ورتالىق اسكەري ىستەر كوميتەتى بەيجيڭدە تۇراتىن اسكەري بولىمدەردەگى ساقا كادرلاردان حال سۇراۋ، كوكتەم مەرەكەسىن قارسى الۋ ادەبيەت - كوركەمونەر كونسەرتىن وتكىزدى
شي جينپيڭ بۇكىل ارمياداعى ساقا جولداستاردىڭ كوكتەم مەرەكەسىن قۇتتىقتادى
2020.01.15 15:33 كەلۋ قاينارى : شينجياڭ گازەتى
شينحۋا اگەنتتىگىنىڭ 1 - ايدىڭ 13 - كۇنى بەيجيڭنەن بەرگەن حابارى (تىلشىلەر لي شۋانلياڭ، مەي شىشيۇڭ). ورتالىق اسكەري ىستەر كوميتەتىنىڭ بەيجيڭدە تۇراتىن اسكەري بولىمدەردەگى ساقا كادرلاردان حال سۇراۋ، كوكتەم مەرەكەسىن قارسى الۋ ادەبيەت - كوركەمونەر كونسەرتى 1 - ايدىڭ 13 - كۇنى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كونسەرتكە قاتىناسقان ارمياداعى ساقا جولداستارعا جانە بۇكىل ارمياداعى دەمالىسقا، زەينەتكە شىققان ساقا كادرلارعا مەرەكەلىك سالەم جولدادى ءارى ولاردىڭ كوكتەم مەرەكەسىنە قۇتتى بولسىن ايتتى.
جاڭا جۇڭگونى جىرلاپ، جاڭا داۋىردە كۇرەس جۇرگىزەيىك. جۇڭحۋا ۇلتىنىڭ ءداستۇرلى مەرەكەسى − كوكتەم مەرەكەسى كەلۋ قارساڭىندا، جاڭا جۇڭگونى قۇرۋ، قورعاۋ، كوركەيتۋ، مەملەكەت قورعانىسى مەن ارميا قۇرىلىسى ءۇشىن كورنەكتى ۇلەس قوسقان بەيجيڭدە تۇراتىن اسكەري بولىمدەردەگى ساقا كادرلار ءبىر اراعا باس قوسىپ، كوكتەم مەرەكەسىن شاتتانا قارسى الدى.
تۇستەن كەيىن ساعات 4 مولشەرىندە، شي جينپيڭ ساقا جولداستاردىڭ اراسىنا كەلگەندە تۇتاس زالدا قىزۋ شاپالاق ءۇنى كوتەرىلدى. شي جينپيڭ كوپشىلىكپەن ىقىلاسپەن قول الىسىپ، ولاردىڭ دەنساۋلىعى مەن تۇرمىس جاعدايىن ىقىلاسپەن سۇراپ، وتكەن ءبىر جىلدا پارتيا، مەملەكەت، ارميا ىستەرىندە قول جەتكىزگەن كەلەلى تابىستاردى بىرگە ەسكە الدى. ساقا جولداستار ءبىر اۋىزدان مىنانى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، ساياسي جاقتان ارميا قۇرۋعا، رەفورما ارقىلى ارميانى قۇدىرەتتەندىرۋگە، عىلىم - تەحنيكا ارقىلى ارميانى قۇدىرەتتەندىرۋگە، دارىندىلار ارقىلى ارميانى قۇدىرەتتەندىرۋگە، ارميانى زاڭ بويىنشا جونگە سالۋعا تاباندى بولىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا ىلگەرىلەپ، ءورىس اشا جاڭالىق اشىپ، مەملەكەت قورعانىسى مەن ارميا قۇرىلىسىنىڭ 2020 - جىلعى نىسانا - مىندەتتەرىن جۇزەگە اسىرۋ، جاپپاي دوڭگەلەك داۋلەتتى قوعام ورناتۋدىڭ ۇلى جەڭىسىنە قول جەتكىزۋ ءۇشىن جاڭا ۇلەس قوسامىز.
كونسەرت ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“دى نەگىزگى تاقىرىپ ەتىپ، بەتاشار، سوڭعى لەبىز جانە «اسكەريلەر رۋحىن ماڭگى سومدايىق»، «حالىققا سۇيىسپەنشىلىك»، «سۇيەم جەردى دە قولدان بەرمەيمىز»، «باتىلدىقپەن سوعىسىپ، ءسوزسىز، جەڭىسكە جەتەمىز»، «رۋحتى جالعاستىرامىز»، «ايبىندى ۋادە»، «ۇلتتى گۇلدەندىرەيىك» سىندى 7 ۇلاسپالى نومىردەن قۇرالىپ، جالپىلىق ءان، ءبي، كىرىستىرمەلى كورىنىس، كينو - تەلەۆيزيا ءۇزىندىسى سياقتى ءتۇرلى كوركەمونەر تاسىلىمەن پارتيامىزدىڭ، ارميامىزدىڭ داڭقتى ءداستۇرىن اسقاقتاتۋدى جاڭا داۋىردەگى ارميانى قۇدىرەتتەندىرۋ كەلبەتىن ايگىلەۋمەن جاندى ۇشتاستىردى. شاتتىققا، ىقىلاسقا تولى كورىنىستىك ويىندارىمەن جانە «كوكتەم مەرەكەسىن تويلاۋ. مەن جانە مەنىڭ وتانىم» بيىمەن كونسەرت شىمىلدىعىن اشتى. «حالىق ارمياسى پارتياعا ادال بولادى»، «ءبىز گۋتياننان تاعى اتتاندىق» ءانى حالىق ارمياسىنىڭ پارتياعا شارتسىز ادال بولاتىن، پارتيانىڭ قولباسشىلىعىنا باتىل قۇلاق اساتىن اينىماس سەنىمىن بەينەلەدى. كلاسسيكالىق بايىرعى ءان «قىزىل ارميا اعا قوش بولىڭىز» جانە جاڭا ءان «وزىندىك قاسيەت» حالىق پەرزەنت اسكەرلەرى مەن حالىق بۇقاراسىنىڭ ءومىر مەن ولىمدە ءبىر - بىرىنە سۇيەنىش بولاتىن سەتىنەمەس تەرەڭ سۇيىسپەنشىلىگىن، وزاتتاردىڭ، قاھارماندار مەن ۇلگىلەردىڭ توڭكەرىستىك قاسيەتىن ماڭگى ساقتايتىن وسكەلەڭ رۋحىن بەينەلەدى. ءبيلى ءان «وتانىمىزدىڭ تەڭىز - مۇحيتىندا»، «سەنى ومىرىممەن قورعايمىن» ءۇش ارميانىڭ قولباسىلارى مەن جاۋىنگەرلەرىنىڭ وتاندى قورعايتىن، سۇيەمدەي جەردى قولدان بەرمەيتىن جالىندى سەرتىن ايگىلەدى. شايقاس ءانى «جۇڭگو حالىق ەرىكتىلەر ارمياسىنىڭ شايقاس ءانى. ءبىز تەڭدەسسىز زەڭگىر كوكتىڭ سايىپ قىرانىمىز»، «ءبىز دايىندالىپ بولدىق» قىزىل قان تامىردى جالعاستىراتىن ارميانى قۇدىرەتتەندىرۋدى مۇرات تۇتىپ جەڭىسكە جەتۋدىڭ اسقاق كۇرەس ەركىن ايگىلەدى. ءبيلى ءان «اۋەلگى ماقساتتى ۇمىتپاۋ»، «قۇرىش ياچەيكا، قاھارمان اسكەر» تاڭداۋلى ءداستۇردى اسقاقتاتۋدىڭ، باس ماقسات قاسيەتىن ماڭگى ساقتاۋدىڭ جاڭا كەلبەتىن، جاڭا بەينەسىن كورسەتتى. «مەنىڭ تۇنىق سۋىم، جاسىل تاۋىم»، «ايبىندى ۋادە» سياقتى اندەر جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋ شەشۋشى شايقاسىنىڭ جەڭىسىنە قول جەتكىزۋدىڭ جالىندى كارتيناسىن قايتا كورسەتتى. ءبيلى ءان «جاڭا الەم»، «بەيبىتشىلىك الاۋى» جانە توعىسپالى حور «پاراتتى كوزدەن كەشىرىڭىز» ارميا مەن حالىقتىڭ نيەتتەس بولىپ، جۇڭگو ارمانىن بىرگە تۇلعالاۋىنىڭ ايبىندى كورىنىسىن كەستەلەدى. كونسەرت حور باستاۋشى مەن حورشىلاردىڭ «جۇڭگو جولىن» اسقاقتاتا شىرقاۋىمەن شىمىلدىعىن ءتۇسىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ جۇڭگوشا سوتسياليزم جولىن بويلاي ەرلىكپەن العا ىلگەرىلەگەن يگى ماقساتتى اسقاق سۇيىسپەنشىلىگىن جەتكىزدى.
شۇي چيلياڭ، جاڭ يوۋشيا، ۋي فىڭحى، لي زۋوچىڭ، مياۋ حۋا، جاڭ شىڭمين بىرگە تاماشالادى.
اسكەري ىستەر كوميتەتىنىڭ قاتىستى تاراۋلارىنداعى، بەيجيڭدە تۇراتىن ءىرى مەكەمە - ورىندارداعى باسشىلار مەن بەيجيڭدە تۇراتىن اسكەري بولىمدەردەگى كوماندير - جاۋىنگەرلەردىڭ ۋاكىلدەرى دە كونسەرتتى تاماشالادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
