بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

حۋاڭدي قىستاعى ۇلگى كورسەتۋ قىستاعىنا اينالدى، قىستاق تۇرعىندارى −

ءبىز قالالىقتار سياقتى تۇرمىس كەشىرە باستادىق

حان چينيان

2020.01.14 14:20     كەلۋ قاينارى : شينجياڭ گازەتى

  ”تابيعي گاز جاقسى نارسە ەكەن!“ قىستاق تۇرعىنى قامارنيسا ابدۇقادىر ۇيىندەگى ”وسى ءبىر نارسە“ جايلى ءسوز بولسا، جۇزىنە دەرەۋ كۇلكى ۇيىرىلەدى.

  1 - ايدىڭ 10 - كۇنى ءتىلشى اۆتونوميالى رايوندىق پارتكومعا توتە قاراستى ورگاندار قىزمەت كوميتەتىنىڭ پوسكام اۋدانى ءسايلى اۋىلى حۋاڭدي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى ساۋ حۇڭجيان قىستاق پارتيا ياچەيكاسىنىڭ شۋجيى تۇرسۇنجان تۇلىپپەن بىرگە وتباسىلارىن ارالاپ، قىستاق تۇرعىنى قامارنيسانىڭ ۇيىنە كەلگەن كەزدە، ءۇيدىڭ سىرتىنداعى ۇزىن سارى ءتۇستى تابيعي گاز قۇبىرى ونىڭ اس ۇيىنە دەيىن تۇتاسقانىن كوردى.

  ”بۇرىن تەك قالالىقتار عانا تابيعي گازدان پايدالانا الاتىن، قازىر بىزدە پايدالانا الاتىن بولدىق“. اشىق - جارقىن قامارنيسا بىلاي دەدى: ”تابيعي گازبەن تاماق ىستەپ قانا قالماستان، قىستا تاعى جىلۋمەن قامداۋعا بولادى، ەڭ ۇلكەن ارتىقشىلىعى ءارى قاراجات ۇنەمدەۋگە، ءارى ورتانى قورعاۋعا پايدالى“. قامارنيسانىڭ ۇيىندە تابيعي گاز وشاعى كومىر پەشتىڭ ورنىن باسىپتى، سۋ جىلىتقىشتا ورناتىپتى، تازالىق ۇيىندە ىستىق سۋمەن جۋىنۋعا بولادى ەكەن. ”بۇرىن قىستا ءۇيدىڭ ءىشى كومىردىڭ ىسىنا تولىپ، ءۇي قاپ - قارا بولىپ كەتەتىن، قازىر ءۇيىمىز تازارىپ كەتتى“.

  ساۋ حۇڭجيان مەن تۇرسۇنجاننىڭ كەلگەنىن ەستىپ، قامارنيسانىڭ جاقىن كورشىلەرى ولارعا كەلىپ امانداستى.

  ”ۇيدە سۋ، توك، گاز، اس ءۇي، دارەتحانا، مونشا بارلىعى تولىق، ءبىز دە قالالىقتار سياقتى تۇرمىس كەشىرىپ جاتىرمىز. تەك ءبىزدىڭ ءۇي عانا قۋانىپ جاتقانى جوق، قىستاقتاعى بارلىق ادام قۋانىپ جاتىر“، - دەدى قامارنيسا شاتتانا.

  ”پارتيا مەن ۇكىمەت بولماسا، قىستاق تۇرعىندارىنىڭ ءومىر بويى مىناداي جاقسى ۇيدە تۇرىپ، وسىنشاما جاقسى تۇرمىس كەشىرە الۋى مۇمكىن ەمەس!“، - دەدى تۇرسۇنجان.

  قامارنيسانى ەڭ قۋانىشقا بولەگەنى: تۇتاس قىستاقتاعىلار قۇرىلعىلارى كەمەلدى جاڭا ۇيگە كوشىپ كىرىپ قانا قالماستان، قىستاق بارعان سايىن كوركەم، بارعان سايىن باي، بارعان سايىن مادەنيەتتى بولا باستادى. ”بۇرىن حۋاڭدي قىستاعى ايتسا - ايتقانداي يەن جەرلى قىستاق بولاتىن، قازىر اۆتونوميالى رايوننىڭ ’مىڭ قىستاقتا ۇلگى كورسەتۋ، ون مىڭ قىستاقتى رەتتەۋ - وڭاۋ‘ ينجەنەرياسىنان ۇلگى كورسەتۋ قىستاعىنا اينالدى، وسىنىڭ ءبارى قىستاقتا تۇراتىن قىزمەت اترەتىنىڭ كوپشىلىكتى بىرگە باستاپ ىستەۋىنىڭ ارقاسى“، - دەدى قامارنيسا.

  ”قازىر قىستاق تۇرعىندارىنىڭ تۇرمىس، قونىستانۋ ورتاسى جاقساردى، ادامداردىڭ رۋحى كوتەرىلىپ، اناعۇرلىم قايراتتانىپ، دامۋدىڭ قوزعاۋشى كۇشى ءتىپتى دە تەبىندى بولدى“، - دەدى ساۋ حۇڭجيان.

  ”دۇرىس ايتاسىڭ! بۇرىن وسىنشاما جاقسى جاعداي بولادى دەپ كىم ويلاعان. قالتامىز قامپايىپ، ورتا جاقسارىپ، كوڭىل كۇيىمىز دە كوتەرىلىپ قالدى، وسىنىڭ بارلىعى پارتيانىڭ ابزال ساياساتىنان كەلگەن“. قامارنيسا قوناق ۇيدەگى سافادا جاعالاي وتىرعان كورشىلەردى شاي ىشۋگە شاقىردى.

  ”الدىڭعى جىلى قىستاقتا تۇراتىن قىزمەت اترەتى قىستاققا كومەكتەسىپ، ەتتى كەپتەر باعىمشىلىعىن ەنگىزىپ، پوسكام اۋدانى شياڭنيان ءۇي جانۋارلارى، ءۇي قۇستارى شارۋالار كاسىپتىك كووپەراتيۆىن قۇردى، بۇكىل قىستاقتاعى 85 كەدەي وتباسى ەتتى كەپتەر باعىمشىلىعىمەن شۇعىلداندى. مەن سياقتى كەدەي وتباسى سەلبەستىك كووپەراتيۆتە جۇمىس ىستەپ، تەك ايلىقتىڭ وزىنەن ءبىر جىلدا 30 مىڭ يۋان كىرىس كىرگىزدى“، - دەدى قىستاق تۇرعىنى نۇراحىمەت نۇروزى.

  ”جەڭگەي، سىزدەردىڭ وتباسىنىڭ وتكەن جىلعى كىرىسى قانداي؟“ ، - دەپ تۇرسۇنجان كۇلە سۇرادى. ”بىرنەشە كۇننىڭ الدىندا بالام ەكەۋىمىز ەسەپ جاساعاندا، مولشەرمەن 130 مىڭ يۋانداي بولىپتى“، - دەپ جاۋاپ بەردى قامارنيسا.

  ”ايەلىم قىستاقتا اسحانا اشادى، جىلدىق كىرىسى، از دەگەندە، 20 مىڭ يۋان “، - دەدى نۇراحىمەت ءسوز قىستىرىپ، - ”وتباسىمىزدا 3 جان بار، وتكەن جىلى جالپى كىرىسىمىز 58 مىڭ 600 يۋان بولدى“.

  وسى بىرنەشە جىلدا حۋاڭدي قىستاعى قىستاقتا تۇراتىن قىزمەت اترەتىنىڭ كومەگىندە، كاسىپ سالاسى ارقىلى سۇيەمەلدەۋ، باسقا سالاعا ويىستىرىپ جۇمىستاندىرۋ، سەلبەستىك كووپەراتيۆ قۇرۋ سياقتى شارالاردى اتقارىپ، قىستاق تۇرعىندارىنىڭ جان باسىندىق ورتاشا كىرىسىن كورنەكتى جوعارىلاتتى، كىرىستەرى 2014 - جىلى 7683 يۋاننان 2018 - جىلعى 12848 يۋانعا جەتتى.

  قازىر حۋاڭدي قىستاعىن ارالاساڭىز، كوشەلەرى كەڭ، ۇيلەرى رەتتى سالىنعان، جول شار تاراپقا تۇتاسىپ، كەز كەلگەن جەردەن قىستاق تۇرعىندارىنىڭ ۇمىتكە تولى كۇلكى ۇيىرىلگەن ءجۇزىن كورەسىز... ”تازا، جاسىل، ىركىلىسسىز، كوركەم“ كورىكتى اۋىل - قىستاق كارتيناسى كوز الدىڭىزعا كەلەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار