قىزمەت ستيلىن جاقسارتۋ، بۇقارامەن ەتەنە بايلانىس ورناتۋ جونىندەگى ورتالىقتىڭ سەگىز ءتۇرلى بەلگىلەمەسى
2019.11.26 14:45 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 24 - كۇنى بەيجيڭنەن بەرگەن حابارى (چي شىڭ). 2012 - جىلى 12 - ايدىڭ 4 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى «18 - كەزەكتى ورتالىق كوميتەتى ساياسي بيۋروسىنىڭ قىزمەت ستيلىن جاقسارتۋ، بۇقارامەن ەتەنە بايلانىس ورناتۋ جونىندەگى سەگىز ءتۇرلى بەلگىلەمەسىن»، ياعني ”ورتالىقتىڭ سەگىز ءتۇرلى بەلگىلەمەسىن“ قاراپ ماقۇلدادى.
بەلگىلەمەدە مىنالار تالاپ ەتىلدى: ورتالىق كوميتەت ساياسي بيۋروسىنداعى بارلىق جولداس تەكسەرۋ - زەرتتەۋدى وڭاپ، شالا - شارپى ىستەۋدەن، فورماشىلدىقتان اۋلاق بولۋ؛ شاقتى ادام ەرتۋ، سەرىك بولۋشىلاردى ازايتۋ، قوناق كۇتۋدى قاراپايىمداندىرۋ كەرەك. ءماجىلىس قيمىلدارىن ىقشامداپ، ءماجىلىس ستيلىن شىن مانىندە جاقسارتۋ؛ ءماجىلىس ونىمدىلىگىن جوعارىلاتىپ، ءماجىلىستى قىسقا اشۋ، ءسوزدى قىسقا سويلەۋ، بوس ءسوز، جاتتاندى ءسوز سويلەۋدەن ساقتانۋ كەرەك. حۇجاتتاردى، قىسقاشا مالىمەتتەردى ىقشامداپ، جازۋ ستيلىن شىن مانىندە جاقسارتىپ، ناقتى مازمۇنى جوق، جاريالاۋعا دا، جاريالاماۋعا دا بولاتىن حۇجاتتاردى، قىسقاشا مالىمەتتەردى ءبىر تۇتاس جاريالاماۋ كەرەك. ساپارلاۋ قيمىلدارىن ارناعا ءتۇسىرىپ، ساپارلاۋدا بىرگە باراتىن ادامداردى قاتاڭ مەڭگەرىپ، بەلگىلەمەگە قاتاڭ بويسۇنىپ قاتىناس قۇرالدارىنا وتىرۋ كەرەك. قورعاۋ قىزمەتىن جاقسارتىپ، قاتىناستى شەكتەۋدى ازايتۋ، ادەتتەگى جاعدايلاردا جولدى بەكىتۋگە، ادامداردى شىعارىپ ساراي - ورىنداردى جابۋعا بولمايدى. اقپاراتتىق حابارلاۋدى جاقسارتۋ، ورتالىق كوميتەت ساياسي بيۋروسىنداعى جولداستار قاتىناسقان ماجىلىستەردى جانە قيمىلداردى حابارلاۋ - حابارلاماۋدى قىزمەت قاجەتىنە، اقپاراتتىق قۇنىنا، قوعامدىق ناتيجەسىنە ساي بەلگىلەپ، حابارلاۋدىڭ سانىن، ءارىپ سانىن، ۋاقىتىن اناعۇرلىم قىسقارتۋ كەرەك. قولجازبانى جاريالاۋدى قاتايتۋ، ورتالىقتىڭ ءبىر تۇتاس ورنالاستىرۋىنان تىس، جەكە ادامنىڭ شىعارمالاردى، سويلەگەن ءسوزدىڭ كىتاپشاسىن اشىق تۇردە باسپادان شىعارۋىنا، قۇتتىقتاۋ حاتىن، قۇتتىقتاۋ تەلەگرامماسىن جولداۋىنا، ارناۋ ءسوز، ارناۋ جازۋ جازىپ بەرۋىنە بولمايدى. ۇقىپتى دا ۇنەمشىل بولۋدى قاتاڭ اتقارىپ، تۇرعىن ءۇي، اۆتوكولىك ءبولىپ بەرۋ سياقتى قاتىستى قىزمەت جانە تۇرمىستىق مامىلە جونىندەگى بەلگىلەمەنى قاتاڭ اتقارۋ كەرەك.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كۇشتى تاريحي جاۋاپكەرشىلىكپەن جانە تايسالماس ەرىك - جىگەر قاسيەتىمەن ورتالىقتىڭ سەگىز ءتۇرلى بەلگىلەمەسىن جاساۋدان جانە اتقارۋدان باستاپ ماسەلەلەردى شەشىپ، قاتاڭدىقتى الدىڭعى ورىنعا قويىپ، پىشاقتىڭ ءدۇزىن ىشكە قاراتىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، وتكەندە شەشۋ مۇمكىن ەمەس دەپ قارالعان كوپتەگەن ماسەلەلەردى شەشتى، پارتيا ستيلىندە، ۇكىمەت ستيلىندە جانە قوعامدىق ستيلدە جان - جاقتىلى، تەرەڭ، ىقپالى زور، جۇرت جۇرەگىن جەلپىندىرەتىن وزگەرىستەر تۋىلدى.
2017 - جىلى 10 - ايدا 19 - كەزەكتى ورتالىق كوميتەتى ساياسي بيۋروسىنىڭ تۇڭعىش ءماجىلىسى «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ورتالىقتىڭ سەگىز ءتۇرلى بەلگىلەمەسىن دايەكتىلەندىرۋدى، تياناقتاندىرۋدى اتقارۋ ناقتى ەرەجەسىن» قاراپ ماقۇلدادى. اتقارۋ ناقتى ەرەجەسىنىڭ جاريالانۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ العان بەتىنەن قايتپاي ستيلدى دۇرىستاپ، ءتارتىپتى قاتايتۋداعى ايقىن پوزيتسياسىن جانە باتىل بەكىمىن ايگىلەپ، بۇكىل پارتياعا، بۇكىل قوعامعا ستيل قۇرىلىسىنىڭ تەرەڭدەي دامۋىن ءبىر ءسات تە تىنىستاماي ىلگەرىلەتۋ سىندى كۇشتى سيگنال تاراتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
