ارتاش سۋ يگىلىگى تورابى ينجەنەرياسى جۇمىسىن قالپىنا كەلتىردى
وڭتۇستىك شينجياڭداعى كەلەلى نىساندار قۇرىلىسى جەدەل ىلگەرىلەتىلدى
2020.03.13 18:23 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى شى شين 3 - ايدىڭ 11 - كۇنى ۇرىمجىدەن حابارلايدى. ارتاش سۋ يگىلىگى تورابى ينجەنەرياسى قۇرىلىس جۇرگىزۋدى قالپىنا كەلتىردى، ءۇرىمجى − لوپنۇر جوعارى جىلدامدىقتى تاس جولى تيانشان جەڭىس تۋنەلى جۇمىستى قالپىنا كەلتىردى، ۇلىقشات اۋدانىنىڭ شەكارا بويىنداعى قىستاقتاردا ەلەكتر تورى قۇرىلىسى ينجەنەرياسى باعاندار تۇرعىزىپ، سىم تارتا باستادى... 3 - ايدان بەرى، وڭتۇستىك شينجياڭداعى كەلەلى نىساندار قۇرىلىسى جەدەل ىلگەرىلەتىلدى.
ارتاش سۋ يگىلىگى تورابى ينجەنەرياسى رايونىمىزدا سالىنىپ جاتقان ەڭ ۇلكەن سۋ يگىلىگى تورابى ينجەنەرياسى، مەملەكەتتىڭ 172 ءتۇرلى كەلەلى سۋ ۇنەمدەۋ، سۋمەن قامداۋ ينجەنەرياسىنىڭ ءبىرى، بىلتىر 11 - ايدىڭ 19 - كۇنى تيەكتى بەكىتىپ سۋ بوگەۋدى ىسكە اسىرعان بولاتىن، بيىل 6 - ايدىڭ 1 - كۇنىنەن 10 - ايدىڭ 31 - كۇنىنە دەيىن ياركەن وزەنىنەن 673 ميلليون تەكشەمەتر تاسقىن سۋدى بوگەۋ جوسپارلانىپ وتىر. ارتاش سۋ اعىزۋ تۋنەلىن بەكىتۋ بيىلعى ينجەنەريا قۇرىلىسىنىڭ ماڭىزدى مىندەتتەرىنىڭ ءبىرى، بۇل ياركەن وزەنى اعارىنداعى 4 ميلليون حالىقتىڭ، 6 ميلليون 500 مىڭ مۋ سۋارمالى ءوڭىردىڭ تاسقىننان ساقتانۋ، تاسقىننان امان ءوتۋ قىزمەتىنە سايادى.
جۇڭحى توبى شينحۋا ەلەكتر تاراتۋ سەرىكتەستىگى ارتاش سۋ يگىلىگى تورابى ينجەنەرياسى قۇرىلىسىن باسقارۋ مەكەمەسىنىڭ ورىنباسار باس ديرەكتورى گىڭ شينچۇن بىلاي دەدى: قازىر قۇرىلىسقا قاتىناسقان ورىندار قيىنشىلىقتى جەڭىپ، قۇرىلىستى جەدەلدەتە جۇرگىزىپ، اۋەلگى نىسانا بويىنشا ءوندىرىس مىندەتتەرىن ورىنداپ، تاسقىننان امان وتۋگە كەپىلدىك ەتۋگە، سونداي - اق جىل سوڭىندا ەلەكتر تاراتۋدى جۇزەگە اسىرىپ، تومەنگى اعارداعى 4 ميلليون حالىققا باقىت جاراتۋعا كۇش سالۋدا.
سالىنىپ جاتقان نيە اۋدانى نيا سۋ يگىلىگى تورابى ينجەنەرياسى تاسقىننان ساقتانۋ، سۋلاندىرۋ، ەلەكتر تاراتۋ سياقتى فۋنكتسيالاردى بىردەي ازىرلەگەن، سالىنىپ بولعاننان كەيىن، جەرگىلىكتى ورىندا تىڭنان ارتاتىن سۋلاندىرۋ كولەمى 40 مىڭ مۋعا، تىزگىندەلىپ سۋارىلاتىن كولەم 100 مىڭ مۋعا جەتىپ، شارۋالاردىڭ كىرىسىن ارتتىرۋدى جەبەۋ جانە جەرگىلىكتى ورىننىڭ ەكونوميكالىق، قوعامدىق دامۋى جاقتارىندا ماڭىزدى رولىن ساۋلەلەندىرەدى. نىسان قۇرىلىسىن قامتاماسىز ەتۋ ءۇشىن، نيە اۋدانى قۇرىلىس ورنىنا 300 توننا سەمەنت، 120 توننا بولات شىبىق، سونداي - اق ماسكى، دەنە تەمپەراتۋراسىن ولشەگىش، زارارسىزداندىرۋ سۇيىقتىعى، بۇرىككىش سياقتىلاردى جەتكىزىپ بەرەدى، سونىمەن بىرگە جۇمىس ورنىنان تاپجىلماعان جۇمىسشىلارعا جاڭا پىسىرىلعان، جەتكىلىكتى اس - تاعامدار جەتكىزىپ بەرەدى.
حوشۇت اۋدانىنداعى كەلەلى حالىق تۇرمىسى سۋ يگىلىگى ينجەنەرياسى بوسامۋ سۋ قويماسى قۇرىلىسى نىسانى 3 - ايدىڭ 6 - كۇنى ”جۇمىستى قالپىنا كەلتىرۋ كنۋپكاسىن“ باستى. بۇل ينجەنەريا شينجياڭداعى ءتۇيىندى سۋ يگىلىگى ينجەنەرياسى نىسانى، 2019 - جىلى 9 - ايدىڭ 15 - كۇنى قۇرىلىس باستاعان، جوسپارداعى جۇمىس مەرزىمى 36 اي، مەجەمەن 2022 - جىلى 9 - ايدىڭ 14 - كۇنىنەن بۇرىن قۇرىلىس بۇكىلدەي اياقتالادى.
3 - ايدىڭ 7 - كۇنى جۇڭگو قاتىناس قۇرىلىسى توبى سەرىكتەستىگى 2 - تاس جول ينجەنەرياسى مەكەمەسى شەكتى سەرىكتەستىگى شينجياڭ ءۇرىمجى - لوپنۇر جوعارى قارقىندى تاس جولى نىسانىنىڭ جۇمىس ورنىنا قايتقان 150 قىزمەتكەرى ارنايى ۇشاققا وتىرىپ شي - اننان كورلاعا جەتىپ، ونان سوڭ ءۇرىمجى - لوپنۇر جوعارى قارقىندى تاس جولى تيانشان جەڭىس تۋنەلى ينجەنەرياسىنىڭ جۇمىس باسىنا جەتىپ جابىق تۇردە قۇرىلىس جۇرگىزە باستادى.
3 - ايدىڭ 9 - كۇنى ۇلىقشات اۋدانىنىڭ شەكارا بويىنداعى قىستاقتاردا ەلەكتر تورى قۇرىلىسى ينجەنەرياسى الدىن الا جۇمىستى قالپىنا كەلتىردى، جۇمىس باسىنداعى قۇرىلىس جۇرگىزىپ جاتقاندار ىندەتتەن ساقتانۋ جانە حاۋىپسىزدىك شارالارىن جاقسى جۇرگىزگەننەن كەيىن، باعان تۇرعىزىپ، سىم تارتۋ قىزمەتىن باستاپ، ينجەنەريا قارقىنىن قالپىنا كەلتىرىپ تەز ارادا تەڭەلۋگە كۇش سالدى.
بيىل شينجياڭ قارجى قوسۋدىڭ شەشۋشى رولىن تولىق ساۋلەلەندىرىپ، نەگىزگى قۇرىلعى قۇرىلىسىنىڭ تەبىنىن ۇزدىكسىز ارتتىرىپ، جوعارى ساپالى دامۋ نەگىزىن بەكەمدەپ، گولمۇد - كورلا تەمىر جولى (شينجياڭ بولىگى)، التاي - كوكتوعاي - شىعىس جوڭعار تەمىر جولى، كەريا اۋەجايى، قۇلجا اۋەجايىن كەڭەيتىپ سالۋ سياقتى ينجەنەريالاردى سالادى؛ جياڭجۇنمياۋ - نوم تەمىر جولى، شىعىس جوڭعار (شونجى) اۋەجايى سياقتى ءبىر قىدىرۋ كەلەلى ينجەنەريالار باستاپ سالىنادى؛ حوتان - چاقىلىق تەمىر جولى، ءۇرىمجى حالىقارالىق اۋەجايى سولتۇستىك اۋماعىن كەڭەيتىپ سالۋ ينجەنەرياسى، موڭعۇلكۇرە اۋەجايى سياقتى نىسان قۇرىلىستارى جەدەلدەتىلەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved