بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ ءبىر تۇتاس رەسەي پارتياسىنىڭ ۋاكىلدەر ۇيىرمەسىمەن كەزدەستى

2019.11.27 15:17     كەلۋ قاينارى : شينجياڭ گازەتى

  شينحۋا اگەنتتىگىنىڭ 11 - ايدىڭ 25 - كۇنى بەيجيڭنەن بەرگەن حابارى (ءتىلشى باي جيە). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 11 - ايدىڭ 25 - كۇنى حالىق سارايىندا پارتيانىڭ ەڭ جوعارى كوميتەتىنىڭ ءتوراعاسى گريزلوۆ باستاعان رەسەي ءبىر تۇتاس رەسەي پارتياسىنىڭ ۋاكىلدەر ۇيىرمەسىمەن كەزدەستى.

  شي جينپيڭ ءبىر تۇتاس رەسەي پارتياسىنىڭ 19 - رەتكى قۇرىلتايىن ءساتتى وتكىزگەندىگىن قۇتتىقتاپ، گريزلوۆتىڭ ۇيىرمە باستاپ جۇڭگوعا كەلىپ جۇڭگو مەن رەسەيدىڭ بيلىك باسىنداعى پارتيالارىنىڭ تىلدەسۋ مەحانيزمىنىڭ 7 - رەتكى ماجىلىسىنە قاتىناسۋعا كەلگەندىگىن قارسى الدى. شي جينپيڭ مىنالاردى ءبىلدىردى: بيىل − جۇڭگو مەن رەسەيدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى، پۋتين زۇڭتۇڭ ەكەۋىمىز جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىن دامىتۋدى بىرگە جاريالاپ، ەكى ەل قارىم - قاتىناسىنىڭ ءوزارا قارايلاسىپ، ءبىر - بىرىنە كومەك كورسەتۋ، تەرەڭ توعىسۋ، ءورىس اشا جاڭالىق جاساۋ، جالپىعا ءتيىمدى بولۋ، تەڭ يگىلىككە كەنەلۋ نىساناسى مەن باعدارىنا قاراي قادام تاستاۋعا بىرگە جەتەكتەدىك. قازىر جۇڭگو مەن رەسەي ەكى جاق قۋاتتى ستراتەگيالىق سۇيەنىش قالىپتاستىرىپ وتىر، بۇل دۇنيە ءجۇزىنىڭ بەيبىتشىلىگى مەن دامۋى جونىنەن كەلەلى ستراتەگيالىق مانگە يە.

  شي جينپيڭ مىنالاردى ءبىلدىردى: جۇڭگو كوممۋنيستىك پارتياسى مەن ءبىر تۇتاس رەسەي پارتياسى ءوز مەملەكەتتەرىنىڭ بيلىك باسىنداعى پارتياسى رەتىندە، جاڭا داۋىردەگى جۇڭگو مەن رەسەي قارىم - قاتىناسىندا اناعۇرلىم زور دامۋشىلىقتارعا قول جەتكىزۋدى ىلگەرىلەتۋدىڭ جاۋاپكەرشىلىگىن جانە بورىشىن ارقالاپ وتىر. ەكى جاقتىڭ جينالىسقا قاتىناسقان ۋاكىلدەرىنىڭ تولىق اۋىس - كۇيىس جاساپ، پىكىرلەسىپ، جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق ىستەستىگىن تەرەڭدەتۋ، دۇنيە ءجۇزىنىڭ بەيبىتشىلىگى مەن گۇلدەنۋىن جەبەۋ ءۇشىن اقىل - پاراسات جانە كۇش - قۋات قوسۋىن ءۇمىت ەتەمىن.

  گريزلوۆ جۇڭگو كوممۋنيستىك پارتياسى 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ تابىسپەن وتكىزىلگەندىگىن قۇتتىقتاپ، شي جينپيڭنىڭ ءبىر تۇتاس رەسەي پارتياسىنىڭ ۋاكىلدەر ۇيىرمەسىمەن كەزدەسكەندىگىنە العىس ايتىپ، مىنالاردى ءبىلدىردى: تاياۋ جىلداردان بەرى، رەسەي - جۇڭگو قارىم - قاتىناسى بۇرىن بولماعان جوعارى دەڭگەيگە جەتىپ، ەكى ەلدىڭ ءار سالاداعى ءوزارا تيىمدىلىك جاساپ، سەلبەستىك ورناتۋى ارشىندى دامىپ، حالىقارالىق جانە وڭىرلىك ءتۇيىندى ماسەلەلەردى شەشۋدە سەلبەسە قۇلشىنىپ، تاماشا ناتيجەگە قول جەتكىزدى. ءبىر تۇتاس رەسەي پارتياسى جۇڭگو كوممۋنيستىك پارتياسىمەن اۋىس - كۇيىستى، سەلبەستىكتى كۇشەيتۋدى، رەسەي مەن جۇڭگونىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىنىڭ ونان ارى دامۋىن ىلگەرىلەتۋدى قالايدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار