جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس مەملەكەتتىك عىلىم - تەحنيكا سيلىعىن بەرۋ جينالىسىن سالتاناتپەن وتكىزدى
2020.01.13 13:48 كەلۋ قاينارى : شينجياڭ گازەتى
شينحۋا اگەنتتىگىنىڭ 1 - ايدىڭ 10 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس 1 - ايدىڭ 10 - كۇنى تۇستەن بۇرىن بەيجيڭدە مەملەكەتتىك عىلىم - تەحنيكا سيلىعىن بەرۋ جينالىسىن سالتاناتپەن وتكىزدى. شي جينپيڭ، لي كىچياڭ، ۋاڭ حۋنيڭ، حان جىڭ قاتارلى پارتيا مەن مەملەكەت باسشىلارى جينالىسقا قاتىناستى ءارى سيلىق يەگەرلەرىنىڭ ۋاكىلدەرىنە سيلىق بەردى. لي كىچياڭ پارتيا ورتالىق كوميتەتى، مەملەكەتتىك كەڭەس اتىنان جينالىستا ءسوز سويلەدى. حان جىڭ جينالىستى باسقاردى.
تۇستەن بۇرىن ساعات 10نان 30 مينۋت وتكەندە جينالىس ايبىندى مەملەكەت انىمەن باستالدى. قىزۋ شاپالاق ءۇنى ىشىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ الدىمەن 2019 - جىلعى مەملەكەتتىك ەڭ جوعارى عىلىم - تەحنيكا سيلىعىنا يە بولعان بۇرىنعى جۇڭگو كەمە اۋىر ونەركاسىپ توبى سەرىكتەستىگى 719 - زەرتتەۋ ورنىنداعى حۋاڭ شۇيحۋا اكادەميككە جانە جۇڭگو عىلىمدار اكادەمياسى اتموسفەرالىق فيزيكا زەرتتەۋ ورنىنداعى زىڭ چيڭسۇن اكادەميككە مەدال، كۋالىك بەردى، ولارمەن ىقىلاسپەن قول الىسىپ، قۇتتىقتادى ءارى ولاردى ءتوراعالار مىنبەسىنە وتىرۋعا ۇسىنىس ەتتى. وسىدان سوڭ شي جينپيڭ قاتارلى پارتيا مەن مەملەكەت باسشىلارى وسى ەكى ەڭ جوعارى سيلىقتىڭ يەگەرىمەن بىرگە مەملەكەتتىك جاراتىلىستىق عىلىمدار سيلىعىنا، مەملەكەتتىك تەحنيكالىق تاپقىرلىق سيلىعىنا، مەملەكەتتىك عىلىم - تەحنيكا العاباسارلىعى سيلىعىنا جانە جۇڭحۋا حالىق رەسپۋبليكاسىنىڭ حالىقارالىق عىلىم - تەحنيكا سەلبەستىك سيلىعىنا يە بولعانداردىڭ ۋاكىلدەرىنە كۋالىك بەردى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ سوزىندە پارتيا ورتالىق كوميتەتى، مەملەكەتتىك كەڭەس اتىنان بارلىق سيلىق يەگەرلەرىن قىزۋ قۇتتىقتادى، بۇكىل ەلدەگى قالىڭ عىلىم - تەحنيكا قىزمەتكەرلەرىنە وسكەلەڭ قۇرمەت ءبىلدىردى، جۇڭگونىڭ عىلىم - تەحنيكا ىستەرىنە ات سالىسقان جانە قولداۋ كورسەتكەن شەتەلدىك ماماندارعا شىن جۇرەكتەن العىس ايتتى.
