شي جينپيڭ افيناعا جەتىپ گرەتسيا رەسپۋبليكاسىنداعى مەملەكەت ىستەرى ساپارىن باستادى
2019.11.13 15:44 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 10 - كۇنى افينادان بەرگەن حابارى (تىلشىلەر يۇي شۋايشۋاي، لي جيانمين). جەرگىلىكتى ۋاقىت 11 - ايدىڭ 10 - كۇنى كەشتە مەملەكەت ءتوراعاسى شي جينپيڭ ارناۋلى ۇشاقپەن افينا حالىقارالىق اۋەجايىنا جەتىپ، گرەتسيا رەسپۋبليكاسىنداعى مەملەكەت ىستەرى ساپارىن باستادى.
شي جينپيڭ مەن حانىمى پىڭ لييۋان ارناۋلى ۇشاق ەسىگىنەن شىققاندا، گرەتسيانىڭ سىرتقى ىستەر مينيسترى دىڭديياس قاتارلى ۇكىمەتتىڭ جوعارى دارەجەلى ءمانساپتىلارى ۇشاق باسپالداعىنىڭ قاسىندا تۇرىپ قىزۋ قارسى الدى. قۇرمەت قاراۋىلى قىزىل كىلەمنىڭ ەكى جاعىنا ءتىزىلىپ تۇرىپ، قۇرمەتپەن قاراپ تۇردى.
شي جينپيڭ جۇڭگو ۇكىمەتى جانە جۇڭگو حالقى اتىنان گرەتسيا ۇكىمەتىنە جانە گرەتسيا حالقىنا شىن ىقىلاستى سالەم جولدادى ءارى ىزگى تىلەك ءبىلدىردى. شي جينپيڭ مىنانى اتاپ كورسەتتى: گرەتسيانىڭ ۇزاق تاريحى جانە شۇعىلالى مادەنيەتى بار، ادامزات وركەنيەتىنىڭ العا باسۋىنا ەلەۋلى ۇلەس قوسقان. جۇڭگو - گرەتسيا مادەنيەتى ءوزارا شۇعىلا شاشىپ، دوستىق بارىس - كەلىسى ۇزاقتان جالعاسىپ كەلەدى. وركەنيەتتى بايىرعى ەلدەر ساناتىندا، جۇڭگو - گرەتسيا ەكى جاق تۇگەلدەي وركەنيەتتەر اۋىس - كۇيىسىن، تىلدەسۋىن قولداپ، تۇرلىشە وركەنيەتتەردىڭ جاراسىمدى قاتار ءومىر ءسۇرۋىن ىلگەرىلەتتى. جۋىق جىلداردان بەرى، جۇڭگو مەن گرەتسيانىڭ قارىم - قاتىناسى جوعارى ورەدە دامۋدى ساقتاپ، ەكى ەلدىڭ جوعارى جىكتەگىلەرىنىڭ بارىس - كەلىسى جيىلەپ، ساياسي ءوزارا سەنىمدىلىگى ۇزدىكسىز تەرەڭدەدى، پيراۋس پورتى نىسانىن بەلگى ەتكەن جۇڭگو مەن گرەتسيانىڭ ”ءبىر بەلدەۋ، ءبىر جول“دى بىرگە قۇرۋ سەلبەستىگىنىڭ جەتىستىگى مول بولدى، كەلەلى حالىقارالىق جانە وڭىرلىك ماسەلەدە تىعىز تىلدەسۋ مەن سايكەسۋدى ساقتاپ، دۇنيە ءجۇزىنىڭ بەيبىتشىلىگى مەن ورنىقتىلىعىنا، دامۋىنا، كوركەيىپ - گۇلدەنۋىنە ۇلەس قوستى.
شي جينپيڭ مىنانى اتاپ كورسەتتى: كەزەكتە جۇڭگو مەن گرەتسيا ءوز دامۋىنىڭ شەشۋشى كەزەڭىندە تۇر، ەكى جاقتى قارىم - قاتىناستى تەرەڭدەتۋ، ناقتى ىستەر سەلبەستىگىن كەڭەيتۋ ەكى ەلدىڭ جانە ەكى ەل حالقىنىڭ ءتۇبىرلى مۇددەسىنە ۇيلەسەدى. مەن پاۆلوپوۋلوس زۇڭتۇڭ، ميتسوتاكيس زۇڭلي قاتارلى گرەتسيا باسشىلارىمەن جاڭا جاعدايدا جۇڭگو مەن گرەتسيا قارىم - قاتىناسىن دامىتۋ جونىندە تەرەڭدەي پىكىر اۋىستىرىپ، ەكى ەل سەلبەستىگىنىڭ بولاشاقتاعى دامۋ جوباسىن بىرگە جاساپ، جۇڭگو مەن گرەتسيانىڭ جاپپاي ستراتەگيالىق سەرىكتەستىك قارىم - قاتىناسىنىڭ جاڭا پاراعىن بىرگە اشۋدى ءۇمىت ەتەمىن. ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى سەرىكتەرى وسى ۇشاقپەن بىرگە جەتتى.
جۇڭگونىڭ گرەتسيادا تۇراتىن باس ەلشىسى جاڭ چييۋە دە اۋەجايعا كەلىپ قارسى الدى.
گرەتسياداعى مەملەكەت ىستەرى ساپارىن اياقتاتقان سوڭ، شي جينپيڭ برازيلياعا بارىپ بريكس ەلدەرى باسشىلارىنىڭ 11 - رەتكى ءديدارلاسۋىنا قاتىناسادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
