بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

نىسان قۇرىلىسى تەزدەتىلدى

2020.03.23 16:04     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى شى شين 3 - ايدىڭ 21 - كۇنى ۇرىمجىدەن حابارلايدى. اقسۋ ايماعىندا 231 نىسان جۇمىس باستادى، جۇمىستى قالپىنا كەلتىردى؛ حوتان ايماعىندا قۇرىلىسى جالعاساتىن 47 ءتۇيىندى نىسان جاپپاي جۇمىستى قالپىنا كەلتىردى؛ 3 - ايدىڭ سوڭىنان بۇرىن ىلە قازاق اۆتونوميالى وبلىسىندا 293 ءتۇيىندى نىساننىڭ بارلىعى جۇمىس باستايدى... اۋا رايىنىڭ جىلىنۋىنا ىلەسە، تيانشاننىڭ وڭتۇستىگى مەن سولتۇستىگىندەگى ءتۇيىندى نىسان قۇرىلىستارىنىڭ قارقىنى تەزدەدى.

  3 - ايدىڭ 21 - كۇنى G0711 لەنياسى ۇرىمجىدەن لوپنۇرعا دەيىنگى جوعارى قارقىندى تاس جولىنىڭ تيانشان جەڭىس تۋنەلىنىڭ قۇرىلىس ورنىندا ءىرى تۇرپاتتى ماشينالار گۇرىلدەپ، جۇمىسشىلار قاربالاس قۇرىلىس جۇرگىزۋدە. بۇل تۋنەلدىڭ جالپى ۇزىندىعى 22 كيلومەتر، سالىنىپ بولعان سوڭ، دۇنيە جۇزىندەگى ەڭ ۇزىن جوعارى قارقىندى تاس جول تۋنەلىنە اينالادى.

  ”2020 - جىلعى قۇرىلىس جوسپارى بويىنشا نەگىزگى تۋنەلدى 1760 مەترگە دەيىن قازادى، قازىر شينجياڭ سىرتىنداعى كوپ جەردەگى 395 باسقارۋشى جالدامالى ۇشاقپەن جۇمىس ورنىنا قايتىپ كەلدى، ىندەت كەشىكتىرگەن قۇرىلىس ۋاقىتىن قايتارىپ الۋعا سەنىمدىمىز“، - دەدى جۇڭگو قاتىناس قۇرىلىس توبى شينجياڭ قاتىناس قارجى قوسۋ، دامۋ شەكتى سەرىكتەستىگىنىڭ باس ديرەكتورى ليۋ حۇڭبو.

  وسى بىرنەشە كۇندە، اراتاش سۋ يگىلىگى تورابى ينجەنەرياسى سۋ ءبولۋ تۋنەلىن بەكىتۋ جۇمىسىن ىستەۋدە. جۇمىس جۇرگىزۋشىلەر سۋ ءبولۋ تۋنەلىنىڭ سۋ ىركىلۋى ءبىرشاما كوپ بولۋ قيىنشىلىعىن شەشىپ، سۋ وتپەيتىن كيىم كيىپ سۋ ىعىستىرۋ تۋنەلىن بەكىتۋ جۇمىسىن ىستەۋدە. سونىمەن بىرگە توسپانىڭ 3 - مەزگىل تاقتاسى، ورتاڭعى تاسقىن سۋىن اعىزۋ تۋنەلىنىڭ جۇمىسى دا قۇرىلىس ۇستىندە.

  ءتۇيىندى نىساندار قۇرىلىسى ەكونوميكانى ارتتىرۋدىڭ جەبەۋشىسى، ەكونوميكانى دامىتۋدىڭ نەگىزگى قوزعالتقىشى. بيىل شينجياڭداعى ءارقايسى ايماق، وبلىس، قالانىڭ جالپى ورنالاستىرىلعان جالعاستى سالىناتىن نىسانى 2157، اۆتونوميالى رايون ايماق، وبلىس، قالا پارتكوم شۋجيلەرى جاۋاپتى بولعان كەلەلى نىسانعا جەتەكشىلىك ەتۋ، سايكەستىرۋ مەحانيزمىن ورناتىپ جانە كەمەلدەندىرىپ، قۇرىلىس ۋاقىتىن قاۋىرت ورنالاستىرىپ، جوبا بەلگىلەپ شايقاس جۇرگىزىپ، 3 - ايدىڭ سوڭىنان بۇرىن جالعاستى سالىناتىن نىسانداردىڭ جۇمىستى %100 قالپىنا كەلتىرۋىنە شىنايى كەپىلدىك ەتەدى. نىسان قۇرىلىستارىندا بار كۇشتى سالىپ، جەدەل ىلگەرىلەتۋ جاعدايى جارىققا شىقتى.

  جۇمىسشىلاردىڭ قىزمەت ورنىنا كەلۋىنە كەپىلدىك ەتۋ ءۇشىن، شينجياڭنىڭ ءارقايسى جەرلەرى ” ارنايى اۆتوكولىك جالداۋ، ۇشاق جالداۋ“ سياقتى قىزمەت وتەۋ شارالارىن العا قويىپ، جۇمىسشىلار توپ - توبىمەن جالدامالى ۇشاقپەن نەمەسە جۇمىستانۋ ارناۋلى پويەزىمەن تۇتاس شينجياڭداعى ءارقايسى جۇمىس ورنىنا جەدەل تارتتى.

  3 - ايدىڭ 20 - كۇنى قۇرىلىس كاسىپورنىندا جۇمىس ىستەيتىن 968 جۇمىسشى ارناۋلى كەزەكشى پويەزبەن ۇرىمجىگە جەتتى. قارسى الۋعا شىققان جۇڭجيان شينجياڭ جيانگۇڭ توبى 4 - قۇرىلىس شەكتى سەرىكتەستىگى پارتكومىنىڭ شۋجيى، باس جوراسى يىن حايتاۋ بىلاي دەپ تانىستىردى: سەرىكتەستىكتىڭ 200دەن ارتىق جۇمىسشىسى شينجياڭ اۋىل شارۋاشىلىعى داشۋەسىنىڭ، شينجياڭ مەديتسينا داشۋەسىنىڭ جاڭا مەكتەپ رايون قۇرىلىسى سياقتى 4 نىسان قۇرىلىس ورنىنا بارادى. ارتىنان كەلەتىن جۇمىسشىلار قىزمەت ورنىنا جەتكەن سوڭ، بارلىعى 40تان استام نىسانعا بارىپ جۇمىس ىستەيدى.

  ”ۇكىمەتتىڭ قىزمەت وتەۋى ءدال بابىندا، جان - جاقتىلى بولدى، كاسىپورىن ءتۇرلى قيىنشىلىقتاردى شەشتى، كوپشىلىكتىڭ بارلىعى تەز ارادا ينجەنەريا قۇرىلىسىنا ات سالىسۋدى ءۇمىت ەتۋدە“، - دەدى ءۇرىمجى وليمپيادا دەنە تاربيە ورتالىعى نىسانى ەڭبەككۇش سەرىكتەستىگىنىڭ جاۋاپتىسى حى شيڭگۇي.

  قازىر جەر - جەر، تاراۋلار امالدىڭ بارىنشا نىساننىڭ جۇمىس باستاۋ شارتىن تياناقتاندىرىپ، نىسان بەكىتۋ جانە مەردىگەر شاقىرۋ، مەردىگەرلىككە الۋدى جەدەلدەتىپ، ءبىر تۇتاس جوسپارلاپ سايكەستىرۋدى كۇشەيتىپ، جۇمىس باستاۋ ۋاقىتىن ايقىن بەلگىلەپ، 3 - ايدان باستاپ ءار ايدا جۇمىس باستايتىن نىسان بولۋعا شىنايى كەپىلدىك ەتتى. سونىمەن بىرگە مەملەكەت ستراتەگياسىن جانە اۆتونوميالى رايوننىڭ كەلەلى ورنالاستىرۋىن، ءتۇيىندى قىزمەتىن، ماڭىزدى شارالارىن تىعىز ارقاۋ ەتىپ، تەمىر جول، تاس جول، حالىقتىق اۆياتسيا، سۋ يگىلىگى، ەگىن، ورمان، مال شارۋاشىلىعى، ەلەكتر، حابارلاسۋ، دەنساۋلىق ساقتاۋ، وقۋ - اعارتۋ، قالانىڭ الەۋمەتتىك قىزمەت وتەۋى سياقتى سالالارداعى ولقىلىقتاردان، ءالسىز تۇستاردان جازباي، ىرىقتىلىقپەن ىسكەرلىك كورسەتىپ، بەلسەندىلىكپەن جوسپار جاساپ، ”ءبىر توبىن سالىپ بولۋ، ءبىر توبىنىڭ جۇمىسىن باستاۋ، ءبىر توبىن زاپاس ساقتاۋ“ سىندى تاماشا اينالىمدى قالىپتاستىردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار