ورتالىق كوميتەت كەڭسەسى، مەملەكەتتىك كەڭەس كەڭسەسى پىكىر باسىپ تاراتتى
ەڭبەككۇش پەن دارىندىلاردىڭ قوعامدىق اۋىسۋ ءتۇزىلىسى، مەحانيزمى رەفورماسىن جەبەۋ كەرەك
2019.12.27 15:24 كەلۋ قاينارى : شينجياڭ گازەتى
شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «ەڭبەككۇش پەن دارىندىلاردىڭ قوعامدىق اۋىسۋ ءتۇزىلىسى، مەحانيزمى رەفورماسىن جەبەۋ جونىندەگى پىكىر»دى باسىپ تاراتتى، سونداي - اق حابارلاندىرۋ شىعارىپ جەر - جەردەن، تاراۋلاردان ءىس جۇزىندىك جاعدايمەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىر»دە مىنالار ورتاعا قويىلدى: حالىقتى وزەك ەتكەن دامۋ يدەياسىنا تاباندى بولىپ، ۇيلەسىمدى، ءادىل، ىركىلىسسىز، ءتارتىپتى قوعامدىق اۋىسۋ ارناسىن قالىپتاستىرىپ، جەكە ادامداردىڭ دامۋىن مەملەكەتتىڭ بايۋ - قۇدىرەتتەنۋ، ۇلتتىڭ گۇلدەنۋ ۇدەرىسىمەن توعىسۋعا جەتەكتەپ، ەكونوميكانىڭ ۇزدىكسىز اقاۋسىز دامۋىن، قوعامدىق ادىلدىك پەن ادىلەتتىلىكتى، مەملەكەتتىڭ باياندى تىنىشتىعىن جەبەۋ كەرەك.
«پىكىر»دە مىنالار تالاپ ەتىلدى: ەكونوميكانىڭ جوعارى ساپالى دامۋىن ىلگەرىلەتىپ، قوعامدىق اۋىسۋدىڭ نەگىزىن بەكەمدەۋ كەرەك. جۇمىستاندىرۋدى الدىڭعى ورىنعا قويۋ ساياساتىن اتقارىپ اۋىسۋ ورايىن جاراتىپ، وڭىرلەردىڭ سايكەسە دامۋىن ىلگەرىلەتىپ اۋىسۋدىڭ تەڭگەرىمدىلىگىن جەبەپ، جاڭالىق اشۋدى، شارۋاشىلىق قۇرۋدى، جاسامپازدىقتى ىلگەرىلەتىپ، اۋىسۋدىڭ قوزعاۋشى كۇشىن قاۋلاتۋ كەرەك.
ءتارتىپتى اۋىسۋ ارناسىن ىركىلىسسىزدەندىرىپ، قوعامدىق اۋىسۋدىڭ ومىرشەڭدىگىن قاۋلاتىپ، نوپوس تۇزىمىمەن جانە الەۋمەتتىك قىزمەت وتەۋمەن وڭىرلىك اۋىسۋعا جەتەكشىلىك ەتۋ كەرەك. قالا اۋماعىنداعى تۇراقتى تۇرعىندار سانى 3 ميلليوننان تومەن قالالاردىڭ نوپوسقا تىركەۋ شەكتەمەسىن جاپپاي كۇشىنەن قالدىرىپ، قالا اۋماعىنداعى تۇراقتى تۇرعىندار سانى 3 ميلليوننان 5 ميلليونعا دەيىنگى ءىرى قالالاردىڭ نوپوسقا تىركەۋ شارتىن جاپپاي كەڭەيتۋ كەرەك. قالا اۋماعىنداعى تۇراقتى تۇرعىندار سانى 5 ميلليوننان جوعارى ەرەكشە ءىرى قالالاردىڭ جيناق نومىرمەن نوپوسقا تىركەۋ ساياساتىن كەمەلدەندىرىپ، ءنومىر جيناۋ تۇرلەرىن ىقشامداپ، قوعامدىق قامسىزداندىرۋ اقىسىن تاپسىرعان جىلى مەن تۇرعان جىلىنا بەرىلەتىن ءنومىردىڭ باستى سالىستىرمانى يەلەۋىنە شىنايى كەپىلدىك ەتۋ كەرەك. ادام ىستەتۋ ءتۇزىمى رەفورماسى ارقىلى مەكەمە - ورىندارداعى اۋىسۋلاردى جەبەپ، پارتيا، ۇكىمەت ورىندارى دارىندىلارىنىڭ، كاسىپورىنداردىڭ، ءىسورىندارىنىڭ باسقارۋ دارىندىلارىنىڭ اۋىس - ءتۇيىس سەرپىنىن كۇشەيتىپ، كاسىپورىندارداعى، قوعامدىق ۇيىمدارداعى ادامداردىڭ پارتيا، ۇكىمەت ورگاندارىنا، مەملەكەت مەنشىگىندەگى كاسىپورىندارعا، ءىسورىندارىنا كىرۋ ارناسىن ونان ارى ىركىلىسسىزدەندىرۋ كەرەك. جاپالى، شەت، شالعاي وڭىرلەردەگى نەگىزگى ساتى مەملەكەت قىزمەتكەرلەرىن قابىلداۋ شەگىن تومەندەتۋ كەرەك. ارحيۆتىك قىزمەت وتەۋ رەفورماسى ارقىلى كاسىپ اۋىستىرۋدى ىركىلىسسىزدەندىرۋ كەرەك.
باعالاۋ - ىنتالاندىرۋ مەحانيزمىن كەمەلدەندىرىپ، قوعامدىق اۋىسۋدىڭ ءورىسىن كەڭەيتىپ، نەگىزگى ساتىداعىلاردىڭ دامۋ ءورىسىن كەڭەيتىپ، نەگىزگى ساتى ءبىرىنشى شەبىندەگىلەردى سيلاۋ - ىنتالاندىرۋ سەرپىنىن ارتتىرىپ، تەحنيكالىق، شەبەرلىك دارىندىلاردىڭ ءوسۋ ارناسىن كەڭەيتۋ كەرەك.
تومەنگى شەكتەن تۇسىرمەي قامتاماسىز ەتۋ مەحانيزمىن كەمەلدەندىرىپ، كەدەيلىكتىڭ ۇرپاقتان - ۇرپاققا جالعاسۋىن ءۇزىپ، كەدەيلەردى دالمە - ءدال سۇيەمەلدەۋدى ىلگەرىلەتىپ، كەدەي قاۋىمنىڭ ورگە قاراي جىلجىۋىن جەبەپ، وقۋ - اعارتۋدى الدىمەن دامىتۋدى ىلگەرىلەتىپ، باستاۋ نۇكتەسىندەگى ادىلدىكتى قامتاماسىز ەتىپ، ءادىل جۇمىستاندىرۋدى ىلگەرىلەتىپ، قيىنشىلىعى بار ادامداردىڭ دامۋ ورايىن قامتاماسىز ەتىپ، قوعامدىق قۇتقارۋ - كومەكتەسۋدى كۇشەيتىپ، قيىنشىلىعى بار بۇقارانىڭ اۋىسۋ قابىلەتىن جوعارىلاتۋ كەرەك.
«پىكىر»دە مىنالار باسا دارىپتەلدى: جەر - جەر، قاتىستى تاراۋلار ەڭبەككۇش پەن دارىندىلاردىڭ قوعامدىق اۋىسۋىن جەبەۋدىڭ ماڭىزدى ءمانىن جەتە تانىپ، ۇيىمدىق باسشىلىقتى كۇشەيتىپ، زاڭدىق قامتاماسىزدىقتى نىعايتىپ، تاماشا اۋقىم قالىپتاستىرىپ، ”باقىت كۇرەسپەن كەلەدى“ دەيتىن قوعامدىق پىكىر ورتاسىن قالىپتاستىرىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇدىرەتتى قوزعاۋشى كۇش توپتاۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
