ۇكىمەت قىزمەتىنەن باياندامانى قاراعاندا جانە تالقىلاعاندا، ءار ۇلت ۋاكىلدەرى، مۇشەلەرى مىنانى ءبىلدىردى −
شينجياڭنىڭ ورنىقتىلىق، دامۋ ىستەرىنىڭ ۇزدىكسىز العا باسۋىن بۇلجىماي ىلگەرىلەتەمىز
2020.01.09 13:55 كەلۋ قاينارى : شينجياڭ گازەتى
ەكى ءماجىلىس ساتىندە
”وتكەن ءبىر جىلداعى ناتيجەلەر وڭاي - وسپاق قولعا كەلگەن جوق، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىنىڭ ناتيجەسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، مەملەكەتتىڭ ءارقايسى مينيسترلىكتەرىنىڭ، كوميتەتتەرىنىڭ زور كۇشپەن قولداۋىنىڭ جانە شينجياڭعا كومەكتەسكەن ولكە، قالالاردىڭ قالتقىسىز كومەگىنىڭ ناتيجەسى، اۆتونوميالى رايوندىق پارتكومنىڭ ءار ۇلت كادر - بۇقاراسىن ىنتىماقتاستىرا باستاپ، بىرگە كۇرەس جاساۋىنىڭ ناتيجەسى“. ۇكىمەت قىزمەتىنەن بايانداماداعى العىس ايتۋ مەن تۇراقتاندىرۋ بۇكىل شينجياڭداعى ءار ۇلت حالقىنىڭ ورتاق جۇرەك ءۇنىن بەينەلەدى، كوپشىلىك بۇگىنگى شينجياڭنىڭ ىنتىماقتى جاراسىمدىلىعىنىڭ، گۇلدەنىپ - كوركەيۋىنىڭ، بايۋىنىڭ، وركەنيەتتى، العاباسارلىعىنىڭ، تىنىش ءومىر، شات - شادىمان تىرشىلىگىنىڭ وڭاي - وسپاق قولعا كەلمەگەندىگىن ابدەن بىلەدى، پارتيانىڭ جاڭا داۋىردەگى شينجياڭدى جونگە سالۋ جالپى جوباسىن بۇلجىماي دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جۇڭگوشا سوتسياليستىك شينجياڭدى ويداعىداي قۇرۋعا قۇلشىنۋ كەرەك.
شينجياڭدى گۇلدەندىرۋدىڭ قۇدىرەتتى وڭ ەنەرگياسىن ۇيىستىرامىز
”الدىڭعى ءبىر مەزگىلدە امەريكا پارلامەنتى قاۋىم پالاتاسى ايتىلمىس شينجياڭعا ساياتىن ’زاڭ جوبا‘ ماقۇلداپ، شينجياڭداعى ادامدىق ۇقىق جاعدايىن قاساقانا قارالادى، بۇكىل شينجياڭداعى ءار ۇلت حالقى تۇگەلدەي قاتتى كەكتەندى جانە قاتاڭ جازعىردى. امەريكا جاق بۇرمالاعان، جالا جاپقان سايىن، ءبىز اناعۇرلىم ەل بىرلىگىنەن قامال تۇرعىزىپ، شينجياڭدى گۇلدەندىرۋدىڭ قۇدىرەتتى وڭ ەنەرگياسىن توپتادىق“. اۆتونوميالى رايوندىق حالىق قۇرىلتايىنىڭ ۋاكىلى ما جياڭ ”مۇناي قالاسى“ قارامايلى قالاسىنان كەلگەن، ول باستان - اياق ساياحات قىزمەتىمەن شۇعىلدانىپ كەلەدى. بىلتىر بۇل ونەركاسىپ قالاسى ءبىر توپ ءداستۇرلى ساياحات كورىنىس ءوڭىرىنىڭ ساپاسىن جوعارىلاتىپ، دارەجەسىن كوتەرۋدى ىلگەرىلەتىپ، ءبىر توپ ەرەكشە ساياحات ماركاسىن جاراتىپ، مادەنيەت جاسامپازدىعى كاسىپ سالاسىنا ءبىر توپ قارجى قوسۋشىلار مەن كاسىپكەرلەردى باۋرادى. ما جياڭ ءدال شينجياڭنىڭ جاراسىمدىلىعى، ورنىقتىلىعى، گۇلدەنۋى، دامۋى كوپشىلىكتى باۋرادى دەپ قارادى. شىندىق الدىندا، شينجياڭعا كۇيە جاققان ءارقانداي ءسوز مۇلدە تابان تىرەپ تۇرا المايدى.
بىلتىر كوپتەگەن شەتەلدىڭ ەلشىلەر ۇيىرمەلەرى، تىلشىلەرى شينجياڭعا ساپارلاي كەلدى، ولار شينجياڭنىڭ وزگەرىستەرىن ءوز كوزدەرىمەن كوردى جانە سەزىندى. اۆتونوميالى رايوندىق ساياسي كەڭەستىڭ مۇشەسى وبۇلقاسىم ءماتتۇرسىن مىنالاردى ءبىلدىردى: امەريكا جاقتىڭ شينجياڭعا قۇتىرىنا جالا جابۋى، جۇڭگونىڭ ىشكى ىسىنە دورەكىلىكپەن كيلىگۋى حالىقارالىق قوعامنىڭ نالەتىنە ۇشىرادى. ءبىز، ءسوز جوق، قاجىرلىلىقپەن ىستەپ، ورنىقتىلىقتىڭ، دامۋدىڭ ءتۇرلى قىزمەتتەرىن جاقسى ىستەپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستايمىز.
اۆتونوميالى رايوندىق ساياسي كەڭەستىڭ مۇشەسى ساۋىتجان ابىلەميت ءبىر ءدىني قايراتكەر، ول بىلاي دەدى: ”مەيلى قاي كەزدە بولسىن، شينجياڭدى بىلىقتىرۋعا ۇرىنعان ءارقانداي قاسكۇنەمدىك ىسكە اسپايدى. شينجياڭداعى ءار ۇلت بۇقاراسى باستان - اياق بىرگە ۇيىسىپ، بىرگە ىنتىماقتاسىپ، ءبىزدىڭ باقىتتى تۇرمىسىمىز ءۇشىن كۇرەسەدى“.
قازىرگى تۇرمىسىمىز بالدان دا ءتاتتى
”قازىرگى تۇرمىسىمىز، شىنىندا، بالدان دا ءتاتتى“. اۆتونوميالى رايوندىق حالىق قۇرىلتايىنىڭ ۋاكىلى امانتاي ەركىن ءدوربىلجىن اۋدانىنان كەلگەن، ءۇشقاراسۋ قالاشىعى شيلىبۇلاق قىستاعىنىڭ قىستاق شيپاگەرى. ول تانىستىرىپ بىلاي دەدى: پارتيا مەن ۇكىمەت قىستاقتاعى ەمحاناعا كەمەلدى ەمدەۋ قۇرىلعىلارىن سەپتەپ بەردى، قىستاق تۇرعىندارىنىڭ ەمدەلۋ قاراجاتىن ەمدەۋ قامسىزداندىرۋى ەسەپتەن كوتەرەدى، ”جالپى حالىقتىق سالاماتتىق“ يگىلىگىنەن كەنەلگەن ءار ۇلت بۇقاراسىنىڭ تابىس سەزىمى، باقىت سەزىمى ۇزدىكسىز كۇشەيۋدە.
اۆتونوميالى رايوندىق حالىق قۇرىلتايىنىڭ ۋاكىلى مامەتنياز تۇرسۇن بۇرىن وتباسى قيىنشىلىعى سالدارىنان وقۋدان قول ۇزۋگە ءماجبۇر بولعان، جەرگىلىكتى ورىنداعى كادرلار بۇل ءىستى ۇعىسقاننان كەيىن، ونىڭ وقۋ قاراجات تاۋىپ، داشۋە وقۋىن تامامداۋىنا كومەكتەسكەن بولاتىن. مامەتنياز تۇرسۇن تەبىرەنە بىلاي دەدى: ”بۇگىنگى شينجياڭدا حالىق تىنىش ءومىر، شات - شادىمان تىرشىلىك كەشۋدە، وقۋ، اۋرۋ كورسەتۋ، زەينەتكەرلىك تۇگەلدەي قامتاماسىزداندىرىلعان، تۇرمىسىمىز بارعان سايىن جاقسارۋدا“.
”رەفورما جاساعاننان، ەسىك اشقاننان كەيىن، مەن ساۋداعا ارالاسىپ كاسىپورىن قۇردىم، جوقتان بارلىققا كەلىپ، بىرتە - بىرتە ءوسىپ - جەتىلىپ، بۇگىنگە جەتكەندە كولەم قالىپتاستىردىم. پارتيا ۇزاق جىل تاربيەلەگەن حالىقتىق كاسىپورىنشى رەتىندە، مەن ءارقانداي ادامنىڭ، ءارقانداي كۇشتىڭ شينجياڭداعى ءار ۇلت حالقىنىڭ كورىكتى مەكەنىن داتتاۋىنا، بۇلدىرۋىنە استە جول قويمايمىن!“، - دەدى اۆتونوميالى رايوندىق ساياسي كەڭەستىڭ مۇشەسى حان جيانگاڭ باتىلدىقپەن.
اۆتونوميالى رايوندىق ساياسي كەڭەستىڭ مۇشەسى ءجۇرات قۇربان قىزمەت ىستەيتىن شينجياڭ چىيۋان تيانحى شەكتى جاۋاپكەرشىلىك بۇعالتىرلار قىزمەت ورنى حانزۋ، ۇيعۇر، حۇيزۋ، قازاق، موڭعۇل قاتارلى كوپ ۇلتتان قۇرالعان ۇلكەن كوللەكتيۆ. ءجۇرات قۇربان بىلاي دەدى: ”ءبىز ءارقايسىمىز ءوز قىزمەت ورنىمىزدا تۇرىپ، قىزمەتىمىزدى وتەپ، جاۋاپكەرشىلىگىمىزدى ادا ەتىپ، ەسىل ساتتەردى زايا جىبەرمەي، ءىس جۇزىندىك ارەكەتىمىز ارقىلى قيسىنسىز سوزدەرگە تويتارىس بەرىپ، شينجياڭنىڭ قوعام ورنىقتىلىعى مەن باياندى تىنىشتىعىنا كۇش - قۋاتىمىزدى ارنايتىندىعىمىزعا كامىل سەنەمىز ءارى سوعان بەل بايلايمىز“.
سەنىمدى بەكەمدەپ، ورنىقتىلىقتىڭ، دامۋدىڭ جاقسى جاعدايىن قورعايمىز
اۆتونوميالى رايوندىق حالىق قۇرىلتايىنىڭ ۋاكىلى قۇربان ازەز حوتان اۋدانى بۇزاق اۋىلى توقۇلا قىستاعىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ورىستەتەدى. وسى بىرنەشە جىلدا ول نەگىزگى ساتىنىڭ ءبىرىنشى شەبىنە ىشكەرىلەي ارالاسىپ، كەدەيلەردى سۇيەمەلدەۋ ىسىنە ات سالىسۋدا تەرەڭ اسەر الىپ، كوپ نارسەلەردى سەزىندى. بىلتىر قۇربان ازەز تۇرعان قىستاق كەدەيلىكتەن ارىلىپ، كەدەيلىك قالپاعىن الىپ تاستاعاننان كەيىن، ورنىقتى جۇمىستاندىرۋ جانە كاسىپ سالاسىن دامىتۋ ”قوس قامسىزداندىرۋىن“ ىلگەرىلەتىپ، بارلىق وتباسى كاسىپ سالاسىمەن ”ىرگەلەس“ بولدى. ”قىستاق تۇرعىندارىنىڭ قالتاسى بارعان سايىن قامپايدى، كوپشىلىكتىڭ شينجياڭنىڭ ورنىقتىلىعىنىڭ، دامۋىنىڭ اسا تاماشا جاعدايىن قورعاۋعا جىگەر - قايراتى بار، سەنىمى بەرىك، قۋاتى مىعىم“، - دەدى قۇربان ازەز.
جەلەكتىلەر بورىكتىلەردەن قالىسپايدى. اۆتونوميالى رايوندىق حالىق قۇرىلتايىنىڭ ۋاكىلى گۇلجاينار قۇمار دا بولاشاققا سەنىممەن قارايدى. ول ءار ۇلت ايەلدەر قاۋىمىنا پارتيانىڭ تاماشا ساياساتىن بەلسەنە ۇگىتتەپ، ”جارتى الەم“دى ءبىر نيەتپەن ىنتىماقتاسۋعا باستاپ، ەرلەرمەن بىرگە قول ۇستاسا شايقاس جۇرگىزىپ، ءتىپتى دە تاماشا بولاشاقتى جاراتاتىندىعىن ءبىلدىردى.
اۆتونوميالى رايوندىق ساياسي كەڭەستىڭ مۇشەسى مامەتجان ابلا: ”مەن اۋەلگى ماقساتتى ۇمىتپاي، بورىشتى ەستە بەرىك ساقتاپ، وتاننىڭ تۇتاستىعىن باتىل قورعاپ، ۇلتتار ىنتىماعىن قورعاپ، ورنىقتىلىقتىڭ، دامۋدىڭ ءتۇرلى قىزمەتتەرىن ويداعىداي تىڭعىلىقتى ىستەپ، كورىكتى شينجياڭ قۇرۋ ىستەرىنە شىنايى ات سالىسامىن“، - دەدى.
(گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، جاڭ يۇنمەي، حي حۇڭۋي، ميھىرگۇل عوپۇر، شيە حۇيبيان، لياڭ ليحۋا، ۋاڭ يۇڭفي، ليۋ شياڭ، يۋان لەي، جاڭ يانفاڭ حابارلايدى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
