اۆتونوميالى رايون بۇكىل رايون بويىنشا بەينە جازبا ءماجىلىسىن اشىپ، ورتا، باستاۋىش مەكتەپتەردىڭ جانە ورتا دارەجەلى كاسىپتىك مەكتەپتەردىڭ جاپپاي وقۋ باستاۋ، ساباقتى قالپىنا كەلتىرۋ قىزمەتى جونىندە ورنالاستىرۋ جاسادى
اناعۇرلىم تىڭعىلىقتى، اناعۇرلىم قاتاڭ بولىپ، ءارقايسى شارالاردى تياناقتاندىرىپ، ناقتىلاندىرىپ، وقۋ باستاۋدىڭ، ساباقتى قالپىنا كەلتىرۋدىڭ حاۋىپسىز، ءتارتىپتى بولۋىنا، وقىتۋشى - وقۋشىلاردىڭ دەنە جانە پيسحيكالىق اقاۋسىزدىعىنا شىنايى كەپىلدىك ەتۋ كەرەك
چىن چۋانگو ءسوز سويلەدى، شوكىرات زاكىر باسقاردى، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتىناستى
2020.03.23 15:58 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، ۋاڭ شيڭرۇي 3 - ايدىڭ 21 - كۇنى ۇرىمجىدەن حابارلايدى. 3 - ايدىڭ 21 - كۇنى كەشتە اۆتونوميالى رايون بۇكىل رايون بويىنشا بەينە جازبا ءماجىلىسىن اشىپ، بۇكىل رايونداعى ورتا، باستاۋىش مەكتەپتەردىڭ جانە ورتا دارەجەلى كاسىپتىك مەكتەپتەردىڭ وقۋ باستاۋ، ساباقتى قالپىنا كەلتىرۋ قىزمەتى جونىندە ارناۋلى ورنالاستىرۋ جاساپ، قالىپتى وقۋ - اعارتۋدى، وقىتۋ ءتارتىبىن جاپپاي قالپىنا كەلتىردى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، ليۋ ۋانلۇڭ، لي ۋي، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.
ءماجىلىس بۇكىل رايوننىڭ الدىڭعى مەرزىمدىك وقۋ باستاۋ، ساباقتى قالپىنا كەلتىرۋ احۋالى جونىندەگى مالىمەتتى تىڭدادى. ءماجىلىس مىنالاردى اتاپ كورسەتتى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، ”ءتورت تانىمدى“ شىن مانىندە كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، بۇكىل رايوننىڭ ىندەتتەن ساقتانۋ - تىزگىندەۋ جاعدايىنىڭ ۇزدىكسىز جاقسارۋى، ءوندىرىس، تۇرمىس ءتارتىبىنىڭ جاپپاي قالپىنا كەلۋى سىندى ابزالدىلىعىن يگەرىپ، ودان ويداعىداي پايدالانىپ، الدىڭعى مەرزىمدەگى ورتا مەكتەپتىڭ 3 - جىلدىعىنىڭ، ورتالاۋ مەكتەپتىڭ 3 - جىلدىعىنىڭ، ورتا دارەجەلى كاسىپتىك مەكتەپتەردىڭ وقۋ تاۋىساتىن جىلدىقتارىنىڭ وقۋ باستاۋى، ساباقتى قالپىنا كەلتىرۋى نەگىزىندە بۇكىل رايونداعى ورتا، باستاۋىش مەكتەپتەردىڭ جانە ورتا دارەجەلى كاسىپتىك مەكتەپتەردىڭ جاپپاي وقۋ باستاۋ، ساباقتى قالپىنا كەلتىرۋ قىزمەتتەرىن عىلمي، ورنىقتى، حاۋىپسىز، ءتارتىپتى تۇردە جاقسى ىستەۋ كەرەك.
ءبىرىنشى، يدەيالىق تانىمدى شىن مانىندە جوعارىلاتۋ كەرەك. مەكتەپ اۋلاسىندا ىندەتتەن ساقتانۋ - تىزگىندەۋ جانە وقۋ باستاۋ، ساباقتى قالپىنا كەلتىرۋ قىزمەتىن جاقسى ىستەۋدى قاتاڭ ساياسي مىندەت ەتۋدەن جازباي، وقىتۋشىلار مەن وقۋشىلاردىڭ اماندىعىنا، سالاماتتىعىنا شىنايى كەپىلدىك ەتۋدى ماڭداي الدى ءىرى ءىس ساناپ، وقۋشىلارعا جاۋاپتى بولۋ، اتا - اناعا جاۋاپتى بولۋ، قوعامعا جاۋاپتى بولۋ پوزيتسياسىمەن مەكتەپتەردىڭ ىندەتتەن ساقتانۋ - تىزگىندەۋ، وقۋ - اعارتۋدى، وقىتۋدى ۇيىمداستىرۋ، مەكتەپ اۋلاسىن باسقارۋ سياقتى قىزمەتتەردى اناعۇرلىم تىڭعىلىقتى، اناعۇرلىم قاتاڭ جاقسى ىستەپ، مەكتەپ اۋلاسىنىڭ حاۋىپسىز، ورنىقتى، وقىتۋشى - وقۋشىلاردىڭ دەنساۋلىعىنىڭ اقاۋسىز، وقۋ - اعارتۋدىڭ، وقىتۋدىڭ قالىپتى بولۋىنا شىنايى كەپىلدىك ەتۋ كەرەك.
ەكىنشى، وقۋ باستاۋدى، ساباقتى قالپىنا كەلتىرۋدى حاۋىپسىز، تارتىپپەن جۇرگىزۋ كەرەك. ساباقتى قالپىنا كەلتىرۋدىڭ ۇتىمدى جوباسىن جاساپ، ىندەتتەن ساقتانۋ - تىزگىندەۋ شارالارىن ناقتىلاندىرىپ، توسىن تۋىلاتىن وقيعالارعا توتەپ بەرۋ، ءبىر جاقتى ەتۋ ساقتىق جوباسىن كەمەلدەندىرىپ، وقۋ باستاۋ الدىنداعى دايىندىق قىزمەتتى ىشكەرىلەي، تىڭعىلىقتى ىستەپ، ءبىر مەكتەپتە ءبىر شارا بولۋىنا، بۋىنداردىڭ ءوزارا قابىسۋىنا، تۇيىق اينالىم بويىنشا باسقارۋعا، تيتتەي دە اعاتتىق جىبەرمەۋگە شىنايى كەپىلدىك ەتۋ؛ وقىتۋشى - وقۋشىلاردىڭ مەكتەپكە كىرۋ وتكەلىن جاقسى يگەرىپ، وقىتۋشى - وقۋشىلاردىڭ سالاماتتىق احۋالىن جاپپاي تەگىس اداقتاپ، سالاماتتىق ارحيۆىن ەگجەي - تەگجەيلى جاساپ، مەكتەپكە كىرۋ سالاۋاتىن تەكسەرۋ، دەنە تەمپەراتۋراسىن باقىلاۋ - ولشەۋ، سارالاپ تەكسەرىپ تىزىمدەۋ سياقتى شارالاردى قاتاڭ تياناقتاندىرىپ، مەكتەپ اۋلاسىن باسقارۋ، كەزەكشىلىك ىستەپ كۇزەتۋ، توسىن تۋىلاتىن وقيعالارعا توتەپ بەرۋ، ءبىر جاقتى ەتۋ سياقتى قىزمەتتەردى شىن مانىندە جاقسى ىستەپ، تازالىق، دەنساۋلىق تاربيەسىن بەلسەنە ۇيىمداستىرىپ، وقۋ باستاۋ، ساباقتى قالپىنا كەلتىرۋ قىزمەتىنىڭ پارمەندى، ءتارتىپتى، ءونىمدى ورىستەتىلۋىنە شىنايى كەپىلدىك ەتۋ كەرەك.
ءۇشىنشى، ساقتانۋ - تىزگىندەۋ شارالارىن دالمە - ءدال تياناقتاندىرۋ كەرەك. مەكتەپ اۋلاسى ورتاسىن تازالاۋدى جاپپاي تۇبەگەيلى ورىستەتىپ، قالتارىس، قاعا بەرىس قالدىرماۋعا شىنايى كەپىلدىك ەتۋ؛ وقىتۋشى - وقۋشىلاردىڭ ۋاقىت كەزەگىمەن تاماقتانۋىن، جاتىن ورىندارىنىڭ ۇيلەسىمدى بولۋىن، شوعىرلانۋدان ساقتانۋىن عىلمي، تارتىپپەن ورنالاستىرىپ، كلاس، اسحانا، جاتاق سياقتى بولمە ءىشى ورىندارىن دەر كەزىندە زارارسىزداندىرۋ، اۋاسىن الماستىرۋ؛ مەكتەپ اۋلاسىنا كىرىپ - شىعۋدى قاتاڭ باسقارۋ، كىتاپحانا، دەنە تاربيە سارايى، قيمىل ءۇيى سياقتى ورىنداردى سالالاندىرىپ باسقارۋدى ىجداعاتتىلىقپەن جاقسى ىستەۋ؛ بىرلەسىپ ساقتانۋدى، بىرلەسىپ تىزگىندەۋدى كۇشەيتىپ، قاراستى ورىننىڭ، تاراۋدىڭ، مەكتەپتىڭ، وقىتۋشىنىڭ، اتا - انانىڭ جاۋاپكەرشىلىگىن نىعايتىپ، تاراۋلاردىڭ، اتا - انالاردىڭ، مەكتەپ اۋلاسى ماڭىنىڭ مەكتەپپەن سەلبەسۋىن جاپپاي كۇشەيتىپ، مەكتەپ اۋلاسىنىڭ حاۋىپسىزدىك قورعانىس شەبىن مىقتاپ ورناتۋ؛ ماسكى، دەنە تەمپەراتۋراسىن ولشەۋ اسپابى، زارارسىزداندىرۋ ءدارىسى، زارارسىزداندىرۋ قۇرالى سياقتى ساقتانۋ - قورعانۋ زاتتىق بۇيىمدار سۇرانىسىن عىلمي سەپتەپ، مەكتەپتىڭ ساقتانۋ - تىزگىندەۋ قاجەتىن شىن مانىندە قامتاماسىز ەتۋ كەرەك.
ءتورتىنشى، وقۋ - اعارتۋ، وقىتۋ ساپاسىن جوعارىلاتۋ كەرەك. جەلىدە وقىتۋ ونىمدىلىگىن عىلمي باعالاپ، ۇيدە وتىرىپ جەلىدە وقىتۋدى جانە ساباقتى قالپىنا كەلتىرگەننەن كەيىنگى ساباقحانادا وقىتۋدى ءونىمدى ۇشتاستىرۋدى ىلگەرىلەتىپ، وقۋشىلاردىڭ ساباعىن اقساتپاۋدى، ساباقتى قالپىنا كەلتىرۋ ساپاسىنا كەپىلدىك ەتۋدى شىنايى قامتاماسىز ەتىپ، قالىپتى وقىتۋ ءتارتىبىن جاپپاي قالپىنا كەلتىرۋ؛ تۇرلىشە جىلدىق، كلاس، ءپان احۋالىنا مەڭزەس وقىتۋ جوسپارىن ۇيلەسىمدى جاساپ، وقىتۋ اياق الىسىن ساپالىلاندىرىپ، ساباق ريتىمىن يگەرىپ، وقىتۋ فورماسىنىڭ مازمۇنىن بايىتىپ، ساباقحانا ونىمدىلىگىن ارتتىرىپ، وقۋ - اعارتۋدىڭ، وقىتۋدىڭ ءتۇرلى ءتۇيىندى قىزمەتتەرىن تياناقتاندىرۋدى كوپ شارانى قاتار قولدانا وتىرىپ ىلگەرىلەتىپ، ءتۇرلى وقىتۋ مىندەتتەرىن جوعارى ساپامەن ورىنداۋعا شىنايى كەپىلدىك ەتۋ كەرەك.
بەسىنشى، باسقارۋ جاۋاپكەرشىلىگىن نىعايتۋ كەرەك. ءار دارەجەلى پارتكومدار، ۇكىمەتتەر قاراستى ورىن بويىنشا باسقارۋ جاۋاپكەرشىلىگىن جاپپاي تياناقتاندىرىپ، عىلمي ۇيىمداستىرىپ، قامتاماسىز ەتۋدى كۇشەيتىپ، نەگىزگى باسشى جولداستار ءوزى تىكە يگەرىپ، باس جاۋاپكەرشىلىكتى ارقالاۋ؛ ءار دارەجەلى وقۋ - اعارتۋ تاراۋلارى جاۋاپتى بولىپ باسقارۋ جاۋاپكەرشىلىگىن تياناقتاندىرۋ، مەكتەپتەر تۇلعالىق جاۋاپكەرشلىكتى تياناقتاندىرۋ، شارالاردى ناقتىلاندىرىپ، تياناقتاندىرۋدى كۇشەيتىپ، وقۋ باستاۋ، ساباقتى قالپىنا كەلتىرۋ قىزمەتىنىڭ ورنىقتى، ءتارتىپتى تۇردە جۇرىلۋىنە شىنايى كەپىلدىك ەتۋ؛ ءارقايسى قاتىستى تاراۋلار مەن مەكەمە - ورىندار سايكەسە سەلبەسىپ، قىزمەت ءبولىسى بويىنشا سەلبەسىپ، مەكتەپتەردىڭ وقۋ باستاۋ، ساباقتى قالپىنا كەلتىرۋ، سونداي - اق ىندەتتەن ساقتانۋ - تىزگىندەۋ قىزمەتىن كۇش بىرىكتىرە جاقسى ىستەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكوم وقۋ - اعارتۋ قىزمەت كوميتەتىنىڭ شۋجيى لي پىڭشين وقۋ باستاۋ، ساباقتى قالپىنا كەلتىرۋ قىزمەتى جونىندە ناقتى ورنالاستىرۋ جاسادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
