بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ جۇڭگو مەن بيرمانىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتاۋ جەلىلەس قيمىلىنا جانە جۇڭگو مەن بيرمانىڭ مادەنيەت - ساياحات جىلىنىڭ باستالۋ سالتىنا قاتىناستى

2020.01.19 14:29     كەلۋ قاينارى : شينجياڭ گازەتى

  شينحۋا اگەنتتىگىنىڭ 1 - ايدىڭ 17 - كۇنى نايپيداۋدان بەرگەن حابارى (تىلشىلەر حو شياۋگۋاڭ، لي جۇڭفا، لو جۇن). جەرگىلىكتى ۋاقىت 1 - ايدىڭ 17 - كۇنى كەشتە، مەملەكەت ءتوراعاسى شي جينپيڭ نايپيداۋداعى 2 - حالىقارالىق ءماجىلىس ورتالىعىندا جۇڭگو مەن بيرمانىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتاۋ قيمىلىنا جانە جۇڭگو مەن بيرمانىڭ مادەنيەت - ساياحات جىلىنىڭ باستالۋ سالتىنا قاتىناستى. بيرمانىڭ زۇڭتۇڭى ۋىنمين، مەملەكەت ىستەرى اقىلشىسى اڭشانسۋجي، بيرمانىڭ ءبىرىنشى ورىنباسار زۇڭتۇڭى مينرۇي، ەكىنشى ورىنباسار زۇڭتۇڭى حىڭلي بانتييۇي، فەدەراتسيالىق پارلامەنتىنىڭ باستىعى، قوسىمشا حالىق پالاتاسىنىڭ باستىعى تيكۇنمي، ۇلتتىق پالاتاسىنىڭ باستىعى مانۋىنكايدان، مەملەكەت قورعانىس ارمياسىنىڭ باس سىليڭى ميناڭلاي، بيلىك كەڭسەسىنىڭ بارلىق مۇشەلەرى، ت. ب قيمىلعا قاتىناستى.

  ءماجىلىس ورتالىعىنىڭ تەاترحاناسىندا جۇڭگو مەن بيرمانىڭ ەكى تىلدە جازىلعان ”جۇڭگو مەن بيرمانىڭ باۋىرلاستىق ەتەنە سۇيىسپەنشىلىگىن جالعاستىرىپ، جۇڭگو مەن بيرمانىڭ تاعدىرلاس ورتاق تۇلعاسىن قۇرايىق“ ۇلكەن كەرمە تۋى اسىلىپ، شاتتىققا تولى مەرەكەلىك لەپ ەستى.

  شي جينپيڭ بيرما جاقتىڭ باسشىلارىنىڭ سەرىك بولۋىمەن تەاترحاناعا كىرگەندە، الاڭنان قىزۋ شاپالاق ءۇنى كوتەرىلدى.

  ۋىنمين جانە اڭشانسۋجي جەكە - جەكە ءسوز سويلەدى.

  ۋىنمين مىنالاردى ءبىلدىردى: بيرما مەن جۇڭگو ەكى ەلدىڭ دوستىق بارىس - كەلىسىنىڭ تاريحى ارىدان باستاۋ الادى، ەكى ەل حالقى اعا - باۋىرلارداي، اپەكە - سىڭلىلەردەي ەتەنە، بەينە چىن ي مارشالدىڭ جازعان ولەڭ جولدارىنداي: ”مەن تۇرامىن وزەننىڭ باس جاعىندا، سەن تۇراسىڭ وزەننىڭ اياعىندا، ءبىر وزەننىڭ سۋىنان اۋىز تيگەن، سۇيىسپەنشىلىگىمىز تەرەڭ ارامىزدا“. بيرما مەن جۇڭگو ديپلوماتيالىق قارىم - قاتىناس ورناتقان 70 جىلدان بەرى، وزگەشە بارىستى باسىپ ءوتتى. ەكى ەل باسشىلارى ءجيى دوستىق بارىس - كەلىس جاساستى، ەكى ەلدىڭ بىرگە دارىپتەگەن بەيبىت قاتار تۇرۋدىڭ بەس پرينسيبى حالىقارالىق قارىم - قاتىناستىڭ نەگىزگى ولشەمىنە اينالدى. ءتوراعا شي جينپيڭنىڭ بيرما مەن جۇڭگونىڭ ديپلوماتيالىق قارىم - قاتىناس ورناتقان 70 جىلدىعى قارساڭىندا بيرمادا مەملەكەت ىستەرى ساپارىندا بولىپ، بيرما جاقتىڭ باسشىلارىمەن بىرگە ديپلوماتيالىق قارىم - قاتىناس ورناتقاندىعىنىڭ 70 جىلدىعىن سالتاناتپەن قۇتتىقتاۋى ەكى ەلدىڭ جانە ەكى ەل حالقىنىڭ تەرەڭ دوستىعىن ايگىلەۋمەن بىرگە، 2020 - جىلدى بيرما مەن جۇڭگونىڭ قارىم - قاتىناس تاريحىنداعى جاڭا دا ماڭىزدى بەلەسكە اينالدىراتىندىعى داۋسىز. بيرما جاق بيرما مەن جۇڭگونىڭ ءتۇرلى سالاداعى دوستىق سەلبەستىگىن تەرەڭدەتۋگە ۇزدىكسىز قۇلشىنادى. بيرما مەن جۇڭگو دوستىعىنىڭ ماڭگىلىك جالعاسۋىن تىلەيمىن!

