امەريكا جاقتىڭ ”شينجياڭ ارقىلى جۇڭگونى شاۋجايلاۋ“ قاسكۇنەمدىگى مۇلدە ىسكە اسپايدى
□ شينحۋا اگەنتتىگىنىڭ شولۋشىسى
2019.12.06 15:26 كەلۋ قاينارى : شينجياڭ گازەتى
جەرگىلىكتى ۋاقىت 12 - ايدىڭ 3 - كۇنى امەريكا پارلامەنتى قاۋىم پالاتاسى ايتىلمىس ”2019 - جىل ۇيعۇر ادامدىق ۇقىقتارى ساياسات زاڭ جوباسىن“ ماقۇلدادى. بۇل جوبا جۇڭگونىڭ شينجياڭىنىڭ ادامدىق ۇقىق جاعدايىن قاساقانا قارالاپ، جۇڭگونىڭ ۇشقارىلىقتى الاستاۋ جانە لاڭكەستىككە سوققى بەرۋ قۇلشىنىسىنا ورشەلەنە كۇيە جاعىپ، جۇڭگو ۇكىمەتىنىڭ شينجياڭدى جونگە سالۋ ساياساتىنا پاسىق نيەتپەن سوقتىعىپ، حالىقارالىق زاڭعا جانە حالىقارالىق قاتىناستىڭ نەگىزگى ولشەمىنە اۋىر قايشىلىق جاساپ، جۇڭگونىڭ ىشكى ىستەرىنە اۋىر كيلىگىپ، ”شينجياڭ ارقىلى جۇڭگونى شاۋجايلاۋ“ ارام نيەتىن تاعى ءبىر رەت اشىپ كورسەتتى. جۇڭگو جاق بۇعان قاتتى كەكتەنەدى، باتىل قارسى تۇرادى.
شينجياڭ ىستەرى مۇلدە جۇڭگونىڭ ىشكى ءىسى، ءارقانداي مەملەكەت كيلىگۋگە ۇقىقسىز. شينجياڭعا ساياتىن ماسەلە ۇلت، ءدىن، ادامدىق ۇقىق ماسەلەسى ەمەس، قايتا زورلىقتى كۇشكە، لاڭكەستىككە قارسى تۇرۋ جانە بولشەكتەۋشىلىككە قارسى تۇرۋ ماسەلەسى. ءبىر كەزدەرى شينجياڭنىڭ ۇشقارىلىقتىڭ، زورلىقتى كۇش، لاڭكەستىك ارەكەتتەردىڭ زيانىنا مەيىلىنشە ۇشىراعاندىعى كوپكە ايان. قاتاڭ جاعداي الدىندا، شينجياڭ زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرۋدى قامتىعان ءبىرسىپىرا لاڭكەستىككە قارسى تۇرۋ جانە ۇشقارىلىقتى الاستاۋ شارالارىن قولدانىپ، زاڭ بويىنشا زورلىقتى كۇش، لاڭكەستىك ارەكەتتەرگە سوققى بەرىپ، قاينارىنان جونگە سالۋعا باسا ءمان بەرىپ، ەكونوميكانىڭ دامۋىن، ۇلتتار ىنتىماعىن جانە قوعامنىڭ جاراسىمدىلىعىن، ورنىقتىلىعىن ۇزدىكسىز جەبەدى. وسى شارالار شينجياڭدا 3 جىلدان بەرى بىردە - ءبىر لاڭكەستىك شابۋىلداۋ وقيعالارىنىڭ تۋىلماۋىنا شىنايى كەپىلدىك ەتىپ، ءار ۇلت حالقىنىڭ تىرشىلىك ۇقىعىن، ءومىر ءسۇرۋ ۇقىعىن، دامۋ ۇقىعىن ەڭ زور دارەجەدە قامتاماسىز ەتىپ، ءار ۇلت حالقىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كورنەكتى جوعارىلاتىپ، شينجياڭداعى 25 ميلليون ءار ۇلت حالقىنىڭ جاپپاي قولداۋىنا يە بولدى، سونداي - اق بۇكىل جەر شارىنىڭ لاڭكەستىككە قارسى تۇرۋ ىستەرىنە بەلسەندى ۇلەس قوستى.
امەريكانىڭ شينجياڭعا ساياتىن زاڭ جوباسى ادامدىق ۇقىقتى قورعاۋدى جەلەۋ ەتىپ، شينجياڭنىڭ زاڭ بويىنشا، ەرەجە بويىنشا لاڭكەستىككە سوققى بەرىپ، ادامدىق ۇقىقتى قورعاۋداعى قۇلشىنىستارىن كورسە دە كورمەسكە سالدى، شينجياڭنىڭ قازىرگى ەكونوميكاسى دامىعان، قوعامى ورنىقتى، ۇلتتارى ىنتىماقتى، ءدىن جاراسىمدى بولعان اسا تاماشا جاعدايىن كورسە دە كورمەسكە سالدى، كەرىسىنشە ويجوتا فاكت قيىستىرىپ، اق پەن قارانى شاتاستىرىپ، دۇرىس پەن بۇرىستى بىلىقتىرىپ، شينجياڭنىڭ ورنىقتىلىعىن ءبۇلدىرۋ، جۇڭگونىڭ دامۋىن شاۋجايلاۋ ناقتى ارەكەتىمەن ايلانىستى. وسى وزبىر دا ورىنسىز سوراقى ارەكەتكە ءبىر ميلليارد 400 ميلليون جۇڭگو حالقى مۇلدە جول قويمايدى، بارلىق ادىلدىك پەن العاباسارلىقتى سۇيەتىن ادامدار مۇلدە قوسىلمايدى.
ادىلەتتىگە كومەك كوپ، ادىلەتسىزگە كومەك جوق. حالىقارالىق قوعام جۇڭگو ۇكىمەتىنىڭ شينجياڭدى جونگە سالۋ ساياساتىنا جاپپاي بەلسەندى باعا بەرىپ وتىر. تەك بيىلدان بەرى، مەيلى بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ 3 - كەزەكتى مەملەكەتتەر بويىنشا ادامدىق ۇقىقتى قاراۋى بولسىن، الدە ونداعان مەملەكەتتىڭ بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ ءتوراعاسىنا جانە ادامدىق ۇقىق جوعارى دارەجەلى ارناۋلى ءمانساپتىسىنا بىرلەسىپ حات جازۋى بولسىن، حالىقارالىق قوعام جۇڭگونىڭ ادامدىق ۇقىق ىستەرىنىڭ دامۋ جەتىستىكتەرىن تالاي رەت ماداقتاپ، جۇڭگو جاقتىڭ شينجياڭدا قولدانعان شارالارىن قولدادى. تاياۋدا وتكىزىلگەن بىرلەسكەن مەملەكەتتەر ۇيىمىنىڭ 3 - كوميتەتىنىڭ ماجىلىسىندە بەلورۋسسيانىڭ 54 مەملەكەت اتىنان ورتاق سوزگە شىعىپ، 30 نەشە مەملەكەتتىڭ مەملەكەت اتىنان ءسوز سويلەپ، تۇس - تۇستان جۇڭگو جاقتىڭ شينجياڭدا قولدانعان لاڭكەستىككە قارسى تۇرۋ شارالارىن قولداۋى، امەريكا سياقتى مەملەكەتتەردىڭ شينجياڭعا ساياتىن ماسەلەلەردى سىلتاۋ ەتىپ، جۇڭگونىڭ ىشكى ىسىنە كيلىگۋىنە باتىل قارسى تۇرۋى، ”ادامدىق ۇقىق ماسەلەسىن ساياسيلاندىرۋدى توقتاتۋ“، ”جۇڭگونى ەش نەگىزسىز جازعىرۋدى توقتاتۋ“ سياقتى ادىلەت ۇندەرى حالىقارالىق قوعامنىڭ جالپىلىق ورتاق تانىمىن بەينەلەدى. امەريكا جاقتىڭ شينجياڭعا ساياتىن ماسەلەلەردى كولدەنەڭ تارتىپ، پالە ىزدەۋى شىندىققا بۇكىلدەي قايشى، حالىقارالىق قوعامنىڭ نەگىزگى اعىمدىق جۇرت رايىنا بۇكىلدەي قايشى، ول مۇلدە تابان تىرەپ تۇرا المايدى، ونىڭ جۇرت كوڭىلىنە جاقپايتىندىعى داۋسىز.
