الىمجاننىڭ شاعىن ەرەن بازارى باقىتقا باستادى
جىڭ جو، سۇي يۇنيان
2019.10.12 13:50 كەلۋ قاينارى : شينجياڭ گازەتى
8 - ايدىڭ 26 - كۇنى ءتۇس الەتى، سامال ەسىپ، ىستىق لەپ بەتتى وبۋدە. كەريا اۋدانى تاقتاكوپىر ساۋدا كوشەسىندە، 33 جاستاعى الىمجان قولىنداعى سۇرتكىشپەن دۇكەننىڭ الدىنداعى توڭازىتقىشتى قايتا - قايتا ءسۇرتىپ ابىگەر. ”دۇكەن جولعا تاياۋ جەردە، توڭازىتقىشقا شاڭ وڭاي قونادى، وسى بىرنەشە كۇندە سۋسىن ساتىپ الاتىندار كوبەيدى، توڭازىتقىش تاپ - تازا بولۋى كەرەك“، - دەدى الىمجان تاسقىنداعان جىگەرمەن.
تاقتاكوپىر ساۋدا كوشەسى كەريا اۋدانىنداعى كونە قالا رايونىندا، الىمجاننىڭ تۋعان جەرى. ول بالا كۇنىنەن وسىندا ەسەيىپ - ەرجەتىپ، وسىندا باۋىرىنا قازان استى، تاقتا - كوپىر دە ونىڭ وزگەرىسىنە كۋا بولدى.
ءدىني ۇشقارى يدەيامەن ۋلانعان، ەشنارسەگە زاۋقى سوقپايتىن ادامنان ەلەكتروندىق ساۋدانى ۇيرەنۋگە دەن قوياتىن، ايەلىنە تاماق ىستەپ بەرەتىن جاقسى كۇيەۋگە جانە ەرەن بازار قوجايىنىنا اينالدى، الىمجان ەڭبەكشىل قوس قولىمەن ءوزىنىڭ ۇمىتكە تولى ەرتەڭىن باستادى.
■ ساۋدامىز كۇسەتتىگىنەن قولىمىز بوسامايدى
”الىمجان ماعان 3 قۇمىرا مينەرالدى سۋ، 2 قۇمىرا كولا بەرشى، اقشاسى قانشا بولدى؟“ ”الىمجان، مىنا ەكىلىك كود سەنىكى مە؟ مەن ەكىلىك كودتى جايمالاپ، اقشا تولەدىم“.
”الىمجان مۇندا بەت جاپسىرماسى بار ما؟ مەن ءبىراز ساتىپ الايىن“. ءتۇس اۋىسىمەن - اق، دۇكەن ءىشى قاربالاستىققا شومدى، الارماندار اقشا تولەۋ ورنىنا ارت - ارتىنان كەلىپ اقشا تولەدى.
ۇلگىرە الماعان كەزدەردە، ول ۇلىن اقشا الۋعا كومەككە شاقىرادى.”دۇكەندەگى تاۋارلاردىڭ قانشا اقشاعا ساتىلاتىندىعىن ول ابدەن بىلەدى“. الىمجان بىلاي دەدى: ۇلىمنىڭ پۋتۇڭحۋاسى مەنەن جاقسى، جازعى دەمالىستا قولى بوساعاندا بالام كەلىپ كومەكتەسەدى.
الىمجاننىڭ ەرەن بازارىندا ءتۇرلى قوسىمشا ازىق - تۇلىك، كۇندەلىكتى تۇرمىس بۇيىمدارىنان سىرت، بەت جاپسىرماسى، جيڭحۋاسۋ، بەت ماي سياقتى ەڭلىك بۇيىمدار دا بار. ەگەردە الىمجاننان دۇكەنىندە قانشا ءتۇرلى تاۋار بار ەكەندىگىن سۇراساڭىز، ونىڭ ءوزى دە انىق بىلمەيدى، ”ءتۇرى وتە مول، جاڭا زاتتاردى ءۇستى - ۇستىنە كوبەيتىپ كەلەمىن“.
دۇكەندەگى تاۋارلاردى ۇرىمجىدەن اكەلدىك، زات تۇرلەرىنىڭ ءبارىن ايەلىم تاڭداعان“. الىمجان بىلاي دەدى: قازىر دۇكەنگە زات كىرگىزۋگە تۇگەلدەي ايەلىم ءابيبا ءماتسىدىق جاۋاپتى. الىمجان تەبىرەنە بىلاي دەدى: قازىر ايەلىم ۇيىمىزدەگى جارتى الەم، ۇيدە دە، تۇزدە دە بىردەي مىقتى.
ءابيبا ءوزى ۇناتاتىن تاۋارلاردى كورگەندە، الىمجانعا سۋرەت نەمەسە كەسكىن جولدايدى. ”بۇل ونىڭ ءۇرىمجى تولايىم ساتۋ بازارىنان كورگەن بىرنەشە ءتۇرلى ۇلگىدەگى بايپاقتارى، كۇن سۋىتىپ كەلەدى، كۇز، قىس ماۋسىمدارىندا كيىلەتىن ءىش كيىمدەر مەن كيىم - كەشەكتەردى دە كىرگىزەمىز“. الىمجان تىلشىگە قول تەلەفونىن كورسەتە وتىرىپ: ەرەن بازاردىڭ ءار كۇنگى تيجارات سوماسى 1000 يۋان مولشەرىندە، مەرەكە، دەمالىس كۇندەرى 3000 يۋانعا تايايدى، - دەدى. قازىر ونىڭ كوڭىل كۇيى دۇكەندەگى ەدەنگە تۇتاسقان تەرەزە اينەگىندەي جارىق تا كىرشىكسىز تۇنىق ەدى.
■ بۇرىنعى كۇندەرىم مۇنارلى ەدى
”قازىر بۇرىنعى كۇندەرىمدى ەسكە السام اقىلىم جەتپەيدى، سول كەزدە جۇرەگىمدى تۇمان تورلاپ العانداي مۇنارلى بولاتىن“، - دەدى الىمجان قولىن ۋقالاي وتىرىپ.
ورتالاۋ مەكتەپتى تاۋىسقاننان كەيىن، الىمجان وقۋدان قول ۇزەدى، بارا - بارا ول ءدىني ۇشقارى يدەيامەن جۇعىمدالىپ، باسقا ءبىر ادام بولىپ وزگەردى.
بۇرىنعى الىمجان ءان ايتىپ، ءبي بيلەيتىن، كەيىن كەلە ول مۋزيكا ”الباستىنىڭ داۋىسى“، ءبي بيلەۋگە، ءان ايتۋعا بولمايدى دەگەندى ەستىگەننەن كەيىن، دوستارى باس قوسۋعا شاقىرعاندا، دەرەۋ باس تارتاتىن بولدى. كۇندەر وتە كەلە، ول دوستارىنان الىستادى.
الىمجان بۇرىن كەريا اۋدانىندا قورا - جاي دەلدالى قىزمەتىمەن شۇعىلداناتىن، ايتسە دە مەملەكەتتە ءبىر تۇتاس قولدانىلاتىن ءتىل - جازۋدى بىلمەگەندىكتەن، قورا - جاي ساۋداسىنا قاتىستى ءتۇرلى ماتەريالداردى تولتىرا الماي قينالاتىن، سونىمەن ول تەك نەگىزدىك قىزمەتتەردى عانا ىستەيتىن ەدى.
”مەن سول ادامداردىڭ سوزىنە سەنىپ، ايەلىمە بۋرقا، نيقاپ كيگىزدىم، سىرت ادامدارعا كەزىكتىرمەدىم“. الىمجان: ايەلىم قوسىلماسا، ونىمەن ءتۇس شايىستىم، كەيدە، اۋەلى، قول جۇمساي جازدادىم، - دەدى.
كۇيەۋىنىڭ بىرتىندەپ ازعىنداپ بارا جاتقاندىعىن كورگەن ءابيبا ىشتەي ابىرجىدى. اقىرى وتباسىنداعىلاردىڭ اقىل ايتۋىمەن، ءالىمجان كەريا اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنىڭ ۇيرەنۋىنە قاتىناستى.
باۋلۋ ورتالىعىندا ول مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەرىن ۇيرەنىپ، بىرتە - بىرتە بۇرىنعى ويىنىڭ قاتە ەكەندىگىن، ناداندىعىن ءتۇسىندى.
”ۇيرەنۋ ارقىلى مەن قازىر ينتەرنەت داۋىرىنە كىرگەندىگىمىزدى دە ۇقتىم، سونىمەن مەن ەلەكتروندىق ساۋدا كۋرسىنا تىزىمدەلىپ قاتىناستىم“. الىمجان: ەلەكتروندىق ساۋدا ۇيرەنۋدە، ءسوزسىز، كومپيۋتەردى جەتىك ىستەتە ءبىلۋ كەرەك، سوندىقتان مەن مەملەكەتتە ءبىر تۇتاس قولدانىلاتىن ءتىل - جازۋدى جانە ءتۇرلى كومپيۋتەر جۇمساق بولشەگىن مەڭگەرۋدى قۇلشىنا ۇيرەندىم، - دەدى. ماسەلەن، سۋرەت رەداكسيالاۋ، ينتەرنەت پاراقشالارىن رەداكسيالاۋ سياقتىلاردى ۇيرەنۋ ءۇشىن، الىمجان ەرەكشە كوپ كۇش جۇمسادى. ”مەن سول كەزدە كەيىن ءبىر ينتەرنەت دۇكەنىن اشىپ، بۇكىل ەلىمىزدىڭ جەر - جەرىندەگى ادامدارمەن ساۋدا جاساسۋ، دوستاسۋ بەكىمىنە كەلگەن ەدىم“، - دەدى الىمجان.
■ ءبىر ءۇيلى جان شاتتىققا شومدى
الىمجان باۋلۋ ورتالىعىندا ۇيرەنۋدە جۇرگەندە، ونىڭ ۇيىندە دە وزگەرىستەر بولىپ جاتتى. ۇكىمەتتىڭ كومەگىندە، ءابيبا ءۇيىنىڭ ماڭىنان ەرەن بازار اشتى. الىمجان وقۋىن تاۋىسقان سوڭ، ەرەن بازاردى قايتكەندە ويداعىداي اشۋ جونىندە باس قاتىرىپ، ءتىپتى دە كەڭ ورىستە دامۋعا تالپىندى.
”تاۋار وتە از، ەرەن بازارعا مۇلدە ۇقسامايدى، تەك شاعىن دۇكەن عانا. ساۋدا كوشەسىنە ىرگە تەپكەن ەرەن بازار رەتىندە، تاۋارلار تەك نەگىزگى تۇرمىستىق بۇيىمدارمەن عانا شەكتەلمەۋى، ءتۇرى، ءسوزسىز، مول بولۋى كەرەك“. سونىمەن، ول ايەلىمەن اقىلداسىپ، تيجارات كولەمىن كەڭەيتىپ، تاۋاردىڭ ءتۇرىن مولايتتى.
ۇقساس توك شاۋگىم بولسا دا، جىلۋ ساقتاۋ قاسيەتى جاقسى، سىرتقى بەينەسى زاماناۋيلارى قارسى الىنادى؛ ۇقساس ورامال بولسا دا، جۇمساق، ۇلگىسى ءار الۋان تۇرلەرى جاقسى ساتىلادى. الىمجان دۇكەنىندە وتىرىپ، ساۋدا جايىندا ءتىل تيەگىن اعىتا جونەلدى.
كۇيەۋىندەگى وزگەرىس تۋرالى ءسوز بولعاندا، ءابيبانىڭ كوڭىلى جادىراپ سالا بەردى. ”قازىر ءۇي شارۋاسىن بىرگە ىستەيمىز، مەنىڭ جۇمىسىم قاربالاس بولعاندا، ول وزدىگىنەن ماعان تاماق جاساپ قويادى. مەن زات كىرگىزۋگە كەتكەنىمدە دۇكەندەگى، ۇيدەگى جۇمىستاردىڭ بارىنە ول قارايلاسادى“، - دەدى ءابيبا. كۇيەۋى اشىق - جارقىن بولىپ، ءبىر ءۇيلى جان شاتتىققا شومدى.
الىمجان تىلشىگە جۋىقتا ءوزىنىڭ ينتەرنەتتىك دۇكەنىنىڭ كۋالىگىن ءوتىنىش ەتكەندىگىن، بارلىعى ءساتتى بولسا، جۋىقتا جۇمىس باستايتىندىعىن ايتتى. ”كەريا اۋدانىنىڭ كوپتەگەن جەرگىلىكتى ونىمدەرى بار، ءار ءتۇرلى دارىلىك شاي، روزا گۇلى توسابى، ارا بالى، قولونەر بۇيىمدارى... ينتەرنەتكە شىعارسام، بۇكىل ەلدىڭ جەر - جەرىندەگى قاريدارلاردىڭ ءبارى كورەدى، بارلىعى مەنىڭ زاتىمدى الادى“، - دەدى الىمجان.
ينتەرنەتكە شىعاراتىن تاۋاردىڭ ماركاسى ناشار بولسا بولمايتىندىقتان، ول جاقىن ماڭداعى جەرلىك ءونىم سەرىكتەستىگىنە حابارلاسىپ، ارناۋلى سول جەردەن زات كىرگىزىپتى.
ينتەرنەت دۇكەنى اشىلعان سوڭ، الىمجان زاتتاردى ءبىر - بىردەن سۋرەتكە ءتۇسىرىپ، كومپيۋتەردىڭ باعدارلامالىق جاساقتاماسى ارقىلى وڭدەيدى ەكەن. ”مەن باۋلۋ ورتالىعىندا ەلەكتروندىق ساۋدا بىلىمدەرىن ۇيرەندىم، سونىڭ ءبارى كادەگە جارادى“، - دەدى ول.
بىرنەشە كۇننەن كەيىن، الىمجان بۇرىنعى دوستارىمەن باس قوسادى ەكەن، ولار بىرگە ءان شىرقاپ، ءبي بيلەمەك. الىمجاننىڭ ايتۋىنشا، ول بۇرىنعى دوستىق سۇيىسپەنشىلىگىن قايتا تابۋمەن بىرگە، بەكەر وتكەن كۇندەرىنىڭ ورنىن دا تولتىرماقشى كورىنەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
