مەملەكەتتىك كەڭەستىڭ اقپارات كەڭسەسى «جاڭا داۋىردەگى جۇڭگو جانە دۇنيە ءجۇزى» اق تىستى كىتابىن جاريالادى
2019.09.30 10:31 كەلۋ قاينارى : شينجياڭ گازەتى
شينحۋا اگەنتتىگىنىڭ 9 - ايدىڭ 27 - كۇنى بەيجيڭنەن بەرگەن حابارى (تىلشىلەر ياڭ يجۇن، ۋىن شين). جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى بايلانىسىمەن، مەملەكەتتىك كەڭەستىڭ اقپارات كەڭسەسى 9 - ايدىڭ 27 - كۇنى «جاڭا داۋىردەگى جۇڭگو جانە دۇنيە ءجۇزى» اق تىستى كىتابىن جاريالادى. ورتالىق كوميتەت ۇگىت ءبولىمىنىڭ ورىنباسار باستىعى، مەملەكەتتىك كەڭەس اقپارات كەڭسەسىنىڭ مەڭگەرۋشىسى شۇي لين مىنالاردى ءبىلدىردى: اق تىستى كىتاپ ”جۇڭگو قايدان كەلگەن، قايدا بارادى“، ”جۇڭگو قانداي دۇنيە ءجۇزىن قۇرۋدى ىلگەرىلەتەدى“، ”دامىعان جۇڭگو دۇنيە جۇزىمەن قالاي قاتار تۇرادى“ سياقتى ماسەلەلەردى توڭىرەكتەي وتىرىپ، جۇڭگونىڭ دامۋ جەتىستىكتەرىن، دامۋ جولىن، دامۋ بەتالىسىن جۇيەلى تانىستىرىپ، جۇڭگو مەن دۇنيە ءجۇزىنىڭ قارىم - قاتىناسىن ىشكەرىلەي بايانداپ، حالىقارالىق قوعامنىڭ جۇڭگونىڭ دامۋى جونىندەگى تانىمى مەن تۇسىنىگىن تەرەڭدەتتى.
اق تىستى كىتاپتا مىنالار اتاپ كورسەتىلدى: 70 جىلدان بەرى، جۇڭگو كوممۋنيستىك پارتياسىنىڭ باسشىلىعىندا، جۇڭگودا وراسان زور وزگەرىستەر تۋىلىپ، ادامزات تاريحىندا بۇرىن بولىپ كورمەگەن دامۋ كەرەمەتى جاراتىلدى، اسىرەسە، پارتيا 18 - قۇرىلتايىنان بەرى جۇڭگونىڭ دامۋى تاريحي جەتىستىكتەرگە قول جەتكىزىپ، تاريحي وزگەرىس تۋىلدى. جۇڭگونىڭ دۇنيە جۇزىنە جاسايتىن ىقپالى ەجەلدەن بۇگىنگىدەي جان - جاقتى، تەرەڭ، ۇزاق ۋاقىت بولىپ كورگەن جوق؛ دۇنيە ءجۇزىنىڭ جۇڭگوعا نازار اۋدارۋى دا ەجەلدەن بۇگىنگىدەي كەڭ، شىنايى، شوعىرلى بولىپ كورگەن جوق.
اق تىستى كىتاپتا كوپ مولشەردەگى ساندى مالىمەتتەر مەن فاكتتەر ارقىلى 70 جىلدان بەرگى جۇڭگونىڭ دامۋىنىڭ وراسان زور جەتىستىكتەرى، كەلەلى ءمانى، دۇنيە جۇزىنە قوسقان ۇلەسى تانىستىرىلدى. اق تىستى كىتاپتا مىنالار اتاپ كورسەتىلدى: جۇڭگو نەشە ونداعان جىل ۋاقىتتا دامىعان ەلدەر نەشە جۇزدەگەن جىلدا باسقان دامۋ بارىسىن باسىپ ءوتىپ، ەكونوميكاسىنىڭ جالپى مولشەرى دۇنيە جۇزىندە 2 - ورىنعا شىعىپ، ءبىر ميلليارد 400 ميلليونعا جۋىق حالىق زاتتىق ماتەريال تاپشىلىعىنان ارىلىپ، جالپى تۇلعالىق جاقتان دوڭگەلەك داۋلەتتى ورەگە جەتىپ، بۇرىن بولىپ كورمەگەن ابروي مەن ۇقىققا كەنەلدى. اق تىستى كىتاپتا مىنالار باسا دارىپتەلدى: 70 جىلدان بەرى، جۇڭگو حالقى قۇر الاقان كۇيى شارۋاشىلىق قۇرىپ، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، جاڭاشا الەم اشتى؛ 70 جىلدان بەرى، جۇڭگو دۇنيە جۇزىمەن بايلانىسۋ، ىقپالداسۋ بارىسىندا دامىپ، دۇنيە جۇزىنە قۇشاق اشتى، دۇنيە جۇزىنەن ۇيرەندى، دۇنيە جۇزىنە ۇلەس قوستى؛ 70 جىلدان بەرى، جۇڭگو ءوزىن دامىتۋمەن بىرگە، دۇنيە ءجۇزىنىڭ بەيبىتشىلىگىنە ۇلەس قوسىپ، ءار ەلدىڭ بىرگە دامۋىنا قوزعاۋشى كۇش ۇستەدى.
اق تىستى كىتاپتا: 70 جىلدان بەرى، جۇڭگونىڭ دامۋىنىڭ ءساتتى بولۋىنىڭ ءتۇبىرلى سەبەبى، جۇڭگو كوممۋنيستىك پارتياسىنىڭ باسشىلىعىندا، جۇڭگو حالقى جۇڭگوشا سوتسياليزم سىندى دۇرىس دامۋ جولىن تاپقاندىعىندا ءارى وسى جولدى بويلاپ بۇلجىماستان جۇرگەندىگىندە، - دەپ اتاپ كورسەتىلدى. اق تىستى كىتاپتا مىنالار باسا دارىپتەلدى: جۇڭگوشا سوتسياليزم جولى − ءوز ەلىنىڭ مەملەكەت جاعدايىن شىعار ءتۇيىن ەتىپ بەلگىلەنگەن جول، حالىقتىڭ مۇددەسىن ماڭداي الدى ورىنعا قويعان جول، رەفورما جاساۋ، جاڭالىق اشۋ جولى، ەسىك اشۋ بارىسىندا بىرگە دامۋعا تالپىنعان جول، مەملەكەتتى جاپپاي زاڭ بويىنشا جونگە سالۋ جولى. جۇڭگونىڭ بۇل دامۋ جولى جۇڭگونىڭ مەملەكەت جاعدايىنا ۇيلەسەدى، ءداۋىر تالابىنا سايكەسەدى، ءداۋىردىڭ العا ىلگەرىلەۋىنە ىلەسە نۇرلى دامۋ كەلەشەگىن بارعان سايىن ايگىلەي تۇسەدى.
حالىقارالىق قوعامنىڭ جۇڭگونىڭ دامۋىن ءجىتى قاداعالاۋىنا مەڭزەس، اق تىستى كىتاپتا مىنالار باسا دارىپتەلدى: مەملەكەتتىڭ بايىپ قۇدىرەتتەنۋىن، ۇلتتىڭ گۇلدەنۋىن، حالىقتىڭ باقىتىن جۇزەگە اسىرۋ − جۇڭگو حالقىنىڭ ارمانى ءارى ءار ەل حالىقتارىنىڭ ورتاق ارمانى. جۇڭگونىڭ دامۋى دۇنيە ءجۇزى ءۇشىن وراي، حاۋىپ - قاتەر جانە سىن - سايىس ەمەس. اق تىستى كىتاپتا مىنالار اتاپ كورسەتىلدى: جۇڭگو دۇنيە ءجۇزى ەكونوميكاسى ارتۋىنىڭ نەگىزگى ورنىقتىرعىشى جانە قوزعاۋشى كۇش قاينارى، شار تاراپقا ەسىك اشۋ ءار ەلدىڭ دامۋىنا اناعۇرلىم كوپ وراي تۋدىرادى، جۇڭگو حالىقارالىق قوعامعا اناعۇرلىم كوپ الەۋمەتتىك ءونىم ازىرلەيدى، جۇڭگونىڭ دامۋى باسقا وركەندەپ كەلە جاتقان ەلدەرگە تاجىريبە مەن ۇلگى ازىرلەيدى، جۇڭگو استە ”مەملەكەت قۇدىرەتتەنسە، زورەكەر بولۋ“ جولىمەن جۇرمەيدى.
”دۇنيە جۇزىنە نە بولدى، ادامزات قايتۋ كەرەك“ دەگەن ءداۋىر سۇراۋىنا سايكەس، اق تىستى كىتاپتا مىنالار اتاپ كورسەتىلدى: بۇگىنگى تاڭداعى دۇنيە ءجۇزى ءجۇز جىلدا بولمايتىن ۇلكەن وزگەرىس ىشىندە تۇر، ادامزات قوعامى ۇمىتكە ءارى سىن - سايىسقا تولى. جۇڭگو ادامزاتتىڭ تاعدىرلاس ورتاق تۇلعاسىن قۇرىپ، سەلبەسىپ تەڭ يگىلىككە كەنەلۋ، بىرگە قۇرىپ تەڭ يگىلىكتەنۋ سىندى دامۋدىڭ تىڭ جولىن اشۋدى العا قويىپ، ادامزاتتىڭ دامۋىنا جاڭا تالعام ازىرلەدى. اق تىستى كىتاپتا ءار ەلدىڭ ىنتىماقتاسىپ، جاڭاشا حالىقارالىق قارىم - قاتىناس ورناتىپ، جاڭاشا ەكونوميكانىڭ جاھاندانۋىن ىلگەرىلەتىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى قورعاپ، وركەنيەتتەردىڭ اۋىس - كۇيىسىن، ءوزارا ۇلگى الۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتىپ، اناعۇرلىم كوركەم دۇنيە ءجۇزىن قۇرۋى جونىندە ۇندەۋ تاستالدى.
