تۇرسۇنجاننىڭ ساۋداسى بارعان سايىن كۇسەتتەندى
شيە حۇيبيان، لي شيڭ
2020.01.21 14:19 كەلۋ قاينارى : شينجياڭ گازەتى
”ءۇي اشەكەيلەۋدە قايتكەندە لاستانۋدى ەڭ تومەنگى شەككە تۇسىرۋگە بولادى دەگەندە، شەبەرلىك پەن جۇمىس ءتارتىبى وتە ماڭىزدى، مىسالى، تاقتايشا ماتەريالداردى تىلگەننەن كەيىن، دەر كەزىندە جيەكتەپ تاستاۋ كەرەك...“ 2019 - جىلى 12 - ايدىڭ 16 - كۇنى شەريا اۋدانىنداعى اۋىل شارۋاشىلىق تەحنيكاسىنا باۋلۋ مەكتەبىندە، تۇرسۇنجان ءماتتۇردى ساباق سويلەۋدە، مىنبە الدىندا وتىرعان 30 نەشە ەگىنشى ساباقتى مۇقيات تىڭداپ وتىر، ءالسىن - ءالى بىرەۋلەر ەڭكەيىپ ەستەلىك الۋدا.
ساباقتان كەيىن، ءبىر ادام تۇرسۇنجاننان كەڭەس سۇرادى، ول ءبىر جاعىنان، سويلەپ، ءبىر جاعىنان، ۇلگى كورسەتە قايتا - قايتا ءتۇسىندىرىپ، قارسى جاق ۇعىنعانداي باس يزەگەندە بارىپ توقتادى. ”مەن كوپشىلىككە تەحنيكا ۇيرەتىپ، ولاردىڭ دا كىرىسىن ارتتىرۋىنا مۇمكىندىك جاساعىم كەلەدى“، - دەدى تۇرسۇنجان.
ساۋدانىڭ قاربالاستىعىنان جەتىسە المادى
تۇرسۇنجاننىڭ شەريا اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنان وقۋ تاۋىسقانىنا جارتى جىلدان استى. ”وسى جارتى جىلداعى تابىسىم بۇرىنعى نەشە جىلدىڭ تابىسىنا بارابار بولدى“، - دەدى تۇرسۇنجان تەبىرەنە.
تۇرسۇنجان بۇرىن ءۇي اشەكەيلەۋمەن، ماتەريال ساتۋمەن شۇعىلدانعان. وقۋ تاۋىسقاننان كەيىن، ول تاعى دا سافا جاسايتىن دۇكەن اشتى، قازىر قۇنى 200 مىڭ يۋاننان اساتىن تاپسىرىسقا يە بولىپ وتىر. ”ءوتىمدى ءونىم وندىرگەندە عانا، بازار تابۋعا، ساۋدانى بارعان سايىن كۇسەتتەندىرۋگە بولادى“. تۇرسۇنجان تاربيەلەۋ - باۋلۋ ورتالىعىنداعى مۇعالىمنىڭ وسى ءسوزى وزىنە تەرەڭ اسەر ەتكەندىگىن، سوندىقتان وقۋ تاۋىسقاننان كەيىنگى ءبىرىنشى ىستەگەن ءىسى شەريا اۋدانى مەن ماڭىنداعى اۋىل - قالاشىقتارعا بارىپ بازار ىزدەۋ بولعاندىعىن ايتتى. ”وسى زامانعى تۇرمىستىڭ اعىمىن بوگەۋگە كەلمەي قالدى عوي، اۋدان قالاشىعىنان اشىلعان كوفەحانا، KTV، حوگو دۇكەندەرى دەگەندەرى تولىپ جاتىر، قىستاق تۇرعىندارىنىڭ ۇيىندە دە زاماناۋي سافالار قويىلعان...“ بۇلاردى ايتقاندا، تۇرسۇنجاننىڭ كوزى جايناپ سالا بەردى. ول، ءتىپتى، ءۇي باسى سايىن ارالاپ سۇراستىرىپتى، اشەكەيلەنىپ جاتقان دۇكەندەردى دە قاعىس قالدىرماپتى، ەڭ اقىرىندا كوپتەگەن دۇكەندەردىڭ قوجايىنى باعالى ءارى جايلى كورىنەتىن بىلعارى سافا العىسى كەلەتىندىگىن، ءبىراق لايىقتى زات قاينارىن تابا الماي وتىرعاندىعىن بايقايدى.
بۇرىنعى اعاششىلىق قولونەرىنە سۇيەنگەن تۇرسۇنجان بىلعارى سافا وندىرۋگە دايىندالادى. كوپ سۇراستىرىپ ءجۇرىپ، سىچۋاننان كەلگەن ءبىر شەبەردى جوعارى ەڭبەكاقىمەن ۇسىنىس ەتەدى ءارى تاعى بىرنەشە ادامدى جۇمىسقا قابىلداپ، كوپشىلىك سول شەبەرگە ىلەسىپ ۇيرەنەدى. 3 ايدان كەيىن، تۇرسۇنجان ءبىرىنشى رەتكى 50 مىڭ يۋاندىق تاپسىرىستى قابىلدايدى. بىرتە - بىرتە كورشىلەس اۋدانداردان ونى ىزدەپ كەلىپ بىلعارى سافاعا تاپسىرىس بەرەتىندەر دە تابىلادى. بازارىن كەڭەيتۋ ءۇشىن، ول ەۆروپاشا ۇلگىدەگى وتباسىندىق سافا ءوندىرۋدى سىناق ەتە باستايدى. بولشەك ماتەريالدارىن ساتىپ الۋ قيىن بولعاندىقتان، ول تاۋباۋ ارقىلى تاپسىرىس بەرەدى، ەڭ اقىرىندا، كەرەكتى زاتىن شي - انداعى ءبىر قۇرىلىس ماتەريالدارى دۇكەنىنەن شەرياعا الدىرتاتىن بولادى.
سافا جاساۋ ساۋداسى بارعان سايىن كۇسەت بولدى، ءۇي اشەكەيلەۋ سەرىكتەستىگىنىڭ جۇمىسى دا تولاسسىز ءجۇرىپ جاتىر. تۇرسۇنجان قازىر كوپتەگەن ادامداردىڭ ءۇي اشەكەيلەتۋدە ءوزىن ىزدەيتىندىگىن ايتتى، ويتكەنى ونىڭ سەرىكتەستىگىنىڭ تيجاراتى ءبىرشاما جۇيەلى، ءاربىر جۇمىسىنا دەيىن توقتامعا قول قويىپ ىستەيدى. ”باۋلۋ ورتالىعىندا زاڭ ۇيرەنگەننەن كەيىن عانا توقتامعا قول قويۋدىڭ وتە ماڭىزدى ەكەندىگىن ءتۇسىندىم، ساۋدام ءتىپتى دە حاۋىپسىز، ءتىپتى دە قامتاماسىز بولدى، قىزمەت ونىمدىلىگى دە نەداۋىر جوعارىلادى“.
تۇرسۇنجاننىڭ قازىرگى جاعدايىن ءبىر جىلدىڭ الدىندا ەلەستەتۋدىڭ ءوزى قيىن بولاتىن.
ءومىرىن قايتادان ويلاستىرا باستادى
تۇرسۇنجان بۇرىن ءدىني ۇشقارى يدەيامەن جۇعىمدالعاندىقتان، ءبىر مەزگىل وزىنەن - ءوزى وڭاشالانىپ، ساۋدا جۇرگىزۋى قيىنعا سوقتى. ءۇي اشەكەيلەۋ بارىسىندا كەيبىر الارماندارى توراپتان ساتىپ العان زاتتارىن قۇراستىرىپ بەرۋگە شاقىرسا، ول الگى زاتتار ”مۇسىلمانشا ەمەس“ دەگەندى سىلتاۋراتىپ، ادام تاپپاس جال ايتىپ تويتارادى. سالماقتى بولعان كەزدە، قىستاق كادرلارى ونىڭ ۇيىنە بارىپ جاعداي ۇعىسسا، ول، ءتىپتى، ولاردى ۇيدەن قۋىپ شىعارعىسى كەلەدى. ”ول كەزدە مەن ولاردىڭ ءبارىن ’جات دىندەگىلەر‘ دەپ قاراپ، ولارمەن كوبىرەك بارىس - كەلىستە بولسام، توزاققا تۇسەمىن دەپ ويلادىم، سوندىقتان ەجەلدەن قىستاق ۇيىمداستىرعان كوللەكتيۆ قيمىلدارعا قاتىناسىپ كورمەدىم“، - دەدى ول.
تۇرسۇنجاننىڭ ءدىني ۇشقارى يدەيانىڭ ىقپالىنا ۇشىراۋىن 2013 - جىلدان باستاپ ايتۋعا تۋرا كەلەدى، ونىڭ ەسىندە قالۋىنشا، سول كەزدە بىرەۋلەر QQ دە وعان ءبىر جالعانىمدى جولداپ بەرىپتى، ”ونىڭ ىشىندە ’ناعىز مۇسىلمان‘ نەلەردى ىستەۋى، نەلەردى ىستەمەۋى كەرەك دەگەندەر ايتىلىپتى“. تۇرسۇنجان: باستابىندا ەلەمەدىم، كەيىن كەلە ەمىس - ەمىس سونداي ينفورماتسيالاردى تاپسىرىپ الدىم، مازمۇنى تۇگەلدەي ءدىني ۇشقارى يدەيانى ءناسيحاتتاۋ ەكەن، - دەدى. ”كوپ كورە بەرگەن سوڭ، بىرتە - بىرتە سول مازمۇندار دۇرىس سياقتانىپ، سول بويىنشا ىستەۋىم كەرەك سياقتى سەزىلدى“.
سودان باستاپ، تۇرسۇنجان وزگەرەدى، تەمەكىدەن تيىلادى، اراقتى قويادى، كەلىنشەگىنەن سىرتقا شىققاندا، ءسوزسىز، بەتىن بۇركەپ بۇرقا كيۋدى تالاپ ەتەدى، ول، اۋەلى، كەلىنشەگىنىڭ بارلىق گرىم بۇيىمدارىن لاقتىرىپ تاستايدى. وتە اسىرىپ جىبەرگەنى ول دىنگە سەنبەيتىندەردىڭ بارلىعىن ”جات دىندەگىلەر“ دەپ قاراپ، بىرتە - بىرتە كەيبىر ساۋدا سەرىكتەرىمەن ات كەكىلىن كەسىسەدى.
”مەن سول كەزدەردە وزىمدىكىن عانا دۇرىس سانادىم، كىم اقىل ايتسا دا تىڭدامادىم، ءتىپتى، ولاردى ياناتتادىم“. تۇرسۇنجان كەيىن كەلە ساۋداسىنىڭ بارعان سايىن ناشارلاپ قانا قويماي، بارا - بارا دوستارىنان دا ايرىلعاندىعىن ايتتى.
اكەسى تۇرسۇنجاننان قاتتى الاڭدايدى، نەشە تۇندەر بويى ونىمەن تىزە قوسا وتىرىپ كەڭەس قۇرىپ، وعان شەريا اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنا بارىپ ۇيرەنۋگە قاتىناس دەپ اقىل ايتادى. سىناپ كورەيىن دەگەن ويمەن، تۇرسۇنجان اكەسىنىڭ ايتقانىنا ماقۇل بولادى. ”تاربيەلەۋ - باۋلۋ ورتالىعىنا كەلگەننەن كەيىن، مەن ءوز الەمىمنىڭ نۇرلانىپ كەتكەنىن بايقادىم“، - دەدى تۇرسۇنجان.
تاربيەلەۋ - باۋلۋ ورتالىعىندا مەملەكەتتە ءبىر تۇتاس قولدانىلاتىن ءتىل - جازۋ، زاڭ بىلىمدەردى، كاسىپتىك شەبەرلىك سياقتىلاردى ۇيرەنۋ ارقىلى، - دەيدى تۇرسۇنجان، - مەن بىرتە - بىرتە ءوزىمنىڭ ءدىني ۇشقارى يدەيانىڭ ىقپالىنا ۇشىراپ، اۋەلدە دۇرىس دەپ جۇرگەن سول مازمۇنداردىڭ جات نيەتتى ادامداردىڭ قۇراستىرعان وتىرىگى ەكەندىگىن تانىدىم.
ءدىني ۇشقارى يدەيادان ارىلعاننان كەيىن، تۇرسۇنجان ءومىرىن قايتادان ويلاستىرا باستادى. ”مەن قۇزدان قۇلاۋعا شاق قالىپپىن، پارتيا مەن ۇكىمەت مەنى قۇتقارىپ الدى“.
جاۋاپكەرشىلىك سەزىم مەن بورىشتىلىق سەزىمگە يە بولدى
جۋىقتاعى ءبىر مەزگىلدە تۇرسۇنجان توتەنشە قاربالاس بولدى، ويتكەنى ءۇي اشەكەيلەۋ سەرىكتەستىگىنىڭ ساۋداسى قاتتى جانداندى، 12 قىزمەتكەرى، 8 شاكىرتىمەن بىرگە ىستەسە دە جەتىسە الماي، ءۇي اشەكەيلەۋ تەحنيكاسىن بىلەتىن قىزمەتكەرلەردى شۇعىل قابىلداۋعا ءماجبۇر بولدى. ءبىراق جۇمىسقا قابىلداۋ جارناماسىن جاريالاعالى جارتى اي بولسا دا ءالى لايىقتى ادام تابا الماپتى. بىلعارى سافا جاساۋ تاپسىرىسىن جالعاستى قابىلداۋعا باتىلدىق ەتە الماي وتىر ەكەن، قازىرگى بار 4 قىزمەتكەر مۇلدە جەتىسە الماي قالىپتى.
شەريا اۋدانىنىڭ ەگىنشىلەردى ۇيىمداستىرىپ تەحنيكاعا باۋلىماقشى بولىپ جاتقاندىعىن ەستىگەن تۇرسۇنجان ىرىقتىلىقپەن مۇعالىم بولۋعا تىزىمدەلىپتى. ”مەن ءۇي اشەكەيلەۋ تەحنيكاسىن بىلەمىن، تاعى دا سافا جاسايمىن، تەحنيكانى ءتىپتى دە كوپ ادامدارعا ۇيرەتسەم دەيمىن“، - دەپتى تۇرسۇنجان ىرىقتى تۇردە باۋلۋ مەكتەبىنىڭ مۇعالىمىن ىزدەپ بارىپ. مول تاجىريبەسى بولعاندىقتان، تۇرسۇنجان بەتپە - بەت ەمتيحاننان سۇرىنبەي ءوتىپ، مۇعالىم بولىپتى. كۇنىنە 6 ساعات ساباق بار، تۇستەن بۇرىن 2 ساعات نازاريا ساباعىن، تۇستەن كەيىن 4 ساعات ناقتى ىستەۋ ساباعىن وقىتادى. ول ءار كۇنى قۇرىلىس ماتەريالدارى دۇكەنى، ءۇي اشەكەيلەۋ سەرىكتەستىگى جانە باۋلۋ مەكتەبى ۇشەۋىنىڭ اراسىندا شاپقىلايدى دا جۇرەدى، ”ىلعي دا كۇش - قۋاتىم تاسقىنداپ تۇرعانداي سەزىنەمىن“، - دەيدى تۇرسۇنجان.
نازاريا مەن امالياتتى ويداعىداي بىرلەستىرۋ ءۇشىن، تۇرسۇنجان تاۋەكەل دەپ سافا جاساۋ زاۆودىن باۋلۋ مەكتەبىنە كوشىرىپ اكەلىپ، ءبىر جاعىنان ەگىنشىلەرگە تەحنيكا ۇيرەتسە، ءبىر جاعىنان سافا جاساپ، ءوندىرىس پەن وقىتۋدى تەڭ الىپ ءجۇردى.
شىنىنا كەلگەندە، تۇرسۇنجاننىڭ ”پايداكوس“تىگى بار ەدى، وقىتۋ بارىسىندا ول كەيبىر تەحنيكاعا شەبەر، ۇيرەنگەنىن قاعىپ الاتىن ەگىنشىلەردى بايقاپ، الدىن الا ولارعا يدەيالىق قىزمەت ىستەپ، ايرىقشا شارت - جاعداي جاساپ، ولاردىڭ وقۋدى تاۋىسقاننان كەيىن ءوزىنىڭ سەرىكتەستىگىنە كەلىپ ىستەۋىن ءۇمىت ەتتى. ”قازىر 4 − 5 ادام تاپتىم“، - دەيدى تۇرسۇنجان.
ۇعىسۋعا قاراعاندا، باۋلۋعا قاتىناسىپ جاتقان ەگىنشىلەر شەريا اۋدانىنىڭ ءارقايسى اۋىل - قالاشىعىنان كەلىپتى، ولاردىڭ كوپشىلىگى تەحنيكا بىلمەيدى، جەرگىلىكتى ۇكىمەت ەگىنشىلىك جۇمىسىنىڭ سايابىر كەزىنەن پايدالانىپ قىستاق تۇرعىندارىن ۇيىمداستىرىپ تەحنيكاعا باۋلىپتى.
”اسىلىندە ءوزىمنىڭ تۇرمىسىم جاقسى وتسە بولدى دەپ قارايتىنمىن، تاربيەلەۋ - باۋلۋ ورتالىعى مەنى جاۋاپكەرشىلىك سەزىمى مەن بورىشتىلىق سەزىمىنە يە ەتتى“. تۇرسۇنجان: ءار ادام ءوزىنىڭ قولىنان كەلگەنىنشە مەملەكەت پەن قوعامعا ۇلەس قوسۋى ءتيىس. مەن ساۋدامدى بارعان سايىن ۇلعايتىپ، سول ارقىلى ءتىپتى دە كوپ ادامدى جۇمىسقا ورنالاستىرىپ، كىرىستەرىن ارتتىرامىن، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
