بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شينجياڭنىڭ گۇلدەنىپ - كوركەيۋىن، ورنىقتىلىعىن بۇلدىرۋگە ۇرىنعاندارعا شينجياڭداعى ءار ۇلت حالقى استە جول قويمايدى

2019.12.06 15:32     كەلۋ قاينارى : شينجياڭ گازەتى

  ”شينجياڭدى بىلىقتىرۋعا سۇقتانعان ءارقانداي قاسكۇنەمدىك اتاۋلىنىڭ بارلىعى ىسكە اسپايدى! شينجياڭداعى ءار ۇلت حالقى استە جول قويمايدى!“. جەرگىلىكتى ۋاقىت 12 - ايدىڭ 3 - كۇنى امەريكا پارلامەنتى قاۋىم پالاتاسىنىڭ ايتىلمىس شينجياڭعا ساياتىن ”زاڭ جوبانى“ ماقۇلداعاندىعى جونىندە شينجياڭداعى ءار ۇلت كادر - بۇقاراسىنىڭ كوكىرەگىن كەك كەرنەدى، تۇگەلدەي اشۋلى ىزا - كەكپەن ادىلەتتى ءارى قاتاڭ تۇردە امەريكا جاققا قاتاڭ ەسكەرتۋ بەردى: شينجياڭعا ساياتىن ماسەلەدەن پايدالانىپ جۇڭگونىڭ ۇلتتار قاتىناسىنا ىرتكى سالۋعا، شينجياڭنىڭ گۇلدەنىپ - كوركەيۋىن، ورنىقتىلىعىن بۇلدىرۋگە، جۇڭگونىڭ دامىپ، زورايۋىن تەجەۋگە ۇرىنعان قاسكۇنەمدىك مۇلدە ىسكە اسپايدى. شينجياڭداعى ءار ۇلت حالقىنىڭ مەملەكەتتىڭ تۇتاستىعىن قورعاۋ، ۇلتتار ىنتىماعىن قورعاۋ ەرىك - جىگەرى قۇرىشتاي بەكەم.

  امەريكانىڭ شينجياڭعا ساياتىن ”زاڭ جوباسى“ جۇڭگونىڭ ۇشقارىلىقتى الاستاۋ جانە لاڭكەستىككە سوققى بەرۋ قۇلشىنىستارىنا ورشەلەنە كۇيە جاعىپ، جۇڭگو ۇكىمەتىنىڭ شينجياڭدى جونگە سالۋ ساياساتىنا پاسىق نيەتپەن سوقتىعىپ، حالىقارالىق زاڭعا جانە حالىقارالىق قاتىناستىڭ نەگىزگى ولشەمىنە اۋىر قايشىلىق جاساپ، جۇڭگونىڭ ىشكى ىسىنە دورەكىلىكپەن كيلىكتى. مۇنداي سۇرقيا، پاسىق ارەكەتتەر جۇڭگو حالقىنىڭ، اسىرەسە، شينجياڭداعى ءار ۇلت حالقىنىڭ كوڭىلىن اۋىر جارالادى، ءبىز قاتاڭ جازعىرامىز، باتىل قارسى تۇرامىز.

  بۇگىنگى شينجياڭ، ءسىرا، قانداي، ”وتە جاقسى“ما، جوق الدە ”وتە ناشار “ما؟ شينجياڭدىقتار عانا ەڭ سويلەۋ ۇقىعىنا يە! وسىندا تۋىپ، وسىندا وسكەن مىنا مەكەندە وسى بىرنەشە جىلدا تۋىلعان سان الۋان وزگەرىستەرگە، ءاربىر شينجياڭدىق تۇگەلدەي بەس ساۋساعىنداي قانىق. ءبىز مىنالاردى ماقتانىشپەن ايتا الامىز: بۇگىنگى شينجياڭ بارعان سايىن حاۋىپسىز بولدى، بارعان سايىن كورىكتەندى، بارعان سايىن ومىرشەڭدىك تىرشىلىك تىنىسىن تانىتتى؛ شينجياڭداعى ءار ۇلت باۋىرلاستار اراسىنداعى ارالاسۋ، ىشتەسۋ، توعىسۋ بارعان سايىن نىعايىپ، كوپشىلىك توننىڭ ىشكى باۋىنداي ارالاسىپ، ءبىر ءۇيلى جانداي بولىپ كەتتى. تىنىش، جاراسىمدى قوعامدىق رايدا شينجياڭدىقتاردىڭ كوڭىلى جاي تاۋىپ، جۇزدەرىندەگى كۇلكى بارعان سايىن كوبەيىپ، بۇكىل ەل حالقىمەن بىرگە قول ۇستاسا جاپپاي دوڭگەلەك داۋلەتتى قوعامعا بەت العان جىگەرلەرى ءتىپتى دە تاسقىنداي ءتۇستى.

  بۇگىنگى وسى تابىستاردىڭ بارلىعى اسپاننان تۇسە قالعان جوق، امەريكا باستاعان ءىشىنارا باتىس ەلدەرى بىزگە بەرە دە المايدى، قايتا جۇڭگو كوممۋنيستىك پارتياسىنىڭ باسشىلىعىندا، ءار ۇلت حالقىنىڭ جاپالى قۇلشىنىسىنىڭ ارقاسىندا قولعا كەلگەن. وسى بىرنەشە جىلدا، شينجياڭ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ءبىر جاعىنان، سوققى بەرۋدى يگەرۋدەن، ەندى ءبىر جاعىنان، الدىن الا ساقتانۋدى يگەرۋدەن جازباي، زورلىقتى كۇش، لاڭكەستىك قىلمىستارىنا زاڭ بويىنشا قاتاڭ سوققى بەرۋمەن بىرگە، قاينارىنان جونگە سالۋعا دا باسا ءمان بەرىپ، حالىق تۇرمىسىن كۇش سالا جاقسارتۋ، زاڭ - تۇزىمدىك ۇگىت - تاربيەنى كۇشەيتىپ، زاڭ بويىنشا كاسىپتىك شەبەرلىككە تاربيەلەۋ، باۋلۋ ورتالىعىن قۇرىپ، كومەكتەسۋ، سۇيەمەلدەۋ، تاربيە جۇرگىزۋ سياقتى كوپ ءتۇرلى تاسىلدەن پايدالانىپ، لاڭكەستىكپەن جانە ۇشقارىلىقپەن زاڭعا قايشى كەلگەن نەمەسە قىلمىستىق ارەكەتى بار ادامداردى ەڭ جوعارى شەكتە قۇتقارىپ، لاڭكەستىكتىڭ، ءدىني ۇشقارىلىقتىڭ ءوسىپ - ونەتىن توپىراعى مەن شارت - جاعدايىن ەڭ جوعارى شەكتە جويىپ، ازاماتتاردىڭ نەگىزدىك ۇقىقتارىنىڭ لاڭكەستىكتىڭ، ءدىني ۇشقارىلىقتىڭ زيانكەستىگىنە ۇشىراماۋىنا ەڭ جوعارى شەكتە كەپىلدىك ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا بەرىك نەگىز قالادى. كەزەكتە شينجياڭ قوعامى جاراسىمدى، ورنىقتى بولعان، ەكونوميكا ءۇرتىس دامىعان، حالقى تىنىش ءومىر، شات - شادىمان تىرشىلىك كەشىرگەن تاريحتاعى ەڭ تاماشا دامۋ كەزەڭىندە تۇر.

  شينجياڭدىق رەتىندە، ءبىز ىلگەرىدە زورلىقتى كۇش، لاڭكەستىكتىڭ جانە ءدىني ۇشقارىلىقتىڭ ازابىن ابدەن تارتتىق، باس اماندىعىمىزدى، مال - مۇلىك حاۋىپسىزدىگىمىزدى قامتاماسىزداندىرا المادىق، سوندىقتان ءبىز پارتيا مەن ۇكىمەتتىڭ شينجياڭنىڭ ورنىقتىلىعىن قورعاۋ جولىندا جاساعان ءتۇرلى قۇلشىنىستارىنا ايرىقشا العىس ايتامىز، بۇگىنگى باقىتىمىز بەن تىنىشتىعىمىزدى ايرىقشا قادىرلەيمىز. امەريكا پارلامەنتى شينجياڭنىڭ زاڭ بويىنشا لاڭكەستىككە سوققى بەرىپ، ادامدىق ۇقىقتى قورعاۋ جولىنداعى قۇلشىنىستارىن كورسە دە كورمەسكە سالىپ، شىندىقتى ەلەمەي، اق پەن قارانى شاتاستىرىپ، جانتالاسا قارالاپ، جات نيەتىن ىشىنە بۇگىپ، شينجياڭدى قايتادان زورلىقتى كۇش، لاڭكەستىك ارەكەتتەردىڭ بىلىقتىرۋىنا، ءار ۇلت حالقىن سوقىر تۇمان ىشىندە تۇرمىس كەشىرۋگە يتەرمەلەپ وتىرعاندىعى ايدان انىق، مۇنداي تەرىس ازۋلىققا، تەرىس پيعىلعا، جول - جوسىنعا قايشى كەلۋگە شينجياڭدىقتار استە جول قويمايدى.

  ”ءارقانداي پالە جابۋدىڭ بارلىعى شينجياڭداعى ءار ۇلت حالقىنىڭ ىنتىماقتاسا، ەكپىندەي العا ىلگەرىلەگەن اياق الىسىن بوگەي المايدى، ءارقانداي قاۋەسەتتىڭ بارلىعى شينجياڭنىڭ ادامدىق ۇقىق ىستەرىنىڭ دامىپ، العا باسۋداي فاكتىن جوققا شىعارا المايدى، ءارقانداي قاسكۇنەمدىكتىڭ بارلىعى شينجياڭنىڭ دامىپ، گۇلدەنىپ - كوركەيۋ اياق الىسىنا كيلىگە المايدى“. مىنە بۇل شينجياڭداعى ءار ۇلت حالقىنىڭ ورتاق جۇرەك جاردى ءۇنى، شينجياڭداعى ءار ۇلت حالقى بۇلجىماستان جۇڭگو كوممۋنيستىك پارتياسىنىڭ باسشىلىعىندا، كورىكتى شينجياڭ قۇرىپ، وتان ارمانىن بىرگە جۇزەگە اسىرىپ، جۇڭگونىڭ شينجياڭىن كۇننەن - كۇنگە جاقسارتادى.

  ءبىز امەريكاداعى كەيبىر ادامدارعا مىنانى قاتاڭ ەسكەرتەمىز: شينجياڭ − جۇڭگونىڭ شينجياڭى، ۇيعۇر ۇلتى − جۇڭحۋا ۇلتى ۇلى شاڭىراعىنىڭ ءبىر مۇشەسى، ەلىمىزدىڭ ۇلتتار قاتىناسىنا ىرتكى سالاتىن، ەلىمىزدىڭ دامۋىن تەجەيتىن ءارقانداي قاسكۇنەمدىكتىڭ بارلىعى، ءسوزسىز، جەڭىلىسكە ۇشىراۋ تاعدىرىمەن تىنادى، اقىر - اياعىندا تاريحتىڭ مازاعىنا قالادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار