شىندىقپەن ساناسپاي، اق پەن قارانى شاتاستىراتىن قاسكۇنەمدىك اتاۋلىنىڭ ءبارى، ءسوز جوق، جەڭىلىسپەن تىنادى
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى گۇلشات ابدىقادىر
2019.12.09 15:54 كەلۋ قاينارى : شينجياڭ گازەتى
شينجياڭ جۇڭگونىڭ شينجياڭى، ۇيعۇر ۇلتى جۇڭحۋا ۇلتى ۇلى شاڭىراعىنىڭ ءبىر مۇشەسى. امەريكا پارلامەنتى قاۋىم پالاتاسى جۇڭگو جاقتىڭ قاتاڭ سويلەسۋى مەن كۇشتى قارسى تۇرۋىن ەلەمەستەن، ايتىلمىس ”2019 - جىل ۇيعۇر ادامدىق ۇقىقتارى ساياسات زاڭ جوباسىن“ ماقۇلداپ، شىندىقپەن ساناسپاي، بۇرمالاپ، ويدان قۇراستىرىپ، بۇيرەكتەن سيراق شىعارىپ، جۇڭگو ۇكىمەتىنىڭ شينجياڭدى جونگە سالۋ ساياساتىنا، لاڭكەستىككە قارسى تۇرىپ ورنىقتىلىقتى قورعاۋ شاراسىنا جانە جۇڭگو شينجياڭىنىڭ ادامدىق ۇقىق جاعدايىنا كوپە - كورنەۋ سۇرقيالىقپەن سوقتىعىپ، جۇڭگونىڭ ىشكى ىسىنە كوپە - كورنەۋ دورەكىلىكپەن كيلىگىپ، حالىقارالىق زاڭ مەن حالىقارالىق قاتىناستىڭ نەگىزگى ولشەمىن كوپە - كورنەۋ اياق استى ەتتى، سيپاتى توتەنشە ناشار، نيەتى ەرەكشە سۇرقيا، ول امەريكا جاقتىڭ تيتتەي دە تومەنگى شەگى جوق قوس ولشەمىن جانە جالعان، پاسىق زورەكەرلىك لوگيكاسىن ايپاراداي اشىپ كورسەتتى. شينجياڭدا تۋىپ - وسكەن از ۇلت پارتيالى كادرى رەتىندە، شينجياڭداعى وراسان زور وزگەرىستەردى ءوز باسىنان وتكەرۋشى، كۋاگەر، قاتىسۋشى جانە پايداسىن كورۋشى رەتىندە، مەن بۇعان شەكسىز كەكتەنەمىن، باتىل قارسى تۇرامىن، قاتاڭ ايىپتايمىن.
لاڭكەستىك، ۇشقارىلىق − ادامزات قوعامىنىڭ ورتاق جاۋى، لاڭكەستىككە قارسى تۇرۋ، ۇشقارىلىقتى الاستاۋ − حالىقارالىق قوعامنىڭ ورتاق جاۋاپكەرشىلىگى. شينجياڭ − جۇڭگونىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىنىڭ نەگىزگى شايقاس مايدانى. الدىڭعى عاسىردىڭ 90 - جىلدارىنان 2016 - جىلدىڭ سوڭىنا دەيىن شەكارا ءىشى - سىرتىنداعى ”ءۇش ءتۇرلى كۇش“ شينجياڭدا نەشە مىڭداعان زورلىقتى كۇش، لاڭكەستىك دەلوسىن جوسپارلاپ ءارى ۇيىمداستىرىپ اتقارىپ، قالىڭ بەيكۇنا بۇقارانى جارالادى جانە ءولتىردى، مال - مۇلىك شىعىنى قيساپسىز، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە ەرەكشە قاتەر ءتوندىردى، ءار ۇلت بۇقاراسىنىڭ ءومىر ءسۇرۋ ۇقىعىن، تىرشىلىك ۇقىعىن، دامۋ ۇقىعىن اۋىر اياق استى ەتىپ، شينجياڭنىڭ ەكونوميكالىق، قوعامدىق دامۋىنا اۋىر كەدەرگىلىك جاسادى. كۇردەلى دە قاتاڭ جاعداي الدىندا، ءدىني ۇشقارىلىقتىڭ ءورشىپ - ءوربۋى، زورلىقتى كۇش، لاڭكەستىك دەلولاردىڭ كوپ، ءجيى تۋىلۋ جاعدايىن ءونىمدى شاۋجايلاۋ ءۇشىن، شينجياڭ فاكتتى نەگىز، زاڭدى ولشەم ەتۋگە تاباندى بولىپ، لاڭكەستىككە قارسى تۇرۋ، ۇشقارىلىقتى الاستاۋ قىزمەتىن زاڭ بويىنشا ورىستەتىپ، شينجياڭنىڭ قوعام ورنىقتىلىعىن پارمەندى تۇردە قورعاپ، ءار ۇلت حالقىنىڭ ءومىر ءسۇرۋ ۇقىعى، سالاماتتىق ۇقىعى، دامۋ ۇقىعى سياقتى نەگىزگى ادامدىق ۇقىقتارىن قامتاماسىز ەتىپ، شينجياڭداعى ءار ۇلت بۇقاراسىنىڭ جاپپاي قولداۋىنا جانە حالىقارالىق قوعامنىڭ بەلسەندى باعاسىنا يە بولدى ءارى حالىقارالىق لاڭكەستىككە قارسى تۇرۋ ىسىنە بەلسەندى ۇلەس قوستى.
لاڭكەستىككە قارسى تۇرۋ، ۇشقارىلىقتى الاستاۋ قىزمەتىن ىلگەرىلەتۋ بارىسىندا، شينجياڭ زاڭمەن جونگە سالۋ تۋىن قاشاندا بيىك ۇستاپ، نەگىزگى زاڭ مەن زاڭداردىڭ بەدەلىن باتىل قورعاپ، ءارقايسى قىزمەتتەردى قاشاندا زاڭمەن جونگە سالۋ ارناسىندا جۇرگىزدى. «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭىن> اتقارۋ ءادىسى»، «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسى» سياقتى زاڭدار مەن زاڭ ەرەجەلەرگە ساي، زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرىپ، لاڭكەستىكتى، ۇشقارىلىقتى تۋ باستان الاستاۋ ماقساتىندا، ءدىني ۇشقارىلىقتى جۇقتىرعان، زاڭعا جەڭىل دارەجەدە قايشىلىق جاساعان قىلمىسكەرلەردى تاربيەلەپ، قۇتقارىپ، كومەكتەستى. كاسىپتىك شەبەرلىككە تاربيەلەۋ - باۋلۋ ورتالىعىنا بارعانداردىڭ بارلىعى بۇل جەردىڭ بۇكىلدەي تاربيەلەنۋشىلەردىڭ ۇشقارى يدەيانىڭ بۇعاۋىنان قۇتىلىپ، زاڭ بىلىمدەرىن، وسى زامانعى مادەنيەتتى جانە جۇمىستانۋ شەبەرلىگىن يگەرۋىنە كومەكتەسەتىن اشىق قوعامدىق مەكتەپ ەكەنىن، تاربيەلەنۋشىلەردىڭ نەگىزگى ۇقىقتارىنىڭ تولىق قامتاماسىز ەتىلگەنىن بىلەدى. شينجياڭنىڭ زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرۋى، تاربيەلەۋ - باۋلۋ قىزمەتىن ورىستەتۋ ءادىسى مەملەكەتتىڭ زاڭمەن جونگە سالۋ رۋحى مەن تالابىنا ۇيلەسەدى، سونداي - اق حالىقارالىق قوعامنىڭ لاڭكەستىككە قارسى تۇرۋ، ۇشقارىلىقتى الاستاۋ پرينسيبى مەن ۇستانىمىن ايگىلەدى.
دۇرىس پەن بۇرىستى شاتاستىرۋعا بولمايدى، ادىلدىك جۇرەكتە. الدا شينجياڭدا ەكونوميكا ءۇرتىس دامۋدا، قوعام جاراسىمدى، ورنىقتى، حالىق تۇرمىسى ۇزدىكسىز جاقسارۋدا، دىندەر تاتۋ، ۇيلەسىمدى، ءار ۇلت حالقى اناردىڭ دانىندەي تىعىز ىنتىماقتاسقان. قازىرگە دەيىن شينجياڭدا ءۇرتىس 3 جىل زورلىقتى كۇش، لاڭكەستىك دەلولارى (وقيعا) تۋىلمادى، ءار ۇلت حالقىنىڭ حاۋىپسىز، ورنىقتى ءوندىرىس، تۇرمىس ورتاسى جونىندەگى شىنايى تىلەگىنە ۇيلەستى. سونىمەن قاتار، لاڭكەستىككە قارسى تۇرىپ، ورنىقتىلىقتى قورعاۋدىڭ پايداسى ۇزدىكسىز جارىققا شىعىپ، ەكونوميكا ورنىقتى، اقاۋسىز دامىدى، اسىرەسە، ساياحات كاسىبى تەز دامىدى، بيىل 1 - ايدان 10 - ايعا دەيىن بۇكىل شينجياڭدا شەكارا ءىشى - سىرتىنان قابىلدانعان ساياحاتشى سانى 200 ميلليون ادامنان (رەت) اسىپ، ”شارق ۇرا“ ارتۋ جارىققا شىقتى. ءبىز جۇمىستاندىرۋ، وقۋ - اعارتۋ، ەمدەۋ، قوعامدىق قامسىزداندىرۋ سياقتى سالالارداعى حالىققا تيىمدىلىك جاساۋ ينجەنەريالارىن كۇش سالا ىلگەرىلەتىپ، حالىق تۇرمىسىن كۇش سالا قامتاماسىز ەتتىك جانە جاقسارتتىق. 2016 - جىلدان 2018 - جىلعا دەيىن شينجياڭدا قالا - قالاشىقتاردا جاڭادان ءبىر ميلليون 400 مىڭ 800 ادام (رەت) جۇمىستاندىرىلدى، اۋىل - قىستاقتاردا 8 ميلليون 305 مىڭ ادام (رەت) ارتىق ەڭبەككۇش باسقا كاسىپ سالاسىنا ويىستىرىلىپ جۇمىستاندىرىلدى؛ قوعامدىق قامتاماسىزداندىرۋ جۇيەسى اناعۇرلىم كەمەلدەندىرىلىپ، قالا، اۋىلدارداعى قيىنشىلىعى بار بۇقارانىڭ ەڭ تومەنگى تۇرمىسىن قامتاماسىزداندىرۋ ولشەمى ۇزدىكسىز جوعارىلاتىلىپ، ءار ۇلت بۇقاراسىنىڭ تۇرمىسى ۇزدىكسىز جاقسارتىلدى... وسىنىڭ بارلىعى شينجياڭداعى ءار ۇلت حالقى ءوز باستارىنان كەشكەن، جۇرتقا ءمالىم شىندىق، شينجياڭعا كەلگەن قوعامنىڭ ءار سالاسىنداعى قايراتكەرلەر شينجياڭنىڭ ورنىقتى، گۇلدەنگەن، دامىعان اسا تاماشا جاعدايىنا شىن جۇرەكتەن قۋانىپ، اۋىز جاپپاي القادى. الايدا امەريكا جاق وسىنداي نەگىزگى شىندىقتاردى كورسە دە كورمەسكە سالدى، ولار گۇلدەنگەن، ورنىقتى شينجياڭدى كورۋدى قالامايدى، قۇدىرەتتى سوتسياليستىك جۇڭگونىڭ شارىقتاي كوتەرىلۋىن كورۋدى قالامايدى، كوپە - كورنەۋ فاكتتەردى ويدان قۇراپ، اق پەن قارانى شاتاستىرىپ، شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ جولىندا جاساعان وراسان زور قۇلشىنىستارىنا سۇرقيالىقپەن سوقتىعىپ، شينجياڭنىڭ ادامدىق ۇقىق ىستەرىنىڭ قول جەتكىزگەن وراسان زور تابىستارىنا بارىن سالا پالە جاپتى. ۇزاق ۋاقىتتان بەرى، امەريكا جاقتا ءىشىنارا ساياساتپازدار لاڭكەستىكتىڭ، ۇشقارىلىقتىڭ شينجياڭداعى زورلىقتى ارەكەتتەرىنە، زورلىقتى كۇش، لاڭكەستىكتىڭ قاتەرىنە ۇشىراعان شينجياڭداعى ءار ۇلت حالقىنىڭ باس اماندىعىنا تيتتەي دە كوڭىل بولمەي، كوپە - كورنەۋ لاڭكەستىككە، ۇشقارىلىققا دەم بەرىپ، شاشباۋىن كوتەرىپ، ەڭ كەمىندە بولۋعا ءتيىستى ادىلدىك قيسىنى مەن ار - ۇجداندى جوعالتتى.
شينجياڭ جۇڭگو تەرريتورياسىنىڭ ايرىلماس ءبىر بولىگى، شينجياڭداعى ءار ۇلت جۇڭحۋا ۇلتى ۇلى شاڭىراعىنىڭ تامىرلاس قۇرامداس ءبولىمى. شينجياڭ ىستەرىنىڭ جاقسى - جاماندىعىندا باسقالاردىڭ ايتقانى ەسەپ ەمەس، قايتا شينجياڭداعى ءار ۇلت حالقىنىڭ ءوزىنىڭ ايتقانى ەسەپ، شينجياڭنىڭ ورنىقتىلىعى مەن تىنىشتىعىنىڭ رەال بولمىسىنىڭ ايتقانى ەسەپ. امەريكا جاقتىڭ وسى كانىگى سايقالدىعى تەك ءبىزدىڭ اناعۇرلىم جۇرت تىلەگىمىزدى ۇيىستىرادى، ەرىك - جىگەرىمىزدى سومدايدى. شىندىقپەن ساناسپايتىن، اق پەن قارانى شاتاستىراتىن ءارقانداي قاسكۇنەمدىك اتاۋلىنىڭ بارلىعى استە ىسكە اسپايدى، شينجياڭنىڭ جاراسىمدىلىعىن، ورنىقتىلىعىن بۇلدىرۋگە سۇقتانۋ ارەكەتتەرى، ءسوز جوق، جەڭىلىسپەن تىنادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
