ءبىر تور جەلىسىنىڭ كەدەيلىكتەن ارىلتۋداعى كۇشى
− اۋىر كەدەي اۋداننىڭ ءبىرىنشى شەبىنەن كەلگەن تەكسەرۋ - زەرتتەۋ ⑥
باي جىيۇي، حى ليڭ، جاۋ چۇنحۋا، ازات يۇسۇپجان، لۇي يحان، تاۋ جىحاۋ
2019.11.26 14:43 كەلۋ قاينارى : شينجياڭ گازەتى
اقپاراتتىق تەز سىزبا 10 - ايدىڭ 24 - كۇنى قامىسارىق قىستاعىنىڭ تۇرعىنى مامۇت ءاشىم (وڭدا) قۇمىراعا بال قۇيۋدا، كورشىىسى، قوسىمشا ومارتاشى شاكىرتى امەتجان اۋىت قاسىندا وعان كومەكتەسۋدە. قوراپتالعان وسى بالدار ۇزاق ارالىققا جەتكىزۋگە لايىق بولىپ، قىستاقتىڭ ەلەكتروندىق ساۋداسىنداعى نەگىزگى ونىمگە اينالدى. 2 جىل ينتەرنەتكە شىعۋ ارقىلى مامۇت ءاشىم ەلەكتروندىق ساۋدانىڭ جەمىسىن كوردى، ول: ”جۇرتتىڭ بارلىعى ’بال ءتاتتى ەكەن‘ دەسەدى، تۇرمىسىمىز بالدان دا ءتاتتى“، - دەدى. □ گازەتىمىزدىڭ جالپىلىق اقپارات قۇرالدارىنىڭ ءتىلشىسى لي جىننان سىزعان
ينتەرنەت ءداۋىرىنىڭ ۇلى تولقىنى بارلىق دامۋ فاكتورلارىن قامتىمىنا الىپ ارشىنداي العا ىلگەرىلەۋدە، ەڭ شەت - شالعاي ءمۇيىس تە بۇدان قاعىس قالمادى.
جاڭا ءشار اۋدانى قامىسارىق اۋىلى قامىسارىق قىستاعى سىندى وسى كەدەي قىستاقتا ينتەرنەتتىڭ ورىن الۋى ينفورماتسيا قابىلداۋدان عانا ەمەس، كەدەيلىكتەن ارىلىپ، بايۋ ۇمىتىنەن دە دەرەك بەرەدى. ەلەكتروندىق ساۋدا سىندى وسى كوپتەگەن شارۋالار تۇسىنە بەرمەيتىن ءسوز قىستاق ونىمدەرىن الىستارعا بەت الدىرىپ، ناقتى اقشاعا اينالدىردى.
ءتىلشى قامىسارىق قىستاعىنا كەلگەندە، بۇل اراداعى تۇرعىنداردىڭ العاش رەت ينتەرنەتتەن پايدالانعان كەزدە جۇزدەرىنەن بايقالعان تاڭىرقاۋ مەن قۋانىشتى كوردى.
■ زات ساتۋ قولايلى ءارى قۇندى ارتتىردى
10 - ايدىڭ 24 - كۇنى ەرتەمەن قامىسارىق قىستاعىنىڭ تۇرعىنى مۇساجان ءالي ءوز ءۇيىنىڭ اۋلاسىندا قاربالاسقا ءتۇستى: ۇلكەن سۋلياۋ كۇبىدە ساقتالعان بالدى الىپ شىعىپ، توراپتان ساتىپ العان اينەك قۇمىراعا ءبولىپ سالدى، مىقتاپ پەشەتتەدى، ونان كەيىن قۇمىرانى جەدەل جەتكىزۋگە ارنايى پايدالاناتىن سىنۋدان قورعايتىن كەۋەكتى قوراپقا سالدى.
ءبولىپ قوراپتاۋ قىزمەتى ونشا كۇردەلى ەمەس ەكەن، كوپ وتپەي مۇساجاننىڭ جانىنا قالىڭ كەۋەكتى قوراپ ءۇيىلىپ قالدى. ”وسى زاتتاردىڭ بارلىعىن توراپ دۇكەنىنە دايىندادىق، جەدەل جولداما ارقىلى بۇكىل ەلدىڭ ءارقانداي جەرىنە جەتكىزۋگە بولادى. توراپ دۇكەنىنىڭ ارقاسىندا بالىم جاقسى ساتىلاتىن بولدى، قازىر، ءتىپتى، قاجەتتى قامداي الماي وتىرمىز“، - دەدى مۇساجان.
مۇساجاننىڭ ايتقان توراپ دۇكەنى ”ارمانعا قانات قاققان قاشقار“ تاۋباۋ دۇكەنى. مۇساجاننىڭ قاربالاستاۋىمەن بىرگە، ”ارمانعا قانات قاققان قاشقار“ تاۋباۋ دۇكەنىنىڭ ساۋداسى دا باستالدى.
قامىسارىق قىستاعىنىڭ ەلەكتروندىق ساۋدا قىزمەت وتەۋ پۋنكتىندە قىزمەتكەر مامەتسەيت ابليز كومپيۋتەردى جاتىق مەڭگەرۋدە. كومپيۋتەرگە جالعانعان تەلەۆيزور ەكرانىنان تۇرلەرگە ءبولىپ سورەدەگى تاۋارلاردى كورسەتتى، بال، شىلان سياقتى اۋىل شارۋاشىلىق ونىمدەرىنەن تارتىپ كەستە، مىس شاۋگىم سياقتى قولونەر بۇيىمدارىنا دەيىن كوزدىڭ جاۋىن الادى. ”وسى ونىمدەردىڭ بارلىعىن نەگىزىنەن قىستاق تۇرعىندارىنىڭ وزدەرى وندىرگەن، تورعا شىعارىپ، ءبىز ۋاكىلدىك ساتامىز“، - دەدى مامەتسەيت.
ءسوز ارالىعىندا، ەلەكتروندىق ساۋدا قىزمەت وتەۋ پۋنكتىنىڭ ىرگەسىندەگى حالىق تىلەگى قولونەر بۇيىمدارى شارۋالار كاسىپتىك سەلبەستىك كووپەراتيۆىنىڭ مۇشەسى ورگۇل سۇلتان كىرىپ كەلدى، ول مامەتسەيتتەن كانۋا ونىمدەرىنىڭ تور دۇكەنىنە تاياۋدان بەرى ءسوز قالدىرىلعان - قالدىرىلماعاندىعىن سۇراستىردى.
ورگۇل تىلشىگە بىلاي دەدى: قىستاقتا كانۋا تىگەتىندەر از ەمەس، الايدا وتكەندە بازار ارقىلى ساتىلاتىندىقتان، باعاسى جوعارى بولمايتىن. ”ەلەكتروندىق ساۋدا تۇعىرى بولعاننان كەيىن، ءبىزدىڭ ونىمدەرىمىز ويدا - جوقتا ءوتىمدى بولا باستادى“. ورگۇل بىلاي دەدى: كوپتەگەن تۇتىنۋشىلار تاۋباۋ دۇكەنىنەن ونىمدەردى كورگەنىمەن، تىكە تاپسىرىس بەرمەيدى، قايتا حابارلاسۋ ءادىسىن قالدىرىپ، بىزبەن ۇلگىسى مەن ولشەمىن كەلىسىپ العاننان كەيىن ساتىپ الادى. ”قازىر كانۋانىڭ وزىنەن ءار جىلى 20 مىڭ يۋانعا تاياۋ كىرىس كىرگىزەمىن،سەلبەستىك كووپەراتيۆتەگى 12 كەدەي وتباسى تۇگەلدەي كانۋانىڭ ارقاسىندا كەدەيلىكتەن ارىلدى“.جىڭىشكە تور جەلىسى سىرتقى دۇنيەمەن بايلانىستىرىپ، قامىسارىق قىستاعىنىڭ ونىمدەرىنىڭ اناعۇرلىم جاقسى ساتىلۋىنا مۇمكىندىك جاسادى. شينجياڭ اۋىل شارۋاشىلىق عىلىم اكادەمياسىنىڭ قامىسارىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى ابدۇقەيىم قادىر بىلاي دەپ تانىستىردى: قازىر قامىسارىق قىستاعىنىڭ تاۋباۋ دۇكەنىندە، ءۇنحات دۇكەنىندە ساتىلاتىن تاۋارلار جەرگىلىكتى ورىننىڭ ۇلتتىق قولونەر بۇيىمدارى، اۋىل شارۋاشىلىق ەرەكشە ونىمدەرى سىندى ەكى ۇلكەن توپتاعى 47 ءتۇردى قامتىدى. تەك بالدىڭ وزىنەن بىلتىر 3200 كيلوگرام ساتىلدى، كىرىس 100 مىڭ يۋانعا تايادى، بۇل 2017 - جىلداعىدان ءبىر ەسەگە تاياۋ ارتتى.
■ قۇرۋ جاپالى بولدى ءارى ىستەۋگە تاتيدى
ەلەكتروندىق ساۋدا تۇعىرىنىڭ جارىققا شىعۋى قامىسارىق قىستاعىنداعى بۇقاراعا كەدەيلىكتەن ارىلۋدىڭ تىڭ جولىن تاپتى، الايدا ونى قۇرۋ بارىسى، اسىرەسە، باسقان العاشقى قادامى قايتا - قايتا تولعانۋ مەن ماڭداي تەر توگۋدىڭ سىناعىن وتكەردى.
2017 - جىلى قىستاققا جاڭادان كەلگەندە، 25 جىلدىق نەگىزگى ساتى قىزمەت تاجىريبەسىنە يە زيالى كادر رەتىندە، قامىسارىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى شۇي لين وسى ارادا ەلەكتروندىق ساۋدانى دامىتۋ ويىندا بولادى، ”بۇل ارا اۋدان قالاشىعىنا ءبىرشاما جاقىن، ءتۇرلى ونىمدەردىڭ ەرەكشەلىگى ايقىن، ەلەكتروندىق ساۋدانى دامىتاتىن قاتىناس نەگىزى مەن ءونىم نەگىزى بار“.
الايدا تەك قانا اۋدان قالاشىعىنا جاقىن بولۋ جانە ساتاتىن زات بولۋ جەتكىلىكتى بولمايدى، كوپ ساندى قىستاق تۇرعىندارى جونىنەن العاندا، ينتەرنەت جاڭا زات بولىپ تابىلادى، وندا ەلەكتروندىق ساۋدانى قالاي باستاۋ كەرەك؟
وسىدان بۇرىن ەلەكتروندىق ساۋدانى دامىتۋ تاجىريبەسى جوق بولعانىمەن، قىزمەت اترەتى جانە قىستاق ”ەكى كوميتەتى“ باتىل ارەكەتكە كەلەدى. كوپ جاقتى سايكەستىرۋ ارقىلى قىستاق 140 مىڭ يۋاننان استام قارجى قوسىپ، ناقتى زات دۇكەنى، تيجارات دۇكەنى، قويما، زات اينالىمى سياقتىلاردى ءبىر تۇلعالاندىرعان ۇلتتىق قولونەر بۇيىمدارى كورمە زالىن قۇرادى ءارى ءتۇزىمدى قابىرعاعا شىعارۋ، ءىس كەڭەسۋدە ەرەجە بولۋ، باسقارۋدا ءتارتىپ بولۋ سىندى اۋىل - قىستاق ەلەكتروندىق ساۋدا ناقتى زات دۇكەنىن سايكەستى قۇرادى.
قاتتى بولشەك نەگىزى قالاندى، ەندىگى قادام ءارى ەڭ ماڭىزدى ءبىر قادام كەمەلدى تور دۇكەنىن قۇرۋعا تۋرا كەلدى. وسى كەزدە گۋاڭدۇڭ جەڭىل ونەركاسىپ كاسىپتىك - تەحنيكالىق شۋەيۋانىنىڭ جاستار قىزىل ارمانعا قانات قاعۋ ساپارى ”ارمانعا قانات قاققان قاشقار“ ەلەكتروندىق ساۋدا ۇيىرمەسىندەگى 10 نەشە وقىتۋشى - وقۋشى قامىسارىق قىستاعىنا كەلىپ، قىزمەت اترەتىمەن بىرلەسىپ ”ەلەكتروندىق ساۋدا جاعىنان كەدەيلەردى سۇيەمەلدەۋ، اۋىل شارۋاشىلىعىن گۇلدەندىرۋ“ نىسانىن ورىستەتەدى. 2018 - جىلى 7 - ايدا جاس ءارى جاسامپاز قۋاتقا يە وسى ۇيىرمەنىڭ كۇن - ءتۇن دەمەي قۇلشىنۋىنىڭ ارقاسىندا قامىسارىق قىستاعى اۋىل شارۋاشىلىق ەرەكشە ونىمدەرى جانە ۇلتتىق قولونەر بۇيىمدارى ەلەكتروندىق ساۋدا تۇعىرىن قۇرۋدى تەز ارادا ورىندايدى.
تۇعىر قۇرىلدى، ماسەلە تاعى تۋىندادى: دۇكەن بار، نە ساتۋ كەرەك؟ قالاي ساتۋ كەرەك؟ قانداي تاۋارلاردى تاڭداپ نەگىزگى ءونىم ەتۋ كەرەك؟
قىزمەت اترەتىنىڭ سايكەستىرۋىندە، گۋاڭدۇڭ جەڭىل ونەركاسىپ كاسىپتىك - تەحنيكالىق شۋەيۋانىنىڭ وقىتۋشى - وقۋشىلار ۇيىرمەسى تالاي رەت شارۋالار وتباسىنا بارىپ جاعداي ۇعىسىپ، تەكسەرىپ - زەرتتەپ، جەرگىلىكتى ورىننىڭ ۇلتتىق قولونەر بۇيىمدارىنىڭ جانە اۋىل شارۋاشىلىق ەرەكشە ونىمدەرىنىڭ ەگجەي - تەگجەيلى جاعدايىن جانە زات اينالىمىن سايكەستىرۋ جاعدايىن ۇعىسادى. ىشكەرىلەي تەكسەرۋ - زەرتتەۋ ارقىلى ۇيىرمە ەڭ اقىرىندا قامىسارىق قىستاعىنىڭ جەرگىلىكتى بالىن ەلەكتروندىق ساۋدانىڭ العاشقى نەگىزگى ءونىمى ەتۋدى ۇيعارادى.
الايدا بازاردا بال ونىمدەرىنىڭ ءتۇرى كوپ، باسەكە شيەلەنىستى، جەرگىلىكتى ورىننىڭ بالى قايتكەندە جەڭىپ شىعا الادى؟
نىسانالى ادامدار شوعىرىنان ءونىمدى تۇراقتاندىرعانعا، جارناما ماتەريالدارىنان ۇگىت كەسكىنىنە دەيىن، وسى ”95 - جىلدان كەيىنگى تۋىلعان“ ستۋدەنتتەر كوپ كۇش سالدى: ءبىر تاماشا جارناما ماتەريالى جاسامپازدىعى 20 نەشە رەتكى تالقىدان وتۋىنە تۋرا كەلەدى؛ ادامدى باۋرايتىن ءبىر ۇگىت كورىنىسى ءۇشىن، كەسكىنگە الۋشىلار 40 سەلتسي گرادۋستان جوعارى تەمپەراتۋرادا ارى - بەرى 20 كيلومەتر شاپقىلادى؛ ماركا اسەرىن قالىپتاستىرۋ ءۇشىن جاسامپازدىقپەن ءبىر شارۋانىڭ وبرازىن ءونىم ساۋدا ماركاسى ەتىپ اسپەتتەپ شىقتى... ءاربىر ادامنىڭ زەيىن - زەردەسىن، كۇش - قۋاتىن سارقا جۇمساۋىنىڭ ارقاسىندا، ەڭ سوڭعى ناتيجە تور دۇكەنى تاپسىرىسى بارىسىندا اڭىس ەتىلدى.
قىستاقتاعى ومارتاشى مامۇت ءاشىمنىڭ بىلتىر 7 - ايداعى ”ارمانعا قانات قاققان قاشقار“ تاۋباۋ دۇكەنى ەندى باستاپ تيجارات جۇرگىزگەندەگى كورىنىستەرى كۇنى كەشەگىدەي ەسىندە: ”بال تورعا شىعارىلعان العاشقى 2 كۇندە مەن 20 نەشە تاپسىرىس الدىم، جالپى ساتىلىم مولشەرى 160 كيلوگرامعا جەتتى، كىرىسىم بىردەمدە 5000 نەشە يۋان ارتتى“. بۇگىنگى كۇندەرى ونىڭ اتىمەن اتالعان ”ءاشىم“ جەرگىلىكتى بالى قىستاقتىڭ جۇلدىزدى ونىمدەرىنە اينالىپ، ەل ىشىندەگى كوپتەگەن جەرلەرگە ساتىلدى.
■ قامتاماسىزداندىرۋ جالپى بەتتىك ءارى الدا بولدى
ەگەر ەلەكتروندىق ساۋدانى تاۋاردى اناعۇرلىم تەز تاسىمالدايتىن جۇك اۆتوموبيلىنە بالايتىن بولساق، وندا جەدەل جەتكىزۋ زات اينالىمى تاس جولعا بارابار، ول ەلەكتروندىق ساۋدانى دامىتۋدا كەم بولسا بولمايتىن دانەكەر. قامىسارىق قىستاعى جونىنەن ايتقاندا، ەلەكتروندىق ساۋدانى جاقسى ىستەۋدە جەدەل جەتكىزۋ زات اينالىمى اينالىپ وتۋگە كەلمەيتىن ارقاۋ ءسوز.
ايتسەدە، ەلەكتروندىق ساۋدانىڭ دامۋى سالىستىرمالى ارتتا قالعاندىقتان، ۇزاق ۋاقىتتان بەرى قامىسارىق قىستاعىنا جەدەل جەتكىزۋ زات اينالىمى كاسىپورىندارى ىرگە تەپپەگەن بولاتىن، قىستاق تۇرعىندارى امالسىزدان اۋدان قالاشىعىنا بارىپ تەز جولدامالاردى الۋعا، جونەلتۋگە قىرۋار ۋاقىتتارىن جۇمسايتىن، ەرەكشە قولايسىز ەدى. ”ءبىر جولداما الۋعا بولا، بارىپ - كەلۋ ءۇشىن 80 كيلومەتر جول باسىپ، جارتى كۇن ۋاقىتىڭدى جۇمسايسىڭ، وتە ءتيىمسىز“، - دەدى تىلشىلىك بارىسىندا ءبىر قىستاق تۇرعىنى.
وسى قيىن ماسەلەنى شەشۋ ءۇشىن، قىزمەت اترەتى اۋدانداعى ءبىرتالاي تەز جەتكىزۋ سەرىكتەستىكتەرىمەن كەڭەسىپ، قىستاقتا تەز جەتكىزۋ ءتۇيىنىن اشۋدى ءۇمىت ەتتى. قايتا - قايتا سويلەسۋ ارقىلى اقىرىندا جۇڭتۇڭ تەز جەتكىزۋ سەرىكتەستىگىمەن كەلىسىمگە كەلدى. ءسويتىپ، قىستاق تۇرعىنى نۇرمامەت تۇرسۇن ءبىرىنشى بولىپ وسىعان كىرىستى.
10 - ايدىڭ 23 - كۇنى نۇرمامەت اشقان جۇڭتۇڭ تەز جەتكىزۋ تيجارات بولىمىندە زاتتارىن الۋشىلار كەلىپ جاتتى، شاعىن ۇيدەگى زات سورەسىنە تەز جەتكىزۋ قاعاز قوراپتارى مەن سۋلياۋ دوربالار قويىلىپتى. نۇرمامەت بىلاي دەدى: ”بىلتىر 4 - ايدا تيجارات ءبولىمى رەسمي جۇمىس باستاعان، كوپ وتپەي تانىلا باستادى، ءار كۇنى تۇستەن كەيىن ساعات 5 مولشەرىندە اۆتوموبيلمەن اۋدان قالاشىعىنا بارىپ، اۋىلدىڭ بارلىق جولداماسىن الىپ كەلەمىن. قىستاق تۇرعىندارى بازارشىلاعان كەزدە نەمەسە ەگىس جۇمىستارىن ىستەپ بولعان سوڭ ەلەكترسيكلمەن كەلىپ زاتتارىن الادى، بۇل قىستاق تۇرعىندارىنىڭ ۋاقىتتى ۇنەمدەۋىنە كومەكتەسىپ قانا قويماي، ولاردىڭ جول قاراجاتىن ۇنەمدەۋىنە دە سەپتىگىن تيگىزدى“.
ساۋداسى قاتتى جاندانعاندىقتان، ونىڭ ۇستىنە اراسىندا ۋاقىت شىعارىپ اۋدانعا بارىپ جولدامالاردى الاتىندىقتان، شىندىعىندا، نۇرمامەتتىڭ مۇرنىنا سۋ جەتپەي كەتتى. ءسويتىپ، قامىسارىق اۋىلى جوعارعى لاڭقالىق قىستاعىنداعى كەدەي تۇرعىن ماقپىرات كامىل ت−يجارات ءبولىمىنىڭ قىزمەتكەرى بولدى. ”قازىر ءالى پراكتيكا مەزگىلىندەمىن، كەلەسى ايدا رەسمي قىزمەتكەر بولعان سوڭ ايىنا ەڭبەكاقى جانە سيلىق اقشا الامىن، مەن بۇل قىزمەتكە قاتتى قىزىعىپ قالدىم، بولاشاقتا ءوز قىستاعىما بارىپ وسىنداي قىزمەت وتەۋ ءتۇيىنىن اشسام دەيمىن“.
قازىر نۇرمامەتتىڭ تيجارات ءبولىمى ءار كۇنى 50 − 60 تەز جەتكىزىلەتىن جولدامانى قابىلدايدى، ءاربىر جولداماعا 3 يۋان اقى العاندا، ءبىر ايداعى تازا كىرىسى 5000 − 6000 يۋان بولادى. ”ەلەكتروندىق ساۋدانىڭ مۇنشالىقتى جاقسى دامىعانىن كوردىم، تەحنيكانى جاقسى ۇيرەنىپ، ءبىر توراپ دۇكەنىن اشپاقشىمىن“، - دەدى نۇرمامەت.
وسى قايراتتى، ارمان قۋعان جاستار ءۇشىن، قىستاق رۋحاني شابىت بەرىپ قانا قويماي، ارەكەت جاعىنان دا قولدادى.
10 - ايدىڭ 24 - كۇنى ساعات 22 دە، قامىسارىق قىستاعىنىڭ كەشكى مەكتەبىندە، ابدۇقەيىم 30 نەشە قىستاق تۇرعىنىنا ەلەكتروندىق ساۋدا بىلىمدەرى مەن شەبەرلىكتەرىن مۇقيات ۇيرەتىپ جاتتى. ول ءالسىن - ءالى توقتاپ، قىستاق تۇرعىندارىنان سۇرايتىن جەرلەرىنىڭ بار - جوقتىعىن سۇرادى. وسى كەزدە ءبىرتالاي قىستاق تۇرعىنى قولدارىن كوتەرىپ سۇراق سۇرادى ءارى ابدۇقەيىمنىڭ جاۋابىن مۇقيات جازىپ الدى.
گۋاڭدۇڭ جەڭىل ونەركاسىپ كاسىپتىك - تەحنيكالىق شۋەيۋانى ۇيىمداستىرعان جازدىق دەمالىستاعى تاجىريبە اۋىستىرۋ پراكتيكاسى مەن جايشىلىقتاعى توردا كەڭەسىپ جەتەكشىلىك ەتۋدىڭ، وعان قوسا شۇي لين ىلگەرىندى - كەيىندى اۆتونوميالى رايوننان ۇسىنىس ەتىپ شاقىرعان 20 نەشە مامان - وقىمىستىنىڭ ۇستىندە وقىتۋىنىڭ ناتيجەسىندە قامىسارىق قىستاعىندا اناعۇرلىم كوپ قىستاق تۇرعىنى ەلەكتروندىق ساۋداعا قانىعا ءتۇستى، ەلەكتروندىق ساۋداعا ۇيىرلەستى، ەلەكتروندىق ساۋدانى جاقسى كوردى ءارى بەلسەندى، ىرىقتى تۇردە ەلەكتروندىق ساۋدا ارقىلى وزدەرىنىڭ كەدەيلىكتەن ارىلىپ بايۋ جولىن قاراستىردى.
■ دامۋ ورنىقتى ءارى قۋانارلىقتاي بولدى
قامىسارىق قىستاعىنداعى ەلەكتروندىق ساۋدانىڭ دامۋىن تىلگە العاندا، شۇي لين ىلعي دا ”يگىلىكتىڭ ەرتە - كەشى جوق“ دەگەندى ايتقاندى جاقسى كورەدى. ”وسى جولمەن جۇرۋگە بولاتىندىعىن ءداپ باسىپ تاني الساق، كەشىرەك، باياۋىراق بولسا دا وقاسى جوق، ەڭ سوڭىندا بەلگىلەنگەن نىساناعا جەتە الامىز“.
وسىنداي دامۋ ويىنىڭ جەتەكتەۋىندە، قامىسارىق قىستاعى قىزمەتتى تەزدەتۋ ءۇشىن، نەگىزدىك قىزمەتتى تولىق ىستەدى.
ءتىلشى مىنانى ۇعىستى: ەلەكتروندىق ساۋدانىڭ دامۋىنا كاسىپ جاعىنان تۇراقتى تىرەك ازىرلەۋ ءۇشىن، اۋىلدىق پارتكومنىڭ قولداۋىمەن قىستاق بازاردىڭ ەكى جاعىن جالعاستىراتىن 3000 شارشى مەتردەن استام ساۋدا دۇكەنىن تۇگەل جالعا بەرىپ، ءار قىستاقتا بىتىراپ جۇرگەن اعاش جابدىقتار، كيىم - كەشەك، كەستە، مۋزيكا اسپابى سياقتى ءداستۇرلى قولونەركاسىپتى ءبىر جەرگە شوعىرلاندىرىپ، جوبالاۋ، ءوندىرۋ، ءونىمدى تاپسىرىسپەن ساتىپ الۋ، ساتۋعا قىزمەت وتەۋ ءبىر تۇلعالانعان ەرەكشە كاسىپ باقشاسى رايونىن قالىپتاستىردى.
سونىمەن بىرگە، قىزمەت اترەتى تاعى كەدەيلەردى سۇيەمەلدەۋ ساياساتىنان تولىق پايدالانىپ، سۇيەمەلدەۋ سەرپىنىن ارتتىرىپ، شارتقا ۇيلەسەتىن كاسىپ اشۋشى جاستارعا كەپىلدەمەلى قارىز اقشا، سونداي - اق ءوسىمى قازىنادان تولەنەتىن قارىز اقشا بەرىپ، ەلەكتروندىق ساۋدا جاعىندا كاسىپ اشۋعا امانات - قارىز اقشا ارقىلى قولداۋ كورسەتىپ، ءتىپتى دە كوپ قىستاق تۇرعىندارىن ەلەكتروندىق ساۋدا ارقىلى كاسىپ اشىپ، جۇمىستانۋعا شابىتتاندىردى. قازىر قىستاق پارتيا ياچەيكاسى 8 جاستىڭ ەلەكتروندىق ساۋدا ارقىلى كاسىپ اشۋىن سۇيەمەلدەپ، اربىرەۋىنىڭ جىلدىق ورتاشا كىرىسى 25 مىڭ يۋان بولدى.
قازىر 25 سەلبەستىك كووپەراتيۆى ەلەكتروندىق ساۋدا تۇعىرىنىڭ قىزمەت وتەۋ كەلىسىمىنە قول قويىپ، 51 اۋىلعا ورالعان ستۋدەنت پەن اۋىل - قىستاق تاڭداۋلى جاس ەلەكتروندىق ساۋدا تۇعىرىندا توردا ساتۋ تەحنيكاسىن ۇيرەنۋگە تىركەلدى، 24 كەدەي وتباسى ەلەكتروندىق ساۋدا تۇعىرىنىڭ قىزمەت وتەۋىنەن تەگىن يگىلىكتەندى، ەلەكتروندىق ساۋدا كەدەي وڭىرلەردىڭ قان جاساۋىنىڭ ەڭ ۇتىمدى مەحانيزمىنىڭ بىرىنە اينالدى.
اناعۇرلىم زور كولەمنەن قاراعاندا، ەلەكتروندىق ساۋدا اكەلگەن قۋانارلىق وزگەرىستەر دە بىلىنبەي پايدا بولۋدا.
10 - ايدىڭ 25 - كۇنى تۇستە قىستاق كادرى ايىمگۇل احمەت دەمالعان جوق، ول ۇيىنە دامدەندىرگىش سالاتىن قالبىر ساتىپ الۋ ءۇشىن، قول تەلەفونىن شۇقىلاپ وتىردى. شينجياڭ داشۋەدەن وقۋ بىتىرگەن ونىڭ ينتەرنەت قولدانعانىنا تالاي جىل بولعان، ونىڭ جەتەكتەۋىندە ۇيىندەگىلەرى دە توردان زات ساتىپ الۋدى ۇناتا باستادى، ۇيىندەگى تۇرمىستىق بۇيىمداردىڭ كوبى جان - جاقتان پوچتا ارقىلى كەلەدى. ”توردان ساتىپ العان زاتتاردىڭ ساپاسى جاقسى، باعاسى دا ارزان، قازىر قىستاققا اكەلىپ بەرەتىن بولدى، بازارعا شاپقىلاۋدىڭ ەندى نە قاجەتى بار“، - دەدى ول.
ايىمگۇلدىڭ ويىنشا، ساپالى ءارى ارزان بولۋ توردان زات ساتىپ الۋدىڭ كوپتەگەن پايداسىنىڭ ءبىر جاعى عانا. ول ۇستىندەگى كيىمىن كورسەتىپ: ”سىمىمنان باسقانىڭ بارلىعىن توردان ساتىپ العانمىن، توردان كوپ زات تاڭداي الاسىڭ، جاراستىرىپ كيسەڭ دە وتە ادەمى“ دەدى.
شينجياڭدا، قاشقاردا، اۋىل - قىستاقتاردا ءبىر تور جەلىسى، ءبىر ەكران جانە ءۇش دوڭگەلەكتى موتورلى كولىك شەتكەرى، تۇيىق ورتانى وزگەرتۋدە.
وسى تور جەلىسىن بويلاي كەدەي بۇقارا كەدەيلىكتەن ارىلىپ بايۋدىڭ ءادىسىن تاپتى؛ وسى تور جەلىسىن بويلاي قامىسارىق قىستاعى ۇلكەن بازارعا بەت الاتىن جولدى تاپتى؛ وسى تور جەلىسىن بويلاي ءاربىر ادام ينفورماتسيا داۋىرىنە كىرۋ اۋزىن جانە وسى زامانعى تۇرمىستىڭ ۇلكەن ەسىگىن تاپتى.
ەلەكتروندىق ساۋدا قالامىنىڭ كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسى كەزەڭىندەگى كارتيناسىنا قانىق بەلگى قالدىراتىندىعىندا داۋ جوق.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