لي كىچياڭ بىلاي دەدى: جاڭا جۇڭگو قۇرىلعان 70 جىلدان بەرى، ەلىمىز عىلىم - تەحنيكاسىنىڭ دامۋى قۇلاشىن كەڭ جايدى، ناتيجەسى شۇعىلالى بولدى. بىلتىر ەلىمىزدىڭ عىلىم - تەحنيكا ىستەرىندە تاعى دا تاماشا ناتيجە جاراتىلىپ، حالىقارالىق وزىق دەڭگەيگە يە ءبىر توپ جەتىستىك جارىققا شىعىپ، كوپ بولىپ شارۋاشىلىق قۇرۋ، جالپى قاۋىم جاڭالىق اشۋ ىشكەرىلەي ىلگەرىلەپ، جاڭا قوزعاۋشى قۋات ۇزدىكسىز تەز قارقىنمەن جەتىلدى. بيىل ءبىز جاپپاي دوڭگەلەك داۋلەتتى قوعام ورناتامىز، ءبىرىنشى 100 جىلدىق كۇرەس نىساناسىن جۇزەگە اسىرامىز. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى، ورنالاستىرۋلارى بويىنشا، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، عىلىم - تەحنيكانىڭ ەكونوميكامەن تەرەڭدەي توعىسۋىن جەدەل ىلگەرىلەتىپ، ەكونوميكالىق اينالىمنىڭ ۇيلەسىمدى ارالىقتى ساقتاۋىنا، جوعارى ساپالى دامۋدى ىلگەرىلەتۋگە قۋاتتى قوزعاۋشى كۇش ازىرلەۋ كەرەك.
لي كىچياڭ بىلاي دەدى: نەگىزدىك زەرتتەۋ سىندى وسى ءبىر عىلىم - تەحنيكالىق جاڭالىق اشۋ نەگىزىن بەكەمدەۋ كەرەك. قازىنا جاعىنان ورنىقتى قولداۋدى ارتتىرىپ، كاسىپورىن سياقتى قوعامدىق كۇشتەردى ۇسىنىلىمدى مولايتۋعا جەتەكتەپ، قارجىنى قامتاماسىز ەتۋ، جەتىستىكتى باعالاۋ جانە دارىندىلاردى شابىتتاندىرۋ مەحانيزمىن كەمەلدەندىرىپ، زاڭدىلىققا قۇرمەت ەتىپ، ساتسىزدىككە كەڭشىلىك ەتۋ، عىلىم - تەحنيكا قىزمەتكەرلەرىنىڭ بار زەيىنىن سالىپ، دەن قويا زەرتتەۋ جۇرگىزىپ، ”0دەن 1گە دەيىنگى“ اناعۇرلىم كوپ ءتول جاسامپازدىق جەتىستىكتەرىن جاراتۋىنا قولداۋ كورسەتىپ، ”سۋىق ورىندىققا 10 جىل تاپجىلماي وتىرۋعا پەيىل بولاتىن“ ۇڭىلگىشتىكپەن اناعۇرلىم كوپ ماراپاتقا يە بولۋىنا مۇمكىندىك جاساۋ كەرەك. ەكونوميكالىق دامۋمەن جانە حالىق تۇرمىسىنىڭ شۇعىل قاجەتىمەن تىعىز بايلانىستىرىپ، عىلىم - تەحنيكالىق جاڭالىق اشۋدىڭ كۇش سالۋ ءتۇيىنىن ءدال يگەرۋ كەرەك. كاسىپ سالاسى دەڭگەيىن جوعارىلاتۋدى تەزدەتەتىن شەشۋشى تەحنيكالاردان قامال الىپ جانە جەتىستىكتەردى كادەگە جاراتىپ، ءتىپتى دە كوپ جاڭا كاسىپ سالاسىن، جاڭا كاسىپ كۇيىن تۋىنداتۋ كەرەك. سالماقتى اۋرۋلاردان ساقتانۋ جانە ونى تىزگىندەۋ، قورشاعان ورتانى جونگە سالۋ سياقتى زەرتتەۋ - اشۋ تەبىنىن ارتتىرىپ، تەحنيكانى بۇقاراعا جاناستىرۋ، جاڭالىق اشىپ، حالىقتى باقىتقا كەنەلتۋ كەرەك.
لي كىچياڭ بىلاي دەدى: عىلىم - تەحنيكالىق جاڭالىق اشۋ ەكولوگياسىن ساپالىلاندىرۋ كەرەك. كاسىپورىنداردىڭ تەحنيكالىق جاڭالىق اشۋداعى نەگىزگى تۇلعالىق رولىن ساۋلەلەندىرىپ، زەرتتەۋ - اشۋ قاراجاتىن قوسىپ ەسەپتەپ، شەگەرىپ تاستاۋ سياقتى باجىنى ازايتىپ، اقىنى تومەندەتۋ ساياساتىن تياناقتاندىرىپ، ءبىلىم مەنشىك ۇقىعىنا قۇرمەت ەتىپ جانە ونى قورعاپ، كاسىپورىنداردىڭ جاڭالىق اشۋ قابىلەتى مەن قالاۋىن جوعارىلاتۋ كەرەك. كوپ بولىپ شارۋاشىلىق قۇرۋدى، جالپى قاۋىم جاڭالىق اشۋدى ۇزدىكسىز ىلگەرىلەتىپ، ءىرى، ورتا، شاعىن كاسىپورىنداردىڭ، جوعارى مەكتەپتەردىڭ، اكادەميالاردىڭ، زەرتتەۋ ورىندارىنىڭ، قاراپايىم جاڭالىق اشۋشىلاردىڭ توعىسا جاڭالىق اشۋىن جانە ءوندىرىستىڭ، وقىتۋدىڭ، زەرتتەۋدىڭ، قولدانۋدىڭ ءبىر تۇلعالانا دامۋىن جەبەپ، جاڭالىق اشۋدىڭ تۇتاس تۇلعالىق ونىمدىلىگىن جوعارىلاتۋ كەرەك.
لي كىچياڭ بىلاي دەدى: عىلىم - تەحنيكالىق جاڭالىق اشۋدىڭ ىشكى قوزعاۋشى كۇشىن ارتتىرۋ كەرەك. ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، عىلمي زەرتتەۋدى باسقارۋدىڭ ”جاسىل ارناسىن“ جانە نىسان قاراجاتىن ىستەتۋدى ”كوتەرمەگە بەرۋ ءتۇزىمى“ سىناق ءتۇيىنىن كەڭەيتۋ كەرەك. عىلىم - تەحنيكا جەتىستىگىن جانە دارىندىلاردى باعالاۋ ءادىسىن كەمەلدەندىرۋ، دارىندىلاردىڭ جاسىنا، ستاجىنا، ارتقى كورىنىسىنە، شىعۋ توركىنىنە قاراماي، بارىنە تەڭ كوزبەن قاراپ، قابىلەتىنە قاراي ىستەتىپ، التىننىڭ قاشاندا جارقىراپ تۇرۋىنا مۇمكىندىك جاساۋ كەرەك. عالىمدار رۋحىن كۇش سالا اسقاقتاتىپ، عىلمي زەرتتەۋ سەنىمدىلىك قۇرىلىسىن كۇشەيتۋ كەرەك. جاس دارىندىلاردىڭ اۋىر جۇك ارقالاۋىنا اناعۇرلىم كوپ وراي جاراتۋعا باسا ءمان بەرۋ كەرەك. حالىقارالىق جاڭالىق اشۋ سەلبەستىگىن كەڭەيتىپ، ءار ەلدىڭ عىلىم - تەحنيكا قىزمەتكەرلەرىنىڭ جۇڭگوعا كەلىپ اۋىس - كۇيىس جاساۋىنا، كاسىپورىنداردىڭ جۇڭگوعا كەلىپ دامۋىنا قولايلىلىق تۋدىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ جينالىستى باسقارعاندا بىلاي دەدى: جاڭالىق اشۋ رۋحى جۇڭحۋا ۇلتىنىڭ ەڭ ايقىن قاسيەتى، ءارقانداي داۋىردە كەم بولسا بولمايتىن رۋحاني ەرەكشەلىك. قالىڭ عىلىم - تەحنيكا قىزمەتكەرلەرى سيلىق يەگەرلەرىن ۇلگى ەتىپ، جاڭالىق اشۋ سەنىمى مەن بەكىمىن نىعايتىپ، وزدەرىنىڭ مۇراتتارىن مەملەكەتتىڭ دامۋ ۇلى ىستەرىمەن سانالى توعىستىرۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، جۇڭگوشا دەربەس جاڭالىق اشۋ جولىمەن بۇلجىماي ءجۇرىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ حى جينالىستا «مەملەكەتتىك كەڭەستىڭ 2019 - جىلعى مەملەكەتتىك عىلىم - تەحنيكا سيلىعىن بەرۋ جونىندەگى قارارىن» وقىدى.