  اڭشانسۋجي مىنالاردى ءبىلدىردى: بيرما مەن جۇڭگو باسشىلارىنىڭ ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىنا ارنالعان جەلىلەس قيمىلدارعا جانە بيرما مەن جۇڭگو مادەنيەت - ساياحات جىلىنىڭ باستالۋ سالتىنا بىرگە قاتىناستى، بۇل يگىلىكتىڭ، جاقسىلىقتىڭ ءساتى. بيرمانىڭ ەل ءىشى جاعدايى قالاي وزگەرسىن، بيرمانىڭ ءار كەزەك ۇكىمەتىنىڭ ءبارى جۇڭگومەن دوستىق قارىم - قاتىناستى دامىتۋعا باسا ءمان بەرىپ كەلەدى. ءتوراعا شي جينپيڭ جاڭا جىل كىرىسىمەن بيرماعا مەملەكەت ىستەرى ساپارىندا بولدى، بۇل بيرما مەن جۇڭگونىڭ تاعدىرلاس ورتاق تۇلعا قۇرۋعا قۇلشىنۋىنداعى ماڭىزدى ءبىر قادامى. بيرما جاق ”ءبىر بەلدەۋ، ءبىر جول“ باستاماسىنا بەلسەنە قولداۋ كورسەتەدى جانە ات سالىسادى، بيرما مەن جۇڭگو ەكونوميكالىق ءدالىزى قۇرىلىسىنىڭ اناعۇرلىم كوپ ماۋەلى جەمىس بەرۋىن ءۇمىت ەتەدى. ءبىز ەكى ەلدىڭ گۋمانيتارلىق اۋىس - كۇيىسىنىڭ كۇن سايىن تەرەڭدەپ، ەكى ەل دوستىعىنىڭ قوعامدىق نەگىزىن كەڭەيتۋدى ءۇمىت ەتەمىز. ءبىز ءتوراعا شي جينپيڭنىڭ باسشىلىعىندا، جۇڭگونىڭ، ءسوز جوق، ”قوس 100 جىلدىق“ كۇرەس نىساناسىن تابىسپەن جۇزەگە اسىراتىندىعىنا، ءسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىندىعىنا كامىل سەنەمىز. ءبىز جۇڭگونىڭ دامۋى بيرما مەن دۇنيە جۇزىنە اناعۇرلىم زور وراي اكەلەتىندىگىنە سەنەمىز. ءبىز جۇڭگومەن جانە دۇنيە جۇزىندەگى ءارقايسى ەلدەرمەن بىرگە، ادامزاتتىڭ تاعدىرلاس ورتاق تۇلعاسىن قۇرىپ، دۇنيە ءجۇزىنىڭ بەيبىتىشىلىگى مەن دامۋىنا بەلسەندى ۇلەس قوسۋدى ءۇمىت ەتەمىز.

  شي جينپيڭ سوزىندە بىلاي دەپ اتاپ كورسەتتى: كوپشىلىكپەن بىرگە جۇڭگو مەن بيرمانىڭ ديپلوماتيالىق قارىم - قاتىناس ورناتقان 70 جىلدىعىن قۇتتىقتاۋ قيمىلدارى مەن جۇڭگو مەن بيرمانىڭ مادەنيەت - ساياحات جىلىنىڭ باستالعاندىعىنا كۋا بولعاندىعىما قاباعات قۋانىشتامىن. بۇل جۇڭگو مەن بيرمانىڭ دوستىق بارىس - كەلىسىنىڭ شۇعىلالى بارىسىنداعى ماڭىزدى تاريحي بەلگى، سونداي - اق ەكى ەل حالقىنىڭ ءساليقالى سالتاناتى. جۇڭگو مەن بيرما ەكى ەل حالقىنىڭ دوستىق بارىس - كەلىسى مىڭ جىلدى باستان وتكەرىپ، ۇزدىكسىز جالعاسىپ كەلەدى. ەكى جاقتىڭ ويلارى ۇشتاسقان، تاۋقىمەتتى بىرگە تارتقان تەرەڭ قاتپارلى نەگىزى مەن قىمباتتى ءداستۇرى بار. جۇڭگو مەن بيرما مادەنيەتىندە تۇگەلدەي ”缘“ ارىبىنە ءمان بەرەدى. ەكى ەلدىڭ جاعراپيالىق ورنى جاقىن، ادامدارى تاتۋ - ءتاتتى، مادەنيەتى توعىسقان، باۋىرلاستىق سۇيىسپەنشىلىگى مىڭ جىلدى وتكەرىپ اۋەلگىسىندەي جالعاسىپ كەلەدى، بۇل ەكى جاقتى قارىم - قاتىناستىڭ دامۋىنىڭ قوزعاۋشى كۇشى جانە قاينار بۇلاعى. ەكى جاق ديپلوماتيالىق قارىم - قاتىناس ورناتقانعا ارنالعان قۇتتىقتاۋ قيمىلىن جانە مادەنيەت - ساياحات جىلى قيمىلىن ويداعىداي وتكىزۋ ارقىلى، وركەنيەتتەردىڭ ءوزارا ۇلگى الۋىن كۇشەيتىپ، گۋمانيتارلىق اۋىس - كۇيىستى قويۋلاتىپ، جۇڭگو مەن بيرمانىڭ دوستىق ىستەرى ءۇشىن اناعۇرلىم كوپ ات سالىسۋشىلاردى، يگىلىككە كەنەلۋشىلەردى، قولداۋشىلاردى جەتىلدىرىپ، ەكى ەل دوستىعىنىڭ قوعامدىق نەگىزىن بەكەمدەۋى كەرەك.

  شي جينپيڭ مىنالاردى باسا دارىپتەدى: جاڭا داۋىردە جۇڭگو مەن بيرمانىڭ قارىم - قاتىناسىن ىلگەرىلەتۋدە الدىڭعىلاردىڭ ءىزىن باسىپ، بولاشاققا جول اشىپ، تۋرا جولدان تايماي جاڭالىق اشۋ كەرەك. ۋىنمين زۇڭتۇڭ ەكەۋىمىز جۇڭگو مەن بيرما تاعدىرلاس ورتاق تۇلعاسىن بىرگە قۇرۋعا ءبىر اۋىزدان قوسىلدىق. وسى ءبىر ماڭىزدى ساياسي ورتاق تانىم جۇڭگو مەن بيرما ەكى ەلدىڭ ءبىر - بىرىمەن ەتەنە تىنىستاس، بەينەت پەن زەينەتتى بىرگە وتكەرگەن ەرەكشە قارىم - قاتىناسىن تەرەڭىنەن كورسەتىپ، ەكى ەل حالقىنىڭ اۋىرتپالىقتى تەڭ كوتەرىپ، ءبىر - بىرىمەن ەتەنە بولىپ قارايلاساتىن اعا - باۋىرلىق سۇيىسپەنشىلىگىن جاندى بەينەلەپ، ەكى جاق قارىم - قاتىناسىنىڭ كەلەشەك دامۋىنىڭ شىت جاڭا جوباسىن جان - جاقتىلى جوسپارلادى. ەكى جاق جۇڭگو - بيرما تاعدىرلاس ورتاق تۇلعاسىن قۇرۋدى بويسۇنۋ ولشەمى ەتىپ، ەكى ەل حالقىنىڭ ءتۇبىرلى مۇددەسىن ءتۇيىن ەتىپ، ساياسيداعى ءوزارا سەنىمدىلىكتى نىعايتىپ، ناقتى سەلبەستىك اياسىن كەڭەيتىپ، ەكى ەل حالقىنىڭ ماڭگىلىك جاقسى كورشى، جاقسى دوس، جاقسى باۋىرلاس، جاقسى سەرىك بولۋىنا مۇمكىندىك جاساۋ كەرەك.

  شي جينپيڭ مىنالاردى باسا دارىپتەدى: جۇڭگو مەن بيرمانىڭ بىرگە دارىپتەگەن بەيبىت قاتار تۇرۋدىڭ بەس پرينسيبى حالىقارالىق قارىم - قاتىناس تاريحىنداعى كەلەلى باستاما. قازىرگى دۇنيە ءجۇزى 100 جىلدا كەزدەسپەگەن زور وزگەرىستەردى باستان كەشىرۋدە، حالىقارالىق قوعام كۇن سايىن ءبىر - بىرىمەن بىتە قايناسقان تاعدىرلاس ورتاق تۇلعاعا اينالۋدا، الايدا حالىقارالىق قارىم - قاتىناستا ادىلەتسىزدىك، تەڭسىزدىك سياقتى جايتتەر الى دە وتە كورنەكتى، دۇنيە ءجۇزىنىڭ بەيبىتشىلىگىن قورعاپ، بىرگە دامۋدى جەبەۋدىڭ مىندەتى ءالى دە اۋىر، جولى ۇزاق. جاڭا جاعدايدا، بەيبىت قاتار تۇرۋدىڭ بەس پرينسيبىنىڭ ۋاقىتى وتكەن جوق، قايتا كۇن وتكەن سايىن جاڭارۋدا. جۇڭگو جاق بيرما جاقپەن بىرگە، بەيبىت قاتار تۇرۋدىڭ بەس پرينسيبىن ساۋلەلەندىرۋدىڭ جانە امالياتتا ايگىلەۋدىڭ ونەگەسى بولىپ، مەملەكەتتەر ارا بارىس - كەلىستىڭ ۇلگىسىن ورناتىپ، حالىقارالىق قوعامنىڭ قول ۇستاسا وتىرىپ، ادامزاتتىڭ تاعدىرلاس ورتاق تۇلعاسىن قۇرۋىن ىلگەرىلەتۋدى قالايدى.

  شي جينپيڭ مىنالاردى باسا دارىپتەدى: باۋىرلاستىق سۇيىسپەنشىلىك تەرەڭدە، وزەن سۋىنىڭ قاينارى الىستا“. مەن ەكى جاقتىڭ ورتاق قۇلشىنۋىندا جۇڭگو مەن بيرما دوستىق بارىس - كەلىسى جانە سەلبەسە دامۋى سىندى تاريحي اعىنى، ءسوزسىز، قاينارى، توركىنى بىردەي جۇڭگونىڭ لانساڭجياڭ وزەنى مەن بيرمانىڭ يراۋادي وزەنى سياقتى، اسقار تاۋ، بيىك شىڭداردان اسىپ، اساۋ اعىس، قاتەرلى قايراڭداردى باسىپ، باستان - اياق العا قاراي جوڭكىلە بەرەتىندىگىنە سەنەمىن.

  سوزدەن كەيىن، شي جينپيڭ مەن ۋىنميننىڭ كنۋپكانى بىرگە باسۋىمەن، جۇڭگو - بيرما مادەنيەت - ساياحات جىلى رەسمي باستالدى.

  ەكى ەل باسشىلارى بىرگە جۇڭگو - بيرما كوركەمونەرشىلەرىنىڭ تارتىمدى كونسەرتتەرىن تاماشالادى. ۇلتتىق كيىم كيگەن بيرما كوركەمونەرشىلەرى ءداستۇرلى شەبەرلىكپەن جاسالعان پاسەين كۇندىگىن ۇستاپ، ىلگەرىندى - كەيىندى ”بيرما“، ”جۇڭگو“ دەگەن اعىلشىنشا ارىپتەردى بەينەلەپ كورسەتتى. پاسەين كۇندىگى شوق - شوق اسەم گۇلدەر سياقتى ءاپ - ساتتە ”70“ دەگەن سيفردى كورسەتىپ، جۇڭگو مەن بيرمانىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىنا دەگەن تاماشا تىلەكتى ءبىلدىردى، تۇتاس الاڭداعى كورەرمەندەر قىزۋ قول شاپالاق سوقتى.

  سالت باستالاردان بۇرىن، شي جينپيڭ بيرما جاقتىڭ باسشىلارىنىڭ سەرىك بولۋىندا، جۇڭگو مەن بيرمانىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتاۋعا ارنالعان سۋرەت كورمەسىن تاماشالادى. سۋرەت كورمەسىندە جۇڭگو مەن بيرما ديپلوماتيالىق قارىم - قاتىناس ورناتقان 70 جىلدان بەرى ەكى جاقتىڭ بارىس - كەلىس بارىسىنداعى اسەرلى كارتينالارى ەستەلىككە الىنعان. شي جينپيڭ قايتا - قايتا كىدىرىپ، ءتۇسىندىرۋدى مۇقيات تىڭدادى ءارى مۇقيات كورىپ شىقتى.

  سول كۇنى كەشتە، شي جينپيڭ بيرما فەدەراتسيالىق پارلامەنتىنىڭ باستىعى، قوسىمشا حالىق پالاتاسىنىڭ باستىعى تيكۇنميمەن جانە ۇلتتىق پالاتاسىنىڭ باستىعى مانۋىنكايدانمەن دوستىق اڭگىمەدە بولدى، سونداي - اق بيرماداعى باستى ساياسي پارتيالاردىڭ باسشىلارىمەن بىرگە سۋرەتكە ءتۇسىپ ەستەلىك قالدىردى.

  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار