بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ءۇرىمجى - لوپنۇر جوعارى قارقىندى تاس جولى سياقتى 3 ءتۇيىندى تاس جول نىسانى جۇمىستى قالپىنا كەلتىردى

2020.03.19 17:14     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى لۋ فىڭباۋ، ەرىكتى ءتىلشى ياۋ لۇڭ 3 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسىنىڭ جۇمىستى قالپىنا كەلتىرۋگە جۇمىلدىرۋ ماجىلىسىنەن ۇعىسۋعا قاراعاندا، 3 - ايدىڭ 17 - كۇنى تۇستەن بۇرىن اۆتونوميالى رايوننىڭ ءتۇيىندى قۇرىلىس نىساندارى G0711 جەلىسى ءۇرىمجى - لوپنۇر جوعارى قارقىندى تاس جولى، G315 جەلىسى جەتىمبۇلاق - چارقىلىق تاس جولى، G575 جەلىسى باركول - قۇمىل تاس جولى جۇمىستى جاپپاي قالپىنا كەلتىرگەن.

  ”قۇرىلىس جۇرگىزۋشى جۇمىسكەرلەرىمىز بەن جابدىقتارىمىز كەلىپ بولدى، جۇمىسشىلار قاۋىرت قۇرىلىس جۇرگىزۋدە. بيىل ءبىز قۇرىلىس ۋاقىتىن قاۋىرت ورنالاستىرىپ، جابدىقتار مەن جۇمىسكەرلەردى كوبەيتىپ، نىسانداردىڭ ءساتتى جۇرگىزىلۋىنە شىنايى كەپىلدىك ەتەمىز“، - دەدى جۇڭگو قاتىناس قۇرىلىسى شەكتى جارنا سەرىكتەستىگى شينجياڭ قاتىناس قارجى قوسۋ، دامۋ شەكتى سەرىكتەستىگىنىڭ باس ديرەكتورى ليۋ حۇڭبو.

  سول كۇنى جۇمىستى قالپىنا كەلتىرگەن ءۇرىمجى - لوپنۇر جوعارى قارقىندى تاس جولى اۆتونوميالى رايوننىڭ ”13 - بەسجىلدىق“ جوباسىنداعى ”كولدەنەڭ 6 لەنيا، تىك 6 لەنيا“ تاس جول تورابى نەگىزگى قاڭقاسىنىڭ قۇرامداس بولىگى، ءۇرىمجى باتىس ۆوكزالى ايقاسپالى كوپىرىنەن باستالىپ، لوپنۇر اۋدانىنىڭ قيىس شىعىسىنا بارىپ تىرەلەدى، ءارى لوپنۇردان 35 - تۋانعا دەيىنگى تاس جولى نىسانىمەن تۇيىلىسەدى، نىسان جولىنىڭ ۇزىندىعى 318.5 كيلومەتر؛ G315 جەلىسىندەگى جەتىمبۇلاق - چارقىلىق تاس جولى جەتىمبۇلاق قالاشىعىنىڭ شىعىسىنان 3 كيلومەتر جەردەن باستالىپ، چارقىلىق اۋدان قالاشىعىنىڭ قيىس سولتۇستىگى مەن G218 جەلىسىمەن تۇتاسقان جەردەن اياقتايدى، چارقىلىق - نيە بولىگىندەگى تاس جول نىسانىن بويلاي تۇتاسادى، تاس جولدىڭ جالپى ۇزىندىعى 295.44 كيلومەتر؛ G575 جەلىسىندەگى باركول - قۇمىل تاس جولى سولتۇستىكتە تيانشاننىڭ سولتۇستىك بوكتەرىندەگى اراتۇرىك اسكەري جىلقى فەرماسىنان باستالىپ، G7 بەيجيڭ - شينجياڭ جوعارى قارقىندى تاس جولىنىڭ كۇيسۋ جالعاسۋ جەلىسىمەن تۇتاسىپ، وڭتۇستىكتە G312 مەن S235 جەلىسىنىڭ تۇيىلىسكەن جەرىندە S235 جەلىسىمەن تۇتاسادى، جول لەنياسىنىڭ جالپى ۇزىندىعى 76 كيلومەتر.

  اۆتونوميالى رايوندىق قاتىناس - تاسىمال مەڭگەرمەسىنىڭ ورىنباسار مەڭگەرمە دارەجەلى كادرى جىڭ ميڭچۋان بىلاي دەپ تانىستىردى: بيىل رايونىمىز قاتىناس نەگىزدىك قۇرىلعىلارىنا 54 ميلليارد 200 ميلليون يۋان قارجى قوستى، مۇنىڭ ىشىندە قۇرىلىسى جالعاساتىن نىسان 35، جاڭادان جۇمىس باستايتىن نىسان 14. وسى جىلدىڭ ىشىندە مەملەكەت، ولكە تاس جولىنىڭ 1482 كيلومەترلىك نەگىزگى جەلىسى جاڭادان سالىنادى، جاڭالانادى، جوعارى قارقىندى تاس جول 5500 كيلومەتردەن اسادى، 3 اۋداندا جوعارى قارقىندى (1 - دارەجەلى) تاس جول تۇتاستىرىلادى، اۋدان، قالالاردا تۇگەلدەي 2 - دارەجەلى تاس جول تۇتاسادى، 10 مىڭ كيلومەترلىك اۋىل - قىستاق تاس جولى جاڭادان سالىنادى، جاڭالانادى.

  نىسانداردىڭ جۇمىستى قالپىنا كەلتىرۋىنە شىنايى كەپىلدىك ەتۋ ءۇشىن، قاتىناس - تاسىمال مەڭگەرمەسى ءارقايسى قۇرىلىس جۇرگىزەتىن ورىنداردى قۇرىلىس جۇرگىزەتىن كاسىپورىن قىزمەتكەرلەرىن ۇشاق، اۆتوكولىك، ارناۋلى پويەز سياقتىلاردى جالعا الىپ، ”تۇيىننەن تۇيىنگە“ ءتاسىلىن قولدانۋ ارقىلى قۇرىلىس ورنىنا بارۋعا، جۇمىس ورنىنا ورالۋىنا مۇمكىندىك جاساۋعا سايكەستىرىپ ۇيىمداستىردى، ءۇرىمجى قالاسى، قۇمىل قالاسى سياقتى جەرلەر نىسانعا ىستەيتىن جۇمىسكەرلەردىڭ قۇرىلىس ورنىنا ورالۋىن، جابدىقتاردىڭ قۇرىلىس ورنىنا كىرۋىن بەلسەنە سايكەستىردى. ورنالاستىرۋعا ساي، 3 - ايدىڭ 17 - كۇنىنەن 4 - ايدىڭ 25 - كۇنىنە دەيىن بۇكىل شينجياڭ بويىنشا قۇرىلىسى جالعاساتىن 35 نىسان ارت - ارتىنان جۇمىستى جاپپاي قالپىنا كەلتىرەدى، مۇنىڭ ىشىندە، 28 نىسان 3 - ايدىڭ سوڭىنان ىلگەرى جۇمىستى جاپپاي قالپىنا كەلتىرەدى، قالعاندارى اۋا رايى سەبەبىنەن 4 - ايدىڭ 25 - كۇنىنەن ىلگەرى جۇمىستى جاپپاي قالپىنا كەلتىرەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار