ ماڭىزدى قاينار كوزى. بولاشاققا كوز تاستاساق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءار ۇلتتىڭ قول ۇستاسا، تىزە قوسا وتىرىپ، بىرگە قۇلشىنا كۇرەس جۇرگىزۋىن قاجەت ەتەدى. جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، ءار ۇلتتىڭ اناردىڭ دانىندەي تىعىز ۇيىسۋىن جەبەپ، جۇڭحۋا ۇلتىنىڭ باۋىرمالدىعى اناعۇرلىم كۇشتى، ۇيىسۋ قۋاتى اناعۇرلىم زور تاعدىرلاس ورتاق تۇلعاعا قاراي بەت الۋىن ىلگەرىلەتسەك بولعانى، ءبىز كورىكتى مەكەندى بىرگە قۇرىپ، كوركەم بولاشاقتى بىرگە جاراتا الامىز!(شينحۋا اگەنتتىگىنىڭ 9 - ايدىڭ 28 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
