بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

قازىرگى تۇرمىسىمىز تاماشا ءارى جايلى

− شينجياڭ كونەشار اۋدانى اياققى مانگەن قىستاعىنداعى ابدۇقيۇم روزى وتباسىنا قايتا تىلشىلىك ىستەگەندە

2020.01.15 15:33     كەلۋ قاينارى : شينجياڭ گازەتى

  تۇرمىستارىڭىزدىڭ وسى دەڭگەيگە جەتكەنىن كورىپ قاباعات قۋاندىم. پارتيانىڭ حالىققا تيىمدىلىك جاساۋ ساياساتىنىڭ جۇرت جۇرەگىنە ۇيالاعان - ۇيالاماعاندىعىن، رول اتقارعان - اتقارماعاندىعىن تەكسەرۋ ءۇشىن سىزدەرگە امانداسا كەلدىم. حالىق بۇقاراسىنىڭ تىلەگىنە ۇيلەسەتىن ىستەر − پارتيامىزدىڭ كۇرەس نىساناسى. پارتيانىڭ ساياساتىنىڭ قولداۋىندا ءتىپتى دە باقىتتى تۇرمىس كەشىرۋلەرىڭىزدى تىلەيمىن!− شي جينپيڭ□ حالىق گازەتىنىڭ تىلشىلەرى ياڭ يان، ارداق

  كەڭ اسفالت جولدىڭ ەكى جاعىنا قاتار - قاتار سالىنعان اۋلالار قاراماققا ءبىر - بىرىنەن پارىقسىز بولسا دا بىركەلكى قىزىل قاقپالاردىڭ ىشىندە ابدۇقيۇم روزىنىڭ سارى قاقپاسى بىردەن كوزگە شالىندى.

  بۇل جەر شينجياڭ كونەشار اۋدانى اياققى مانگەن قىستاعى 8 - گرۋپپاسى. 2014 - جىلى 4 - ايدىڭ 28 - كۇنى تۇستەن بۇرىن باس شۋجي شي جينپيڭ وسى قاقپادان اۋلاعا كىرىپ، ءۇي يەسىنىڭ تۇرار جايىن، اس ءۇيىن، سيىر - قوي قوراسىن، جەمىس باعىن، اۋىل شارۋاشىلىق ماشينا جابدىقتارىن كورىپ، ءبىر ءۇيلى جاننىڭ ءوندىرىس، تۇرمىس احۋالىن تاپتەشتەي ۇعىسقان ءارى اۋلادا اۋىلداستارمەن بىرگە قورالانا وتىرىپ اڭگىمە دۇكەنىن قۇرعان بولاتىن.

  ”وسى بىرنەشە جىلدا، وتباسىمنىڭ جانە اۋىلداستارىمنىڭ تۇرمىسىندا تاعى دا زور وزگەرىستەر بولدى، باس شۋجيدىڭ قايتا كەلىپ كورۋىن كوكسەپ وتىرمىز“، - دەدى ابدۇقيۇم شىن نيەتىمەن.العىس سەزىمىمەن قايراتتانا ىستەدى

  ”بىلتىر جەمىس - جيدەك، كوكونىستەن تىس، وتباسىم تاعى گۇل ەكتى. ەگەر باس شۋجي تاعى كەلسە جايناعان گۇل ۇسىنامىن. قۇلپىرعان گۇلدەر باقىتتى تۇرمىسىمىزدىڭ سيمۆولى!“

  تىلشىمەن اڭگىمەلەسكەندە، ابدۇقيۇمنىڭ جۇزىنەن جايدارى كۇلكى ەستى. بۇل جايدارىلىق ونىڭ كۇننەن - كۇنگە جاقسارا تۇسكەن تۇرمىسىنان كەلگەن.

  ابدۇقيۇم مىناداي ەسەپ جاساپ بەردى: 5 جىلدان استام ۋاقىتتىڭ الدىندا، ءبىر ۇيدەگى 3 جان مەنىڭ تراكتور جۇرگىزىپ جەر جىرتىپ، ەگىن ورىپ تاپقان اقشاممەن جان باعاتىنبىز، جىلدىق كىرىسىمىز 10 نەشە مىڭ يۋان عانا ەدى؛ قازىر تراكتور جۇرگىزۋدەن تىس، ايەلىم ايشامگۇل ازەز ەكەۋىمىز سيىر، كەپتەر باعىپ، گۇل ەگىپ، جىلىنا 100 مىڭ يۋانعا تاياۋ كىرىس كىرگىزەمىز.

  ”الدىڭعى جولى باس شۋجي كەلگەندە، مەن ول كىسىنى جەمىس پىسقاندا قايتا اينالىپ كەلىپ ءدام تاتۋعا شاقىرعام. بىلتىر جەمىس - جيدەك، كوكونىستەن تىس وتباسىم تاعى گۇل ەكتى. ەگەر باس شۋجي قايتا كەلەتىن بولسا، جايناعان گۇل ۇسىنامىن. قۇلپىرعان گۇلدەر باقىتتى تۇرمىسىمىزدىڭ سيمۆولى!“، - دەدى ابدۇقيۇم.

  تۇرار جايى اناعۇرلىم جايلى بولدى. بۇل اۋلانى رەتتەۋ - وڭاۋ نىسانىنىڭ ارقاسىندا كەلگەن، توپىراق قابىرعالار سەمەنت كەرپىشتى قابىرعاعا وزگەردى، اۋلانىڭ تاعانىنا تۇگەلدەي سەمەنت جاتقىزىلدى. قاقپادان كىرگەندە رەت - رەتىمەن تۇرمىس اۋماعى، ەگىمشىلىك اۋماعى، باعىمشىلىق اۋماعى تازا دا رەتتى ورنالاسىپ، ”ءۇش اۋماق“ ايرىلمايتىن بۇرىنعى ۇلگى تۇبەگەيلى وزگەردى. ءۇي ىشىندە ءۇي جيھازدارى، ەلەكتر جابدىقتارى تولىق، اسەمدىكتى سۇيەتىن ايەل قوجايىن سافاعا اق شىلدەر جاۋىپ قويىپتى. ۇيدە ەلەكترمەن جىلىتقىش بولعاندىقتان سىرت قاقاعان اياز بولسا دا ءۇيدىڭ ءىشى جىپ - جىلى ەكەن.

  ”جاقسى تۇرمىس تۇگەلدەي پارتيانىڭ جاقسى ساياساتىنىڭ ارقاسىندا كەلگەن. باس شۋجيگە العىس ايتامىز، كوممۋنيستىك پارتياعا العىس ايتامىز“. 2014 - جىلدان باستاپ ابدۇقيۇم پارتيانىڭ ساياساتىن ۇگىتتەۋشى بولۋعا ىرىقتىلىقپەن ءوتىنىش ەتكەن.

  اسەنجان ماحات قىستاقتاعى كەدەي شارۋا، وسى بىرنەشە جىلدا ابدۇقيۇمنىڭ كومەگىنە از يە بولعان جوق − بۇرىن جەرىن تەگىن جىرتىپ، ەگىنىن جيناپ بەرسە، كەيىن كوكونىس ەگۋ، سيىر باعۋ تەحنيكاسىن ۇيرەتكەن، ونىڭ ۇستىنە ەرلى - زايىپتى ەكەۋىن قىستاقتاعى قولونەر بۇيىمدارى شارۋالار كووپەراتيۆىنە قاتىناسىپ، سىبىرتكى جاساپ كىرىس كىرگىزۋگە تانىستىرعان.

  ”قازىر وتباسىمنىڭ جىلدىق كىرىسى 80 مىڭ يۋان“. اسەنجان ابدۇقيۇمدى ”اۋقاتتانۋعا باستاۋشى“ دەپ اتادى.

  2017 - جىلى 7 - ايدا ابدۇقيۇم داڭقپەن كوممۋنيستىك پارتياعا مۇشە بولدى. ”2017 - جىلدان قازىرگە دەيىن قىستاعىمىز پارتياعا جاڭادان 15 مۇشە قابىلدادى، كوبى ابدۇقيۇم سياقتى جاس، ىسكەر“، - دەدى شينجياڭ ۇيعۇر اۆتونوميالى رايوندىق پارتكوم پارتيا مەكتەبىنىڭ قىستاقتا تۇراتىن قىزمەت اترەتىنىڭ باستىعى، قىستاقتىڭ ءبىرىنشى شۋجيى شىن دىيىڭ.

  داۋىرگە ىلەسىپ سەنىمىمىز نىعايدى

  ”بۇرىن قاراپايىم وتباسى ايەلى ەدىم، تاباتىن كىرىسىم دە جوق ەدى، سىرتقا شىعىپ باسقالارمەن ارالاسۋدى دا قالامايتىنمىن. قازىر ءوزىم اقشا تاباتىن بولدىم، ساندەنىپ ءجۇرۋدى دە ۇناتاتىن بولدىم، سونىمەن بىرگە ءبىلىم ۇيرەندىم“.

  بۇرىندارى ۇيگە قوناق كەلسە بولعانى، ايشامگۇل بالاسىن قۇشاقتاپ كۇيەۋىنىڭ ارتىنا تىعىلادى ەكەن.

  ”بۇرىن باسقالارمەن سويلەسكەندە كۇيەۋىمە سۇيەنەتىنمىن، تۇرمىستا دا كۇيەۋىمە سۇيەنەتىنمىن، قازىر ونداي ەمەس“، - دەدى ايشامگۇل اشىق - جارقىن، نىق سەنىممەن.

  سەنىم قايدان كەلدى؟ ”ءوزىم اقشا تابا الاتىن بولدىم، كوزقاراسىم وزگەردى، ءتىل يگەرۋىم دە جاقساردى“، - دەدى ايشامگۇل كۇلە جاۋاپ بەرىپ.

  2019 - جىلدىڭ باسىندا، قىستاق 2 ميلليون يۋان نىسان قارجىسىنا قول جەتكىزىپ، 4 جىلىجاي سالىپ، گۇل - ءشوپ كووپەراتيۆىن قۇرىپ، گۇل - ءشوپ شارۋاشىلىعىن دامىتتى.

  ”بۇل اۋقاتتانۋدىڭ تاماشا جولى. ادامداردىڭ تۇرمىس دەڭگەيى جوعارىلادى، گۇلدەر ساتىلادى، قىستاعىمىز اۋدان قالاشىعىنان 2 كيلومەترگە جەتپەيتىن قاشىقتىقتا، تاسىمالدان دا ۋايىمدامايمىز“. ابدۇقيۇم ايەلىمەن دەرەۋ اقىلداستى. ”بۇل جۇمىستى ماعان تاپسىر“، - دەدى ايشامگۇل ىرىقتىلىقپەن سۇرانىپ.

  دەرەۋ ىسكە كىرىستى. 2019 - جىلى 2 - ايدا ەرلى - زايىپتى ەكەۋى اۋلاسىنداعى 4 فىن جەرگە گۇل - ءشوپ جىلىجايىن سالدى. روزا، تاس الما، جۇنزىلان گۇلى... جاڭا سورتتاردى ۇزدىكسىز كىرگىزۋمەن بىرگە، ايشامگۇل گۇل - ءشوپ كووپەراتيۆىنە ۇنەمى بارىپ، گۇل باپتاۋ تەحنيكاسىن ۇيرەندى. جىل سوڭىندا گۇلدىڭ وزىنەن ايشامگۇل تۇپ - تۋرا 30 مىڭ يۋان كىرىس تاپتى.

  ءوزى اقشا تابا الاتىن بولعاندىقتان، سۇلۋلىقتى سۇيەتىن ايشامگۇل قىستاقتاعى ”سۇلۋشاش شاشتارازى“نا بارۋدان ەش قورعانبايتىن بولدى.

  ”2018 - جىلدىڭ باسىندا، اۆتونوميالى رايوندىق ايەلدەر بىرلەستىگى قاشقار ايماعىندا ەڭ الدىمەن اۋىل - قىستاق ’اجارلاندىرۋ، شاش جاساۋ‘، مىڭ دۇكەن قۇرىلىس نىسانىن باستاپ، ايەلدەردى ءداۋىر قادامىنا ءجىتى ىلەسىپ، تاماشا تۇرمىسقا تالپىنۋعا جەتەكتەدى“. كونەشار اۋداندىق پارتكوم ۇگىت ءبولىمىنىڭ ورىنباسار باستىعى ياڭ چيليان بىلاي دەپ تانىستىردى: اۋداندىق قازىنا قارجى بوساتىپ، وسى ”كوركەمدىك ءىس“تى قولدادى، قازىر بۇكىل اۋداننىڭ 119 قىستاعىندا اجارلاندىرۋ، شاش جاساۋ دۇكەنى ىسكە قوسىلدى.

  ”بۇرىن قاراپايىم وتباسى ايەلى ەدىم، كىرىسىم دە جوق ەدى، سىرتقا شىعىپ باسقالارمەن ارالاسۋدى دا قالامايتىنمىن. قازىر ءوزىم اقشا تاباتىن بولدىم، ساندەنىپ ءجۇرۋدى ۇناتاتىن بولدىم، سونىمەن بىرگە ءبىلىم ۇيرەندىم“. كەش قارايعاندا، ايشامگۇل قىستاقتاعى شارۋالار كەشكى مەكتەبىنە قاراي اسىعىس - ۇسىگىس ءجۇرىپ بارا جاتىپ، ”مەن، اۋەلى، قىستاقتا جاڭادان قۇرىلعان ساياحات كووپەراتيۆىنىڭ زاڭدىق يەسىمىن، پۋتۇڭحۋانى جاقسى ۇيرەنسەم، كەيىن سىرتتان كەلگەن ساياحاتشىلاردى ءوزىم دە قابىلداي الامىن“، - دەدى.

  2019 - جىلى 10 - ايدا ايشامگۇل پارتياعا مۇشە بولۋعا ءوتىنىش بەردى. ول بىلاي دەدى: پارتيا ۇيىمىنىڭ كومەگى مەن قولداۋى بولماسا، ءوزىمنىڭ جانە قىستاقتاعى اپەكە - سىڭلىلەرىمنىڭ قازىرگىدەي تاماشا ءارى جايلى تۇرمىسى بولماس ەدى. ”ءبىر مۇشەسى بولۋدى شىن نيەتىممەن اڭسايمىن“.كوپ جىلدىق ارمانى جۇزەگە استى

  ”30 نەشە جىل قىستاق كادرى بولدىم، بۇرىن ىستەۋدى ويلاسام دا ىستەي الماعان كوپتەگەن ءىس بۇگىن شىندىققا اينالدى، قاتتى اسەرلەندىم“.

  ”قىل قالامىن الىپ ’جۇڭگو‘ دەپ جازدى. شۋانچىڭ قاعازىن جازىپ، تاۋ - وزەندەردى سىزدى. قالام، سيا، قاعاز، سيا ساۋىتى كىتاپ بولمەسىندەگى 4 اسىل، جۇڭحۋا مادەنيەتىنىڭ تاريحى وتە ۇزاق“، - دەدى ابدۇقيۇمنىڭ 6 جاسار ۇلى ابدۇعاني ابدۇقيۇم، بالاباقشادان ءبىر ءان ۇيرەنىپ كەلگەن ەكەن، اتاسى روزى مامەتتىڭ كەلگەنىن كورىپ بالاقاي دەرەۋ ۇيرەنگەنىن ايتىپ بەردى.

  ”30 نەشە جىل قىستاق كادرى بولدىم، بۇرىن ىستەۋدى ويلاسام دا ىستەي الماعان كوپتەگەن ءىس بۇگىن شىندىققا اينالدى، قاتتى اسەرلەندىم“. روزى تەبىرەنە ”ءار كۇنىمىز جاڭالىققا تولى!“، - دەدى.

  بۇرىن اياققى مانگەن قىستاعىندا ادام كوپ، جەر از، كىسى باسىنا تۋرا كەلەتىن ەگىستىك جەر ءبىر مۋعا جەتپەيىن، قىستاق تۇرعىندارىنىڭ كوبى سول ازعانتاي جەرگە سۇيەنىپ كۇنەلتەتىن. روزى بىلاي دەدى: وسى بىرنەشە جىلدا حالىققا تيىمدىلىك جاساۋ ساياساتتارى بارعان سايىن كوبەيدى، باس شۋجي كەلگەننەن كەيىن قىستاعىمىزداعى وزگەرىستەر بارعان سايىن زورايدى. ”حالىقتى اۋقاتتاندىرۋ بويىنشا جاڭادان بەيقۇت ءۇي سالىنىپ، جاڭادان اسفالت جولدار جاسالىپ، بۇقارانىڭ بايۋ جولى كەڭەيتىلدى“.

  روزى قازىر اي سايىن ”ءتورت ءتۇرلى قارت“ (قارت پارتيا مۇشەسى، قارت كادر، قارت ۇلگى، قارت اسكەر) تۇرمىستىق قوسىمشا قاراجاتىنان جانە زەينەتكەرلىك قامسىزداندىرۋىنان 1450 يۋان الادى. ”جەتىپ اسادى، ناۋقاستانىپ قالسام دا الاڭدامايمىن. بۇرىن الدىمەن اقى تاپسىرىپ سوڭىنان بالنيتساعا جاتاتىنبىز، ناۋقاستانا قالساق، سيىر ساتۋعا اسىعاتىنبىز. قازىر الدىمەن ەمدەلىپ، سوڭىنان اقى تولەيمىز، ەسەپتەن كوتەرۋ سالىستىرماسى %85 بولدى“.

  جاڭادان سالىنعان توققۇزاق قالاشىعى بالاباقشاسىندا تەگىن وقىعاننان بەرى ابدۇعاني بارعان سايىن زەرەك، قاعىلەز، سۇيكىمدى بولا ءتۇستى، بۇل روزىنى قۋانتتى.

  ”ابدۇقيۇم باستاۋىش مەكتەپ قانا وقىعان، ەگەر كوبىرەك وقىعان بولسا، تۇرمىسى قازىرگىدەن دە جاقسى بولۋشى ەدى“، - دەدى وكىنىشىن جاسىرا الماعان روزى نەمەرەسىن جاقسى تاربيەلەۋ بەكىمىنە كەلىپ، ”بالالاردى جاقسى تاربيەلەپ، قوعامعا جارامدى ادام ەتىپ شىعارامىن“.(ماقالا 2020 - جىلى 1 - ايدىڭ 13 - كۇنى «حالىق گازەتى»ندە باسىلعان)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار