قيىنشىلىعى بار بۇقارانىڭ جۇرەگىنە مەيىر جەتكىزدى
− رايونىمىز حالىق ىستەرى تاراۋلارىنىڭ بۇقارانىڭ مۇددەسىنە ەلەۋسىز قاراۋ، زيان جەتكىزۋ ماسەلەسىن ارناۋلى رەتتەۋ - جونگە سالۋى جونىندە
□ ەرىكتى تىلشىلەر جاڭ زىجۇن، لي يۇڭفىڭ
2019.12.27 15:25 كەلۋ قاينارى : شينجياڭ گازەتى
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، اۆتونوميالى رايوندىق حالىق ىستەرى جۇيەسى بۇقارانىڭ مۇددەسىنە ەلەۋسىز قاراۋ، زيان جەتكىزۋ ماسەلەسىن ارناۋلى رەتتەۋ - جونگە سالۋدى تىڭعىلىقتى ورىستەتىپ، قيىنشىلىعى بار بۇقارا ەڭ اسىعاتىن، ەڭ ۋايىمدايتىن، ەڭ اڭسايتىن ماسەلەلەردى كۇش سالا شەشىپ، پارتيا مەن ۇكىمەتتىڭ مەيىرىن قيىنشىلىعى بار بۇقارانىڭ كوڭىل تۇكپىرىنە جەتكىزدى.
قالا، اۋىلدىڭ ەڭ تومەنگى تۇرمىستى قامتاماسىزداندىرۋى قيىنشىلىعى بار بۇقارانىڭ قام جەيتىن ىستەرىن شەشتى
تاياۋدا التاي قالاسىنداعى ەڭ تومەنگى تۇرمىستى قامتاماسىزداندىرۋدان يگىلىكتەنگەن وتباسى ابليميت ياسىن ارزان جالعا بەرىلەتىن ۇيگە كوشىپ كىردى.
التاي ايماعى اۋىل - قىستاقتىڭ ەڭ تومەنگى تۇرمىستى قامتاماسىزداندىرۋىن ارناۋلى جونگە سالۋ بارىسىندا تاياۋ جىلداردان بەرى ەڭ تومەنگى تۇرمىستى قامتاماسىزداندىرۋدى ءوتىنىش ەتكەن، ەڭ تومەنگى تۇرمىستى قامتاماسىزداندىرۋدان يگىلىكتەنىپ جاتقان، سونداي - اق ەڭ تومەنگى تۇرمىستى قامتاماسىزداندىرۋدان شەگىنىپ شىققان ادامداردى جالپى بەتتىك قايتا تەكسەردى، حالىق ىستەرى مەكەمەسىنىڭ قىزمەتكەرلەرى وتباسىلارىن ارالاپ تەكسەرۋ بارىسىندا ابليميتتىڭ وتباسىنىڭ ناقتى قيىنشىلىعىن ۇعىسىپ، ساياسات، بەلگىلەمەلەرگە ساي دەر كەزىندە ونىڭ وتباسىن ەڭ تومەنگى تۇرمىستى قامتاماسىزداندىرۋ كولەمىنە ەنگىزدى. التاي ايماعىنىڭ 2019 - جىلى 7 - ايدىڭ 1 - كۇنگى قالا، اۋىلدىڭ ەڭ تومەنگى تۇرمىستى قامتاماسىزداندىرۋ جاڭا ولشەمى بويىنشا ابليميتتىڭ وتباسىنداعى 4 ادام اي سايىن 1120 يۋان ەڭ تومەنگى تۇرمىستى قامتاماسىزداندىرۋ اقىسىن الاتىن بولدى. ”سىرتتا كۇن سۋىق بولعانىمەن، ءبىراق ءبىزدىڭ جۇرەگىمىز جىلى مەيىرگە شومىلدى. پارتيا مەن ۇكىمەتتىڭ جاقسى ساياساتىنا راقىمەت“، - دەدى ابليميت قۋانا.
بيىل اۆتونوميالى رايوندىق پارتكومنىڭ ورنالاستىرۋىنا ساي، حالىق ىستەرى جۇيەسى تۇتاس رايونىمىزدىڭ اۋىل - قىستاقتارىندا ەڭ تومەنگى تۇرمىستى قامتاماسىزداندىرۋدى ارناۋلى جونگە سالۋدى ۇزدىكسىز تەرەڭدەتىپ، كەدەيلىكتەن ارىلتۋدان قامال الۋعا دەم بەردى. اسىرەسە، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، اۆتونوميالى رايوندىق حالىق ىستەرى مەڭگەرمەسى بۇقارا قام جەيتىن، الاڭدايتىن، مازاسىزداناتىن ىستەرگە مەڭزەس، شىرىكتەسۋ مەن ستيل ماسەلەسىن قاتاڭ قاداعالاپ، نازاردى اۋىل - قىستاقتاعى قارتتار، مۇگەدەكتەر، بالالار سياقتى ەرەكشە قاۋىمعا شوعىرلاندىرىپ، ساياسات جاساۋدى ونان ارى كۇشەيتتى ءارى ولقىلىقتاردى تۋ باسىنان تولىقتاپ، ساڭىلاۋلاردى بىتەپ، پارتيانىڭ حالىققا تيىمدىلىك جاساۋ ساياساتتارىن قيىنشىلىعى بار بۇقاراعا جان - جاقتى، تىڭعىلىقتى، دالمە - ءدال تياناقتاندىرىلۋىنا كەپىلدىك ەتتى. جىل باسىنان بەرى، تۇتاس رايونىمىزدا 330 مىڭ قيىنشىلىعى بار بۇقارا جاڭادان ەڭ تومەنگى تۇرمىستى قامتاماسىزداندىرۋ كولەمىنە ەنگىزىلدى.
”ۇشتە ىرىقتى بولۋ“ دالمە - ءدال قۇتقارۋ - كومەكتەسۋگە شىنايى كەپىلدىك ەتتى
اۆتونوميالى رايوندىق حالىق ىستەرى مەڭگەرمەسى قۇتقارۋ - كومەكتەسۋ وبيەكتىلەرىن تۇراقتاندىرۋدىڭ دالمە - ءدال بولماۋ ماسەلەسىن توڭىرەكتەپ، ماسەلەنى ىرىقتىلىقپەن بايقاۋ، ماسەلەنى ىرىقتىلىقپەن رەتتەۋ - تۇزەتۋ، دەرەكتى ىرىقتىلىقپەن جوعارىعا مالىمدەۋدەي ”ۇشتە ىرىقتى بولۋ“عا تاباندى بولىپ، حالىق ىستەرى ۇلكەن ساندى مالىمەتىنىڭ رولىن تولىق ساۋلەلەندىرىپ، 15 تاراۋدىڭ 7 فينانس قۇرىلىمىمەن ينفورماتسيادان ورتاق پايدالانۋ، قايتا تەكسەرۋ كەلىسىمىنە ىرىقتىلىقپەن قول قويىپ، ينفورماتسيا ساندى مالىمەتىن مەرزىم سايىن الىپ، دەر كەزىندە سالىستىرىپ، كۇماندى ينفورماتسيالاردى سالالاپ شىعىپ نەگىزگى ساتىعا جولداپ، ماسەلەنى رەتتەۋ - تۇزەتۋدى ويداعىداي ىستەۋگە قۋزاۋشىلىق ەتتى. ءبىر - بىرلەپ قايتا تەكسەرۋ ارقىلى ورىن تەۋىپ وتىرعان ماسەلەلەردىڭ بارلىعىن رەتتەپ - تۇزەتتى ءارى شارتقا ۇيلەسپەيتىن ەڭ تومەنگى تۇرمىستى قامتاماسىزداندىرۋ قاراجاتىن الاتىن وبيەكتىلەردى ۇيلەسىمدى رەتتەدى، شەگىندىردى.
بۇقارانىڭ ماسەلەلەردى باقىلاۋىنا جانە اڭىس ەتۋىنە قولايلى بولۋ ءۇشىن، حالىق ىستەرى مەڭگەرمەسى تۇتاس رايونىمىزعا باقىلاۋ، اشكەرەلەۋ جانە ماسەلەنى اڭىس ەتۋ تەلەفونى ”12349“دى جانە ەلەكتروندى پوچتا حات ساندىعى، توراپ ادرەسى سياقتىلاردى جاريالاپ، بۇقارانىڭ باقىلاۋىن ىرىقتىلىقپەن قابىلدادى. جىل باسىنان بەرى، جينالعان ماسەلەنىڭ دەرەگى (ارىز - ارماندى قامتيدى) 783 بولىپ، دارەجەلەس ءتارتىپ تەكسەرۋ، باقىلاۋ - تەكسەرۋ تاراۋلارىنا وتكىزىلىپ بەرگەن دەرەك 195 بولدى، جاۋاپقا تارتىلعان كادر 82 بولدى، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنە ىرىقتىلىقپەن تاپسىرىلعان دەرەك 70 بولدى. سونىمەن ءبىر ۋاقىتتا، حالىق ىستەرى مەڭگەرمەسى دەلو ارقىلى تۇزەتۋدى جەبەۋگە تاباندى بولىپ، ماسەلەلەردى حابارلاندىرۋ، اشكەرەلەۋ تەبىنىن كۇشەيتىپ، ماڭايىندا تۋىلىپ جاتقان ىستەر ارقىلى ماڭايىنداعى ادامداردى تاربيەلەپ، حالىق تۇرمىسى سالاسىنداعى ”اعات قامتاماسىزداندىرۋ“، ”قامتاماسىزداندىرۋدان قالىپ قالۋ“ ، ”كوڭىلگە قاراپ قامتاماسىزداندىرۋعا كىرگىزۋ“ جانە جەمىرلىك، المىرلىق، القىمداۋشىلىق، سۇرانشاقتىق، جالعان مالىمدەپ اتىن جامىلىپ الۋ، تارتىپ قالۋ، توقتاتىپ قويۋ سياقتى شىرىكتەسۋ جانە ستيل ماسەلەلەرىن ءونىمدى تەجەدى.
”قامسىزداندىرۋدان شەتتەتىلۋ“دى، ”قامسىزداندىرۋدان قالىپ قالۋ“دى جاپپاي تەكسەرىپ الدىن الدى
”حالىق ىستەرى كادرلارىنىڭ قىزمەتتى وسىنشاما مۇقيات ىستەيتىنىن مۇلدە ويلاپ كورمەپپىن، قازىر بۇكىل وتباسىمىز ەڭ تومەنگى تۇرمىستى قامتاماسىز ەتۋگە كىرگىزىلىپ، تۇرمىسىمىز قامتاماسىز ەتىلدى“، - دەدى شيحۋ قالاسى بايچۋان قالاشىعى تەرەكتى قىستاعىنىڭ تۇرعىنى جوۋ يۇيساي.
11 - ايدىڭ 18 - كۇنى شيحۋ قالاسى بايچۋان قالاشىعىنىڭ حالىق ىستەرى كادرى گۇلينا پارحات جوۋ يۇيسايدىڭ وتباسىنا كەلىپ جاعداي ۇعىسادى. جوۋ يۇيساي ناۋقاسقا شالدىعىپ ەڭبەك قۋاتىنان ايرىلعان، ايەلى ليۋ لينرۇڭنىڭ دا دەنساۋلىعى جاقسى ەمەس ەدى، تارباعاتاي ايماعىنىڭ جاڭادان جوعارىلاتقان ەڭ تومەنگى تۇرمىستى قامتاماسىز ەتۋ ولشەمى بويىنشا، جوۋ يۇيساي وتباسى ەڭ تومەنگى تۇرمىستى قامتاماسىز ەتۋ شارتىنا ۇيلەسەدى. گۇلينا تەز ارادا جوۋ يۇيسايعا كومەكتەسىپ ەڭ تومەنگى تۇرمىستى قامتاماسىز ەتۋگە ءوتىنىش بەرۋ ماتەريالدارىن دايىندايدى، سونداي - اق شيحۋا قالاسى قالا - اۋىل قوعامدىق قۇتقارۋ - كومەكتەسۋ بىرىككەن ءماجىلىسى باسشىلىق گرۋپپاسىنا تاپسىرىپ، تەكسەرىپ بەكىتتىرەدى.