جۇڭگونىڭ كۇن سايىن دامۋىنا ىلەسە، حالىقارالىق قوعام دامىعان جۇڭگونىڭ دۇنيە جۇزىمەن قالاي قاتار تۇرۋىنا جاپپاي نازار اۋداردى. اق تىستى كىتاپتا مىنالار اتاپ كورسەتىلدى: جۇڭگونىڭ دامۋى دۇنيە جۇزىنەن ايرىلا المايدى، دۇنيە ءجۇزىنىڭ بەيبىتشىلىگى مەن دامۋى، گۇلدەنۋى مەن ورنىقتىلىعى جۇڭگودان ايرىلا المايدى. جۇڭگو قاشاندا وزىندىك دامۋدى ادامزات دامۋىنىڭ كوورديناتا جۇيەسىنە قويىپ، سەلبەسىپ تەڭ يگىلىككە كەنەلۋگە، بىرگە دامۋعا تاباندى بولادى، ەكونوميكانىڭ جاھاندانۋىن قورعاۋ مەن ىلگەرىلەتۋگە تاباندى بولىپ، الەمدىك سەرىكتەستىك قارىم - قاتىناستى بەلسەنە دامىتىپ، كوپ جاقتىلىقتى تاباندىلىقپەن قولداپ، حالىقارالىق ادىلدىك پەن تۋراشىلدىقتى قورعايدى، ”ءبىر بەلدەۋ، ءبىر جول“دى بىرگە قۇرۋدىڭ جوعارى ساپالى دامۋىن ىلگەرىلەتىپ، الەمدىك جونگە سالۋ جۇيەسى رەفورماسى مەن قۇرىلىسىنا بەلسەنە ات سالىسىپ جانە ونى جەتەكتەپ، قاشاندا دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولادى.
قازىر جۇڭگونىڭ دامۋى جاڭا داۋىرگە ءوتتى. اق تىستى كىتاپتا مىنالار اتاپ كورسەتىلدى: جاڭا داۋىردەگى جۇڭگونىڭ جۇڭگوشا سوتسياليزم جولىمەن ءجۇرۋ بەكىمى وزگەرمەيدى، باسقا ەلدەرمەن ءوزارا ۇيرەنۋ، ءوزارا ۇلگى الۋ، سەلبەسىپ تەڭ يگىلىككە كەنەلۋ بەكىمى وزگەرمەيدى، دۇنيە جۇزىمەن قول ۇستاسا بىرگە ىلگەرىلەۋ بەكىمى وزگەرمەيدى. بولاشاقتاعى جۇڭگو اناعۇرلىم اشىق، سيىسىمدى كۇيمەن دۇنيە جۇزىمەن قاۋىشىپ، دۇنيە جۇزىمەن اناعۇرلىم ءتيىمدى ىقپالداستىق قالىپتاستىرىپ، اناعۇرلىم العا باسقان جانە گۇلدەنگەن جۇڭگو مەن دۇنيە ءجۇزىن اكەلەدى.
اق تىستى كىتاپتىڭ سوڭىندا مىنالار اتاپ كورسەتىلدى: بۇگىنگى تاڭداعى دۇنيە جۇزىندە ءار ەلدىڭ بولاشاق تاعدىرى قازىرگىدەي تىعىز بايلانىسىپ كورمەگەن. ءاربىر مەملەكەت پەن دۇنيە ءجۇزىنىڭ بولاشاق تاعدىرى تىنىستاس، بىردەي نىسانامەن ىنتىماقتاسىپ، ورايدان تەڭ يگىلىكتەنىپ، سىن - سايىستاردى بىرگە قارسى العاندا عانا، ادامزاتتىڭ تاعدىرلاس ورتاق تۇلعاسىن قۇرىپ، اناعۇرلىم كوركەم دۇنيە ءجۇزىن قۇرىپ، اناعۇرلىم نۇرلى بولاشاققا بەت الۋعا بولادى.
«جاڭا داۋىردەگى جۇڭگو جانە دۇنيە ءجۇزى» اق تىستى كىتابى العى ءسوز، نەگىزگى مامۇن جانە سوڭعى سوزدەن قۇرالعان، جالپى 29 مىڭنان استام ارىپتەن تۇرادى. اق تىستى كىتاپ حانزۋ، اعىلشىن، فرانسۋز، ورىس، نەمىس، يسپان، اراب، جاپون سياقتى 8 تىلدە تاراتىلادى، حالىق باسپاسى، شەتەل تىلدەرى باسپاسىنان جەكە - جەكە باسىلىپ شىعىپ، بۇكىل ەلدەگى شينحۋا كىتاپ دۇكەندەرىندە تاراتىلادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
