بۋدان كۇرىشتىڭ قيىن وتكەلىنەن قامال الۋ
2019.10.09 13:52 كەلۋ قاينارى : شينجياڭ گازەتى
1973 - جىلى 10 - ايدا سۋجوۋدا اشىلعان بۇكىل مەملەكەتتىك كۇرىش عىلمي زەرتتەۋ ماجىلىسىندە يۋان لۇڭپيڭ جۇڭگونىڭ ۇشكىل بۋدان كۇرىشتىڭ ”3 جۇيەسىن“ سايكەستىرۋدە تابىسقا جەتكەندىگىن رەسمي جاريالادى.
بۇل جەتىستىك يۋان لۇڭپيڭ ۋاكىل بولعان عىلمي زەرتتەۋ قىزمەتكەرلەرىنىڭ كوپ جىلدان بەرى دەن قويا زەرتتەۋ جۇرگىزۋىنىڭ جەمىسى. 1960 - جىلى 7 - ايدا حۋناننىڭ چيانياڭ اۋىل شارۋاشىلىق مەكتەبىنىڭ وقىتۋشىسى مىندەتىندەگى يۋان لۇڭپيڭ تاجىريبە اتىزىنان ءبىر تابيعي بۋدان كۇرىش ساباعىن بايقاپ، بۋدان كۇرىش جونىندە زەرتتەۋ جۇرگىزىپ، استىق ءونىم مولشەرىن جوعارىلاتۋ ويىنا كەلەدى. 1966 - جىلى يۋان لۇڭپيڭ ءوزىنىڭ تۇڭعىش ماڭىزدى ديسسەرتاتسياسى «كۇرىش اتالىعىنىڭ جەتىلمەۋ قاسيەتى»ن جاريالاپ، وسىدان باستاپ بۋدان كۇرىشتى زەرتتەۋدىڭ العاشقى نىق قادامىن باسادى.
1970 - جىلى كۇزدە يۋان لۇڭپيڭنىڭ ”تۋىستىعى الىس جابايى كۇرىش پەن قول ەككەن كۇرىشتى بۋدانداستىرۋ“ ويىنا ساي، شاكىرتى لي بيحۋ حايناننان اتالىعى جەتىلمەيتىن ءبىر ءتۇپ ساباقتى تابادى. اۋىستىرىپ جەتىلدىرۋدەن شىققان اتالىعى جەتىلمەيتىن 3 تۇقىمعا ”يەباي“دەپ ات قويىپ، ”3 جۇيە“نى سايكەستىرۋگە قامال الۋ ءتۇيىنىن اشىپ بەرەدى.
1972 - جىلى بۋدان كۇرىش مەملەكەتتىڭ ءتۇيىندى عىلمي زەرتتەۋ نىسانىنا ەنگىزىلىپ، جۇڭگو اۋىل شارۋاشىلىعى، ورمان شارۋاشىلىعى عىلىم اكادەمياسى مەن حۋنان ولكەلىك اۋىل شارۋاشىلىعى عىلىم اكادەمياسىنىڭ باسقارۋىندا بۇكىل ەلدىڭ كۇشىن ۇيىمداستىرىپ سايكەسە قامال الۋ جۇرگىزىلەدى. 1973 - جىلى ”اتالىعى جەتىلمەيتىن سورت جۇيەسى“ مەن ”اۋەلگى سورتىن ساقتاۋ جۇيەسى“نەن قامال الۋ نەگىزىندە، جاڭ شيانچىڭ قاتارلىلار شىعىس وڭتۇستىك ازيا سورتى اراسىنان ارتىقشىلىعى كورنەكتى، توزاڭدىعى تولىق جەتىلگەن، گۇل توزاڭ مولشەرى كوپ، قالپىنا كەلۋ دەڭگەيى ％90تەن جوعارى بولعان ”قالپىنا كەلۋ سورت جۇيەسى“ن تاۋىپ شىعادى. ”3 جۇيە“ اقىرى ءساتتى سايكەستىرىلەدى!
1974 - جىلى حۋنان بۋدان كۇرىشتى سىناق رەتىندە ەگە باستايدى. 1976 - جىلى بۇكىل ەلدەگى ۇلگى كورسەتىپ جالپىلاستىرىلعان جەر اۋماعى 2 ميلليون 80 مىڭ مۋدان استامعا كەڭەيىپ، بارلىعىنىڭ ءونىم مولشەرى ％20تەن اسادى. 1976 - جىلى بۇكىل ەلدىڭ استىق جالپى ءونىم مولشەرى 286 ميلليون 310 مىڭ تونناعا جەتىپ، 1965 - جىلداعىدان ％47.2 ارتادى. 1976 - جىلدان 1987 - جىلعا دەيىن، جۇڭگونىڭ بۋدان كۇرىشىنىڭ ءونىم مولشەرى جيىنى 100 ميلليون توننادان اسىپ، جىلىنا ارتقان كۇرىش ءونىم مولشەرى 60 ميلليوننان استام ادامدى باعۋعا بولاتىن بولدى.
بۋدان كۇرىش ەگۋ اۋماعىنىڭ كەڭەيتىلۋى ەلىمىزدىڭ استىق ءونىم مولشەرىنىڭ ارتۋىنا زور ۇلەس قوستى. ەلىمىز ايبىندى تۇردە مىنانى جاريالاي الاتىن بولدى: دۇنيە ءجۇزى ەگىستىك جەر اۋماعىنىڭ ％10ىنە دە جەتپەيتىن ەگىستىك جەرمەن دۇنيە ءجۇزى جان سانىنىڭ ％22ىن يەلەيتىن حالىقتىڭ استىق ماسەلەسىن شەشتىك.
(شينحۋا اگەنتتىگىنىڭ 10 - ايدىڭ 5 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
