رايونىمىزدىڭ زاڭ سالاسىنداعى، ءىسلام ءدىنى سالاسىنداعى قايراتكەرلەر جانە جاس وقۋشىلار امەريكانىڭ شينجياڭعا ساياتىن ”زاڭ جوبا“نى ماقۇلداعاندىعىنا كەكتەنە نالەت جاۋدىردى −
سىرتقى كۇشتەردىڭ شينجياڭنىڭ اسا تاماشا جاعدايىنا الباتى كيلىگۋىنە استە جول بەرمەيمىز
2019.12.10 14:49 كەلۋ قاينارى : شينجياڭ گازەتى
امەريكا پارلامەنتى قاۋىم پالاتاسىنىڭ ايتىلمىس شينجياڭعا ساياتىن ”زاڭ جوبا“ ماقۇلداۋىنا مەڭزەس، شينجياڭنىڭ زاڭ سالاسىنداعى قايراتكەرلەردىڭ كوكىرەگىن كەك كەرنەپ، قاتاڭ جازعىردى. كوپشىلىك بىلاي دەپ قارادى: شينجياڭ زاڭمەن جونگە سالۋ تۋىن باستان - اياق بيىك ۇستاپ، نەگىزگى زاڭنىڭ، زاڭداردىڭ بەدەلىن باتىل قورعاپ، زاڭمەن جونگە سالۋ وي جەلىسى جانە زاڭمەن جونگە سالۋ ءتاسىلى ارقىلى ماسەلەنى ءبىر جاقتى ەتۋگە تاباندى بولىپ، فاكتتى نەگىز، زاڭدى ولشەم ەتىپ، لاڭكەستىككە قارسى تۇرۋ، ۇشقارىلىقتى الاستاۋ قىزمەتىن زاڭ بويىنشا ىلگەرىلەتىپ، ءوڭىردىڭ جانە حالىقارانىڭ لاڭكەستىككە قارسى تۇرۋ كۇرەسىنە بەلسەندى ۇلەس قوستى.
اۆتونوميالى رايوندىق جوعارى حالىق سوتى مەكەمەسى پارتيا باسشىلىق گرۋپپاسىنىڭ مۇشەسى، سوت مەكەمەسىنىڭ ورىنباسار باستىعى اكبار اكىرام مىنانى ءبىلدىردى: امەريكا پارلامەنتى كەڭەس پالاتاسى ايتىلمىس شينجياڭعا ساياتىن ”زاڭ جوبا“ ماقۇلداپ، ەلىمىزدىڭ ىشكى ىسىنە دورەكىلىكپەن كيلىكتى. شينجياڭ حالىقارالىق قوعامنىڭ لاڭكەستىككە قارسى تۇرۋ جانە ۇشقارىلىقتى الاستاۋ تاجىريبەسىنەن ۇلگى الۋ، قابىلداۋ نەگىزىندە، «بىرلەسكەن مەملەكەتتەر ۇيىمىنىڭ الەمدىك لاڭكەستىككە قارسى تۇرۋ ستراتەگياسىنا» بەلسەنە ءۇن قوسىپ، زورلىقتى كۇش، لاڭكەستىك قىلمىستارىنا زاڭ بويىنشا قاتاڭ سوققى بەرۋگە باسا ءمان بەرۋمەن بىرگە، قاينارىنان جونگە سالۋعا دا باسا ءمان بەرىپ، شينجياڭنىڭ ءىس جۇزىندىگىمەن ۇشتاستىرىپ، كاسىپتىك شەبەرلىككە تاربيەلەۋدى، تاربيەلەۋدى ءوز ىشىنە العان ءبىر قىدىرۋ لاڭكەستىككە قارسى تۇرۋ، ۇشقارىلىقتى الاستاۋ شاراسىن زاڭ بويىنشا قولداندى، بۇل جۇڭگونىڭ نەگىزگى زاڭىنىڭ، زاڭدارىنىڭ رۋحىنا بۇكىلدەي ۇيلەسەدى، حالىقارالىق قوعامنىڭ لاڭكەستىككە قارسى تۇرۋ، ۇشقارىلىقتى الاستاۋداعى پرينسيپتىك ۇستانىمىنا ۇيلەسەدى.
”وتكەن ءبىر مەزگىلدە،’ءۇش ءتۇرلى كۇش‘ شينجياڭ سياقتى جەرلەردە زورلىقتى كۇش، لاڭكەستىك وقيعالارىن تۋدىرىپ، قىرۋار بەيكۇنا بۇقارا قاستاندىققا ۇشىرادى، مال - مۇلىك شىعىنىن مولشەرلەۋگە كەلمەيدى. بەيكۇنا بۇقارا قاستاندىققا ۇشىراعان كەزدە، امەريكاداعى’ادامدىق ۇقىق‘قا كوڭىل بولەتىن وسى ساياساتپازدار قايدا كەتتى؟ قازىر ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيگەن كەزدە، وسى ادامداردىڭ قاساقانا كۇيە جاعىپ، شينجياڭنىڭ ادامدىق ۇقىق جاعدايىنا شابۋىل جاساۋى ولاردىڭ سۇرقيا نيەتىن تولىق ءپاش ەتتى“. شينجياڭ قازىنا - ەكونوميكا داشۋەسى زاڭ عىلىمى شۋەيۋانىنىڭ پروفەسسورى دى چۋانيىڭ بىلاي دەدى: شينجياڭ اتقارعان ساقتانۋ سيپاتىندىق لاڭكەستىككە قارسى تۇرۋ جانە ۇشقارىلىقتى الاستاۋ شاراسى قاينارىنان جونگە سالۋ شاراسى، ول، سايىپ كەلگەندە، ادامدىق ۇقىقتى اناعۇرلىم ويداعىداي قامتاماسىزداندىرۋ ءۇشىن بولىپ تابىلادى.
”جۇڭگو زاڭمەن جونگە سالىناتىن مەملەكەت، شينجياڭنىڭ ءتۇرلى لاڭكەستىككە قارسى تۇرۋ، ورنىقتىلىقتى قورعاۋ قىزمەتى باستان - اياق زاڭمەن جونگە سالۋ ارناسىندا ءجۇرىلىپ كەلەدى“. شينجياڭ داشۋەسى زاڭ عىلىمى شۋەيۋانىنىڭ ورىنباسار باستىعى ەركىن سامساق ىلگەرىدە ءبىرقانشا رەت حوتان ايماعىنداعى كاسىپتىك شەبەرلىككە تاربيەلەۋ - باۋلۋ ورتالىعىنا بارىپ زاڭمەن جونگە سالۋ ۇگىت - لەكسياسىن جاساعان. ول باۋلۋ ورتالىعىندا كلاستاردىڭ ەڭسەلى دە جارىق، جاتاقتاردىڭ تازا دا رەتتى، تاربيەلەنۋشىلەردىڭ ۇيرەنۋدەن سىرت، تاعى باي مازمۇندى كوڭىل اشۋ قيمىلدارىنا قاتىناساتىندىعىن، ەشقاشان ءىشىنارا باتىس ساياساتپازدارى ايتقان ”جازا لاگەرى“ ەمەس ەكەندىگىن كورگەن. ول بىلاي دەدى: كاسىپتىك شەبەرلىككە تاربيەلەۋ - باۋلۋ قىزمەتىن زاڭ بويىنشا ورىستەتۋ − ءار ۇلت حالىق بۇقاراسىنىڭ ءتۇبىرلى مۇددەسىن قورعاۋ ءۇشىن، امەريكانىڭ لاڭكەستىككە قارسى تۇرۋ، ۇشقارىلىقتى الاستاۋ ماسەلەسىندە قوس ولشەم قولدانۋى، سايىپ كەلگەندە، لاڭكەستىكتى، ۇشقارىلىقتى قاناتى استىنا العاندىق، ىرقىنا جىبەرگەندىك.
اۆتونوميالى رايوندىق ادۆوكاتتار قوعامىنىڭ ورىنباسار باستىعى دۇڭ مەي مىنالاردى ءبىلدىردى: شينجياڭ «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»نىڭ 4 - تارماعى جانە «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسى»نىڭ 17 - تارماعى سياقتى بەلگىلەمەلەرگە ساي، كاسىپتىك شەبەرلىككە تاربيەلەۋ - باۋلۋ ورتالىعىن زاڭ بويىنشا قۇرىپ، ۇشقارىلىق يدەيانىڭ جۇعىمدالۋىنا ۇشىراعاندارعا، ماجبۇرلەنۋ ارقىلى زاڭعا قايشى جەڭىل قىلمىس وتكىزگەندەرگە تاربيەلەۋ، قۇتقارۋ، كومەكتەسۋ - سۇيەمەلدەۋ سياقتى قىزمەتتەردى ورىستەتۋى ۇستىنەن وڭاۋ مەن تۇبىرىنەن وڭاۋعا تەڭ ءمان بەرۋ، جالپىلىق شارا قولدانۋ پرينسيبىن ايگىلەدى، كەڭشىلىك جاساۋ مەن قاتاڭ بولۋدى بىرگە قولدانۋداي تاربيەلەۋ، قۇتقارۋ باعىتىن ايگىلەدى. شينجياڭنىڭ زورلىقتى كۇشكە، لاڭكەستىككە قارسى تۇرۋ جانە ۇشقارىلىقتى الاستاۋ ءۇشىن جاساعان قۇلشىنىستارى مەن قول جەتكىزگەن تابىستارى ورىنسىز كيلىگۋگە، قيسىنسىز كۇيە جاعۋعا ەمەس، قايتا ۇيرەنۋگە، ۇلگى الۋعا تاتيدى.
”شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ شاراسى نەگىزگى زاڭ مەن زاڭداردى ولشەم ەتكەن، نەگىزدەلەتىن زاڭ بولۋدى، زاڭعا، ءسوزسىز، نەگىزدەلۋدى ورىندادى“. ءۇرىمجى قالالىق ادۆوكاتتار قوعامىنىڭ ورىنباسار باستىعى رەيىمجان بارات بىلاي دەدى: امەريكاداعى ءىشىنارا ساياساتپازدار ”شينجياڭ ماسەلەسىن“ جەلەۋ ەتۋدە، ولار شينجياڭداعى ءار ۇلت حالقىنىڭ باقىتىن مۇلدە ەلەپ وتىرعان جوق. مۇنداي سۇرقيا ارەكەتتىڭ تۇبىندە ساتسىزدىكپەن تىنارى حاق.
(تىلشىلەرىمىز جىڭ جو، ياڭ شۋحان جازعان)
ءىسلام ءدىنى سالاسى
”امەريكاداعى كەيبىر ساياساتپازدار، سەندەر شينجياڭدى تۇسىنەسىڭدەر مە؟ شينجياڭعا كەلىپ كوردىڭدەر مە؟ شينجياڭدا مەن ءدىني سەنىم ەركىندىگىنەن اۋامەن تىنىستاعانداي ەركىن يگىلىكتەنىپ وتىرمىن! سەندەر شينجياڭنىڭ ناقتى جاعدايىنان حابارسىز بولعاندىقتارىڭ ءۇشىن، شىندىقپەن ساناسپاي، اق پەن قارانى شاتاستىرىپ، اۋىزدارىڭا كەلگەندى كوكىپ وتىرسىڭدار، سەندەر شينجياڭعا كەلىپ ءوز كوزدەرىڭمەن كورسەڭدەر بولادى!“ - دەدى 12 - ايدىڭ 5 - كۇنى ءۇرىمجى قالاسى ياڭحاڭ مەشىتىنىڭ يمامى مۇحتارام شەرىپ كەكتەنە.
نەشە كۇننەن بەرى، امەريكا پارلامەنتى قاۋىم پالاتاسىنىڭ ايتىلمىس شينجياڭعا ساياتىن ”زاڭ جوبا“نى ماقۇلداعاندىعى جونىندە، رايونىمىزدىڭ ءىسلام ءدىنى سالاسىنداعى قايراتكەرلەر توتەنشە كەكتەنىپ، قاتاڭ جازعىرىپ، باتىل قارسى تۇراتىندىقتارىن ءبىلدىردى، سونداي - اق ءبىر اۋىزدان شينجياڭنىڭ تىنىش، بەرەكەلى، گۇلدەنگەن، دامىعان اسا تاماشا جاعدايىنىڭ وڭاي - وسپاق قولعا كەلمەگەندىگىن، ءار ۇلت بۇقاراسىنىڭ مۇنى ەسەلەي ايالاپ، ەسەلەي قاستەرلەيتىندىگىن، سىرتقى كۇشتەردىڭ ورىنسىز كيلىگۋىنە استە جول بەرمەيتىندىكتەرىن ءبىلدىردى.
مۇحتارام شەرىپ بىلاي دەدى: نەگىزگى زاڭدا ”جۇڭحۋا حالىق رەسپۋبليكاسىنىڭ ازاماتتارىندا ءدىني سەنىم ەركىندىگى بولادى“ دەپ ايقىن بەلگىلەنگەن، ۇكىمەت دىنگە سەنەتىن ازاماتتاردىڭ ءدىني سۇيىسپەنشىلىگىنە جانە سەنىم قاجەتىنە تولىق قۇرمەت ەتەدى. شينجياڭدا قازىر 20 مىڭنان استام مەشىت، 29 مىڭ ءىسلام ءدىنى وقىتۋشى - قىزمەتكەرى بار، دىنگە سەنەتىن قاۋىمنىڭ قالىپتى ءدىني قيمىل قاجەتى قاناعاتتاندىرىلعان.
ءۇرىمجى قالاسى سايباق رايونى حىپيڭ مەشىتىندەگى دارەت الۋ جابدىقتارى، سۋمەن شاياتىن دارەتحانا مۇسىلمان قاۋىمىنا جايلى، رەتتى، تازا ءدىني قيمىل ورتاسىن جاراتىپ بەردى.
”ۇكىمەت مەشىتتى كەمەلدەندىرۋگە الەۋمەتتىك قىزمەت وتەۋ تەبىنىن بارىنشا ارتتىردى، ءدىني قيمىل ورىندارى مەن ءدىني قيمىل شارت - جاعدايلارىن بىرتىندەپ جاقسارتىپ، دىنگە سەنەتىن ازاماتتاردىڭ قالىپتى ءدىني قاجەتىن قامتاماسىزداندىردى، مۇنى وتكەندەگى ءارقانداي ءبىر تاريحي كەزدەردەگىمەن سالىستىرۋعا كەلمەيدى“، - دەدى حىپيڭ مەشىتىنىڭ يمامى تاشتەمىر قادىر، - سوڭعى جىلداردان بەرى، شينجياڭ ”جەتىنى جەتكىزۋ، ەكى بولۋ“،”توعىزدى سەپتەۋ“دى بارىنشا ىلگەرىلەتىپ، ءدىني قيمىل ورىندارى مەن ءدىني قيمىل شارت - جاعدايىن زور دارەجەدە جاقسارتتى. ءبىز پارتيا مەن ۇكىمەتتىڭ ابزال ساياساتىنا شىن جۇرەكتەن العىس ايتامىز.
ءۇرىمجى قالاسى شۇيموگوۋ رايونى گاۋجياجۋاڭ مەشىتىنىڭ يمامى يميت ءومار بىلاي دەدى: ”شينجياڭ كەزىندە ۇشقارىلىقتىڭ، زورلىقتى كۇش، لاڭكەستىك ارەكەتتىڭ زالالىنا اۋىر ۇشىرادى. بۇگىنگى كۇنى شينجياڭدا ءۇرتىس 3 جىل زورلىقتى كۇش، لاڭكەستىك دەلوسى (وقيعاسى) تۋىلمادى، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى ارتتى، مىنە بۇل شينجياڭعا جالا جاۋىپ، كۇيە جاققاندارعا بەرىلگەن پارمەندى قايتارما سوققى. شينجياڭدا لاڭكەستىككە قارسى تۇرۋ، ۇشقارىلىقتى الاستاۋ قىزمەتىنىڭ زاڭ بويىنشا ورىستەتىلۋى ادامدىق ۇقىققا بۇكىلدەي قۇرمەت ەتۋ جانە قامتاماسىزداندىرۋ شاراسى ەسەپتەلەدى، ەڭ كەڭ حالىق بۇقاراسىنىڭ ءتۇبىرلى مۇددەسىن قورعاعاندىق، ءدىننىڭ توركىنىن تۇزەپ، قاينارىن تازالاعاندىق، اسىرەسە، ازاماتتاردىڭ ءدىني سەنىم ەركىندىگى ۇقىعىن باتىل قورعاعاندىق، ءبىز باتىل قولدايمىز، قۋاتتايمىز“.
يميت ءومار بىلاي دەدى: ”مەن رەفورما جاساعاننان، ەسىك اشقاننان بەرگى جۇڭگونىڭ قوعامدىق دامۋى مەن العا باسۋىن ءوز باسىمنان كەشىرۋشىمىن ءارى جۇڭگو اتقارعان ءدىني سەنىم ەركىندىگى ساياساتىنان يگىلىكتەنۋشىمىن. جۇڭگودا ءدىني سەنىم ەركىندىگى بار ما، جوق پا جونىندە، ءبىز ءدىني قايراتكەرلەر ەڭ سويلەۋ ۇقىعىنا يەمىز. باتىس جاقتاعى كەيبىر ساياساتپازداردى مۇنداي سوراقى ويىنداردى دوعارۋعا ءناسيحاتتايمىز. ءبىز وتاندى ءسۇيۋ، ءدىندى قادىرلەۋ تاماشا ءداستۇرىن بارىنشا ساۋلەلەندىرىپ، دىنگە سەنەتىن قالىڭ قاۋىمدى دۇرىس سەنىم ورناتىپ، ۇشقارىلىقتى تەجەپ، جۇڭگوشا سوتسياليستىك شينجياڭدى بىرگە قۇرۋ جولىندا قۇلشىنا كۇرەس جۇرگىزۋگە ىنتىماقتاستىرۋىمىز جانە جەتەكتەۋىمىز كەرەك“.
(حاباردى ءتىلشىمىز ميھىرگۇل عوپۇر جازعان)
جاس وقۋشىلار
تالاي كۇننەن بەرى، امەريكا پارلامەنتى قاۋىم پالاتاسىنىڭ ايتىلمىس شينجياڭعا ساياتىن ”زاڭ جوبا“سىن ماقۇلداعاندىعىنا رايونىمىزداعى قالىڭ جاس وقۋشىلار قاتتى كەكتەندى جانە جازعىردى. كوپشىلىك مىنانى ءبىلدىردى: قىراعىلىقتى ارتتىرىپ، اق پەن قارانى ايقىن پارىقتاپ، امەريكا جاقتىڭ سۇرقيا نيەتىن جىعا تانۋىمىز كەرەك، شينجياڭنىڭ تىنىش، بەرەكەلى، گۇلدەنگەن، دامىعان جاعدايى وڭاي - وسپاق قولعا كەلگەن جوق، سىرتقى كۇشتەردىڭ بەتالدى كيلىگۋىنە استە جول قويمايمىز.
”شينجياڭعا ساياتىن’زاڭ جوبا‘سى’ادامدىق ۇقىق‘تى جەلەۋ ەتىپ، بولشەكتەۋشىلىككە جەلىكتىرۋ ارقىلى شينجياڭنىڭ ورنىقتىلىعىن ءبۇلدىرۋ، جۇڭگونىڭ دامۋىن تەجەۋ ماقساتىنا جەتۋگە ۇرىنعان، ءبىز امەريكا جاقتىڭ كولگىرسىگەن بەت - بەينەسى مەن سۇرقيا نيەتىن جەتە تانۋىمىز كەرەك“. شينجياڭ داشۋەسى اقپارات جانە تاراتۋ شۋەيۋانىنىڭ وقۋشىسى اديلا ءماتتۇرسۇن: ستۋدەنت رەتىندە، مەن امەريكا جاققا سەندەردىڭ قاسكۇنەمدىكتەرىڭ ىسكە اسپايدى دەپ اشىق ەسكەرتەمىن، - دەدى.
شينجياڭ كوركەمونەر شۋەيۋانى مادەنيەت - كوركەمونەر فاكۋلتەتى 2018 - جىلدىق الەۋمەتتىك ىستەردى باسقارۋ كاسىبىنىڭ وقۋشىسى يمىران قيۇم بۇرىن قاشقار ايماعىنداعى كاسىپتىك شەبەرلىككە تاربيەلەۋ - باۋلۋ ورتالىعىن ەكسكۋرسيالاعان بولاتىن. ول كاسىپتىك شەبەرلىككە تاربيەلەۋ - باۋلۋ ورتالىعى تاربيەلەنۋشىلەرگە زاڭ، مەملەكەتتە ءبىر تۇتاس قولدانىلاتىن ءتىل - جازۋ، شەبەرلىك سياقتىلاردى ۇيرەتۋمەن بىرگە، تاعى كوركەمونەر، مۋزيكا، ءبي سياقتى اۋەستىك كلاستارىن اشىپ بەرگەندىگىن، تاربيەلەنۋشىلەردىڭ ءان ايتقىسى كەلسە ءان ايتىپ، بيلەگىسى كەلسە بيلەپ، قۋانىشتى دا كوڭىلى توق جۇرگەندىگىن ايتتى. ”ولاردىڭ جارقىن كۇلكىسى مەن مۇقيات ۇيرەنىپ جاتقان كورىنىسى بۇگىنگىدەي ەسىمدە ساقتاۋلى، شينجياڭعا ساياتىن ’زاڭ جوباسى‘نىڭ ’از ۇلتتاردىڭ ادامدىق ۇقىعىنا سۇعاناقتىق جاسالدى‘ دەپ كوكۋى شينجياڭعا كۇيە جاعىپ، جالا جاپقاندىق، بارىپ تۇرعان جونسىزدىك!“، - دەيدى يمىران زىعىردانى قايناپ.
”اكەمنىڭ باسىنان كەشكەندەرى امەريكاداعى ءىشىنارا ساياساتپازداردىڭ ويىنا كەلگەنىن كوكىپ وتىرعاندىعىن دالەلدەيدى!“ 12 - ايدىڭ 5 - كۇنى شاڭحاي قالاسى يۇيساي ورتا مەكتەبى ىشكەرى ولكەلەردەگى شينجياڭ تولىق ورتا كلاسى تولىق ورتا 3 - جىلدىعىنىڭ وقۋشىسى ميھىربانگۇل ابدۇكەرىم بىلاي دەدى: ”اكەم كەزىندە ءدىني ۇشقارى يدەيامەن ۋلانىپ، ۇنەمى قاباعىنان قار جاۋىپ، كىمگە بولسادا سۇپ - سۋىق مامىلە جاسايتىن، ءسىڭلىم ەكەۋىمىز جەنسي شالبار نەمەسە شولاق جەڭدى كيىم كيسەك، اكەم قاتتى اشۋلاناتىن. ۇيدەگىلەردىڭ اقىل ايتۋىمەن اكەم كاسىپتىك شەبەرلىككە تاربيەلەۋ - باۋلۋ ورتالىعىنا بارىپ وقىدى. وقۋ تاۋىسقاننان كەيىن اكەم جايدارمان بولىپ وزگەردى، تاعى ءوزى بىزگە اقشا بەرىپ ادەمى كيىمدەر ساتىپ الىڭدار دەيتىن، مۇنداي بولۋدى ءبىز بۇرىن ويلاۋدان قورقاتىنبىز“. ميھىربانگۇل بۇگىنگى كۇندە تاربيەلەۋ - باۋلۋ ورتالىعىنان بالكۇلشە جاساۋ شەبەرلىگىن ۇيرەنىپ شىققان اكەسىنىڭ بالكۇلشە دۇكەنىن اشىپ العاندىعىن، ساۋداسى كەرەمەت كۇسەت بولىپ، بۇكىل وتباسىنداعىلاردىڭ كوڭىلى پارتيا مەن ۇكىمەتكە دەگەن العىسقا تولعاندىعىن ايتىپ: ”شينجياڭ جۇڭگونىڭ شينجياڭى، ءبىز وسى داۋىردە تۇرمىس كەشىرىپ جاتقاندىعىمىزدى شەكسىز باقىت سەزىنەمىز. شينجياڭنىڭ جاراسىمدىلىعىن، ورنىقتىلىعىن بۇلدىرەتىن، ۇلى وتانىمىزدى بولشەكتەيتىن ءارقانداي ارەكەتتى ءبىز استە قۇپتامايمىز!“، - دەدى.
قاشقار داشۋەسىنىڭ وقۋشىسى ماريامبۋ مەرگەن ءوزىنىڭ اجەسى مەن اكەسى دە شەكارا وڭىرگە تامىر تارتىپ، وتان شەكاراسىن ءۇنسىز كۇزەتكەن شەكارا قورعاۋشىلار ەكەندىگىن، وتاندى ءسۇيۋ، شينجياڭدى ءسۇيۋ، جاۋاپكەرشىلىك ارقالاپ، ۇلەس قوسۋ − ۇرپاقتان - ۇرپاققا جالعاسقان تاماشا ءداستۇر ەكەندىگىن ايتتى. ءبىر ستۋدەنت رەتىندە، ول ءار ۇلت ساباقتاستارىن ىنتىماقتاستىرىپ، قىراعىلىقتى ارتتىرىپ، اق پەن قارانى ايقىن ايىرىپ، وڭاي - وسپاق قولعا كەلمەگەن باقىتتى تۇرمىستى قاستەرلەپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، كورىكتى مەكەندى قۇرىپ شىعۋ ءۇشىن جاستىق كوكتەمى مەن كۇش - قۋاتىن ارنايتىندىعىن ايتتى.
(تىلشىلەرىمىز جاۋ شييا، يۇي مىڭران، سۋ لۋپيڭ، شيا چيڭ، يۇي شي جازعان)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
