شي جينپيڭ گرەتسيانىڭ زۇڭتۇڭى پاۆلوپوۋلوسپەن كەڭەستى
2019.11.13 15:43 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 11 - كۇنى افينادان بەرگەن حابارى (تىلشىلەر جاي ۋي، حۋاڭيىن جيازى، ۋي جيانحۋا). جەرگىلىكتى ۋاقىت 11 - ايدىڭ 11 - كۇنى مەملەكەت ءتوراعاسى شي جينپيڭ افينادا گرەتسيانىڭ زۇڭتۇڭى پاۆلوپوۋلوسپەن كەڭەستى. ەكى ەلدىڭ مەملەكەت باسشىلارى ساياسي ءوزارا سەنىمدىلىكتى بەكەمدەپ، ناقتى ىستەر سەلبەستىگىن تەرەڭدەتىپ، وركەنيەتتەر تىلدەسۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە شىعىس پەن باتىستاعى وركەنيەتتى بايىرعى ەلدەردىڭ اقىل - پاراساتىن ارناۋعا ءبىر اۋىزدان قوسىلدى.
شي جينپيڭ بىلاي دەپ باسا دارىپتەدى: مەن وركەنيەتكە قۇرمەت ەتۋ جانە بولاشاققا دەگەن ۇمىتپەن گرەتسياعا كەلدىم. ءار رەتكى ءسىز ەكەۋىمىز ارامىزداعى اڭگىمە، ءار رەتكى جۇڭگو مەن گرەتسيا اراسىنداعى اۋىس - كۇيىس ”سىرلاس ادامدار باس قوسسا، قاشاندا قاجۋ بولمايدى“دەگەن ۇندەستىك تۋدىرادى. ويتكەنى جۇڭگو مەن گرەتسيا ەكى ءىرى وركەنيەتتى بايىرعى ەل رەتىندە، ءوزارا بايلانىستى ، قارايلاس ۇستانىمى بار، سونداي - اق ميحىناتتى دا قايسار كۇرەس ارقىلى مەملەكەتتىڭ وسىزاماندانا دامۋىن جۇزەگە اسىرعان. اۋىس - كۇيىس جاساۋ، ءوزارا ۇلگى الۋ − وركەنيەتتەر دامۋىنىڭ ماندىك تالابى. جۇڭگو مەن گرەتسيا دوستىعى ەكى ەلدىڭ سەلبەستىگى بولىپ قالماستان، ونان دا ماڭىزدىسى، ەكى ءىرى وركەنيەتتىڭ تىلدەسۋى. بۇگىنگى تاڭداعى دۇنيە ءجۇزى 100 جىلدا بولماعان زور وزگەرىس جاعدايىن باستان كەشۋدە، مەن ەكى ەلدىڭ بىرگە قۇلشىنىپ، سەلبەستىكتى تەرەڭدەتىپ، ۋاقىت - كەڭىستىك اتتاعان وركەنيەت جەتىستىگى ارقىلى تۇرلىشە مازمۇنداعى، تۇرلىشە سيپاتتاعى وركەنيەتتەر اۋىس - كۇيىسىن ىلگەرىلەتىپ، اناعۇرلىم ءادىل، ۇيلەسىمدى حالىقارالىق ءتارتىپتى دارىپتەپ، جۇڭگو مەن گرەتسيا ەكى وركەنيەتتى بايىرعى ەلدىڭ جاڭا داۋىردە جاڭا شۇعىلا شاشۋىنا مۇمكىندىك جاساۋدى ءۇمىت ەتەمىن.
ءبىرىنشى، دوستاسىپ، ءوزارا سەنىم ارتىپ، ءوزارا پايدا جەتكىزىپ، تەڭ يگىلىككە كەنەلۋدىڭ تيپتىك ونەگەسىن سومداۋ. ءار جىكتەگىلەردىڭ بارىس - كەلىسىن جيىلەتىپ، ساياسي ءوزارا سەنىمدىلىكتى تەرەڭدەتىپ، ءبىر - ءبىرىنىڭ وزەكتى مۇددەسىنە جانە كەلەلى ءجىتى قاداعالاپ وتىرعان ىستەرىنە ساياتىن ماسەلەلەردە ءبىر - بىرىنە ۇزدىكسىز باتىل قولداۋ كورسەتۋ كەرەك. ”ءبىر بەلدەۋ، ءبىر جول“دى بىرگە قۇرىپ، جۇڭگو - ەۆروپا قۇرلىق، تەڭىز جىلدام جەلىسىن جۇڭگو مەن ەۆروپا زات تاسىمالىنىڭ جانە ۇلاستىرۋدىڭ، تۇتاستىرۋدىڭ ماڭىزدى وتكەلى ەتىپ قۇرىپ شىعۋ كەرەك. مادەنيەت جانە وليمپيادا سياقتى سالالارداعى اۋىس - كۇيىستى جيىلەتىپ، ادامداردىڭ بارىس - كەلىسىنە قولايلىلىق تۋدىرۋ كەرەك.
ەكىنشى، اشىق، ناقتى بولىپ، جۇڭگو مەن ەۆروپا سەلبەستىگىن جەبەۋدىڭ تيپتىك ونەگەسىن تۇلعالاۋ. جۇڭگو جاق گرەتسيا جاقپەن بىرگە، جۇڭگونىڭ ورتا، شىعىس ەۆروپا ەلدەرىمەن سەلبەستىگىن جانە جۇڭگو مەن ەۆروپانىڭ تۇتاس تۇلعالىق قارىم - قاتىناسىنىڭ دامۋىن ىلگەرىلەتۋدى قالايدى.
ءۇشىنشى، مادەنيەت اۋىس - كۇيىسىنىڭ، وركەنيەتتەردىڭ ءوزارا ۇلگى الۋىنىڭ تيپتىك ونەگەسىن تۇلعالاۋ. ادامزات مۇددەشىلدىككە بوي ۇرۋدان، ىلعي دا بارىپ تۇرعان مۇددەگە سالىنۋدان گورى وسكەلەڭ قۇلىق ۇستانۋ جانە وعان تالپىنۋ كەرەك. جۇڭگولىقتار ەجەلدەن بەرى ”وزىڭە تىلەمەگەندى وزگەگە دە تىلەمە“، ”دۇنيە كوپكە ورتاق“، ”بارلىق ەلمەن جاراسىمدى بولۋ“ ۇستانىمىنان جازباي كەلەدى، جۇڭگو قۇدىرەتتەنسەدە استە، زورەكەر بولمايدى، ءارى ءبىرى جەڭىلىپ، ءبىرى جەڭەتىن نولدىك جيىنتىق ويىنىن قۇپتامايدى، ويتكەنى جۇڭگودا مۇنداي مادەنيەت گەنى ەجەلدەن بولعان ەمەس، ءارى مۇنداي بوگدە نيەتى دە جوق. جۇڭگونىڭ دامۋى باستان - اياق دۇنيە ءجۇزى بەيبىتشىلىك كۇشىنىڭ ارتۋى بولىپ كەلەدى. جۇڭگو مەن گرەتسيا وركەنيەتتەردىڭ اۋىس - كۇيىسىن، ءوزارا ۇلگى الۋىن قولدايدى، وركەنيەتتەر قاقتىعىسى ساندىراعىنا قارسى تۇرادى. ەكى جاق وزدەرىنىڭ مادەنيەت جاعىنداعى قوردالى باسىمدىعىن ۇزدىكسىز ساۋلەلەندىرىپ، تۇرلىشە وركەنيەتتەردىڭ جانە ءار ەل حالقىنىڭ جاراسىمدى قاتار تۇرۋ جولىن بىرگە اشىپ، قازىرگى تاڭداعى دۇنيە ءجۇزىنىڭ بەيبىتشىلىگى مەن ادامزاتتىڭ العا باسۋىنا اناعۇرلىم كوپ پايدالى ويلار سالۋى كەرەك.
ءتورتىنشى، سايكەسىپ، سەلبەسىپ، كوپ جاقتىلىقتى قورعاۋدىڭ تيپتىك ونەگەسىن تۇلعالاۋ. كەلەلى حالىقارالىق جانە وڭىرلىك ماسەلەلەردە سايكەسۋدى كۇشەيتىپ، بىرلەسكەن مەملەكەتتەر ۇيىمى سياقتى كوپ جاقتى جۇلگە ىشىندەگى سەلبەستىكتى جيىلەتىپ، اشىق دۇنيە جۇزىلىك ەكونوميكا ورناتۋعا كۇش سالىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتۋى كەرەك.
پاۆلوپوۋلوس مىنالاردى ءبىلدىردى: گرەتسيا حالقىنىڭ جۇڭگوعا تابيعي ەتەنە سۇيىسپەنشىلىگى بار، ويتكەنى گرەتسيا دا، جۇڭگو دا بايىرعى وركەنيەتتى ەلدەر. گرەتسيا جۇڭحۋا حالىق رەسپۋبليكاسى قۇرىلعان 70 جىلدان بەرى قول جەتكىزگەن عالامات ناتيجەسىنە شىن جۇرەكتەن سۇيىنەدى. گرەتسيا مەن جۇڭگو تۇرلىشە وركەنيەتتەردىڭ پارىقتاردى ساقتاپ، ورتاقتىققا ۇمتىلۋىن، ارتىقشىلىقتاردى قابىلداپ، ولقىلىقتاردى تولىقتاۋىن، اۋىس - كۇيىس جاساۋىن، تىلدەسۋىن، بەيبىت قاتار تۇرۋىن دارىپتەيدى. گرەتسيا ايتىلمىس ”وركەنيەتتەر قاقتىعىسى ءپاتۋاسى“نا باتىل قارسى تۇرادى، ويتكەنى ناعىز ماندەگى وركەنيەتتەردە قاقتىعىس بولمايدى، قاقتىعىس دا ماسەلەنى شەشە المايدى. ءبىر ەلدىڭ ”وركەنيەتتەر قاقتىعىسى ءپاتۋاسى“نان پايدالانىپ، مەملەكەت ساياساتىن جاساۋى بارىپ تۇرعان سوراقىلىق جانە بۇل توتەنشە زياندى. مەيلى جۇڭگونىڭ تاريحي مادەنيەت ءداستۇرى بولسىن، الدە بۇگىنگى تاڭداعى جۇڭگونىڭ كۇن سايىن ەسىك اشقان، العا باسقان، دامىعان شىندىعى بولسىن، جۇڭگو بارىندە ”وركەنيەتتەر قاقتىعىسى ءپاتۋاسى“نا جانە ”ەل قۇدىرەتتەنگەندە، ءسوز جوق، زورەكەر بولادى ءپاتۋاسى“نا پارمەندى تويتارىس جاسادى. تۇراقسىزدىققا تولى بۇگىنگى دۇنيە جۇزىندە، جۇڭگو بەيبىتشىلىكتى، جاراسىمدىلىقتى جانە تەڭدىكتى دارىپتەپ، ءتۇرلى الەمدىك ماسەلەلەردى شەشۋگە ەرەكشە پايدالى ونەگە جانە جوبا ازىرلەدى. گرەتسيا جۇڭگو جاقتىڭ ءوزىنىڭ وزەكتى مۇددەسىن قورعاۋىن ۇزدىكسىز باتىل قولدايدى، جۇڭگومەن ەكونوميكا - ساۋدا، مادەنيەت سياقتى سالالارداعى سەلبەستىكتى كۇشەيتىپ، جۇڭگومەن ”ءبىر بەلدەۋ، ءبىر جول“دى بەلسەنە بىرگە قۇرۋدى قىزۋ ىنتامەن كۇتەدى، ءتوراعا شي جينپيڭنىڭ ساپارى گرەتسيا مەن جۇڭگو قارىم - قاتىناسىنىڭ جاڭا داۋىرگە ءوتۋىن ىلگەرىلەتىپ، ونى جاڭا دەڭگەيگە كوتەرەتىندىگىنە سەنەمىن. گرەتسيا جاق جۇڭگو جاقپەن بىرگە، ەۆروپا مەن جۇڭگو قارىم - قاتىناسىنىڭ دامۋىن ىلگەرىلەتىپ، ورتا، شىعىس ەۆروپا - جۇڭگو سەلبەستىگىن جەبەپ، حالىقارالىق ادىلدىكتى، تۋراشىلدىقتى جانە ادامزاتتىڭ دامۋىنا، العا باسۋىن قول ۇستاسا جەبەۋ جولىندا ۇلەس قوسۋعا ۇزدىكسىز كۇش سالۋدى قالايدى.
كەڭەستىڭ الدىندا، پاۆلوپوۋلوس شي جينپيڭدى سالتاناتتى قارسى الۋ سالتىن وتكىزدى.
شي جينپيڭ مەن حانىمى پىڭ لييۋان جەتە سالىسىمەن، پاۆلوپوۋلوس پەن حانىمى فيلاسسيانىڭ ىقىلاستى قارسى الۋىنا بولەندى.
قۇرمەت قاراۋىلدارى ءداستۇرلى سالتانات كيىمدەرىن كيىپ قاتارعا تۇردى. شي جينپيڭ پاۆلوپوۋلوستىڭ سەرىك بولۋىندا قۇرمەت قاراۋىلىن كوزدەن كەشىردى، اسكەري وركەستر جۇڭگو مەن گرەتسيا ەكى ەلدىڭ مەملەكەت ءانىن ورىندادى. ەكى ەلدىڭ مەملەكەت باسشىلارى مەن حانىمدارى جەكە - جەكە قارسى جاققا سەرىك بولىپ كەلگەندەرمەن ءبىر - بىرلەپ قول الىستى.
سول كۇنى شي جينپيڭ گرەتسيانىڭ اتسىز جاۋىنگەرلەر ەسكەرتكىشىنە گۇل شەڭبەر قويدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلعا قاتىناستى.
شينحۋا اگەنتتىگىنىڭ 11 - ايدىڭ 11 - كۇنى افينادان بەرگەن حابارى (تىلشىلەر چىن جى، لي جيانمين، جىڭ شياۋ - ي). جەرگىلىكتى ۋاقىت 11 - ايدىڭ 11 - كۇنى، مەملەكەت ءتوراعاسى شي جينپيڭ افينادا گرەتسيانىڭ زۇڭليى ميتسوتاكيسپەن كەڭەستى.
شي جينپيڭ بىلاي دەپ اتاپ كورسەتتى: بىرنەشە كۇننىڭ الدىندا، زۇڭلي مىرزا ۇيىرمە باستاپ شاڭحايعا بارىپ، 2 - كەزەكتى جۇڭگو حالىقارالىق يمپورت كورمەسىنە قاتىناستى. ساناققا نەگىزدەلگەندە، گرەتسيا جاقتىڭ وسى رەتكى كورمەدە جاساعان ساۋدا - كەلىسىم سوماسى وتكەن كەزەكتەگىدەن 5.2 ەسە ارتىپتى. جۇڭگو تاباندىلىقپەن ەسىكتى ونان ارى ايقارا اشادى، گرەتسيانى قامتىعان ءار ەلدىڭ دامۋىنا اناعۇرلىم كوپ وراي اكەلۋدى قالايدى. جۇڭگو مەن گرەتسيانىڭ قارىم - قاتىناسىندا 2 ۇلكەن دانەكەر بار، ءبىرى، وركەنيەتتەردىڭ اۋىس - كۇيىسى، ەكىنشىسى، ءوزارا تيىمدىلىك جەتكىزۋ سەلبەستىگى. ەكى وركەنيەتتى بايىرعى ەل قول ۇستاسىپ، ەكى ەل حالقىن اناعۇرلىم مول باقىتقا كەنەلتىپ، ادامزاتتىڭ العا باسۋىن اناعۇرلىم ويداعىداي جەبەۋى كەرەك.
شي جينپيڭ جۇڭگو مەن گرەتسيانىڭ ناقتى ىستەر سەلبەستىگى جونىندە تومەندەگىدەي ۇسىنىس قويدى.
ءبىرىنشى، ”ءبىر بەلدەۋ، ءبىر جول“دى بىرگە قۇرۋ باستاماسىن گرەتسيانىڭ ماڭىزدى حالىقارالىق زات جەتكىزۋ وتكەرمە تورابىن قۇرۋ ستراتەگياسىمەن ءتۇيىلىستىرۋدى كۇشەيتىپ، پيراەۋس پورتىن جەر ورتا تەڭىزى وڭىرىندەگى ەڭ ۇلكەن تيەۋىش قوراپ وتكەرمە پورتى ەتىپ ەرتەرەك قۇرىپ شىعىپ، ونىڭ تەڭىز - تەمىر جول بىرلەسكەن تاسىمال تورابى رولىن تولىق ساۋلەلەندىرىپ، جۇڭگو - ەۆروپا قۇرلىق - تەڭىز جەدەل جەلىسىنىڭ تاسىمال قۋاتىن جوعارىلاتۋ.
