شينجياڭنان تۇڭعىش توپتا حۋبەيگە كومەككە بارعان ەمدەۋ اترەتى −
”بۇل شايقاستا ءبىز، ءسوز جوق، جەڭىسكە جەتەمىز! “
□ گازەتىمىزدىڭ جالپىلىق اقپارات قۇرالدارى ءتىلشىسى چاۋ جين
2020.02.04 16:33 كەلۋ قاينارى : شينجياڭ گازەتى
2 - ايدىڭ 2 - كۇنى شينجياڭنان تۇڭعىش توپتا حۋبەيگە كومەككە بارعان ەمدەۋ اترەتىنىڭ ۋحانعا جەتكەنىنە 6 - كۇن، 142 ادامنان قۇرالعان ەمدەۋ اترەتى 4 كۇننىڭ الدىندا جاڭا مىندەتتى باستاعان − ىندەتتىڭ قاجەتىنە بايلانىستى ەمدەۋ - قۇتقارۋعا بەلگىلەنگەن شيپاحانا بولىپ وزگەرتىلگەن ۋحان داشۋەسى حالىق شيپاحاناسىنىڭ شىعىس بولىمشەسىنە جاپپاي كىرىپ، اتالعان شيپاحاناداعى ەمدەۋ قىزمەتكەرلەرىمەن بىرگە جاڭا تيپتى ايدارشا ۆيرۋسپەن جۇعىمدالۋدان بولعان وكپە قابىنۋعا شالدىعىپ، انىق دياگنوز قويىلعان ناۋقاستاردى ەمدەپ، قۇتقارا باستادى. ءتىلشى سول كۇنى تاعى ءبىر رەت ۋيچاتتىڭ بەينەجازباسىمەن شينجياڭنان حۋبەيگە كومەككە بارعان ەمدەۋ اترەتىنىڭ بايلانىسشىسى، ەمدەۋ اترەتى ۋاقىتتىق پارتيا ياچەيكاسىنىڭ ۇگىت مۇشەسى حۋاڭ لياڭمەن سويلەسىپ، ونىڭ وسى بىرنەشە كۇننەن بەرگى ”الدىڭعى شەپ شايقاس حابارىنا“ قۇلاق ءتۇردى.
حۋاڭ لياڭ بىلاي دەدى: شينجياڭ جىبەرگەندەردىڭ بارلىعى سالماقتى ناۋقاس مەديتسيناسى، تىنىس جولدارى، ينفەكسيا بولىمدەرىنىڭ ەمدەۋ قىزمەتكەرلەرى بولعاندىقتان، شيپاحانا ءۇشىن ەڭ ءزارۋ ادامدارعا اينالدى. 1 - ايدىڭ 30 - كۇنى ناۋقاس كورە باستاعاننان بەرى، ەمدەۋ قىزمەتكەرلەرىنىڭ قىزمەت كۇشەمەلىلىگى ايرىقشا زور بولدى. اسىرەسە، سەسترالار اۋاشالاۋ كيىمىن، قالىڭ قورعانۋ كيىمىن كيىپ، تۇيىق كوزىلدىرىك، بەتقالقا اينەك تاعىپ، ءار كۇنى اۋرۋ بولمەلەرىندە اۋىر جاۋاپكەرشىلىك ارقالاپ 6 ساعات قىزمەت ىستەدى، بۇل ارالىقتا ولار تاماق تاتپاي، سۋ ىشپەدى، نەگىزىنەن قالجىراعان كۇيدە تاباندىلىقپەن قىزمەت ىستەدى. ناۋقاستارعا دارىگەرلىك كەڭەس بەرۋ، ءدارى بەرۋ، ۋكول سالۋ، قان الۋ سياقتىلاردان تىس، تاماق، سۋ بەردى، ءتىپتى، ۇلكەن، كىشى دارەتىن الۋ سياقتى كۇندەلىكتى كۇتىمدەۋ جۇمىستارىن دا سەسترالار ورىندادى.
”قىزمەت اياقتاعان سوڭ ءار ادامنىڭ ىشكى كيىمدەرى شىلقا سۋ بولادى“، - دەيدى ەمدەۋ اترەتىنىڭ سەستراسى ساي رۇڭ. ءتىلشى 21 ساعات 20 مينۋت وتكەندە ساي رۇڭعا تەلەفون جالعاعان كەزدە، ساعات 8دە قىزمەت ورنىنا كەلگەن ول ەندى عانا كەزەگىن وتكىزىپ بەرىپ، قونالقا ورىنعا قايتاتىن اۆتوبۋزعا وتىرىپتى. تۇنگى كەزەككە ورنالاستىرىلماعان 43 جاستاعى ساي رۇڭ باسقا سەسترالاردىڭ قىزمەتىنە قولايلى بولۋ ءۇشىن، ءار كۇنى جۇمىستان قايتاردان بۇرىن بارلىق ناۋقاستارعا تۇراقتى بەكىتىلەتىن ينەنى شانشىپ دايىنداپ كەتەدى ەكەن.
”شىنىمدى ايتسام، ءار كۇنى جۇمىستان قايتاردا قاتتى شارشاعانىمدى سەزەمىن، تاماققا دا تابەتىم تارتپاي، ءبىر ستاكان ىستىق سۋ ىشەمىن. ءبىرءتاۋىرى، قونالقا ورىندا ەمدەۋ اترەتى بىزگە توكپەن جىليتىن ءاديال الىپ قويىپتى، ىشىنە كىرسەڭىز جىپ - جىلى بولىپ تۇرادى، ۇيدەگىلەرمەن تەلەفوندا سويلەسىپ، اماندىعىمدى ايتامىن...“ وسىنى ايتقان ساي رۇڭ ءبىراز ءۇنسىز قالدى. ەندى ول، ءسوز جوق، جەدەل ۇيقىعا كىرۋى، قايتا كۇش - قايرات جيناۋى كەرەك ەدى. ويتكەنى ەرتەڭگى ساعات 6دا ول ورنىنان تۇرىپ، 8دە قىزمەتىن باستاپ كەتۋ كەرەك.
وسى 2 كۇنگى قىزمەتتە باس كيىم مەن قورعاۋ كيىمى ەمدەۋ قىزمەتكەرلەرىنىڭ شاشىن جاقسى قىمتاپ تۇرا الماعاندىقتان، ءوزىن جاقسى قورعاۋ جانە باسقا ادامداردىڭ حاۋىپسىزدىگىنە كەپىلدىك ەتۋ ءۇشىن، ەمدەۋ اترەتىندەگى كوپتەگەن ايەل قىزمەتكەرلەر ادەمى ۇزىن شاشتارىن قيىپ تاستادى.
ەمدەۋ اترەتى ۋاقىتتىق پارتيا ياچەيكاسى وسى بىرنەشە كۇندە پارتياعا كىرۋ وتىنىشىنەن 32سىن تاپسىرىپ الدى... حۋاڭ لياڭ تەرەڭ اسەرمەن بىلاي دەدى: ”ەمدەۋ قىزمەتكەرلەرى تۇرلىشە شيپاحانادان كەلگەنىمەن، ولاردىڭ بارلىعىنىڭ ەرىك - جىگەرى ەرەكشە بەرىك، ’شينجياڭنىڭ وعىلاندارى‘ دەۋگە ابدەن تاتيدى“.
2 - ايدىڭ 2 - كۇنى ساعات 8گە دەيىن، بۇل شيپاحانا جيىنى انىق دياگنوز قويىلعان 252 جۇعىمدالعان ناۋقاستى قابىلدادى، ونىڭ 30ى سالماقتى ناۋقاس، 17سى قاتەرلى سالماقتى ناۋقاس، كوپشىلىك ەمدەۋ - قۇتقارۋ قىزمەتىن كۇش سالا ىستەۋدە.
”جاۋىنگەرلەردى مايداندا وق - ءدارىسىز قالدىرۋعا بولمايدى“، - دەيدى حۋاڭ لياڭ، ۋحاندا ساقتانۋ - قورعانۋ زاتتارى تاپشى بولۋ ماسەلەسىنە مەڭزەس، مەملەكەتتىك دەنساۋلىق ساقتاۋ، سالاماتتىق كوميتەتى بەلسەنە قۇراپ، جىلۋ جيناپ، اۆتونوميالى رايوندىق پارتكوم ايرىقشا ءمان بەرىپ، پارمەندى قامتاماسىز ەتتى، قازىر ولار ىركەس - تىركەس ءتۇرلى قورعانۋ - ساقتانۋ زاتتىق ماتەريالدارىن تاپسىرىپ الدى.
سول كۇنى ەمدەۋ اترەتىندەگى يۋان لي شيپاگەردىڭ تۋعان كۇنى ەكەن، 24 ساعات كەزەكشى بولىپ قونالقا ورىنعا قايتقان ول ەسىكتەن كىرە بەرە كوپشىلىك دايىنداعان تۋعان كۇن تورتىن جانە التىنداي سارى ءتۇستى جۇمىرتقا شەلپەگىمەن جابىلعان ءبىر كەسە ۇزاق عۇمىر كەسپەسىن كوردى، جاۋىنگەر سەرىكتەرى وعان ىزگى تىلەك ايتتى.
الدىڭعى شەپتەگىلەردىڭ تىلەگىنەن تىس، 2 - ايدىڭ 2 - كۇنى تاڭ اتىسىمەن، شينجياڭ مەديتسينا داشۋەسىنە قاراستى 5 - شيپاحانانىڭ ىشكى سەكراتسيا بولىمىندەگى قىزمەتتەستەرى دە وعان ۋيچات توبىندا تىلەك ايتتى. يۋان ليدىڭ جۇبايى دا تەلەفوندا وعان: ”ۇيدەگىلەر تۇگەل سەنى ماقتانىش ەتەدى، ۋحاندا ءوزىڭدى جاقسى كۇت، ءوزىڭدى جاقسى قورعا، بالام ەكەۋىمىز سەنىڭ امان ورالۋىڭدى كۇتەمىز!“ يۋان لي كوزىنە ىستىق جاس الىپ، اسقاق جىگەرمەن: ”بۇل شايقاستا ءبىز، ءسوز جوق، جەڭىسكە جەتەمىز! ءبىزدىڭ جەڭىسپەن ورالۋىمىزدى كۇتىڭدەر“، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