تارباعاتاي ايماقتىق حالىق ىستەرى مەكەمەسى كەدەي قارتتار، مۇگەدەكتەر، بالالار سياقتى ەرەكشە قيىنشىلىعى بار قاۋىمنىڭ ”قامسىزداندىرۋدان شەتتەتىلۋ“، ”قامسىزداندىرۋدان قالىپ قالۋ“ ماسەلەسىن جونگە سالۋ ءتۇيىنى ەتىپ، اۋىل - قىستاقتىڭ ەڭ تومەنگى تۇرمىستى قامتاماسىز ەتۋىن جاپپاي تەكسەرۋدى كۇشەيتىپ، ”تۇرعىندار ءوتىنىش بەرۋ، اۋىل - قالاشىق حالىق ىستەرى تاراۋلارى قابىلداۋ، تەكسەرۋ ورتالىعى تەكسەرۋ، اۋدان دارەجەلى حالىق ىستەرى تاراۋلارى بەكىتۋ“ تەكسەرۋ - بەكىتۋ ءتارتىبىن قاتاڭ تياناقتاندىرىپ، ”كىرۋگە تۋرا كەلسە، ءسوزسىز، تەكسەرۋ“، ”قامسىزداندىرۋدا بار بولسا قايتالاي تەكسەرۋ“ مەحانيزمىن اتقارىپ، ءوتىنىش ەتكەن وبيەكتىلەردىڭ وتباسى كىرىسى، وتباسى مال - مۇلىك جاعدايىن جاپپاي ۇعىسىپ، مەڭگەرىپ، شارتقا ۇيلەسەتىن وبيەكتىلەردى ساياسات بەلگىلەمەسى بويىنشا ەڭ تومەنگى تۇرمىستى قامتاماسىزداندىرۋعا كىرگىزىپ، شارتقا ۇيلەسپەيتىندەرىن ساياسات بەلگىلەمەسى بويىنشا ەڭ تومەنگى تۇرمىستى قامتاماسىز ەتۋدەن شىعارىپ، ”قامتاماسىزداندىرۋعا تيىستىلەرىن تۇگەل قامتاماسىزداندىرۋ، شىعارۋعا تيىستىلەرىن تۇگەل شىعارۋ“عا كەپىلدىك ەتتى.
جەرلەۋگە قىزمەت وتەۋ سالاسىنداعى بىلىقپالىقتى رەتتەپ - جونگە سالدى
كەيبىر جەرلەردىڭ جەرلەۋگە قىزمەت وتەۋ، كەلىستىرۋگە قىزمەت وتەۋ، جەرلەۋ بۇيىمدارىن ساتۋ سياقتى بۋىنداردا ساقتالعان ەرەجەگە قايشى تيجارات جاساۋ، قىزمەت وتەۋ اقىسىن كۇشتەپ بەلگىلەۋ، كاسىپتەستەرىن جابىرلەپ، بازاردى يەمدەنىپ الۋ، باعانى اسپانداتىپ الۋ، مۇددە جەتكىزۋ سياقتى ماسەلەگە قاراتا، اۆتونوميالى رايوندىق حالىق ىستەرى مەڭگەرمەسى ءىس جۇزىندىكپەن بىرلەستىرىپ، جەرلەۋگە قىزمەت وتەۋدىڭ اقى الۋ ساياساتىن بەلگىلەۋدى ىلگەرىلەتىپ، ماسەلە تىزىمدىگىن ايقىنداپ، شاعىم ايتۋ، اشكەرەلەۋ تەلەفونىن ورناتىپ، باقىلاۋ - اشكەرەلەۋ ارناسىن ىركىلىسسىزدەندىرىپ، اپتا سايىن حابارلاندىرۋ، اي سايىن حابارلاندىرۋ ءتۇزىمىن ورناتىپ، ارناۋلى رەتتەۋ - جونگە سالۋدىڭ ىشكەرىلەي تەرەڭدەۋىن ىلگەرىلەتۋدى باقىلاپ - قۋزادى. سونىمەن بىرگە، جەرلەۋگە قىزمەت وتەۋ سالاسىن ارناۋلى رەتتەۋ - جونگە سالۋدى حالىق ىستەر جۇيەسىنىڭ 2 - توپتاعى نەگىزگى تاقىرىپتىق تاربيەسىنىڭ جوعارى - تومەن بىرلەسىپ قيمىلداپ رەتتەپ - جونگە سالۋدىڭ مازمۇنى قاتارىنا ەنگىزىپ، سايكەسىپ بىرلەسىپ ارەكەتتەنەتىن قىزمەت مەحانيزمىن قۇرىپ، ارناۋلى رەتتەۋ - جونگە سالۋ قىزمەتىن زاڭ بويىنشا، ەرەجە بويىنشا، بەلسەندى، ورنىقتى، ءتارتىپتى ىلگەرىلەتتى.