ەكىنشى، ەكى باعىتتى ساۋدانىڭ جانە قارجى قوسۋدىڭ كولەمىن كەڭەيتىپ، ەلەكتر قۋاتى، حابارلاسۋ، جاساۋ كاسىبى، فينانس سياقتى سالالارداعى سەلبەستىكتى كۇشەيتۋ. جۇڭگو جاق گرەتسيانىڭ اناعۇرلىم كوپ ساپالى اۋىل شارۋاشىلىعى ونىمدەرىن يمپورت ەتۋدى قالايدى، ناقتى كۇشى مىعىم اناعۇرلىم كوپ جۇڭگو كاسىپورىندارىن گرەتسياعا بارىپ قارجى قوسۋعا، شارۋاشىلىعىن شالقىتۋعا ىنتالاندىرادى.
ءۇشىنشى، گۋمانيتارلىق اۋىس - كۇيىستى تەرەڭدەتۋ. تۋراشىلدىقتى ساقتاپ، جاڭالىق اشۋ كەرەك، مۇندا بۇرىنعىلاردىڭ بىزگە قالدىرعان مول مادەنيەت مۇرالارىنان اۋىس - كۇيىس جاساپ، ءوزارا ۇلگى الىپ، بۇرىنعىعا مۇراگەر، كەيىنگىگە بۇيداگەر بولۋمەن بىرگە، قازىرگى دۇنيە ءجۇزىنىڭ دامۋ اعىمىندا كونەنى وزگەرتىپ، جاڭالىق جاساپ، بولاشاققا جول اشۋ كەرەك. ەكى جاق 2021 - جىلى جۇڭگو مەن گرەتسيانىڭ مادەنيەت جانە ساياحات جىلىن ءوزارا وتكىزۋدى وراي ەتىپ، ادامداردىڭ بارىس - كەلىسى مەن جەرگىلىكتى ورىندار سەلبەستىگىن جەبەۋ، عىلىم - تەحنيكالىق جاڭالىق اشۋ سالاسىندا بىرلەسكەن عىلمي زەرتتەۋدى قامتىعان سەلبەستىك ورىستەتۋگە قولداۋ كورسەتۋ كەرەك.
ءتورتىنشى، جۇڭگو - ەۆروپا قارىم - قاتىناسىنىڭ دامۋىن بىرگە ىلگەرىلەتۋ. گرەتسيا − ەۆروپا وداعىنا ماڭىزدى مۇشە ەل جانە بالقان وڭىرىندەگى ماڭىزدى مەملەكەت. جۇڭگو - ورتا، شىعىس ەۆروپا ەلدەرىنىڭ سەلبەستىگى جۇڭگو مەن ەۆروپانىڭ جاپپاي ستراتەگيالىق سەرىكتەستىك قارىم - قاتىناسىنىڭ ىشكى ءمانىن بايىتتى. جۇڭگو جاق گرەتسيا جاقپەن بىرگە وسى سەلبەستىك مەحانيزمىن ويداعىداي ورناتىپ، كوپ جاقتىلىقتى جانە ەركىن ساۋدانى بىرگە قورعاپ، ءوزارا پايدا جەتكىزۋدى، كوپ يگىلىككە كەنەلۋدى جۇزەگە اسىرۋدى قالايدى.
شي جينپيڭ بىلاي دەپ باسا دارىپتەدى: كۇڭزى: ”قۇلىقتى ادام جالعىز قالمايدى، وعان نيەتتەس سەرىك قالاي دا تابىلادى“ دەگەن. اريستوتەل دە: ”ناعىز دوس − ەكى دەنەدەگى ءبىر جۇرەك ىسپەتتى“ دەگەن. تەپە - تەڭ بولۋ، قۇرمەت ەتۋ، تاتۋ بولۋ، سەلبەستىك جۇرگىزۋ، اشىق، سيىسىمدى بولۋ، باتىلدىقپەن العا ۇمتىلۋ − ءبىز 2 ۇلى ۇلتتىڭ ورتاق ەرەكشەلىگى، سونداي - اق ءبىزدىڭ دامۋعا بىرگە ۇمتىلۋىمىزدىڭ جويقىن قوزعاۋشى كۇشى. مەن ەكى جاقتىڭ بىرگە قۇلشىنۋىندا، جۇڭگو - گرەتسيا قارىم - قاتىناسىنىڭ، ءسوز جوق، اناعۇرلىم مول جەتىستىككە جەتەتىندىگىنە، ادامزاتتىڭ تاعدىرلاس ورتاق تۇلعاسىن قۇرۋعا اناعۇرلىم كەسەك ۇلەس قوساتىندىعىنا سەنەمىن.
ميتسوتاكيس مىنالاردى ءبىلدىردى: جۇڭگو − ۇلى وركەنيەتتى بايىرعى مەملەكەت، دۇنيە ءجۇزىنىڭ بەيبىتشىلىگى مەن دامۋىن جەبەۋ جاعىندا اسا كەلەلى رول اتقارىپ كەلەدى. جۇڭگو ەكونوميكاسىنىڭ دامۋ جەتىستىگى تەڭدەسسىز، ونى ادامزات قوعامىنىڭ ءبىر كەرەمەتى دەۋگە بولادى. جۇڭگونىڭ سىرتقا ەسىكتى ايقارا اشۋى گرەتسيانى قامتىعان ءار ەلگە اناعۇرلىم كوپ وراي ازىرلەپ بەرەدى. گرەتسيا - جۇڭگو سەلبەستىگى ستراتەگيالىق ماڭىزعا يە. گرەتسيا حالقى جۇڭگونىڭ گرەتسيانىڭ قارجى داعدارىسىن باستان وتكەرگەن كەزدە كورسەتكەن قىمباتتى كومەگىنە العىس ايتادى. گرەتسيا جاق جۇڭگو جاقتىڭ وزەكتى مۇددەسىنە ساياتىن ماسەلەلەردە جۇڭگونى ۇزدىكسىز باتىل قولدايدى. گرەتسيا جاق ”ءبىر بەلدەۋ، ءبىر جول“دى بىرگە قۇرۋعا بەلسەنە ات سالىسىپ، پيراەۋس پورتىن ەۆروپاداعى ەڭ ۇلكەن پورت ەتىپ قۇرىپ شىعىپ، ەۆروپا مەن ازيانىڭ ۇلاسۋىن، تۇتاسۋىن جەتەكتەيدى. گرەتسيا جۇڭگونىڭ ەۆروپا بازارىنا كىرەتىن قاقپاسى بولۋدى ءۇمىت ەتەدى، اناعۇرلىم كوپ جۇڭگو كاسىپورىندارىنىڭ كەلىپ قارجى قوسىپ، شارۋاشىلىعىن شالقىتۋىن قارسى الادى، بۇل گرەتسيا ەكونوميكاسىنىڭ ارتۋىن جانە جەرگىلىكتى ورىنداعى جۇمىستاندىرۋدى پارمەندى جەبەيدى. ەكى جاقتىڭ كەمە تاسىمالى، ەنەرگيا، ەلەكتروندى ساۋدا، مادەنيەت، وقۋ - اعارتۋ، ساياحات سياقتى سالالارداعى اۋىس - كۇيىستى، سەلبەستىكتى كۇشەيتۋىن ءۇمىت ەتەدى. گرەتسيا جاق ورتا، شىعىس ەۆروپا ەلدەرى - جۇڭگو سەلبەستىگى ەۆروپانى بولشەكتەيدى دەگەن ايتىلىمدى قۇپتامايدى، وسى سەلبەستىك ءۇشىن ۇزدىكسىز كۇش سالادى، سونداي - اق ەۆروپا وداعى − جۇڭگونىڭ جالپى تۇلعالىق قارىم - قاتىناسىن ىلگەرىلەتۋ ءۇشىن بەلسەندى رول اتقارادى. مەن ءسىزدىڭ ساپارىڭىزدىڭ، ءسوز جوق، مول جەتىستىككە قول جەتكىزەتىندىگىنە، گرەتسيا - جۇڭگو، ەۆروپا - جۇڭگو قارىم - قاتىناسىنىڭ دامۋىنداعى جاڭا ماڭىزدى بەلەسكە اينالاتىندىعىنا سەنەمىن.
كەڭەستەن كەيىن، ەكى ەل باسشىلارى بىرگە تىلشىلەرمەن كەزدەستى، سونداي - اق قارجى قوسۋ، پورت، فينانس، ەنەرگيا، وقۋ - اعارتۋ سياقتى كوپ سالانى قامتىعان ەكى جاقتى سەلبەستىك حۇجاتتارىن اۋىستىرۋعا كۋا بولدى.
ەكى جاق «جۇڭحۋا حالىق رەسپۋبليكاسى مەن گرەتسيا رەسپۋبليكاسىنىڭ جاپپاي ستراتەگيالىق سەرىكتەستىك قارىم - قاتىناستى كۇشەيتۋ جونىندەگى بىرلەسكەن مالىمدەمە»سىن جاريالادى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
