بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

اناعۇرلىم تاماشا ءومىر كەشىرۋ ءۇشىن قۇلشىندى

  − شينجياڭ جۇڭتاي توبى توقسۇن ەنەرگيا حيميا سەرىكتەستىگى كاربيد 1 - سەحىنىڭ كەزەكشى باستىعى سايپيدەن يسىرايىل جونىندە

جاڭ رۇيلين

2019.10.09 13:51     كەلۋ قاينارى : شينجياڭ گازەتى

  9 - ايدىڭ 23 - كۇنى شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى توقسۇن ەنەرگيا حيميا سەرىكتەستىگى كاربيد 1 - سەحىنىڭ كەزەكشى باستىعى سايپيدەن يسىرايىل ونى - مۇنىسىن رەتتەپ، بەيجيڭگە بارۋعا دايىندالدى.

  ”مەملەكەتتىك ەڭبەك وزاتى بولعاننان باستاپ، مەن بەيجيڭگە تالاي باردىم، ءار جولى بارعانىمدا پارتيا مەن ۇكىمەتتىڭ ەڭبەكشىلەرگە دەگەن كوڭىل ءبولۋى مەن شابىتتاندىرۋىن سەزىنىپ قايتامىن. ءار جولى قايتقاندا مول تابىس ارقالاپ كەلەمىن، مەنىڭ جۇمىس ىنتام اناعۇرلىم كۇشەيە تۇسەدى“، - دەيدى سايپيدەن.

  ءبىر شارۋادان ونەركاسىپ جۇمىسشىسى بولعانعا دەيىن، پەشتەن شىعارۋ گرۋپپاسىنىڭ باستىعىنان كاربيد 1 - سەحىنىڭ كەزەكشى باستىعى بولعانعا دەيىن سايپيدەن مەملەكەتتە ءبىر تۇتاس قولدانىلاتىن ءتىل - جازۋدى قاجىرلىلىقپەن ۇيرەنۋ، تەحنيكانى قۇلشىنا زەرتتەۋ ارقىلى بىرتىندەپ ءوز ءومىرىن اناعۇرلىم تاماشا ەتىپ كەسكىندەپ شىقتى.

  ■ قاجىرلىلىقپەن ۇيرەنىپ، شەبەرلىگىن ءوسىردى

  ورتالاۋ مەكتەپ بىتىرگەن سوڭ سىرتقا شىعىپ جۇمىس ىستەۋدى تاڭداعان سايپيدەننىڭ سول كەزدەگى ارمانى ءوزىن سۇيەنىش ەتىپ كەلە جاتقان اتاسىن جاقسىراق تۇرمىسقا جەتكىزۋ ەدى. سول شاقتا ول ءوزىنىڭ بۇگىنگىدەي مەملەكەتتىك ەڭبەك وزاتى، اتاسىنىڭ ەڭ ۇلكەن ماقتانىشى بولارىن ويلاماعان ەدى.

  سەرىكتەستىككە العاش كەلگەندە، سايپيدەن توقسۇن ەنەرگيا حيميا سەرىكتەستىگىندە پەشتەن شىعارۋشى جۇمىسشى بولادى. ول كەزدە ءبىر باندە جالعىز سول عانا از ۇلت قىزمەتشىسى ەدى، پۋتۇڭحۋانى دۇرىس سويلەي الماعاندىقتان، ونىڭ قىزمەتتەستەرىمەن سويلەسۋى وتە قيىنعا سوعادى.

  ”تەك كەدەرگىسىز سويلەسە السام عانا، تەحنيكانى جەدەل يگەرە الامىن“ دەگەن سەنىممەن سايپيدەن مەملەكەتتە ءبىر تۇتاس قولدانىلاتىن ءتىل - جازۋدى قۇلشىنا ۇيرەنىپ، قىزمەت بارىسىندا ماسەلەگە جولىعا قالسا دەرەۋ ۇستازىنان ءتالىم الىپ، ءتىلىن جاتتىقتىرۋمەن قوسا، تەحنيكا ماسەلەسىن دە شەشىپ الاتىن بولدى. ەڭبەك ءتۇبى زەينەت دەگەن، كوپ وتپەي ول پەشتەن شىعارۋ گرۋپپاسىنىڭ باستىعى بولادى.

  گرۋپپا باستىعى بولعان سايپيدەن وسىعان توقمەيىلسىپ قالعان جوق، گرۋپپا باستىعى بولۋ تەحنيكادا توتەنشە ىسىلعان بولۋدى كورسەتەدى، سوندىقتان ول ۇيرەنۋگە ءتيىستى نارسە اناعۇرلىم كوپ بولدى. ءوزىنىڭ قاجىرلىلىعى مەن قۇلشىنىسىنىڭ ارقاسىندا، سايپيدەننىڭ قىزمەت قابىلەتى سەرىكتەستىكتە مويىندالىپ، 2015 - جىلى داڭقپەن مەملەكەتتىك ەڭبەك وزاتى بولىپ باعالانادى.

  ■ تەڭ يگىلىكتەنۋ بارىسىندا بىرگە ەسەيدى

  قىزمەت بارىسىندا، سايپيدەن باسقالارمەن تەڭ يگىلىكتەنۋگە پەيىل بولىپ، قانداي دا ءبىر ءادىس - امال ۇيرەنە قالسا ەشتەڭەسىن بۇگىپ - جاسىرماي قىزمەتتەستەرىنە ايتىپ بەرەدى. كوپ جىلدان بەرى، كاربيد پەشىنەن قانداي ماسەلە شىقسا دا، سايپيدەن ىلعي دا امالىن تاۋىپ شەشىپ كەلەدى.

  ”كوپشىلىكتىڭ تەحنيكا ماسەلەسىن شەشۋىنە كومەكتەسۋ عانا مەنىڭ اناعۇرلىم قۇلشىنا زەرتتەۋ - ۇڭىلۋىمە تۇرتكى بولا الادى، بۇل ءوزى جاقسى اينالىس، بۇل مەنىڭ تەحنيكادا اناعۇرلىم ىسىلعان ادام بولۋىما كومەكتەسەدى“، - دەيدى سايپيدەن.

  بۇگىندەرى سەرىكتەستىكتەگى از ۇلت قىزمەتكەرلەر%40تەن استى، كوپتەگەن ادام العاش كەلە قالعاندا، قىزمەتتىڭ رەت - ءتارتىبىن بىلمەي، ءبان، گرۋپپا قۇرۋ قىزمەتتەرىن تۇسىنبەگەندىكتەن، قارىم - قاتىناستا ءبىراز كەدەرگىلەر بولىپ، قىسىم اۋىر بولعانداي سەزىنەتىن ەدى، سايپيدەن بۇنى بىلگەننەن كەيىن، جاڭا قىزمەتكەرلەرگە ءوزىنىڭ قىزمەتتەن العان اسەرىن، ءوسىپ - جەتىلۋ بارىسىن ىرىقتىلىقپەن ايتىپ بەرەدى.

  سايپيدەن جاڭا قىزمەتكەرلەرگە ءوزىنىڭ دە جاڭا قىزمەتكەر بولىپ باستاعاندىعىن، قايتەرىن بىلمەي اڭتارىلعان كەزدەرى بولعاندىعىن، الايدا ءدال سونىڭ ءوسىپ - جەتىلۋدەگى قوزعاۋشى كۇشكە اينالعاندىعىن ايتىپ بەردى. ول ءوزىنىڭ وسى كەشىرمەلەرىنىڭ جاڭا قىزمەتكەرلەردىڭ سەنىمدى بەكەمدەۋلەرىنە، بىرتىندەپ ءومىر جولىنا ويداعىداي تۇسۋىنە كومەكتەسۋىن تىلەدى.

  ■ اناعۇرلىم كوپ ادامنىڭ ارمانىن ورىنداۋىنا كومەكتەستى

  كەزىندەگى سايپيدەن ءوزىنىڭ كۇندەردىڭ ءبىر كۇنى وسىنداي كوپ داڭققا قول جەتكىزەتىندىگىن مۇلدە ويلاماعان ەدى، ول سەرىكتەستىك پەن قىزمەتتەستەرىنىڭ ونىڭ ەسەيىپ - تولىسۋىنا كومەكتەسىپ كەلە جاتقاندىعىن، پارتيانىڭ جاقسى ساياساتى ونى ءتىپتى دە ۇزدىك ادامعا اينالدىرعاندىعىن ايتتى.

  2017 - جىلى 3 - ايدا سايپيدەن مەملەكەتتىك ەڭبەك وزاتى رەتىندە جۇڭگو ەڭبەك قاتىناسى شۋەيۋانىنا ءبىلىم اسىرۋعا باردى. وسى مەزگىلدە سايپيدەن ءوز بويىنداعى جاۋاپكەرشىلىكتى ونان ارى تانىپ جەتتى، ياعني قاي - قاشان دا وزىنە قاتاڭ تالاپ قويىپ، ءىس جۇزىندىك ارەكەتىمەن جاڭا ءداۋىردىڭ كۇرەسكەرى بولىپ، پارتيا مەن ۇكىمەتتىڭ قامقورلىعىن اقتاپ، كاسىپورىننىڭ تاربيەلەگەن ۇمىتىنەن شىعۋ ەدى. ونىڭ جاڭا ارمانى بولدى، ءتىپتى دە كومەككە ءزارۋ جاندارعا مۇمكىندىگىنشە كومەكتەسىپ، قوعامعا، كاسىپورىنعا اناعۇرلىم قۇندى ادام بولۋدى ءۇمىت ەتتى.

  بيىل 2 - ايدا سايپيدەن كەريا اۋدانى سيەك اۋىلىنا بارىپ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسۋدى ءوتىنىش ەتتى، ول ءوزىنىڭ ۇيرەنگەن بىلىمدەرى ارقىلى اۋىلداستاردى كەدەيلىكتەن ارىلىپ، بايۋعا جەبەۋدى ءۇمىت ەتتى.

  ”بەيجيڭدە ۇيرەنگەن كەزىمدە، پارتيا مەن مەملەكەتتىڭ شينجياڭعا دەگەن قامقورلىعى مەن قولداۋىن تەرەڭ سەزىندىم، پارتيا مەن ۇكىمەتتىڭ ەڭبەكشىلەرگە دەگەن قامقورلىعى مەن ايالاۋىن سەزىندىم. پارتيانىڭ جاقسى ساياساتتارىن اناعۇرلىم كوپ ادامعا جەتكىزەمىن، سونداي - اق ءوزىمنىڭ قۇلشىنىسىم ارقىلى ۇزدىكسىز قۇلشىنىپ جاتقان ادامداردىڭ ارماندارىن تەزىرەك ورىنداۋىنا كومەكتەسەمىن“، - دەدى سايپيدەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار