بيىل ”كومىردىڭ ورنىنا ەلەكتر پايدالانۋ“ نىسانى وڭتۇستىك شينجياڭداعى 290 مىڭعا تاياۋ وتباسىنداعى تۇرعىنعا تيىمدىلىك جەتكىزەدى
2020.03.24 17:58 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇيجاۋ 3 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنەن ۇعىسۋعا قاراعاندا، بيىل رايونىمىز وڭتۇستىك شينجياڭداعى 24 اۋدان - قالاداعى، 199 اۋىل - قالاشىقتاعى، 1078 قىستاقتاعى 288 مىڭ 672 وتباسىنداعى تۇرعىنعا كومىردىڭ ورنىنا ەلەكتر پايدالانۋ بويىنشا جىلۋمەن قامداۋ قۇرىلعىلارىن جاڭالايدى. مەجەمەن 10 - ايدىڭ 31 - كۇنىنەن بۇرىن، قۇرىلىس مىندەتىن تامامداپ، جىلۋمەن قامداۋ مەزگىلىنە وتكەننەن كەيىن، تۇرعىنداردىڭ ەلەكتر جىلۋىنان قالىپتى پايدالانۋىنا شىنايى كەپىلدىك ەتەدى.
2019 - جىلى قىستا وڭتۇستىك شينجياڭداعى ءبىر ءبولىم تۇرعىندار ەڭ الدىمەن ”پەشتەن پايدالانباي“ جىلىنۋ ماۋسىمىن باستان وتكىزگەن. ”بۇرىندارى كومىر جاعىپ جىلىناتىنبىز، ءۇيدىڭ ءىشىن كۇل توزاڭى قاپتاپ كەتەتىن، كەي كەزدەرى جارىم تۇندە تۇرىپ وت جاقپاساق توڭىپ ۇيىقتاي المايتىنبىز. بىلتىر قىستاق سىناق ءتۇيىنى رەتىندە ەلەكترمەن جىلىنۋ جابدىعىن ورناتتى، قىس كىرىسىمەن وتباسىمىز ەلەكتر جىلۋىنان پايدالاندىق، تازا ءارى قولايلى ەكەن“، - دەدى 3 - ايدىڭ 20 - كۇنى ءپايزاۋات اۋدانى قىزىلسۋ اۋىلى گۇلباش قىستاعىنىڭ تۇرعىنى نۇرالي قاسىم.
ەسەپتەۋگە قاراعاندا، جىلىنۋ مەزگىلىن 135 كۇن، جىلۋمەن قامداۋ اۋدانىن 50 شارشى مەتر بويىنشا ەسەپتەگەندە، ءاربىر وتباسىنىڭ ءار جىلى ەلەكتر جىلۋىنا پايدالاناتىن ەلەكتر مولشەرى شامامەن 5000 كيلوۆات - ساعات، جالپىلىق ەلەكتر باعاسى شامامەن كيلوۆات - ساعاتىنا 0.198 يۋان، ءار وتباسىنىڭ ەلەكتر اقى شىعىسى شامامەن 1000 يۋان بولادى ەكەن. وڭتۇستىك شينجياڭداعى اۋىل - قىستاقتاردا تۇرعىنداردىڭ قىس ماۋسىمىندا جىلىنۋعا، تاماق جاساۋعا پايدالاناتىن كومىرى شامامەن 1 − 2 توننا، ءاربىر وتباسىنىڭ كومىردەن پايدالانۋ شىعىسى 600 − 1600 يۋان مولشەرىندە بولادى. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ قاتىستى جاۋاپتىسى بىلاي دەپ تانىستىردى: سالىستىرا قاراعاندا، كەزەكتە ەلەكتر پايدالانىپ جىلىنۋ اقى شىعىسى وتباسىلاردىڭ كومىردەن پايدالانۋ شىعىسىمەن نەگىزىنەن قارايلاس بولعان، الداعى جەردە قايتا تۋىندايتىن ەنەرگيا كولەمىنىڭ كەڭەيىپ، كومىرمەن قامداۋ مولشەرىنىڭ ازايۋى، مەملەكەتتىڭ تيىمدىلىك ساياساتتارىنىڭ قولداۋى سياقتى ءتيىمدى فاكتورلارعا ىلەسە، ەلەكتر جىلۋ اقىسى باسقا جىلۋ ءتاسىلى اقىسىنا سالىستىرعاندا اناعۇرلىم تومەندەيتىن بولادى.
”كومىردىڭ ورنىنا ەلەكتر پايدالانۋ“ نىسانى تاعى كەدەيلىكتەن ارىلتۋدان قامال الۋ قىزمەتىن جانامالاي جەتەكتەدى، ”كومىردىڭ ورنىنا ەلەكتر پايدالانۋ“ نىسانى قۇرىلىسىن جۇرگىزۋگە ات سالىسقان ادامداردىڭ كوبى وڭتۇستىك شينجياڭداعى جەرگىلىكتى قىستاق تۇرعىندارىن نەگىز ەتەدى، ينجەنەريا نىسانى ءبىر توپ توكشىلىك كاسىبى ونەرى جانە جابدىق ورناتۋ ونەرى بار ادامداردى جەتىلدىرىپ، جەرگىلىكتى ورىنداعى قۇرىلىس جۇرگىزەتىن ادامداردىڭ قابىلەتى مەن ساپاسىن جوعارىلاتتى، جەرگىلىكتى نىسان اياقتاعاننان كەيىن، قۇرىلىس جۇرگىزۋشىلەر تاعى قۇرىلىس جۇرگىزۋ ورىندارىنا ىلەسىپ سىرت جەرلەرگە بارىپ جۇمىس ىستەۋىنە بولادى. ساناققا نەگىزدەلگەندە، 2019 - جىلى ”كومىردىڭ ورنىنا ەلەكتر پايدالانۋ“ نىسانى بارىسىندا، قاشقار ايماعى 3896 ادامنىڭ جۇمىستانۋىن شەشكەن، حوتان ايماعى 1320 ادامنىڭ جۇمىستانۋىن شەشكەن، قىزىلسۋ قىرعىز اۆتونوميالى وبلىسىندا قۇرىلىس جۇرگىزۋگە ات سالىسقانداردىڭ ％80ى جەرگىلىكتى ادامدار ەكەن. جۇمىسشىلاردىڭ كۇندىك ورتاشا ەڭبەكاقىسى 160 − 300 يۋانعا، ىسىلعان جۇمىسشىلاردىكى 800 يۋانعا جەتكەن.
ۇعىسۋعا قاراعاندا، بىلتىر جىل باسىنان باستاپ رايونىمىز جەرگىلىكتى جاعدايعا قاراي ىستەپ، وڭتۇستىك شينجياڭداعى 3 ايماق، وبلىستا كومىردىڭ ورنىنا ەلەكتر پايدالانۋ قىزمەتىن جالپىلاستىرىپ، وڭتۇستىك شينجياڭ تۇرعىندارىنىڭ جىلۋمەن قامداۋداعى وزىندىك قۇنىن تومەندەتىپ، وڭتۇستىك شينجياڭ تۇرعىندارىنىڭ جىلۋمەن قامداۋ شارت - جاعدايىن جاقسارتىپ، وڭتۇستىك شينجياڭ تۇرعىندارىنىڭ ”ەلەكترلەنگەن شينجياڭ“ تابىسىنان اناعۇرلىم كوپ يگىلىكتەنۋىنە مۇمكىندىك جاساعان، 2019 - جىلى وڭتۇستىك شينجياڭداعى 3 ايماق، وبلىستا ”كومىردىڭ ورنىنا ەلەكتر پايدالانۋ“ نىسانى تامامدالعاننان كەيىن، 316 مىڭ 300 وتباسىنداعى تۇرعىن كومىرمەن جىلىناتىن قىس ماۋسىمىنا قوش ايتىپ، ءار جىلى 320 مىڭ توننا كومىر ۇنەمدەگەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
