بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ نەپالدىڭ زۇڭليى وليمەن كەڭەس وتكىزدى

2019.10.15 16:24     كەلۋ قاينارى : شينجياڭ گازەتى

  شينحۋا اگەنتتىگىنىڭ 10 - ايدىڭ 13 - كۇنى كاتماندۋدان بەرگەن حابارى (تىلشىلەر چاڭ ايليڭ، چىن جى، مىڭ نا). مەملەكەت ءتوراعاسى شي جينپيڭ 10 - ايدىڭ 13 - كۇنى كاتماندۋدا نەپالدىڭ زۇڭليى وليمەن كەڭەس وتكىزدى.

  شي جينپيڭ بىلاي دەپ اتاپ كورسەتتى: جۇڭگو مەن نەپال ەجەلدەن بەرى جاقسى كورشى، جاقسى دوس، جاقسى سەرىك. قازىر جۇڭگو مەن نەپالدىڭ ەكەۋى دە مەملەكەت دامۋىنىڭ جاڭا كەزەڭىنە ءوتتى، ەكى ەل قارىم - قاتىناسى تىڭ دامۋ ورايىنا كەز كەلىپ وتىر. كەشە مەن بانداري زۇڭتۇڭمەن بىرگە جۇڭگو مەن نەپالدىڭ دامۋعا جانە گۇلدەنۋگە بەت العان ۇرپاقتان - ۇرپاققا جالعاساتىن دوستىق ستراتەگيالىق سەلبەستىك سەرىكتەستىك قارىم - قاتىناسىن ورناتۋدى بىرگە جاريالادىق، ونىڭ پرينسيبى − تەڭ تۇرعىدا ءوزارا مامىلە جاساۋ، تاتۋ قاتار تۇرۋ، ۇرپاقتان - ۇرپاققا دوس بولۋ، جان - جاقتى سەلبەستىك جاساۋ. جۇڭگو جاق نەپال جاقپەن جۇڭگو مەن نەپالدىڭ دوستىق سەلبەستىگىنىڭ جاڭا ساتىعا كوتەرىلۋىن ىلگەرىلەتۋدى، جۇڭگو - نەپال قارىم - قاتىناسىنىڭ جاڭا تاراۋىن اشۋدى قالايدى.

  شي جينپيڭ بىلاي دەپ باسا دارىپتەدى: جۇڭگو جاق نەپال جاقتىڭ ءبىر جۇڭگو ساياساتىن تاباندىلىقپەن ۇستانعاندىعىن، جۇڭگونىڭ وزەكتى مۇددەسىنە ساياتىن ماسەلەلەردە جۇڭگو جاقتى باتىل قولداعاندىعىن القايدى. جۇڭگونىڭ ءارقانداي جەرىندە بولشەكتەۋشىلىكپەن شۇعىلدانۋعا ۇرىنعان ءارقانداي ادامنىڭ سوڭعى ەسەپتە كۇلى كوككە ۇشادى؛ جۇڭگونى بولشەكتەۋگە قولداۋ كورسەتەتىن ءارقانداي سىرتقى كۇشتى جۇڭگو حالقى ەسەك دامە، بوس قيال دەپ قارايدى!

  شي جينپيڭ بىلاي دەپ باسا دارىپتەدى: جۇڭگو مەن نەپال مىنا بىرنەشە جاقتان ەكى ەل قارىم - قاتىناسىن جوبالاۋعا ءتيىس. ءبىرىنشى، دامۋ ستراتەگيالارىن تەرەڭ ۇشتاستىرۋ، جۇڭگو جاق نەپال جاقتىڭ ەكونوميكانى دامىتۋىنا، حالىق تۇرمىسىن جاقسارتۋىنا، ”گۇلدەنگەن نەپال، باقىتتى نەپالدىقتار“ سىندى تاماشا تىلەگىن ىسكە اسىرۋ قۇلشىنىسىنا قولداۋ كورسەتەدى، نەپال جاقپەن ساياساتتاردى بايلانىستىرۋدى كۇشەيتىپ، جونگە سالۋ قابىلەتى جونىندە اۋىس - كۇيىس پەن سەلبەستىك ورىستەتۋدى قالايدى. ەكىنشى، ءوزارا بايلانىس دەڭگەيىن جەدەل جوعارىلاتىپ، ”ءبىر بەلدەۋ، ءبىر جول“دى بىرگە قۇرۋدى نەپالدىڭ ”قۇرلىقتىق بايلانىستىق ەل“ مەملەكەت ساياساتىمەن ۇشتاستىرىپ، شەكارالىق تاس جولداردى جاڭارتۋدى، جاقسارتۋدى بەلسەنە ويلاستىرىپ، شەكارالىق تەمىر جولدىڭ جۇزەگە اسۋ مۇمكىندىگىن زەرتتەۋدى باستاپ، شەكارا وتكەلدەرىن بىرتىندەپ كوبەيتىپ اشىپ، ەكى ەلدىڭ تىكە اۆياتسيالىق جەلىلەرىن كوبەيتىپ، حابارلاسۋ سەلبەستىگىن كۇشەيتىپ، گيمالاي اتتاعان ستەرەولدى ۇلاستىرۋ - تۇتاستىرۋ تورىن جەدەل قۇرۋ كەرەك. ءۇشىنشى، ساۋدا جانە قارجى قوسۋدى جەبەپ، جۇڭگو مەن نەپالدىڭ شەكارالىق ەكونوميكالىق سەلبەستىك رايونى قۇرىلىسىن تەزدەتىپ، ءوندىرىس قۋاتى جانە قارجى قوسۋ سەلبەستىگىن ىلگەرىلەتۋ. جۇڭگو جاق نەپال جاقتىڭ سۋ ەلەكترىن لايىقتى اشۋىنا كومەكتەسۋدى قالايدى. ءتورتىنشى، حالىقتار تىلەگىنىڭ توعىسۋىن كۇشەيتىپ، وقۋ - اعارتۋ، ساياحات، جەرگىلىكتى ورىندار سياقتى سالالارداعى بارىس - كەلىستى جەبەۋ. جۇڭگو جاق نەپالدىڭ جەر سىلكىنىسى اپاتىنان كەيىنگى قايتا قۇرۋىنا ۇزدىكسىز تۇردە قولىنان كەلگەنشە كومەك بەرەدى. سۋمەن قامداۋ اياسىنداعى سۋ ساپاسىن جاقسارتۋ نىسانىن ويداعىداي ىستەپ، چومولاڭما شىڭىن قورعاۋ سەلبەستىگىن كۇشەيتەدى. بەسىنشى، زاڭ اتقارۋ سەلبەستىگىن كۇشەيتىپ، لاڭكەستىككە جانە مەملەكەت اتتاعان قىلمىسقا بىرگە سوققى بەرىپ، ورتاق حاۋىپسىزدىكتى قورعاۋ. التىنشى، كوپ جاقتى سايكەسۋدى كۇشەيتىپ، كوپ جاقتىلىققا جانە ەركىن ساۋدا تۇزىلىسىنە بىرگە قولداۋ كورسەتىپ، ەكى ەلدىڭ دامۋ ۇقىعىن قورعاۋ.

  ولي جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىنا ەڭ قىزۋ قۇتتىقتاۋ ءبىلدىردى. ول مىنالاردى ءبىلدىردى: وتكەن 70 جىلدا، جۇڭگو دۇنيە ءجۇزىن جالت قاراتقان تابىستارعا قول جەتكىزدى. جۇڭگونىڭ دامۋى، گۇلدەنۋى − نەپالعا ماڭىزدى وراي بولدى. ءتوراعا شي جينپيڭ ۇلى جۇڭگونىڭ كورنەكتى كوسەمى عانا ەمەس، نەپال حالقى مەن دۇنيە ءجۇزى حالقىنىڭ قۇرمەتىنە بولەنگەن ۇزدىك كوسەم. ءتوراعا شي جينپيڭنىڭ ساپارلاي كەلۋى نەپال - جۇڭگو قارىم - قاتىناسىنداعى تاريحي ءسات، نەپال حالقىنىڭ قۋانىشتى سەزىمىن سوزبەن بەينەلەپ جەتكىزۋ مۇمكىن ەمەس. ءتوراعا شي جينپيڭنىڭ وسى رەتكى ساپارى نەپال - جۇڭگو قارىم - قاتىناسىنىڭ جاڭا جوباسىن كەسكىندەپ، نەپال - جۇڭگو قارىم - قاتىناسىنىڭ جاڭا ءداۋىرىن اشاتىندىعى ءسوزسىز.

  ولي مىنالاردى ءبىلدىردى: نەپال مەن جۇڭگو ناعىز دوستار جانە سەرىكتەر، ەجەلدەن ءوزارا قۇرمەت ەتىپ، ءوزارا قولداۋ كورسەتىپ كەلەدى، ءبىر - ءبىرىنىڭ ىشكى ىستەرىنە كيلىكپەيدى، نەپال مەن جۇڭگونىڭ ءداستۇرلى دوستىعى مىزعىماس بەرىك. سىرتقى جاعدايدا قانداي وزگەرىس تۋىلسا دا، نەپال جاقتىڭ جۇڭگوعا قاراتقان دوستىق ساياساتى وزگەرمەيدى، نەپال مەن جۇڭگو قارىم - قاتىناسىنىڭ دوستىقپەن دامۋ بەتالىسى وزگەرمەيدى. نەپال جاق جۇڭگونىڭ يەلىك ۇقىعى مەن تەرريتورياسىنىڭ بۇتىندىگىن قورعاۋىنا باتىل قولداۋ كورسەتەدى، ءبىر جۇڭگو پرينسيبىن تاباندىلىقپەن ۇستانادى، ءارقانداي كۇشتىڭ نەپال تەرريتورياسىنان پايدالانىپ جۇڭگوعا قارسى بولشەكتەۋ ارەكەتتەرىمەن شۇعىلدانۋىنا باتىل قارسى تۇرادى جانە وعان استە جول بەرمەيدى.

  ولي مىنالاردى ءبىلدىردى: نەپال جاق جۇڭگو جاقتىڭ ۇزاقتان بەرى كورسەتىپ كەلە جاتقان قىمباتتى قولداۋى مەن كومەگىنە العىس ايتادى، جۇڭگو جاقپەن گيمالاي اتتاعان ستەرەولدى ۇلاستىرۋ - تۇتاستىرۋ تورىن قۇرۋدى كۇتەدى، اناعۇرلىم كوپ جۇڭگولىق ساياحاتشىلاردىڭ نەپالعا كەلىپ ساياحاتتاۋىن قارسى الادى، اناعۇرلىم كوپ جۇڭگو كاسىپورىندارىنىڭ نەپالعا كەلىپ قارجى قوسۋىن قارسى الادى. نەپال جاق جۇڭگونىڭ دۇنيە ءجۇزىنىڭ بەيبىتشىلىگى مەن حالىقارالىق ءتارتىپتى قورعاۋ جاعىندا اتقارعان ماڭىزدى، سىندارلى رولىن ايرىقشا القايدى، جۇڭگو جاقپەن پىكىرلەسۋدى جانە سايكەسۋدى كۇشەيتىپ، وركەندەپ كەلە جاتقان ورتا، شاعىن مەملەكەتتەردىڭ مۇددەسىن ويداعىداي قورعاۋدى قالايدى.

  كەڭەستەن كەيىن، ەكى ەل باسشىلارى ەكى جاقتى سەلبەستىك حۇجاتتارىن اۋىستىرۋ سالتىنا بىرگە قاتىناستى، بۇل حۇجاتتار ۇلاستىرۋ - تۇتاستىرۋ، ەكونوميكا - ساۋدا جانە قارجى قوسۋ، شەكارالىق باسقارۋ سياقتى كوپ سالالاردى قامتىدى.

  ەكى جاق «جۇڭحۋا حالىق رەسپۋبليكاسى مەن نەپالدىڭ بىرلەسكەن مالىمدەمەسىن» بىرگە جاريالادى.

  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىدا اتالعان قيمىلدارعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار