يارمامەتتىڭ ءتاتتى كاسىبى
2020.01.07 10:59 كەلۋ قاينارى : شينجياڭ گازەتى
وڭتۇستىك شينجياڭنىڭ قىس مەزگىلىندە دە، كۇن نۇرى شۋاعىن توگىپ بويىڭدى جىلىتادى. 2019 - جىلى 12 - ايدىڭ 16 - كۇنى ءتىلشى شەريا اۋدان قالاشىعىنان يارمامەتتى كورگەن كەزدە، 30عا كەلە قويماعان بوز جىگىت ءوزى قۇرعان ماتاڭ زاۆودىنىڭ ەسىگىنىڭ الدىنان ءبىزدى كۇتىپ الىپ، كۇلىمسىرەي پۋتۇڭحۋامەن سويلەپ سالەمدەستى.
بۇرىن ەشقانداي ونەرى جوق كۇيدەن قازىرگىدەي ماتاڭ زاۆودىن قۇرعانعا دەيىن، يارمامەتتىڭ تۇرمىسىندا وراسان زور وزگەرىستەر تۋىلدى.
■ ءار كۇنىن ءتاپ - ءتاتتى وتكىزۋدە
يارمامەتتىڭ ماتاڭ زاۆودىنىڭ قازىرگى باستاپقى كولەمىندە، 15 ادام ونىڭ زاۆودىندا جۇمىس ىستەيدى.
يارمامەت تىلشىگە ماسكى تاققىزىپ، زاۆودتىڭ جۇمىس ۇيىنە باستادى. ەسىكتەن كىرگەن جەردەن مۇرىنعا حوش ءيىس كەلەدى، جۇمىس ءۇيى تازا، رەتتى ەكەن، ماتاڭدى جاساۋعا ارنالعان ءتۇرلى ماشينالار قويىلىپتى، سونداي - اق جاڭعاق، جۇگەرى شىرىنى سياقتى شيكىزاتتار بار ەكەن. يارمامەت بىلاي دەدى: ماتاڭ − شينجياڭنىڭ ءداستۇرلى ءدامدى تاعامى، ۇلكەن - كىشىنىڭ بارلىعى ۇناتىپ جەيدى، سونداي - اق ساياحاتشىلار دا جاقسى كورەدى.
الايدا جەگەندە ۇگىتىلىپ تۇراتىن ءتاتتى ءدامدى ماتاڭدى جاساۋدا شيكىزات پايدالانۋعا ەرەكشە ءمان بەرۋ كەرەك. ”ءبىزدىڭ ماتاڭىمىز تۇگەلدەي سول جىلعى وندىرىلگەن جاس جاڭعاق پەن جۇگەرىدەن جاسالادى، سوندىقتان قورەكتىگى مول ءارى ءتاتتى دە ءدامدى“، - دەدى ول ماقتانىشپەن.
ءونىم ساپاسىنا ءمان بەرگەندىكتەن، قازىر يارمامەتتىڭ جاڭعاق ءداندى اق ماتاڭىنىڭ شەريا اۋدانىندا اتاعى اسپانداپ قالماستان، تاعى ىشكى جەرلەر بازارىن اشىپ، بەيجيڭگە دەيىن ساتىلدى.
ديرەكتور ۇيىندە، يارمامەت ءبىر قوراپ ماتاڭ الىپ شىعىپ كوپشىلىكتىڭ ءدام تاتۋىنا ۇسىندى. اق سارى ءتۇستى قورابىن اشىپ، ءبىر كەسەك ماتاڭدى اۋىزعا سالعاندا، جۇگەرى شىرىنىنىڭ، جاڭعاقتىڭ ءدامى مالتوزا كامپيتتىڭ ءتاتتى دامىمەن قوسىلىپ، اۋىزعا بال تاتيدى، ءدامى ءتاتتى بولعانىمەن جۇرەك اينىتپايدى.
”ءار كۇنىمىز ءتاتتى قانتپەن ارالاس - قۇرالاس بولعان سوڭ، كۇندەرىمىزدىڭ ءبارى ءتاتتى وتۋدە!“ - دەگەن يارمامەت وسى ءسوزدى ايتقاندا جۇزىنەن باقىت لەبى ەسىپ تۇردى.
■ سول تاماشا نارسەلەر قايتا ورالدى
يارمامەت قاراپايىم شارۋا وتباسىندا ءومىر ەسىگىن اشقان، ول اكە - شەشەسىمەن، اتا - اجەسىمەن بىرگە تۇردى. ورتالاۋ مەكتەپتى بىتىرگەننەن كەيىن، يارمامەت جالعاستى وقىعان جوق، كۇنى بويى ىستەرگە جۇمىسى بولماعان سوڭ، اتاسىنان ناماز وقۋدى ۇيرەندى.
اتاسى يارمامەتكە ناماز وقىمايتىنداردىڭ ءبارى ”جات دىندەگىلەر“، ولارمەن ارالاسۋعا بولمايدى، ولاردىڭ دۇكەندەرىنە كىرمەۋ كەرەك، ”جات دىندەگىلەردىڭ“ بارلىعى توزاققا تۇسەتىندەر دەيدى. وسىنداي سوزدەردى ۇنەمى ەستي بەرگەن سوڭ، يارمامەت بارعان سايىن باسقا ۇلتپەن وشىگىپ، ءسوز - ارەكەتى سىڭار جاقتىلىق پەن وشپەندىلىككە تولادى. ءوزى دە بارعان سايىن ”ءمان بەرگىشتەپ“، تاماقتانۋدا بولسىن، ىستەتۋدە بولسىن، ءوزى ”مۇسىلمانشا ەمەس“ دەپ قاراعان زاتتاردىڭ ەشقايسىنا جولاماي، اۋەلى، قىستاقتا تۇراتىن قىزمەت اترەتى قىستاققا جول سالسا دا، ”مۇسىلمانشا“ ەمەس دەپ قارادى. ول تاعى ايەلىنىڭ سىرتقا شىعىپ جۇمىس ىستەۋىنە جول بەرمەي، وعان بۇرقا جامىلتىپ، نيقاپ كيگىزەدى. دوستارىنىڭ ناماز وقىماعانىن كورسە، ولاردىڭ تۇسىندىرۋىنە قاراماستان جازعىرىپ، اۋەلى، ولاردى بالاعاتتادى. بىرتىندەپ ول ءسوز - ارەكەتتە بارعان سايىن جۇرتقا قوسىلمايتىن بولدى، دوستارى دا ودان الىستاپ كەتتى.
يارمامەت ءاسىلى اشىق مىنەزدى جان ەدى، دوستارى بارعان سايىن ودان الىستاي بەرگەن سوڭ، ايەلى وعان رەنجىسە، ول ءىشقۇستا بولىپ قاپالانعانىمەن، وسىنىڭ ءبارىن قالاي وڭايتىنىن بىلمەدى. ول ءوزىنىڭ ىستەگەندەرىن تۇگەلدەي دۇرىس ساناپ، ەگەر وسىلاي ىستەمەسە، ”جاننات“قا بارا المايمىن دەپ ءبىلدى.
ءدال وسى كەزدە كوپ جىلدىق ءبىر دوسى ونى ىزدەي كەلىپ، وعان اقىل ايتتى: سەنىڭ يدەياڭ بارعان سايىن ۇشقارىلانىپ بارادى، وسىلاي كەتە بەرسەڭ ەرەكشە حاۋىپتى، كاسىپتىك شەبەرلىككە تاربيەلەۋ - باۋلۋ ورتالىعىنا بارىپ ۇيرەنۋگە ءتيىسسىڭ. يارمامەت ەڭ سوڭىندا دوسىنىڭ ۇسىنىسىن قۇپ كورىپ، شەريا اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنداعى ۇيرەنۋ كلاسىنا تىزىمدەلىپ قاتىناسادى.
تاربيەلەۋ - باۋلۋ ورتالىعىنداعى كەڭ دە جارىق كلاس، ءمۇلايىم دا مەيىربان مۇعالىم، مول دا ءتىل ۇيىرەتىن تاماق، باي مازمۇندى، الۋان ءتۇرلى ۇيرەنۋ مازمۇنى يارمامەتتى بىردەن باۋراپ الا جونەلدى. ول ءبىر جاعىنان، مەمەكەتتە ءبىر تۇتاس قولدانىلاتىن ءتىل - جازۋدى ۇيرەنسە، ءبىر جاعىنان، زاڭ بىلىمدەرىن ۇيرەنە ءجۇرىپ، تاعى بالكۇلشە جاساۋ ونەرىن تاڭداپ ۇيرەنەدى.
ۇيرەنۋ يارمامەتتىڭ كوز اياسىن كەڭەيتتى ءارى ميىنداعى ۇشقارى يدەيادان ارىلتتى. ونى ەڭ قۋانتاتىنى مەملەكەتتە ءبىر تۇتاس قولدانىلاتىن ءتىل - جازۋدى بىرتىندەپ سويلەي الاتىن، وقي الاتىن، جازا الاتىن بولعانى. ول وسىندا تۇڭعىش رەت اناسىنا ءبىر پارشا حات جازدى.
”انا، ءسىز جاپا شەكتىڭىز، ءار كۇنى بىزگە تاماق ىستەپ، كيىمدەرىمىزدى جۋاتىنسىز.... ءسىز مەنىڭ ەڭ سۇيىكتى ادامىمسىز!“ يارمامەت اناسىنا وسى حاتىن وقىپ بەرگەن كەزدە، اناسى قۋانعانىنان كوزىنە جاس الىپ، ونى قىسا قۇشاقتاپ: ”مەنىڭ بالام ەرجەتىپتى، ءىستىڭ ءجونىن بىلەتىن بولىپتى“ دەيدى. سول كەزدە يارمامەتتىڭ توبەسى كوككە جەتكەندەي بولىپ، قىمباتتى نارسە قايتا ورالىپ كەلگەندەي بولادى.
بۇل كۇنگى يارمامەت اكە - شەشەسىنە وپالى، ايەلىنە ۇيىرىلگىش، ۇيىنە قايتىپ ءۇي جۇمىستارىن ىستەپ، بالاسىن قارايدى. اكە - شەشەسى، ايەلى ونىڭ وزگەرىسىن كورىپ، قۋانىشتارىن باسا المايدى.
■ ءتاتتى كاسىبى بارعان سايىن زورايدى
تاربيەلەۋ - باۋلۋ ورتالىعىندا، زاڭ بىلىمدەرىن ۇيرەنۋ ارقىلى يارمامەت نە ءىس ىستەسە دە بارلىعىندا زاڭدى ءبىلۋ، زاڭعا بويسۇنۋ كەرەك ەكەندىگىن ءبىلدى، بۇل كۇندەرى جەكەشە كاسىپورىننىڭ قوجايىنى بولعان ول ءتىپتى دە زاڭعا بويسۇنىپ، تيجارات جۇرگىزۋگە، ادالدىقپەن تيجارات جۇرگىزۋگە كوڭىل بولەتىن بولدى. زاۆودپەن ءاربىر جۇمىسشى تۇگەلدەي ەڭبەك توقتامىنا قول قويعان. ”ەڭبەك توقتامى جۇمىسشىلاردىڭ ۇقىق - مۇددەسىن قامتاماسىز ەتۋمەن بىرگە، كاسىپورىنعا دا ءبىر ءتۇرلى قورعاۋ بولىپ تابىلادى“ دەي كەلە يارمامەت كاسىپورىندى پارمەندى دامىتامىز دەيدى ەكەنبىز، نە ىستەسەك تە قاعيداعا بويسۇنۋىمىز كەرەك دەدى تىلشىگە.
تاربيەلەۋ - باۋلۋ ورتالىعىندا بالكۇلشە جاساۋ ونەرىن ۇيرەنگەن ول بۇل كۇندەرى پايداسىن كورىپ وتىر. يارمامەت تىلشىگە ول قازىر ءداستۇرلى ماتاڭ جاساۋ ءتاسىلىن وزگەرتىپ، ماتاڭنىڭ ءتۇرى ءتىپتى دە كوپ، ءدامى ءتىپتى دە ءتىل ۇيىرەتىن بولۋىنا مۇمكىندىك جاساماقشى بولىپ وتىرعاندىعىن اڭگىمەلەدى.
ءتىلشى ديرەكتور ۇيىندەگى ۇستەلدىڭ ۇستىندە جاتقان ءبىر جەمىس ماتاڭىن ءوندىرۋ ماشينا جابدىقتارىنىڭ ۇگىت البومىن كوردى، ۇگىت البومىنداعى ماشينا ءدال يارمامەتتىڭ جاڭادان كىرگىزبەك بولىپ وتىرعان جابدىعى ەكەن، ”قازىر زاۆود تەك اق ماتاڭ سىندى وسى ءبىر ءتۇرلى ءونىمدى عانا وندىرەدى، ءتۇرى وتە جالاڭ بولىپ وتىر. كەلەر جىلى مەن ءجۇزىم شىرىنى ماتاڭى مەن جەمىس شىرىنى ماتاڭىن ءوندىرۋدى جوسپارلاپ وتىرمىن، تاعى دا ايكۇلشە، پراندىك ءوندىرىپ، بازارداعى باسەكەلىك قۋاتىمدى جوعارىلاتىپ، ماتاڭدى ءتىپتى دە كوپ ۇلكەن قالالارعا ساتىپ، زاۆودىمدى ءتىپتى دە كەڭەيتەمىن، كۇشەيتەمىن“، - دەدى يارمامەت.
يارمامەتتىڭ زاۆودىندا جۇمىس ىستەيتىندەر تۇگەلدەي توڭىرەكتەگى قىستاق تۇرعىندارى. قىس ماۋسىمى ءوندىرىستىڭ قاۋىرت ماۋسىمى، جۇمىسشىلار اي سايىن 2000 − 3000 يۋان كىرىس تابا الادى، كەيبىر كەدەي وتباسىلارىندا تۇراقتى قىزمەت جانە ورنىقتى كىرىس بولعاندىقتان، كەدەيلىكتەن ارىلدى.
اۋىلداستارىنىڭ كىرىستەرىن ارتتىرىپ، كەدەيلىكتەن ارىلۋىنا كومەكتەسە العاندىعى ءۇشىن يارمامەت توتەنشە قۋانىشتى. ”مەن كەلەر جىلى تاعى دا ءوندىرىستى كەڭەيتىپ، تاعى دا ءبىر توپ جۇمىسشى قابىلداماقپىن. تەك قۇلشىنا كۇرەس جۇرگىزگەندە عانا، زاۆودتىڭ ساۋداسى، ءسوزسىز، بارعان سايىن كۇسەت بولا تۇسەدى“، - دەيدى يارمامەت تولىق سەنىممەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
