شينجياڭنىڭ ەرتەڭى، ءسوزسىز، اناعۇرلىم كوركەم بولادى
□ قىزىلسۋ قىرعىز اۆتونوميالى وبلىسى اقتاۋ اۋدانى پىلال اۋىلى اقتۇ قىستاعى جۇما مەشىتىنىڭ حاتيبى ءيۇسۇپجان ماۋلا
2019.12.27 15:27 كەلۋ قاينارى : شينجياڭ گازەتى
مەن قاراپايىم ۇيعۇر ۇلتى ەگىنشى وتباسىندا دۇنيەگە كەلدىم. اۋىلىمداعى وراسان زور وزگەرىستەردى ءوز كوزىممەن كوردىم. توپىراق جولدار تەپ - تەگىس اسفالت جولعا وزگەردى، اۋىل - قىستاقتاعى توپىراق ۇيلەر بەيقۇت ۇيلەرگە وزگەردى، بۇقارانىڭ قىس ماۋسىمىنداعى جىلىنۋ ماسەلەسى تۇبەگەيلى شەشىلدى، شاعىن شاقپاق اتىزدار ۇلكەن سالالى اتىزدارعا اينالدى، استىق ءونىم مولشەرى بارىنشا ارتتى. قىستاعىمىزدان شارۋالار باعىمشىلىق كاسىپتىك سەلبەستىك كووپەراتيۆى قۇرىلدى، وتباسىلارىنىڭ ءبارى جىلى قورا سالىپ، اۋلا باعىمشىلىعىمەن شۇعىلداندى، وتباسىلىق كىرىستەرى تۇرلىشە دەڭگەيدە جوعارىلادى. قىستاقتا عىلىم - تەحنيكا، مادەنيەت بويىنشا تاربيەلەۋ قيمىلدارى دا ۇنەمى وتكىزىلىپ، قىستاق تۇرعىندارىنىڭ عىلىم - تەحنيكا، مادەنيەت بىلىمدەرى دەڭگەيىن جوعارىلاتۋىنا كومەكتەسىپ، ولارعا ءتۇرلى اۋىل - قىستاق قولدانىلمالى تەحنيكاسىن ۇيرەتتى. قازىر پارتيا مەن ۇكىمەتتىڭ وڭتۇستىك شينجياڭداعى از ۇلت بۇقاراسىنا باعىتتاعان حالىققا تيىمدىلىك جاساۋ ساياساتتارى بارعان سايىن كوبەيىپ، بارعان سايىن جاقسارىپ، ەمدەۋ، زەينەتكەرلىك، جۇمىستانۋ سياقتىلاردىڭ ءبارى قامتاماسىز ەتىلدى، اۋىلداستاردىڭ تۇرمىسى كۇننەن - كۇنگە جاقساردى.
ايتسە دە ءبىر مەزگىلدەن بەرى، شەكارا ءىشى - سىرتىنداعى ”ءۇش ءتۇرلى كۇش“ شينجياڭدى بىلىقتىرۋ، وتانىمىزدى بولشەكتەۋ ماقساتىنا جەتۋ ءۇشىن، ءدىني ۇشقارى يدەيانى ورشەلەنە ۋاعىزداپ، ءبىر قىدىرۋ زورلىقتى كۇش، لاڭكەستىك دەلولارىن (وقيعا) تۋدىرىپ، حالىق بۇقاراسىنىڭ ومىرىنە، مال - مۇلىك حاۋىپسىزدىگىنە ايرىقشا اۋىر زالال جەتكىزدى، شينجياڭداعى ءار ۇلت حالقىنىڭ تىرشىلىك ۇقىعىن، ءومىر ءسۇرۋ ۇقىعىن جانە دامۋ ۇقىعىن اۋىر دارەجەدە اياققا تاپتادى. كەيبىر بۇقارا ءدىني ۇشقارى يدەيامەن ۋلانعاندىقتان، باسقالاردىڭ زايىرلى تۇرمىسىنا كيلىكتى. كەيبىرەۋلەر ۇيىندەگىلەرمەن ارالاسپايتىن، اۋەلى، اتا - اناسى جاساعان تاماقتى دا جەمەيتىن بولدى؛ كەيبىرەۋلەر وتانشىل ءدىني قايراتكەرلەردى قاقپايلادى، قىسپاققا الدى، اۋەلى، ءولتىردى؛ كەيبىرەۋلەر مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدى قۇپتامادى، جۇمىستانۋ شەبەرلىگىن ۇيرەنۋدەن، يگەرۋدەن باس تارتتى. جاي زاڭ بىلىمدەرىنەن حابارى بولماعاندىقتان، ولار ىزگىلىك پەن جاۋىزدىقتى، دۇرىس پەن بۇرىستى پارىقتاي الماي، اقىرى ”ءۇش ءتۇرلى كۇش“تىڭ پايدالاناتىن قۇرالىنا اينالىپ، زورلىقتى كۇش، لاڭكەستىك قىلمىس وتكىزۋ، حالىقپەن جاۋلاسۋ جولىنا ءتۇسىپ، قوعامعا ەرەكشە اۋىر قاتەر ءتوندىردى.
قاتاڭ جاعداي الدىندا، شينجياڭ زاڭ بويىنشا لاڭكەستىككە قارسى تۇرۋ، ۇشقارىلىقتى الاستاۋدىڭ ءبىر قىدىرۋ شاراسىن قولدانىپ، لاڭكەستىك ارەكەتتەردىڭ كوپ تۋىلۋ، ءجيى تۋىلۋ جاعدايىن ءونىمدى تۇردە شاۋجايلاپ، لاڭكەستىكتىڭ، ءدىني ۇشقارىلىقتىڭ ءوسىپ - ونەتىن توپىراعى مەن شارت - جاعدايىن ەڭ جوعارى شەكتە جويىپ، شينجياڭنىڭ حاۋىپسىزدىك جاعدايىن بارىنشا وڭادى. اۆتونوميالى رايون زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرىپ، ءدىني ۇشقارى يدەيامەن ۋلانعان ادامدارعا مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەرىن، كاسىپتىك شەبەرلىكتى ۇيرەتۋ ارقىلى ميىنداعى ۇشقارى يدەيانى الاستاپ، قالىپتى تۇرمىسقا قايتا ورالتتى. قازىر قىستاعىمىزداعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىلەردىڭ كەيبىرى قىستاقتاعى زاۆودتاردا، كاسىپتىك سەلبەستىك كووپەراتيۆتەرىندە جۇمىس ىستەيدى، كەيبىرى ءوزى دۇكەن اشىپ الدى، كەيبىرى ۇيرەنگەن شەبەرلىكتەرىنەن پايدالانىپ، ەگىمشىلىكپەن، باعىمشىلىقپەن شۇعىلداندى، ولاردىڭ ءاربىرىنىڭ كىرىسى بارىنشا جوعارىلادى، ولار پارتيا مەن ۇكىمەتتىڭ قۇتقارعاندىعىنا جانە كومەكتەسكەندىگىنە شىن جۇرەكتەن العىس ايتتى. مەن مۇنى ادامدىق ۇقىقتىڭ ەڭ تاماشا قامتاماسىز ەتىلگەندىگى دەپ قارايمىن. شينجياڭنىڭ تاربيەلەۋ - باۋلۋ قىزمەتى حالىقارالىق قوعامنىڭ مويىنداۋىنا يە بولدى، بۇل جۇڭگونىڭ حالىقارالىق لاڭكەستىككە قارسى تۇرۋ ىستەرىنە قوسقان ماڭىزدى ۇلەسى.
الايدا، امەريكا پارلامەنتى قاۋىم پالاتاسى ايتىلمىس شينجياڭعا ساياتىن ”زاڭ جوبا“ ماقۇلداپ، شىندىقپەن ساناسپاي، شينجياڭنىڭ ادامدىق ۇقىق جاعدايىنا سۇرقيالىقپەن شابۋىلدادى، بۇل مۇلدە اق پەن قارانى شاتاستىرعاندىق، ولاردىڭ نيەتى ەرەكشە سۇرقيا.
وتانشىل ءدىني قايراتكەر رەتىندە، مەن بۇرىننان بەرى پارتيا مەن ۇكىمەتتىڭ ءدىني قايراتكەرگە دەگەن قامقورلىعى مەن مەيىرىمىن تەرەڭ سەزىنىپ كەلەمىن. پارتيا مەن ۇكىمەت ازاماتتاردىڭ ءدىني سەنىم ەركىندىگى سياقتى ۇقىقتارىنا تولىق قۇرمەت ەتىپ جانە قامتاماسىز ەتىپ، قالىپتى ءدىني قيمىلداردى زاڭ بويىنشا قورعادى. سونىمەن بىرگە، ءار دارەجەلى ۇكىمەتتەر ءدىني ورىندار مەن ءدىني قيمىل شارت - جاعدايىن كۇش سالا جاقسارتىپ، ”جەتىنى جەتكىزۋ، ەكى بولۋ“دى، ”توعىزدى سەپتەۋ“دى اتقارىپ، دىنگە سەنەتىن بۇقارانىڭ قالىپتى ءدىني قاجەتىن ىشكەرىلەي قامتاماسىز ەتتى. شينجياڭ جۇڭگونىڭ شينجياڭى، ۇيعۇر ۇلتى جۇڭحۋا ۇلتى ۇلى شاڭىراعىنىڭ ءبىر مۇشەسى، ءارقانداي سىرتقى كۇشتىڭ شينجياڭنىڭ ىستەرىنە ارالاساتىن ۇقىعى جوق.
ۇيعۇر ۇلتىندا مىناداي ءبىر ءتامسىل بار: وزگەنىڭ وتباسىنىڭ ىسىنە ارالاسپا. امەريكا جاقتىڭ جۇڭگونىڭ ىشكى ىسىنە كيلىگۋگە، جۇڭگونىڭ ۇلت قاتىناسىنا ىرتكى سالۋعا، شينجياڭنىڭ گۇلدەنۋىن، ورنىقتىلىعىن بۇلدىرۋگە، جۇڭگونىڭ دامىپ زورايۋىن تەجەۋگە ۇرىنۋىنا ءبىز استە جول بەرمەيمىز!
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