جۇڭگو حالقى سۇرقيالىققا يلانبايدى، سۇرقيالىقتان دا قورىقپايدى، پالە ىزدەمەيدى، پالەدەن دە قورىقپايدى. امەريكا جاقتىڭ شينجياڭعا ساياتىن ماسەلەلەردەن پايدالانىپ جۇڭگونىڭ دامۋىن شاۋجايلاۋى، قايتا - قايتا جۇڭگو ۇكىمەتىنىڭ شينجياڭدى جونگە سالۋ ساياساتىنا شابۋىلداۋى، جۇڭگو جاقتىڭ لاڭكەستىككە قارسى تۇرۋ جانە ۇشقارىلىقتى الاستاۋ شارالارىن قاساقانا قارالاۋى، كوپتەن بەرى ىشىنە بۇگىپ، شينجياڭعا ساياتىن زاڭ جوباسىن جاساۋى، قىلعان قىلىقتارى، تەك ونىڭ لاڭكەستىككە قارسى تۇرۋ ماسەلەسىندەگى قوس ولشەمىن ونان ارى ايپاراداي اشىپ بەرەدى، تەك قانا جۇڭگو حالقىنا ءوزىنىڭ سايقال كەسپىرى مەن سۇرقيا ارام نيەتىن ونان ارى ايقىن كورسەتىپ بەرەدى. داۋىلدى تولقىندار قانشا سوققىلاسا دا، جۇڭگو ۇكىمەتى مەن حالقى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ بەكىمىنەن بۇلجىمايدى؛ جولدار قانشاما ويلى - شۇڭقىر بولسا دا، جۇڭگو حالقى مەن جۇڭحۋا ۇلتىنىڭ العا باسۋ قادامىن بوگەي المايدى. امەريكا جاقتىڭ شينجياڭعا ساياتىن ماسەلەلەردەن پايدالانىپ جۇڭگونىڭ ۇلتتار قاتىناسىنا ىرتكى سالىپ، شينجياڭنىڭ گۇلدەنىپ - كوركەيۋى مەن ورنىقتىلىعىن ءبۇلدىرۋ، جۇڭگونىڭ دامىپ زورايۋىن شاۋجايلاۋ قاسكۇنەمدىگى مۇلدە ىسكە اسپايدى.
ءداۋىر اعىمىن كەرى بۇرۋعا كەلمەيدى، كەرەعارلىق ءسوزسىز جەڭىلىسكە ۇشىرايدى. امەريكا جاقتى جاعدايدى جىعا تانىپ، قىرعي قاباقتىق سوعىس ويى مەن نولدىك جيىنتىق ويىنى سىندى داۋرەنى وتكەن كوزقاراستان ارىلىپ، شينجياڭعا ساياتىن ماسەلەلەردەن پايدالانىپ جۇڭگونىڭ ىشكى ىسىنە كيلىگۋىن دوعارۋدى، جۇڭگو - امەريكا قارىم - قاتىناسىنىڭ كەلەلى جاعدايىن قورعاۋدى ماڭىزدى ورىنعا قويىپ، جۇڭگو - امەريكا ءوزارا سەنىمدىلىگى مەن سەلبەستىگىنە پايدالى ىستەردى كوبىرەك ىستەپ، حالىقارالىق لاڭكەستىككە قارسى تۇرۋ سەلبەستىگىن بىرگە كۇشەيتىپ، دۇنيە ءجۇزىنىڭ جانە ءوڭىردىڭ بەيبىتشىلىگى مەن ورنىقتىلىعىن قورعاۋعا ءناسيحاتتايمىز.
(شينحۋا اگەنتتىگىنىڭ 12 - ايدىڭ 4 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved