بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ كورەيا زۇڭتۇڭى ۋىن زاييىنمەن جانە جاپونيا باس ءۋازىرى انبەي جينسانمەن جەكە - جەكە كەزدەستى

2019.12.25 16:39     كەلۋ قاينارى : شينجياڭ گازەتى

  شينحۋا اگەنتتىگىنىڭ 12 - ايدىڭ 23 - كۇنى بەيجيڭنەن بەرگەن حابارى (ءتىلشى سۇن ي). مەملەكەت ءتوراعاسى شي جينپيڭ 12 - ايدىڭ 23 - كۇنى حالىق سارايىندا كورەيانىڭ زۇڭتۇڭى ۋىن زاييىنمەن كەزدەستى.

  شي جينپيڭ ۋىن زاييىننىڭ جۇڭگوعا 8 - رەتكى جۇڭگو - جاپونيا - كورەيا باسشىلار ماجىلىسىنە قاتىناسۋعا كەلگەندىگىن قارسى الدى. شي جينپيڭ بىلاي دەپ اتاپ كورسەتتى: جۇڭگو مەن كورەيانىڭ ەكەۋى دە ازيادا، ءتىپتى بۇكىل دۇنيە جۇزىندە وزىندىك سالماعى، ىقپالى بار ماڭىزدى مەملەكەتتەر، ەكى ەل ەكى جاقتى قارىم - قاتىناستىڭ اناعۇرلىم ويداعىداي دامۋىن ىلگەرىلەتۋ، ءوڭىردىڭ بەيبىتشىلىگىن، ورنىقتىلىعىن، گۇلدەنۋىن جەبەۋ، كوپ جاقتىلىقتى جانە ەركىن ساۋدا ءتۇزىلىسىن قورعاۋ سياقتى جاقتاردا كەڭ ورتاق تانىمعا يە، ءارقاشان تىعىز سەلبەسەتىن دوستاردان جانە سەرىكتەردەن بولىپ كەلەدى. وتكەن 2 جىلدان استام ۋاقىتتان بەرى، جۇڭگو - كورەيا قارىم - قاتىناسى ورنىقتى دامۋ سىندى ۇلكەن بەتالىستى ساقتادى. قازىرگى دۇنيە جۇزىندەگى 100 جىلدا بولماعان ۇلى وزگەرىس الدىندا، جۇڭگو مەن كورەيا ستراتەگيالىق سەلبەستىك سەرىكتەستىك قارىم - قاتىناستى تەرەڭدەتۋى جانە دامىتۋى، ءبىر - ءبىرىنىڭ وزەكتى مۇددەلەرىمەن جانە ءجىتى قاداعالاپ وتىرعان ماسەلەلەرىمەن ساناسۋى، ەكى جاقتى قارىم - قاتىناستىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋى ءتيىس.

  شي جينپيڭ بىلاي دەپ باسا دارىپتەدى: ەكى جاق جوعارى ساپالى، توعىسپالى دامۋدى جۇزەگە اسىرۋدى نىسانا ەتىپ، كومەسكى كۇشتى ونان ارى اشىپ، ناقتى سەلبەستىكتىڭ دەڭگەيى مەن ورەسىن جوعارىلاتۋ كەرەك. ەكى جاق ”ءبىر بەلدەۋ، ءبىر جول“دى بىرگە قۇرۋ باستاماسىن كورەيا جاقتىڭ دامۋ ستراتەگيالىق جوباسىمەن ۇشتاستىرۋدىڭ ىشكەرىلەگەن تۇردە ەرتەرەك ناقتى ناتيجە، مول جەمىس بەرۋىن ىلگەرىلەتىپ، ەكى جاقتى ەركىن ساۋدا كەلىسىمىنىڭ 2 - كەزەڭدىك كەلىسسوزىن جەدەلدەتىپ، جاڭالىق اشۋ، زەرتتەۋ - اشۋ سەلبەستىگىن تەرەڭدەتىپ، باسىمدىقتارىمەن ءبىرىن - ءبىرى تولىقتاۋدى جانە ناتيجەدەن بىرگە يگىلىكتەنۋدى اناعۇرلىم ويداعىداي جۇزەگە اسىرۋىنا بولادى. جۇڭگو مەن كورەيانىڭ گۋمانيتارلىق اۋىس - كۇيىسىن جەبەۋ كوميتەتى تۇعىرىنان ۇتىمدى پايدالانىپ، وقۋ - اعارتۋ، دەنە تاربيە، اقپارات قۇرالدارى، جاستار مەن ورەندەر، جەرگىلىكتى ورىندار سياقتى سالالارداعى اۋىس - كۇيىستى ويداعىداي ورىستەتىپ، ەكى ەل حالقىنىڭ ءوزارا تۇسىنىستىگى مەن دوستىق سۇيىسپەنشىلىگىن ۇزدىكسىز كۇشەيتۋ كەرەك. زاڭ اتقارۋ جانە حاۋىپسىزدىك سەلبەستىگىن كۇشەيتىپ، شەكارا اتتاعان قىلمىستارعا بىرگە سوققى بەرىپ، ەكى ەل قوعامىنىڭ تىنىشتىعى مەن جاراسىمدىلىعىن قورعاۋ كەرەك.

  شي جينپيڭ بىلاي دەپ باسا دارىپتەدى: كەزەكتە قورعامپازدىق، سىڭار جاقتىلىق، وكتەمدىك ارەكەتتەر اعىمعا قارسى باس كوتەرىپ، الەمدىك جونگە سالۋدى بىلىقتىرىپ، دۇنيە ءجۇزىنىڭ بەيبىتشىلىگى مەن ورنىقتىلىعىنا حاۋىپ توندىرۋدە. جۇڭگو جاۋاپكەرشىلىك ارقالاعان ءىرى ەل رەتىندە، باستان - اياق ءوزىنىڭ دامۋىن دۇنيە ءجۇزىنىڭ دامۋ اعىمىنا توعىستىرىپ كەلەدى، ءار ەلمەن تەڭ تۇرعىدا ءوزارا تيىمدىلىك جاساۋعا تاباندى بولىپ، ورايدان بىرگە يگىلىكتەنە، جاۋاپكەرشىلىكتى بىرگە ارقالاي وتىرىپ، ادامزاتتىڭ تاعدىرلاس ورتاق تۇلعاسىن ورناتۋعا كۇش سالۋدى قالايدى. ەكى جاقتىڭ بىرلەسكەن مەملەكەتتەر ۇيىمى، 20 ەل توبى، ازيا - تىنىق مۇحيت ەكونوميكالىق سەلبەستىك ۇيىمى سياقتى كوپ جاقتى جۇلگەدە سايكەسۋدى كۇشەيتۋىن، حالىقارالىق ادىلدىك پەن تۋراشىلدىقتى جانە ەكى ەلدىڭ ورىندى مۇددەسىن قورعاۋىن ءۇمىت ەتەمىن.

  ۋىن زاييىن جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتادى. ۋىن زاييىن مىنالاردى ءبىلدىردى: بيىل كورەيا، جۇڭگو ەكى ەل ءۇشىن تاريحي ماڭىزعا يە ءبىر جىل بولدى، كورەيا - جۇڭگو قارىم - قاتىناسى ماڭىزدى ىلگەرىلەۋشىلىككە قول جەتكىزدى. كورەيا جاق ەكى ەلدىڭ ەكونوميكا - ساۋدا، مادەنيەت، دەنە تاربيە، قورشاعان ورتانى قورعاۋ سياقتى سالالارداعى سەلبەستىگىن ونان ارى كەڭەيتۋدى، ”ءبىر بەلدەۋ، ءبىر جول“ باستاماسىن كورەيانىڭ ”جاڭا وڭتۇستىك جانە جاڭا سولتۇستىك ساياساتى“مەن ۇشتاستىرۋدى ىلگەرىلەتۋدى، 3 - جاق بازارىن بىرلەسىپ اشۋ سەلبەستىگىن جەدەل ىلگەرىلەتۋدى ءۇمىت ەتەدى. كورەيا جۇڭگو جاقپەن بايلانىستى كۇشەيتىپ، كورەياداعى جۇڭگو حالىق ەرىكتىلەر ارمياسى قۇرباندارىنىڭ مۇردەلەرىن تاپسىرىپ بەرۋ قىزمەتىن ۇزدىكسىز ويداعىداي ىستەۋدى قالايدى. كورەيا جاق بىلاي دەپ قارايدى: شياڭگاڭ ءىسى بولسىن، الدە شينجياڭعا ساياتىن ماسەلە بولسىن، بارلىعى دا جۇڭگونىڭ ىشكى ءىسى. كورەيا مەن جۇڭگو ەكى ەل ۇزاق بارىس - كەلىس تاريحىنا جانە بايلانىسقان مادەنيەت توركىنىنە يە، ەكى ەل − تاعدىرلاس ورتاق تۇلعا. ەكى جاقتى قارىم - قاتىناستىڭ دامۋى ”ورايلى ساتكە، ءتيىمدى جاعدايعا“ يە، قازىر وعان ”ادامداردىڭ تاتۋلىعى“ قوسىلسا، ءسوز جوق، كورەيا - جۇڭگو قارىم - قاتىناسىنىڭ جاڭا ءداۋىرى اشىلعالى تۇر. كورەيا جاق جۇڭگونىڭ ەلەۋلى ماسەلەلەردەگى تۇرعىسىن تۇسىنەدى، ەركىن ساۋدانى قولدايدى، جۇڭگو جاقپەن وڭىرلىك، حالىقارالىق ىستەردە بايلانىس جاساۋدى، سەلبەسۋدى ۇزدىكسىز كۇشەيتۋدى قالايدى.

  ەكى ەلدىڭ مەملەكەت باسشىلارى چاۋشيان تۇبەگىنىڭ جاعدايى جونىندە كوزقاراس اۋىستىردى. شي جينپيڭ بىلاي دەپ اتاپ كورسەتتى: جۇڭگو مەن كورەيانىڭ چاۋشيان تۇبەگى ماسەلەسىندەگى تۇرعىسى مەن مۇددەسى ءبىر - بىرىنە ساي كەلەدى، ەكەۋى دە تۇبەكتىڭ بەيبىتشىلىگى مەن ورنىقتىلىعىن قورعاۋعا تاباندى بولىپ، تىلدەسۋ، اقىلداسۋ ارقىلى ماسەلەنى شەشۋدى دارىپتەيدى، ورنىقتىلىقتى قورعاۋدىڭ، كەلىسسوزدەردى جەبەۋدىڭ مىعىم كۇشى سانالادى. جۇڭگو جاق كورەيا جاقتىڭ چاۋشيان جاقپەن قارىم - قاتىناسىن ۇزدىكسىز جاقسارتۋىنا قولداۋ كورسەتەدى، تۇبەكتىڭ بەيبىتشىلىك كەلىسسوزدەرىن ىلگەرىلەتۋ ۇدەرىسىنە قوزعاۋشى كۇش قوسادى. ۋىن زاييىن مىنالاردى ءبىلدىردى: كورەيا جاق جۇڭگو جاقتىڭ چاۋشيان تۇبەگى ماسەلەسىن شەشۋدە اتقارعان ماڭىزدى رولىن القايدى، تۇبەك ماسەلەسىندە جارىققا شىققان بەيبىت شەشۋ ورايى وڭاي قولعا كەلگەن جوق، كورەيا جاق جۇڭگو جاقپەن بىرگە تۇبەكتىڭ بەيبىتشىلىك ۇدەرىسىن ىلگەرىلەتۋ ءۇشىن ورتاق قۇلشىنىس جاساۋدى قالايدى.

  ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.

  شينحۋا اگەنتتىگىنىڭ 12 - ايدىڭ 23 - كۇنى بەيجيڭنەن بەرگەن حابارى (ءتىلشى سۇن ي). مەملەكەت ءتوراعاسى شي جينپيڭ 12 - ايدىڭ 23 - كۇنى حالىق سارايىندا جاپونيانىڭ باس ءۋازىرى انبەي جينسانمەن كەزدەستى.

  شي جينپيڭ انبەي جينساننىڭ جۇڭگوعا 8 - رەتكى جۇڭگو - جاپونيا - كورەيا باسشىلار ماجىلىسىنە قاتىناسۋعا كەلگەندىگىن قارسى الدى. شي جينپيڭ بىلاي دەپ اتاپ كورسەتتى: ەكى جاقتىڭ ورتاق قۇلشىنىسىندا، جۇڭگو - جاپونيا قارىم - قاتىناسى ۇزدىكسىز جاقسارىپ، دامىپ كەلەدى. بيىل 6 - ايدا باس ءۋازىر مىرزا ەكەۋىمىز وساكادا ءديدارلاسىپ، جاڭا ءداۋىر تالابىنا ۇيلەسەتىن جۇڭگو - جاپونيا قارىم - قاتىناسىن ورناتۋدى ىلگەرىلەتۋدى، ەكى ەل قارىم - قاتىناسىنىڭ جاڭا بولاشاعىن بىرگە اشۋدى ءبىر اۋىزدان ماقۇلدادىق. كەزەكتە جۇڭگو - جاپونيا قارىم - قاتىناسى ماڭىزدى دامۋ ورايىنا ءدوپ كەلىپ وتىر، جۇڭگو جاق جاپونيا جاقپەن تىعىز بايلانىستى ساقتاپ، ساياسي جەتەكشىلىكتى كۇشەيتىپ، جۇڭگو - جاپونيا قارىم - قاتىناسىنىڭ تاعى دا تىڭ ساتىعا كوتەرىلۋىن ىلگەرىلەتۋدى، ەكى ەل حالقىن اناعۇرلىم ويداعىداي باقىتقا كەنەلتۋدى قالايدى.

  شي جينپيڭ بىلاي دەپ باسا دارىپتەدى: قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە. جاعداي نەعۇرلىم كۇردەلى بولعان سايىن، بىزدەن بايىپتى ستراتەگيالىق تاباندىلىقتى سولعۇرلىم ساقتاۋدى، بيىكتە تۇرىپ الىسقا كوز جىبەرەتىن جالپى جاعدايلىق كوز ايانى سولعۇرلىم ازىرلەۋدى قاجەت ەتەدى. جاڭا داۋىردەگى جۇڭگو - جاپونيا قارىم - قاتىناسىن جوسپارلاۋدا، الدىمەن ستراتەگيالىق ورتاق تانىمدى ايقىنداۋ كەرەك. الەمدىك ۇلكەن كوز ايادا ەكى ەل قارىم - قاتىناسىن ويلاستىرۋعا جانە جوسپارلاۋعا تاباندى بولىپ، ءوزارا قۇرمەت ەتۋ، پارىقتاردى ساقتاپ، ورتاقتىققا ۇمتىلۋ نەگىزىندە بايلانىس جاساۋعا، سايكەسۋگە تاباندى بولىپ، قول ۇستاسا سەلبەسەتىن، ءوزارا تيىمدىلىك جاساپ، بىرگە يگىلىكتەنەتىن جاڭا اۋقىم ورناتۋدى بەلسەنە ىلگەرىلەتۋ كەرەك. بۇل ەكى جاقتىڭ جاڭا داۋىردەگى جۇڭگو - جاپونيا قارىم - قاتىناسىن دامىتۋىنىڭ ورتاق ستراتەگيالىق نۇسقاۋشىسى بولۋعا ءتيىس. ەكى جاق دۇرىس بەتالىستى يگەرىپ، جۇڭگو مەن جاپونيانىڭ 4 ساياسي حۇجاتىندا بەلگىلەنگەن پرينسيپتەردەن جازباي، قاتىستى ەلەۋلى، سەزىمتال ماسەلەلەردى ۇيلەسىمدى ءبىر جاقتى ەتىپ، ەكى ەل قارىم - قاتىناسىنىڭ ساياسي نەگىزىن بەكەمدەۋ كەرەك. بۇل ەكى جاقتىڭ جاڭا داۋىردەگى جۇڭگو - جاپونيا قارىم - قاتىناسىن دامىتۋدا، ءسوز جوق، باستان - اياق اينىماۋعا ءتيىس ءتۇبىرلى دايەگى سانالادى، بۇعان ءارقانداي كەزدە دە ات ءۇستى قاراۋعا جانە بۇدان اۋىتقۋعا بولمايدى. ەكى جاق جۇڭگو مەن جاپونيا ”ءبىر - بىرىنە سەلبەستىك سەرىكتەس بولاتىن، ءبىر - بىرىنە قاتەر توندىرمەيتىن“ ساياسي ورتاق تانىمدى امالياتتا ايگىلەپ، ”باسەكەلەسۋدى سەلبەسۋگە اينالدىرۋ“ رۋحىن ۇستانا وتىرىپ، ەكى ەل قارىم - قاتىناسىنىڭ قاشاندا دۇرىس ارنامەن ۇزدىكسىز العا دامۋىن ىلگەرىلەتۋى ءتيىس.

