100 مىڭعا جۋىق كاسىپورىننىڭ قوعامدىق قامسىزداندىرۋ قاراجاتى كەزەڭ بويىنشا ازايتىلدى نەمەسە كەشىرىم ەتىلدى
2020.03.20 16:27 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى لي چۇنشيا 3 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋعا قاراعاندا، كاسىپورىنداردىڭ اۋىرتپالىعىن ازايتۋ، جەڭىلدەتۋ ءۇشىن، 2 - ايدان باستاپ، رايونىمىز كاسىپورىنداردىڭ قوعامدىق قامسىزداندىرۋ قاراجاتىن كەزەڭ بويىنشا ازايتۋ نەمەسە كەشىرىم ەتۋ ساياساتىن اتقارىپ، كاسىپورىندار تاپسىراتىن زەينەتكەرلىك، جۇمىسسىزدىق، جۇمىس ۇستىندە جارالانۋ قاراجاتى سياقتى 3 ءتۇرلى قوعامدىق قامسىزداندىرۋ قاراجاتى جونىندە ”كەشىرىم ەتۋ، ازايتۋ، كەشەۋىلدەتۋ“ شارالارىن اتقاردى، 2 - ايدا جالپى ءبىر ميلليارد 522 ميلليون يۋان قوعامدىق قامسىزداندىرۋ قاراجاتى ازايتىلىپ، كەشىرىم ەتىلىپ، 96 مىڭ كاسىپورىن يگىلىككە كەنەلدى.
مۇندا ”كەشىرىم ەتۋ“ دەگەنىمىز 2020 - جىلى 2 - ايدان 6 - ايعا دەيىن، تۇتاس رايونىمىزداعى ورتا، شاعىن، ۇساق كاسىپورىنداردىڭ، سونداي - اق مەكەمە - ورىن بويىنشا قامسىزداندىرۋعا قاتىناسقان جەكەشە ساۋدا - ونەركاسىپشىلەردىڭ نەگىزگى زەينەتكەرلىك، جۇمىسسىزدىق، جۇمىس ۇستىندە جارالانۋ سىندى 3 ءتۇرلى قوعامدىق قامسىزداندىرۋ قاراجاتىنىڭ مەكەمە ورىن بويىنشا تاپسىرىلاتىن بولەگىن كەشىرىم ەتۋ مەڭزەلەدى؛ ”ازايتۋ“ دەگەنىمىز 2020 - جىلى 2 - ايدان 4 - ايعا دەيىن ءىرى كاسىپورىندار سياقتى قوعامدىق قامسىزداندىرۋعا قاتىناسقان ورىنداردىڭ (ورگاندار، ءىسورىن مەكەمە ورىندارى قامتىلمايدى) نەگىزگى زەينەتكەرلىك، جۇمىسسىزدىق، جۇمىس ۇستىندە جارالانۋ سىندى 3 ءتۇرلى قوعامدىق قامسىزداندىرۋ قاراجاتىنىڭ ورىن بويىنشا تاپسىرىلاتىن بولەگىنىڭ تەڭ جارتىسىن ازايتۋ مەڭزەلەدى؛ ”كەشەۋىلدەتۋ“ دەگەنىمىز ىندەت ىقپالى اسەرىنەن ءوندىرىس، تيجاراتتا اۋىر قيىنشىلىققا ۇشىراعان كاسىپورىنداردىڭ زەينەتكەرلىك، جۇمىسسىزدىق، جۇمىس ۇستىندە جارالانۋ سىندى 3 ءتۇرلى قوعامدىق قامسىزداندىرۋ قاراجاتىن كەشەۋىلدەتىپ تاپسىرۋدى ءوتىنىش ەتۋىنە بولاتىندىعى، كەشەۋىلدەتىپ تاپسىرۋ مەزگىلى پرينسيپتىك جاقتان العاندا 6 ايدان اسپاۋى، كەشەۋىلدەتىپ تاپسىرعان مەزگىلدە ايىپ سوماسىن الماۋ مەڭزەلەدى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى زەينەتكەرلىك قامسىزداندىرۋى باسقارماسىنىڭ تەكسەرىپ - زەرتتەۋشىسى سۇن جانشۋەنىڭ تانىستىرۋىنا قاراعاندا، ازايتۋ، كەشىرىم ەتۋ ساياساتى شىعارىلعاننان كەيىن ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى تياناقتاندىرۋدى مىقتى يگەرىپ، كاسىپورىنداردىڭ دەر كەزىندە يگىلىككە كەنەلۋىنە شىنايى كەپىلدىك ەتەدى ەكەن. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا نەگىزدەلگەندە، بيىل 2 - ايدا تۇتاس رايونىمىزداعى 96 مىڭ كاسىپورىن تاپسىراتىن ءبىر ميلليارد 429 ميلليون يۋان نەگىزدىك زەينەتكەرلىك قامسىزداندىرۋى، 44 ميلليون يۋان جۇمىسسىزدىق قامسىزداندىرۋى، 49 ميلليون يۋان جۇمىس ۇستىندە جارالانۋ قامسىزداندىرۋى ازايتىلعان نەمەسە كەشىرىم ەتىلگەن. مەجەمەن 6 - ايعا بارعاندا، كاسىپورىنداردىڭ ازايتىلعان نەمەسە كەشىرىم ەتىلگەن 3 ءتۇرلى قوعامدىق قامسىزداندىرۋ قاراجاتى 6 ميلليارد 730 ميلليون يۋانعا جەتەدى ەكەن. قامسىزداندىرۋعا قاتىناسقان ادامداردىڭ جەكە ۇقىق - مۇددەسى مەن قوعامدىق قامسىزداندىرۋ مامىلەسى مۇنىڭ ىقپالىنا ۇشىرامايدى.
مۇنان سىرت، رايونىمىزداعى ادام كۇشى بايلىعى جانە قوعامدىق قامتاماسىزداندىرۋ تاراۋلارى ىندەت ىقپالىنا ۇشىراپ، ءوندىرىس، تيجاراتتا اۋىر قيىنشىلىقتا قالعان كاسىپورىنداردىڭ قوعامدىق قامسىزداندىرۋ قاراجاتىن كەشەۋىلدەتىپ تاپسىرۋعا ءوتىنىش بەرۋ قىزمەتىن بەلسەندى ىلگەرىلەتەدى، 3 - ايدىڭ 15 - كۇنىنە دەيىن 150 كاسىپورىن قوعامدىق قامسىزداندىرۋ قاراجاتىن كەشەۋىلدەتىپ تاپسىرۋدى ءوتىنىش ەتكەن، مۇنىڭ سوماسى 428 ميلليون يۋان بولعان.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
