ءتوراعا شي جينپيڭ ءۇندىستانعا بارىپ جۇڭگو - ءۇندىستان باسشىلارىنىڭ 2 - رەتكى بەيرەسمي ءديدارلاسۋىنا قاتىناسادى ءارى نەپالدا مەملەكەتتىك ساپاردا بولادى
سىرتقى ىستەر مينيسترلىگى جۇڭگولىق، شەتەلدىك اقپارات قۇرالدارىنا قۇلاق قاعىس ەتۋ جيىنىن اشىپ، قاتىستى جاعدايلاردى تانىستىردى
2019.10.11 13:15 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - ايدىڭ 9 - كۇنى بەيجيڭنەن بەرگەن حابارى (ءتىلشى ۋاڭ جولۇن). سىرتقى ىستەر مينيسترلىگى 10 - ايدىڭ 9 - كۇنى جۇڭگولىق، شەتەلدىك اقپارات قۇرالدارىنا قۇلاق قاعىس ەتۋ جيىنىن اشتى. سىرتقى ىستەر مينيسترلىگىنىڭ ورىنباسار مينيسترى لو جاۋحۇي مەملەكەت ءتوراعاسى شي جينپيڭنىڭ جاقىن ارادا ءۇندىستانعا بارىپ جۇڭگو - ءۇندىستان باسشىلارىنىڭ 2 - رەتكى بەيرەسمي ءديدارلاسۋىنا قاتىناساتىندىعىنا، سونداي - اق نەپالدا مەملەكەتتىك ساپاردا بولاتىندىعىنا قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.
لو جاۋحۇي مىنالاردى اتاپ كورسەتتى: ءتوراعا شي جينپيڭ ءۇندىستاننىڭ زۇڭليى موديدىڭ جانە نەپالدىڭ زۇڭتۇڭى بانداريدىڭ ۇسىنىسىمەن، 10 - ايدىڭ 11 - كۇنىنەن 13 - كۇنىنە دەيىن جەكە - جەكە ءۇندىستاننىڭ چەننايىنا بارىپ جۇڭگو - ءۇندىستان باسشىلارىنىڭ 2 - رەتكى بەيرەسمي ءديدارلاسۋىنا قاتىناسادى، نەپالدا مەملەكەتتىك ساپاردا بولادى. بۇل رەتكى ساپار جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سالتاناتپەن قۇتتىقتاعاننان كەيىن ءتوراعا شي جينپيڭنىڭ تۇڭعىش ساپارى ءارى جۇڭگو مەملەكەت ءتوراعاسىنىڭ 23 جىلدان كەيىن نەپالعا قايتالاي ساپارلاۋى، بۇل جۇڭگو مەن ءۇندىستاننىڭ، جۇڭگو مەن نەپالدىڭ، ءتىپتى، جۇڭگو مەن وڭتۇستىك ازيانىڭ قارىم - قاتىناسىنىڭ دامۋىنا تىڭ قوزعاۋشى كۇش ۇستەپ، وڭىرلىك ۇلاسۋدى، تۇتاسۋدى كۇشەيتۋگە جانە ەكونوميكا - ساۋداداعى ناقتى سەلبەستىككە تىڭ كەڭىستىك اشۋعا، وڭىردەگى حالىقتاردىڭ ءوزارا سەنىمدىلىگى مەن دوستىعىن ارتتىرۋعا جاڭا تۇعىر ورناتىپ، دۇنيە ءجۇزىنىڭ بەيبىتشىلىگى مەن گۇلدەنۋىنە تىڭ ۇلەستەر قوسادى.
لو جاۋحۇي مىنالاردى ءبىلدىردى: جۇڭگو مەن ءۇندىستان بىردەي وركەندەپ كەلە جاتقان مەملەكەتتەر جانە بازارى جاڭادان گۇلدەنگەن ەلدەر ءارى دۇنيە جۇزىندەگى ءبىر ميلليارد جان سانى بار ەكى ءىرى ەل. جۇڭگو مەن ءۇندىستاننىڭ قول ۇستاسىپ سەلبەسۋى ءبىر - ءبىرىنىڭ دامۋىن دەمەپ قانا قالماستان، دۇنيە ءجۇزىنىڭ كوپ ۇيەكتەنۋى مەن ەكونوميكانىڭ جاھاندانۋىنىڭ اياق الىسىن ىلگەرىلەتۋگە، وركەندەپ كەلە جاتقان ەلدەردىڭ ورتاق مۇددەسىن قورعاۋعا ءتيىمدى. ەكى ەل باسشىسى بىلتىر ۋحاندا تۇڭعىش بەيرەسمي ءديدارلاسۋ وتكىزگەننەن بەرى، جۇڭگو مەن ءۇندىستاننىڭ ءار سالاسىنداعى اۋىس - كۇيىس، سەلبەستىك جان - جاقتى ىلگەرىلەپ، قاتىستى الاۋىزدىقتار ۇيلەسىمدى تىزگىندەلىپ، ەكى ەلدىڭ قارىم - قاتىناسى ورنىقتى جاقسارۋداي جاڭا كەزەڭگە قادام باستى. چەننايداعى كەزىندە، ءتوراعا شي جينپيڭ مودي زۇڭليمەن الەم اۋقىمى جونىندە ۇزدىكسىز اڭگىمەلەسىپ، ايداعار مەن ءپىلدىڭ بىرگە بيلەۋىنە تالداۋ جاساپ، جۇڭگو - ءۇندىستان قارىم - قاتىناسى دامۋىنداعى جالپى جاعداي سيپاتىن، ۇزاق ۋاقىتتىق سيپات الاتىن جانە ستراتەگيالىق سيپات الاتىن ماسەلەلەر جونىندە ىشكەرىلەي پىكىرلەسىپ، كەلەسى كەزەڭدەگى جۇڭگو - ءۇندىستان قارىم - قاتىناسى دامۋىنىڭ نەگىزگى ارناسىن تۇراقتاندىرىپ، بەتالىسىن ايقىنداپ، دۇنيە جۇزىنە جۇڭگو مەن ءۇندىستاننىڭ بىركەلكى ءۇنىن تاراتىپ، كەزەكتەگى تۇراقسىزدىققا تولى دۇنيە جۇزىنە ورنىقتىلىق ازىرلەپ، وڭ ەنەرگيا ۇستەيدى.
لو جاۋحۇي مىنالاردى ءبىلدىردى: نەپال جۇڭگومەن تاۋ - سۋى جالعاسقان دوس كورشى ەل ءارى جۇڭگونىڭ وڭتۇستىك ازياداعى ”ءبىر بەلدەۋ، ءبىر جول“ سەلبەستىگىن ىلگەرىلەتۋدەگى ماڭىزدى سەرىگى. ديپلوماتيالىق قارىم - قاتىناس ورناتقاننان بەرى، ەكى ەل تەڭ تۇرعىدا مامىلە جاساسىپ، ءوزارا قۇرمەتتەپ، ءوزارا قولداپ، تۇرلىشە ۇلكەندى - كىشىلى جانە تۇرلىشە قوعامدىق تۇزىمدەگى مەملەكەتتەر اراسىندا تاتۋ - ءتاتتى قاتار تۇرۋدىڭ، ءوزارا تيىمدىلىك جەتكىزىپ سەلبەسۋدىڭ ۇلگىسىن ورناتتى. وسى رەتكى تاريحي سيپاتتى ساپار، ءسوز جوق، تاريحي سيپاتتى ىقپال تۋدىرادى. ءتوراعا شي جينپيڭ بانداري زۇڭتۇڭ وتكىزەتىن قارسى الۋ سالتىنا، قارسى الۋ قوناعاسىنا قاتىناسادى، بانداري زۇڭتۇڭمەن كەزدەسەدى، ولي زۇڭليمەن كەڭەس وتكىزەدى ءارى كوپ سالاداعى سەلبەستىك كەلىسىمىنە قول قويۋعا كۋا بولادى، نەپال كوممۋنيستىك پارتياسى بىرلەستىگىنىڭ ءتوراعاسى پراچاندامەن، نەپال فەدەراتسياسى پارلامەنتىنىڭ جاۋاپتىسىمەن، سونداي - اق قاتىستى ساياسي پارتيالاردىڭ باسشىلارىمەن كەزدەسەدى. ەكى ەل باسشىسى جۇڭگو - نەپال قارىم - قاتىناسىن دامىتۋعا جاڭا جوبالار جاساپ، جۇڭگو - نەپال قارىم - قاتىناسىنىڭ تەز قارقىنمەن دامۋىنىڭ جاڭا ءداۋىرىن بىرگە اشىپ، ساياسي ءوزارا سەنىمدىلىكتى تەرەڭدەتىپ، جۇڭگو مەن نەپالدىڭ ۇرپاقتار بويى جالعاسقان دوستىعىنىڭ حالىق تىلەگى نەگىزىن بەكەمدەپ، ەكى ەلدىڭ ”ءبىر بەلدەۋ، ءبىر جول“دى جوعارى ساپالى بىرگە قۇرۋىن ىلگەرىلەتىپ، گيمالاي اسقان ستەرەولدى ءوزارا تۇتاسقان، ءوزارا ۇلاسقان توراپ قۇرىلىسىن جەدەل ىلگەرىلەتىپ، ەكى ەلدىڭ ءار سالاداعى ناقتى سەلبەستىكتەرىنە تىڭ قوزعاۋشى قۋات ۇستەيدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
