بەيجيڭنەن اتتانىپ، بيرماداعى مەملەكەتتىك ساپارىن باستادى
شي جينپيڭ نايپيداۋعا جەتتى
2020.01.19 14:28 كەلۋ قاينارى : شينجياڭ گازەتى
شينحۋا اگەنتتىگىنىڭ 1 - ايدىڭ 17 - كۇنى نايپيداۋدان بەرگەن حابارى (تىلشىلەر چى حۇڭلياڭ، لو جۇن). جەرگىلىكتى ۋاقىت 1 - ايدىڭ 17 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن نايپيداۋ حالىقارالىق اۋەجايىنا جەتىپ، بيرما فەدەراتسيالىق رەسپۋبليكاسىنداعى مەملەكەتتىك ساپارىن باستادى.
شي جينپيڭ وتىرعان ارناۋلى ۇشاق بيرما كەڭىستىگىنە كىرگەندە بيرمانىڭ 2 سوعىس ۇشاعى كەڭىستىككە كوتەرىلىپ قورعادى.
شي جينپيڭ جەتكەن ساتتە، بيرمانىڭ ءبىرىنشى ورىنباسار زۇڭتۇڭى مينرۇي بيلىك كەڭسەسىنىڭ كوپتەگەن مينيسترلەرىن باستاپ ۇشاق باسپالداعىنىڭ جانىندا تۇرىپ ىقىلاسپەن قارسى الدى. بيرمالىق جاس وسپىرىمدەر شي جينپيڭگە گۇل ۇسىندى. ءار ۇلتتىڭ ءداستۇرلى كيىمدەرىن كيگەن بيرمالىق جاستار جول بويىندا تۇرىپ قارسى الدى. قۇرمەت قاراۋىلى قىزىل كىلەمنىڭ ەكى جاعىندا تۇرىپ قۇرمەت ءبىلدىردى. جەرگىلىكتى كوركەمونەرشىلەر مەن ستۋدەنتتەر قويۋ ۇلتتىق ەرەكشەلىككە يە ءداستۇرلى ءان - ءبي ورىندادى. بيرمالىق جاس وسپىرىمدەر جۇڭگو مەن بيرمانىڭ مەملەكەت تۋىن بۇلعاپ، بيرما تىلىندە ”جۇڭگو - بيرما دوستىعى جاساسىن“، ”ءتوراعا شي جينپيڭنىڭ دەنساۋلىعى مىقتى بولسىن“ دەپ الاقايلاپ، شي جينپيڭدى ەڭ شىنايى ىقىلاسپەن قارسى الاتىندىقتارىن ءبىلدىردى. شي جينپيڭ كۇلىمسىرەي ولارعا قول بۇلعاپ قۇرمەت ءبىلدىردى.
شي جينپيڭنىڭ كولىك اترەتى اۋەجايدان شىعىپ، قالا رايونىنا قاراي جول الدى. اۋەجاي قاقپاسىنىڭ ۇستىڭگى جاعىنا ”جۇڭگونىڭ مەملەكەت ءتوراعاسى شي جينپيڭنىڭ بيرماعا ساپارلاي كەلگەندىگىن قىزۋ قارسى الامىز“، ”بيرما فەدەراتسيالىق رەسپۋبليكاسى جۇڭحۋا حالىق رەسپۋبليكاسىنىڭ ءتوراعاسى شي جينپيڭ مىرزاعا وسكەلەڭ قۇرمەت بىلدىرەدى“ دەپ جازىلعان قىزىل كەرمە تۋ ىلىنگەن. جول بويىنىڭ ەكى جاعىندا جۇڭگو - بيرما ەكى ەلدىڭ مەملەكەت تۋى جەلبىرەپ تۇر، شي جينپيڭنىڭ الىپ سۋرەتى مەن ”جۇڭگو مەن بيرمانىڭ باۋىرلاستىق دوستىعى ماڭگى جالعاسا بەرسىن“، ”جۇڭگو مەن بيرمانىڭ دوستىق سەلبەستىگى ۇزدىكسىز دامي بەرسىن“ دەپ جازىلعان الىپ ۇراندار ايرىقشا كوزگە تۇسەدى. جەرگىلىكتى بۇقارا ءان ايتىپ، ءبي بيلەپ، جاس وقۋشىلار ەكى ەلدىڭ مەملەكەت تۋىن بۇلعاپ، بيرما حالقىنا ءتان اق ەدىل كوڭىلمەن اسا قۇرمەتتى قوناقتى قىزۋ قارسى الدى.
شي جينپيڭ جۇڭگو ۇكىمەتى مەن جۇڭگو حالقى اتىنان بيرما ۇكىمەتى مەن بيرما حالقىنا ىقىلاسپەن امانداستى جانە تاماشا تىلەك ءبىلدىردى. شي جينپيڭ بىلاي دەپ اتاپ كورسەتتى: جۇڭگو مەن بيرما تاۋ - وزەنى تۇتاسقان جاقسى كورشىلەر، ەكى ەل حالقىنىڭ باۋىرلاستىق سۇيىسپەنشىلىگى تەرەڭ. ديپلوماتيالىق قارىم - قاتىناس ورناتقان 70 جىلدان بەرى، جۇڭگو مەن بيرما ەكى ەل بىرگە دارىپتەپ كەلگەن بەيبىت قاتار تۇرۋ بەس پرينسيبىنەن جازباي، ءتۇرلى سالاداعى اۋىس - كۇيىس سەلبەستىگىن ىلگەرىلەتىپ، ۇزدىكسىز جاڭا تابىستارعا قول جەتكىزدى. مەن بيرما باسشىلارىمەن ەكى ەل قارىم - قاتىناسى جانە ورتاق كوڭىل ءبولىپ وتىرعان ماسەلەلەر جونىندە ىشكەرىلەي پىكىر اۋىسىپ، باۋىرلاستىق سۇيىسپەنشىلىكتى بىرگە جالعاستىرىپ، جالپى بەتتىك ستراتەگيالىق سەلبەستىكتى قويۋلاتىپ، جۇڭگو - بيرما قارىم - قاتىناسىن جاڭا ساتىعا كوتەرۋدى، جاڭا داۋىرگە ەنگىزۋدى كۇتەمىن.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى ساپارلاستارى سول ۇشاقپەن بىرگە باردى.
جۇڭگونىڭ بيرماداعى باس ەلشىسى چىن حاي دا اۋەجايعا بارىپ قارسى الدى.
شينحۋا اگەنتتىگىنىڭ 1 - ايدىڭ 17 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 1 - ايدىڭ 17 - كۇنى ارناۋلى ۇشاقپەن بەيجيڭنەن اتتانىپ، بيرما فەدەراتسيالىق رەسپۋبليكاسىنىڭ زۇڭتۇڭى ۋىنميننىڭ شاقىرۋىنا ساي، بيرمادا مەملەكەتتىك ساپاردا بولدى.
شي جينپيڭمەن بىرگە ساپارلاي بارعانداردان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترلىگىنىڭ مينيسترى ۋاڭ ي، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتارلىلار بار.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
