شي جينپيڭ نەپال فەدەراتسيالىق پالاتاسىنىڭ ءتوراعاسى تيميلسينامەن كەزدەستى
2019.10.14 15:19 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - ايدىڭ 12 - كۇنى كاتماندۋدان بەرگەن حابارى (تىلشىلەر حۋاڭيىن جيازى، حاۋ ۋيۋي). مەملەكەت ءتوراعاسى شي جينپيڭ 10 - ايدىڭ 12 - كۇنى كاتماندۋدا تۇسكەن قوناق ۇيىندە، نەپال فەدەراتسيالىق پارلامەنت فەدەراتسيالىق پالاتاسىنىڭ ءتوراعاسى تيميلسينامەن كەزدەستى.
شي جينپيڭ بىلاي دەپ اتاپ كورسەتتى: وسى رەت نەپالعا ساپارلاي كەلگەنىمدە، كەلگەن ۋاقىتىم ۇزاق بولماعانىمەن، مەيلى زۇڭتۇڭنان، زۇڭليدەن الدە بيلىك كەڭسەسىنىڭ مينيسترلەرىنەن بولسىن، مەيلى ءارقايسى پارتيا - توپتاردىڭ باسشىلارىنان الدە جاي بۇقارادان بولسىن، تۇگەلدەي جۇڭگوعا ىقىلاستى دوستىق ايگىلەنىپ تۇرعاندىعىن تەرەڭ سەزىندىم. بۇل جۇڭگو - نەپال دوستىعىنىڭ نەپالدا تەرەڭ تامىر تارتقاندىعىن، بەينە گيمالاي تاۋىنداي اسقاق تۇرعاندىعىن تۇسىندىرەدى. بۇل ءبىزدىڭ جۇڭگو - نەپال دوستىق قارىم - قاتىناسىن دامىتۋ سەنىمىمىزدى اناعۇرلىم بەكەمدەي ءتۇستى. جۇڭگو جاق نەپالدىڭ زاڭ شىعارۋ قۇرىلىمدارىمەن اۋىس - كۇيىستى، سەلبەستىكتى كۇشەيتىپ، ەكى ەلدىڭ دوستىعىن بەكەمدەۋگە بىرگە كۇش سالۋدى قالايدى.
تيميلسينا نەپال فەدەراتسيالىق پالاتاسىنداعى بارلىق مۇشەلەر اتىنان ءتوراعا شي جينپيڭنىڭ ساپارلاي كەلگەندىگىن قارسى الىپ، مۇنىڭ بۇكىل نەپال حالقىنىڭ داڭقى ەكەندىگىن ءبىلدىردى. ءتوراعا شي جينپيڭنىڭ دانىشپان باسشىلىعىندا جۇڭگو بۇكىل دۇنيە ءجۇزىن جالت قاراتقان ۇلى تابىستارعا قول جەتكىزدى، جۇڭگونىڭ، ءسوز جوق، جۇڭحۋا ۇلتىنىڭ ۇلى گۇلدەنۋى ارمانىن ورىنداي الاتىندىعىنا سەنەمىز. نەپال جاق جۇڭگو جاقتىڭ ۇزاق ۋاقىتتان بەرى نەپالعا كورسەتكەن قالتقىسىز كومەگىنە العىس ايتادى، ءبىر جۇڭگو ساياساتىن ۇزدىكسىز بۇلجىتپاي اتقارادى، ءارقانداي كۇشتىڭ نەپال تەرريتورياسىنان پايدالانىپ جۇڭگوعا قارسى بولشەكتەۋ قيمىلدارىمەن شۇعىلدانۋىنا استە جول بەرمەيدى. نەپال جاق ”ءبىر بەلدەۋ، ءبىر جول“دى بىرگە قۇرۋعا ات سالىسا العاندىعىن ەرەكشە باق سانايدى، وسى ءبىر ۇلى باستامانىڭ، ءسوز جوق، اناعۇرلىم زور تابىسقا جەتە الاتىندىعىنا سەنەدى. نەپال فەدەراتسيالىق پالاتاسى جۇڭگونىڭ زاڭ شىعارۋ قۇرىلىمدارىمەن اۋىس - كۇيىستى، سەلبەستىكتى كۇشەيتۋدى، نەپال مەن جۇڭگونىڭ دوستىعىن جەبەۋ ءۇشىن بەلسەندى قۇلشىنىس جاساۋدى قالايدى.
ۋاڭ ي كەزدەسۋگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