حۋاڭ شۇيحۋا، زىڭ چيڭسۇن بارلىق سيلىق يەگەرلەرى اتىنان ءسوز سويلەدى.
سيلاۋ جينالىسى باستالاردىڭ الدىندا، شي جينپيڭ قاتارلى پارتيا مەن مەملەكەت باسشىلارى مەملەكەتتىك عىلىم - تەحنيكا سيلىعى يەگەرلەرىنىڭ ۋاكىلدەرىمەن كەزدەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.
ديڭ شۋەشياڭ، شۇي چيلياڭ، چىن شي، حۋاڭ كۇنميڭ، ساي دافىڭ، شياۋ جيە، حى ليفىڭ جينالىسقا قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى جاۋاپتى جولداستار، مەملەكەتتىك عىلىم - تەحنيكا باسشىلىق گرۋپپاسىنىڭ مۇشەلەرى، مەملەكەتتىك عىلىم - تەحنيكا سيلىعى كوميتەتىنىڭ مۇشەلەرى، 2019 - جىلعى مەملەكەتتىك عىلىم - تەحنيكا سيلىعى يەگەرلەرىنىڭ ۋاكىلدەرى مەن تۋىس - تۋعاندارىنىڭ ۋاكىلدەرى، استاناداعى عىلىم - تەحنيكا سالاسىنىڭ ۋاكىلدەرى جانە وقۋشىلار ۋاكىلدەرى قاتارلىلاردان 3300دەي ادام جينالىسقا قاتىناستى.
2019 - جىلعى مەملەكەتتىك عىلىم - تەحنيكا سيلىعى بويىنشا جالپى 296 نىسان جانە 12 عىلىم - تەحنيكا مامانى سارالاندى. مۇنىڭ ىشىندە مەملەكەتتىك ەڭ جوعارى عىلىم - تەحنيكا سيلىعىنا 2 ادام يە بولدى؛ مەملەكەتتىك جاراتىلىستىق عىلىمدار سيلىعى 46 بولىپ، مۇنىڭ ىشىندە بىرەۋى 1 - دارەجەلى سيلىققا، 45ى 2 - دارەجەلى سيلىققا يە بولدى؛ مەملەكەتتىك تەحنيكالىق تاپقىرلىق سيلىعى 65 بولىپ، مۇنىڭ ىشىندە ۇشەۋى 1 - دارەجەلى سيلىققا، 62سى 2 - دارەجەلى سيلىققا يە بولدى؛ مەملەكەتتىك عىلىم - تەحنيكا العاباسارلىعى سيلىعى 185 بولىپ، مۇنىڭ ىشىندە ۇشەۋى ەرەكشە سيلىققا، 22سى 1 - دارەجەلى سيلىققا، 160ى 2 - دارەجەلى سيلىققا يە بولدى؛ شەتەلدىك 10 مامانعا جۇڭحۋا حالىق رەسپۋبليكاسىنىڭ حالىقارالىق عىلىم - تەحنيكا سەلبەستىك سيلىعى بەرىلدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