قازىرگە دەيىن، ءارقايسى جەرلەر جەرلەۋ بۇيىمدارىن ساتۋ سياقتى بۋىنداردا ساقتالعان بەلگىلەمەگە قايشى تيجارات جاساۋ ماسەلەسىنەن جيىنى 119ىن رەتتەپ - جونگە سالدى، مۇنىڭ ىشىندە كۋالىكسىز تيجارات جۇرگىزۋ ماسەلەسىنەن 7سىن، انىق باعا بەلگىلەمەۋ ماسەلەسىنەن 73ىن، الباتى اقى الۋ ماسەلەسىنەن بىرەۋىن، فەودالدىق سوقىر سەنىم زاتتارىن ساتۋ ماسەلەسىنەن 37سىن، جەرلەۋ بۇيىمدارىن زورلاپ ساتۋ، زورلاپ ساتىپ الۋ ماسەلەسىنەن بىرەۋىن رەتتەپ - جونگە سالدى؛ ارناۋلى ءمايت ماشيناسى ەمەس كولىكتەرمەن سۇيەك تاسۋ ماسەلەسىن رەتتەپ - جونگە سالىپ، 18 اۆتوكولىكتى تەكسەرىپ ۇستادى، 2 اۆتوكولىككە ەسكەرتۋ بەردى. التاي ايماعى ارناۋلى رەتتەۋ - وڭاۋ قىزمەتىمەن بىرلەستىرىپ، پشاقتىڭ ءدۇزىن ىشكە قاراتىپ، ءارقايسى اۋدان، قالا حالىق ىستەرى تاراۋلارىنداعى قاتىستى 21 ادامعا (رەت) ەسكەرتۋ بەردى، شاقىرىپ سويلەستى.
سانجى حۇيزۋ اۆتونوميالى وبلىسى، بۇراتالا موڭعۇل اۆتونوميالى وبلىسى جەرلەۋ سالاسىنداعى ماسەلە دەرەگىنە ”قايتا قاداعالاۋ“ جۇرگىزدى؛ ءۇرىمجى قالالىق حالىق ىستەرى مەكەمەسى بازاردى باقىلاۋ - باسقارۋ مەكەمەسى سياقتى 5 قاتىستى تاراۋلارمەن بىرلەسىپ «ءۇرىمجى قالاسى ءمايت ماشيناسىن باسقارۋدى اناعۇرلىم جۇيەلەندىرۋ جانە كۇشەيتۋ جونىندەگى حابارلاندىرۋ»دى جاساپ، ءمايت تاسۋ اۆتوكولىگىنىڭ بەلگىسىن بىركەلكىلەندىرىپ، اۆتوكولىك ەسەپ داپتەرىن ورناتىپ، ءمايت اۆتوكولىگىنىڭ تيجارات جۇرگىزۋىن اناعۇرلىم جۇيەلەندىردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