  شي جينپيڭ بىلاي دەپ اتاپ كورسەتتى: ەكى جاق ناقتى سەلبەستىكتى كەڭەيتىپ، ”ءبىر بەلدەۋ، ءبىر جول“دى جوعارى ساپادا بىرگە قۇرۋدى جانە جۇڭگو مەن جاپونيانىڭ 3 - جاق بازار سەلبەستىگىن ىلگەرىلەتىپ، جاساندى زەردە، ۇلكەن ساندى مالىمەت، زات ينتەرنەتى سياقتى سالالاردا ءوزارا پايدالى سەلبەستىكتى كۇشەيتىپ، ەكى باعىتتا ەسىك اشاتىن، ءادىل، جاريا، كەمسىتپەيتىن جاڭالىق اشۋ ورتاسىن بەلسەنە جەتىلدىرىپ، اناعۇرلىم جوعارى دەڭگەيدەگى ءوزارا تيىمدىلىك جاساۋدى، بىرگە يگىلىكتەنۋدى جۇزەگە اسىرۋعا قۇلشىنۋ كەرەك. مادەنيەت، ساياحات، وقۋ - اعارتۋ سياقتى گۋمانيتارلىق سالالارداعى اۋىس - كۇيىستى كۇشەيتىپ، جاستار مەن ورەندەردىڭ قوس باعىتتاعى اۋىس - كۇيىسىن جەبەپ، جەرگىلىكتى ورىنداردىڭ دوس قالا سەلبەستىگىن كەڭەيتىپ، توكيو وليمپياداسى مەن بەيجيڭ قىسقى وليمپياداسىن ويداعىداي وتكىزۋ جونىندە ءبىر - بىرىنە قولداۋ كورسەتىپ، ەكى ەلدىڭ حالىقتار دوستىعىنىڭ حالىق تىلەگى نەگىزىن بەكەمدەۋ كەرەك. حاۋىپسىزدىكتەگى ءوزارا سەنىمدىلىكتى نىعايتىپ، ورەلى حاۋىپسىزدىك قارىم - قاتىناسىن اناعۇرلىم بەلسەنە ورناتۋ كەرەك. حالىقارالىق جاۋاپكەرشىلىك ارقالاۋدى ايگىلەپ، كوپ جاقتىلىق پەن ەركىن ساۋدانى قورعاپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋ كەرەك.

  انبەي جينسان مىنالاردى ءبىلدىردى: بيىل جاپونيا مەن جۇڭگو ەكى ەل جوعارى جىكتەگىلەردىڭ ءجيى بارىس - كەلىسىن ساقتاپ، ءوزارا تۇسىنىستىكتى كۇشەيتتى. جاپونيا - جۇڭگو قارىم - قاتىناسىنىڭ دامۋ تەبىنى جاقسى بولدى، ەكى ەل قارىم - قاتىناسىنىڭ دامۋى ءوڭىردىڭ جانە دۇنيە ءجۇزىنىڭ بەيبىتشىلىگى، ورنىقتىلىعى جانە گۇلدەنۋى ءۇشىن ماڭىزدى مانگە يە. جاپونيا جاق ءتوراعا شي جينپيڭنىڭ كەلەر جىلى كوكتەمدە جاپونيادا مەملەكەتتىك ساپاردا بولۋىنا وسكەلەڭ ءمان بەرەدى جانە سول ءساتتى كۇتەدى، جاپونيا جاق جۇڭگو جاقپەن تىعىز بايلانىس جاساپ، ساپاردىڭ تولىق تابىسقا جەتۋىنە شىنايى كەپىلدىك ەتۋدى، جاڭا ءداۋىر تالابىنا ۇيلەسەتىن جاپونيا - جۇڭگو قارىم - قاتىناسىن ورناتۋدى قالايدى. جاپونيا جاق ەكى جاقتىڭ ەكونوميكا - ساۋدا، قارجى قوسۋ، جاڭالىق اشۋ، ساياحات، مادەنيەت، دەنە تاربيە سياقتى سالالارداعى ناقتى سەلبەستىكتى ۇزدىكسىز كەڭەيتۋدى ءۇمىت ەتەدى. جاپونيا جاق جۇڭگو جاقپەن 3 - جاق بازار سەلبەستىگىن بەلسەنە ىلگەرىلەتىپ، وڭىرلىك ماسەلەلەر جونىندە پىكىرلەسۋدى، سايكەسۋدى كۇشەيتۋدى قالايدى.

  ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار