بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شينجياڭ فاكتورى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى جەتىستىكتەر كورمەسىندە ايگىلەندى

2019.09.30 10:36     كەلۋ قاينارى : شينجياڭ گازەتى

  تىلشىلەرىمىز يۋان لەي، شى شين، ءپاريزات 9 - ايدىڭ 28 - كۇنى بەيجيڭنەن حابارلايدى. جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قيمىلىنىڭ ماڭىزدى قۇرامداس بولىگى رەتىندە، ”ۇلى بارىس، شۇعىلالى جەتىستىك − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى جەتىستىكتەر كورمەسى“ اشىلعاننان بەرى، كوپتىڭ نازارىن اۋداردى، مۇندا شينجياڭ فاكتورى شينجياڭ سىندى وسى جىبەك جولى مەرۋەرتىنىڭ شۇعىلالى ساۋلەسىن ءتىپتى دە ايگىلەي ءتۇستى.

  1949 - جىلدان 2019 - جىلعا دەيىن، جەتىستىكتەر كورمەسى جىلناما ۇلگىسى فورماسىنان پايدالانىپ، كورەرمەندەردى ۋاقىت تۋنەلىن بويلاپ، تاريحتىڭ جىل تەگەرشىگىنە ىلەسىپ، جاڭا جۇڭگونىڭ باسىپ وتكەن شۇعىلالى بارىسىن جان - جاقتى ەسكە تۇسىرۋگە جانە سەزىنۋگە باستادى. ءاربىر تاريحي سۋرەتتەر، ءاربىر جازبا ماتەريالدار مەن ناقتى زاتتار، ءاربىر ەگجەي - تەگجەيلى دە ناقتى تۇسىندىرمەلەر كورەرمەندەردىڭ وتانىمىزدىڭ دامۋى جونىندە جاندى دا تىكە اسەر بولۋىنا مۇمكىندىك جاسادى.

  قارامايلى مۇنايلىعى، لانجوۋ - شينجياڭ تەمىر جولى، شينجياڭعا باعىتتامالى كومەكتەسۋ، ءماشىراپ، شينجياڭ ءوندىرىس - قۇرىلىس بيڭتۋانىنىڭ شارۋاشىلىق قۇرعان كەزدەگى تۇرعان ”جەر كەپە“... 9 - ايدىڭ 28 - كۇنى ءتىلشى سول جەردەن جەتىستىكتەر كورمەسىندەگى شينجياڭ فاكتورىن بارلىق ورىننان كورۋگە بولاتىندىعىن بايقادى.

  1955 - جىلى 10 - ايدا شينجياڭ ۇيعۇر اۆتونوميالى رايونى قۇرىلدى، جۇڭگو كوممۋنيستىك پارتياسىنىڭ باسشىلىعىندا، شينجياڭداعى ءار ۇلت حالقى ۇلتتىق وڭىرلىك اۆتونوميا ۇقىعىنان تولىق يگىلىكتەنىپ، سوتسياليستىك شينجياڭ قۇرۋدىڭ ءداۋىر پاراعىن اشتى.

  1962 - جىلى 12 - ايدا لانجوۋ - شينجياڭ تەمىر جولى (لانجوۋ - ءۇرىمجى) سالىنىپ، شينجياڭعا تەمىر جول تۇتاسپاعان تاريح اياقتادى؛ 2016 - جىلى ”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسىندە شيحۋ قالاسى ءانجىحاي قىستاعى پارتيا ياچەيكاسى ”كوشپەلى پارتيا مەكتەبىن“ قۇرىپ، مال شارۋاشىلىق تۇيىندەرىندە پارتيا ۋستاۆىن ۇيرەنۋ سياقتى ياچەيكا قيمىلىن ورىستەتتى؛ شينجياڭ ۇيعۇر مۇقام كوركەمونەرى، «ماناس»، حۋا - ىر سياقتىلار بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمىنىڭ بەي زاتتىق مادەنيەت مۇرالار تىزىمدىگى (تىزىمدىك توپتامى) نىسانىنا ەنگىزىلدى... ءاربىر شۇعىلالى ساتتەر، ءاربىر تاريحي كەزدەر جەتىستىكتەر كورمەسىندە كورسەتىلىپ، شينجياڭنىڭ باستان - اياق داۋىرمەن بىرگە العا ىلگەرىلەپ، وتانمەن بىرگە دامىعان بارىسى ەستەلىككە الىندى.

  كورمەدە 150 ”جاڭا جۇڭگوداعى ءبىرىنشى“لەر جيناقتالىپ ەرەكشە كورسەتىلدى، مۇندا 1955 - جىلى 10 - ايدا، شينجياڭ جوڭعار ويپاتىنىڭ باتىس سولتۇستىك جيەگىندەگى قارامايلى تاۋى وڭىرىندەگى 1 - بارلاۋ قۇدىعىنان اتىلىپ شىققان مۇنايدان باستاپ قارامايلى مۇناي الابىنىڭ بايقالۋى؛ 2004 - جىلى 12 - ايدا، ەلىمىزدەگى ارالىعى ەڭ ۇزىن، ديامەترى ەڭ ۇلكەن گاز جەتكىزۋ قۇبىرى − باتىستىڭ گازىن شىعىسقا جەتكىزۋدىڭ رەسمي ىسكە قوسىلعاندىعى قامتىلعان.

  كورمەدە تاعى ءار 10 جىل ءبىر ءتۇيىن ەتىلىپ 7 قاھارمان ۇلگى قايراتكەر داۋالى تۇرعىزىلدى، مۇندا شينجياڭداعى پىڭ جيامۋ، قۇربان نياز، ۋاڭ گاڭ، ۋي دىيوۋ، جاڭ بياۋلاردىڭ اتى بار. وسى ”مەملەكەت البومى“نا ويىپ باسىلعان كەسكىندەر − كۇرەسكەرلەردىڭ بەينەسى ءارى شينجياڭدىقتاردىڭ ماقتانىشى.

  بۇكىل ەلدىڭ جەر - جەرىندەگى كورەرمەن تۇگەل جاڭا جۇڭگو قۇرىلعان 70 جىلدان بەرى قولعا كەلگەن جەتىستىكتەردى ماقتانىش سەزىنىپ ءارى كورمە ارقىلى شينجياڭدى ىشكەرىلەي تانىپ، بىرىنەن سوڭ ءبىرى شينجياڭنىڭ دامۋ وزگەرىستەرىن القادى. بەيجيڭ قالاسىنىڭ 62 جاستاعىتۇرعىنى ليۋ يۋەحۇي بىلاي دەدى: ”ۇدەرە العا تارتقان 70 جىلدا، تيانشاننىڭ تۇستىگى مەن تەرىستىگىندە تىڭ داستان جازىلدى، كورمە ارقىلى مەن شينجياڭنىڭ كونە سۋرەتتەرىن كوردىم، مۇنان دا ماڭىزدىسى شينجياڭنىڭ جاڭا وزگەرىستەرىن كوردىم، وتانىمىزدىڭ بارعان سايىن بايىپ، قۇدىرەتتەنۋىن، شينجياڭداعى ءار ۇلت حالقىنىڭ تۇرمىسىنىڭ بارعان سايىن جاقسارۋىن تىلەيمىن“.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار