حالىق ساقشىسى بايمورىن: بەيبىت زاماندا پىشاق، مىلتىق، جارىلعىش ءدارى الدىندا باس يمەدى
2019.11.26 14:48 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 7 - كۇنى كوحوتتان بەرگەن حابارى (ءتىلشى ۋاڭ جيڭ). ”دۋماندى قالا - قالاشىقتا، جىم - جىلاس تاۋ قويناۋىندا، حالىق ساقشىلارىنىڭ قاراسى باتقان كۇن مەن شىققان كۇنگە سەرىك بولىپ كەلدى، قاسيەتتى مەملەكەت گەربى ادىلەت شۋاعىن شاشىپ، التىن قالقاندار سان مىڭداعان وتباسىلارىن قورعاۋدا...“ اكەسى بايمورىننىڭ قۇلپىتاسى الدىندا، ساقشى بولعان سارنا مەن ماندىلا وسى «حالىق ساقشىسى جىرى» ءانىن شىرقادى.
ءار جولى اكەلەرىنىڭ قابىرى الدىنا كەلگەندە، سارنا مەن ماندىلا وتكەن ىستەردى ەرىكسىز ەسكە الىپ، جانارلارىنا جاس تولادى، اكەسىنىڭ ايشىقتى كەلبەتى، رياسىز كۇلكىسى، قادالعان كوز جانارى تاعى كوز الدارىنا ەلەستەيدى ...
بايمورىن 1963 - جىلى ىشكى موڭعۇل اۆتونوميالى رايونى جىرىم امىگى حورچىن جۇڭعارۇن دۇنت حوشۋنىندا (بۇگىنگى تۇڭلياۋ قالاسى حورچىن جۇڭعارۇن دۇنت حوشۋنى) تۋعان، موڭعۇل، 1980 - جىلى قىزمەتكە قاتىناسقان، 1983 - جىلى الشا زۇن حوشۋنى بۇگۇتۋسىمۋ ءادىليا مەكەمەسىندە ءادىليا كومەكشى قىزمەتكەرى بولعان، 1992 - جىلى جۇڭگو كوممۋنيستىك پارتياسىنا مۇشە بولعان. 1992 - جىلى بايمورىن قوعام حاۋىپسىزدىگى قىزمەتىنە قاتىناسىپ، الشا زۇن حوشۋنى قوعام حاۋىپسىزدىگى مەكەمەسىنىڭ حوسۋرتسۇمىندا قوعام حاۋىپسىزدىگى ەرەكشە قىزمەتكەرى، 2 - دارەجەلى اتقارۋشى ساقشى بولادى.
1994 - جىلى 10 - ايدىڭ 21 - كۇنى ءبىر بۇزاقىنىڭ دەنەسىنە جارىلعىش ءدارى بايلاپ، ءبىر مالشىنى جارىلعىشپەن ولتىرمەكشى بولعان مالىمەتىن تاپسىرىپ العاننان كەيىن، بايمورىن باسقا جولداستارىمەن بىرگە تەكسەرىپ ءبىر جاقتى ەتۋگە جىلدام اتتانادى. ول دەنەسىنە جارىلعىش ءدارى بايلاپ، قولىنا بىلتە ۇستاعان بۇزاقى الدىندا، جەكە باسىنىڭ اماندىعىمەن ساناسپاي، كوكىرەك كەرە العا شىعىپ، جالعىز ءوزى بۇزاقىمەن پاراسات، باتىلدىق جاعىنان سىناسىپ، بۇزاقىنى باعىندىرۋ وراتىن قاراستىرادى. تۇستەن كەيىن ساعات 4تە، الاسۇرعان بۇزاقى توسىن جارىلعىش ءدارىنى جارادى، بايمورىن جولداس 31 جاسىندا ەرلىكپەن قۇربان بولىپ، حالىق ساقشىسىنىڭ ادىلەت جولىندا باسىن ءباي تىگەتىن، جەكە مۇددەسىن كوزدەمەيتىن، تايلىقپايتىن ايبىندى ماداق جىرىن جازادى.
1992 - جىلى قوعام حاۋىپسىزدىگى قىزمەتىنە قاتىناسقاننان بەرى، بايمورىن كاسىپتى قۇلشىنا زەرتتەپ، ايانباي قاجىرلىلىقپەن ىستەپ، قانداي ىستە بولسىن سابىرلى بولىپ، قالتقىسىز ۇلەس قوستى، 2 جىلدان استام ۋاقىتتا ءتۇرلى اماندىق دەلوسىنان، قىلمىستىق ىستەر دەلوسىنان جالپى 20دان استامىن اشادى، حالىق اقشاسىنا سىندىرعاندا 35 مىڭ يۋاننان استام ارام اقشانى، ارام زاتتى جيناپ الادى. ول بۇقارامەن ءجيى بايلانىس جاساپ، ىلگەرىندى - كەيىندى ەرىكتى تۇردە مالشىلاردىڭ 30دان استام اۆتوكولىگىن جوندەپ بەرىپ، 170 مىڭ جىڭنان استام ءشوپ جەتكىزىپ، 5000 جىڭ استىق ساتىپ الىپ بەرىپ، بۇقارانىڭ القاۋىنا بولەنەدى. ول كەزىندە الشا زۇن حوشۋنى جاعىنان قوعام حاۋىپسىزدىگى شەبىنىڭ وزاتى بولىپ باعالانادى، ءبىر رەت 3 - دارەجەلى ەڭبەك سىڭىرەدى.
1992 - جىلى قىستا، بايمورىن حاۋىپسىزدىك تەكسەرۋ قىزمەتىن ورىستەتكەن كەزدە، قارت مالشى ۋاڭشاردىڭ ۇيىنە كەلەدى. ەسىكتەن كىرگەندە قاريانىڭ جەردە جىلاپ وتىرعاندىعىن كورەدى. ءاسىلى اۋا رايىنىڭ كۇن سايىن سۋىتقانىن كورە تۇرسادا، ول اقشاسى بولماعاندىقتان جەم - ءشوپ ساتىپ الا الماپتى. مال − مالشىلاردىڭ جانى، ەگەر قار تۇسۋدەن بۇرىن جەم - ءشوپ دايىنداپ الماسا، مالدىڭ قىستان شىعۋى قيىنعا سوعادى.
بايمورىن سول كۇنى ءوزىنىڭ ەڭبەكاقىسىن جانە جيناعان ازعانتاي اقشاسىن الىپ، ۋاڭشارعا قاجەتتى جەم - ءشوپ ساتىپ الىپ بەرىپ، قارت مالشىنىڭ كوز الداعى مۇقتاجىن شەشەدى. بايمورىننىڭ قازا بولعاندىعىنان حابار تاپقاننان كەيىن ۋاڭشار جىلاپ تۇرىپ: ”مۇنداي جاقسى ساقشى، نەگە قازا بولادى!“، - دەيدى.
1994 - جىلى 7 - ايدىڭ ءبىر كۇنى، الشا امىگى حىتۇنچى ەڭبەكپەن وزگەرتۋ ۇلكەن اترەتىندە جازا وتەپ جاتقان ءبىر ادام سىرتقا شىعىپ جۇمىس ىستەگەن كەزدە ورايدان پايدالانىپ قاشىپ كەتەدى. سول كەزدە ەڭبەكپەن وزگەرتۋ ۇلكەن اترەتى قارۋلى ساقشى قاماۋداعىلارعا قاراۋ اترەتىنىڭ باستىعى مىندەتىن اتقاراتىن ليۋ حى حابارلاندىرۋ تاپسىرىپ العاننان كەيىن، دەرەۋ قىزمەتتەستەرىمەن اۆتولىككە وتىرىپ قۋعىندايدى. قۋعىنداۋ بولىمشە اترەتى الشا زۇن حوشۋنىنىڭ حوسۋرتسۇمىنا دەيىن قۋعىنداپ كەلگەن كەزدە كۇشتەرى جەتىسپەگەندىكتەن، بايمورىننەن كومەك سۇرايدى. ”ول حوسۋرتسۇمعا اياق باسادى ەكەن، قاشىپ قۇتىلا المايدى“، بايمورىننىڭ كەسەتە ايتقان جاۋابى ليۋ حىعا تەرەڭ اسەر قالدىرادى.
كوپ وتپەي، ليۋ حى قاشقىن قىلمىستىنىڭ ۇستالعاندىعى جونىندە حابار الادى. ءاسىلى سول كۇنى بايمورىن ولاردى شىعارىپ سالعاننان كەيىن، جول ازىعىن، شاۋگىمىن الىپ، موتوتسيكلىنە ءمىنىپ قۇبا شولدە 100 نەشە كيلومەتر ارالىقتا ىزدەۋ سالادى، سونداي - اق قالىڭ مالشى بۇقاراسىنا جاعدايدى حابارلاندىرىپ، سول كۇنى جارىم تۇندە جاتىن ورنىنا قايتىپ كەلەدى. ەرتەسى تاڭ بوزىنان بايمورىن حوسۋرتسۇمعا شىعاتىن - كىرەتىن ءارقايسى جول اۋىزدارىنا بارىپ، شارلاۋ - تەكسەرۋ جۇرگىزىپ، قاشقىن قىلمىستىنى بايقايدى. بايمورىن اتىلىپ بارىپ ونى باعىندىرادى، سونداي - اق ونىڭ دەنەسىن ءتىنتىپ، ءبىر پىشاق تابادى. بايمورىنعا العىس ايتۋ ءۇشىن، ەڭبەكپەن وزگەرتۋ ۇلكەن اترەتى ارنايى ءبىر كەرمە تۋ جاسايدى ءارى العىس ايتۋ حاتىن جازادى. الايدا ونىسىن تاپسىرىپ بەرمەي جاتىپ، بايمورىن قۇربان بولادى.
1994 - جىلى 12 - ايدىڭ 30 - كۇنى بايمورىنعا 1 - دارەجەلى قاھارمان ۇلگى اتاعى تولىقتاپ بەرىلەدى. 1995 - جىلى 4 - ايدىڭ 5 - كۇنى بايمورىنعا ىشكى موڭعۇل اۆتونوميالى رايوندىق حالىق ۇكىمەتى جاعىنان ”توڭكەرىستىك قۇربان” اتاعى بەرىلەدى ءارى بۇكىل رايونداعى قالىڭ كوممۋنيستەردى جانە ءار دارەجەلى كادرلاردى، جۇرتشىلىقتى قاھارماننان ۇيرەنۋگە ۇندەيدى.
اكەسىنىڭ ىقپالىندا، سول كەزدە كىشكەنتاي سارنا مەن ماندىلا دا ۇلى مۇرات تۋىندايدى، ول حالىق ساقشىسى بولۋ ەدى. 2007 - جىلى، 2009 - جىلى ولار ىلگەرىندى - كەيىندى ارمانداعاندارىنا ۇزاق بولعان ساقشى كيىمىن داڭقپەن كيىپ، اكەسىنىڭ ىزىمەن ”حالىق ءۇشىن قىزمەت ىستەۋ“ وسكەلەڭ مۇراتىن ۇستانىپ، قوعام حاۋىپسىزدىگى قاتارىنا قوسىلىپ، داڭقتى حالىق ساقشىسىنا اينالادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
