جوعارى قارقىندى تاس جول ءىرى ارنا نىسانى قۇرىلىسى ”اتوي دابىلىن“ قاقتى
2020.03.25 15:54 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى لۋ فىڭباۋ 3 - ايدىڭ 23 - كۇنى ۇرىمجىدەن حابارلايدى. G7 بەيجيڭ - شينجياڭ جوعارى قارقىندى تاس جولىنىڭ شينجياڭ بولىگى، G30 شياۋساۋحۋ − ءۇرىمجى بولىگىن وزگەرتىپ سالۋ، كەڭەيتىپ سالۋ جانە ءۇرىمجى - لوپنۇر جوعارى قارقىندى تاس جولى سياقتى نىسانداردىڭ جۇمىستى جەدەل قالپىنا كەلتىرۋىنە مەڭزەس، رايونىمىزدىڭ شينجياڭعا كىرەتىن - شىعاتىن، سونداي - اق وڭتۇستىك - سولتۇستىك شينجياڭ جوعارى قارقىندى تاس جول ءىرى ارنا نىسانى قۇرىلىسى ”اتوي دابىلىن“ قاقتى.
3 - ايدىڭ 23 - كۇنى تۇستەن بۇرىن، G30 شياۋساۋحۋ − ءۇرىمجى بولىگىن وزگەرتىپ سالۋ، كەڭەيتىپ سالۋ ينجەنەرياسىنىڭ ءبىرىنشى توقتام بولىگىنىڭ جۇمىس باسىندا قۇرىلىس جۇمىسى قاباعات قاربالاس جۇرگىزىلىپ جاتتى، توپىراق قازاتىن ماشينالار، توپىراق توگەتىن ماشينالار، جول شىڭاۋ ماشينالارى سياقتى ءتۇرلى ماشينالار جابال جۇمىس ىستەپ، جول تاعانى بولىگىنىڭ قۇرىلىسىن جۇرگىزىپ جاتتى. ”3 - ايدىڭ 20 - كۇنى جۇمىستى قالپىنا كەلتىرگەننەن بەرى، نىسان باسقارۋشىلار، تەحنيكالىق قىزمەتكەرلەر تۇگەلدەي جۇمىس ورىندارىنا كەلىپ، 500دەن استام جۇمىسشى قۇرىلىس الاڭىنا كىردى، قالعان جۇمىسشىلار دا جۇمىس ورىندارىنا ىركەس - تىركەس قايتۋ ۇستىندە. سوڭعى كەزەڭدە ءبىز قارجىنى، ماتەريالدى، ادامداردى جانە جابدىقتاردى كوبەيتىپ، نىساندا 8 - ايدىڭ اقىرىندا كولىك قاتىناۋىنا شىنايى كەپىلدىك ەتەمىز“، - دەيدى شياۋساۋحۋ - ءۇرىمجى نىسانىنىڭ ورىنباسار قولباسشىسى گۋان چىڭجياڭ. شياۋساۋحۋدان ۇرىمجىگە دەيىنگى بولىك رايونىمىزدىڭ تۇرپان - ءۇرىمجى - داحۋاڭشان جوعارى دارەجەلى تاس جولىنىڭ قۇرامداس بولىگى، وزگەرتىلىپ، كەڭەيتىلىپ سالىنعان سوڭ جىلدامدىق جاپپاي تەزدەپ، رايونىمىزدىڭ شينجياڭعا كىرىپ - شىعاتىن جوعارى قارقىندى تاس جولىنىڭ تاسىمال قۋاتى جوعارىلايدى.
G7 بەيجيڭ - شينجياڭ جوعارى قارقىندى تاس جولىنىڭ ۋتۇڭ داچۋان - اراتۇرىك - باركول - موري بولىگى 3 - ايدىڭ 20 - كۇنى جۇمىستى قالپىنا كەلتىرىپ، قۇرىلىس جۇرگىزە باستادى. ”قازىر 1000نان استام ادامدى قۇرىلىس باسىنا كەلۋگە ۇيىمداستىردىق، قۇرىلىس جۇرگىزۋشى ورىندار الدىن الا جوسپارلاپ، الدىن الا ورنالاستىرىپ، قۇرىلىس ۋاقىتىن قاۋىرت ورنالاستىرىپ، قۇرىلىس جۇرگىزۋ جوسپارىنىڭ ۋاعىندا ورىندالۋىنا شىنايى كەپىلدىك ەتەدى“، - دەدى جۇڭگو تەمىر جول قۇرىلىسى جارنا شەكتى سەرىكتەستىگى شينجياڭ بەيجيڭ - شينجياڭ جوعارى قارقىندى تاس جولىن سالۋ شەكتى سەرىكتەستىگىنىڭ قۇرىلىس باسقارۋ ءبولىمىنىڭ باستىعى سۇن لياڭ. بەيجيڭ - شينجياڭ جوعارى قارقىندى تاس جولى بەيجيڭ، حىبەي، سانشي، ىشكى موڭعۇل، گانسۋ، شينجياڭ قاتارلى 6 ولكە، اۆتونوميالى رايون، قالادان وتەتىن، ەلىمىز بويىنشا ەكىنشى ”شينجياڭعا كىرەتىن ءىرى ارنا“. ۋتۇڭ داچۋاننان موريعا دەيىنگى بولىك 3 جوعارى قارقىندى تاس جول تارماق نىسانىنان قۇرالادى، جالپى ۇزىندىعى 515 كيلومەتر، جوعارى قارقىندى تاس جول ولشەمى قۇرىلىسى قولدانىلىپ، 2017 - جىلى قۇرىلىس باستاعان، 2020 - جىلدىڭ سوڭىندا تۇتاس جەلىنىڭ نەگىزگى جەلىسىن تۇتاستىرۋ جوسپارلانعان. نىسان قۇرىلعان سوڭ، مەملەكەتتىڭ جوعارى قارقىندى تاس جول تورابىن ونان ارى كەمەلدەندىرىپ، جىبەك جولى ەكونوميكالىق بەلدەۋىنىڭ سولتۇستىك ارناسىنداعى نەگىزگى جول بولىكتەرىنىڭ تۇگەلدەي جوعارى قارقىندى تاس جول بولۋىن جۇزەگە اسىرادى.
G0711 جەلىسىنىڭ ءۇرىمجى − لوپنۇر جوعارى قارقىندى تاس جولى دا جۇمىستى قالپىنا كەلتىرۋ ريتىمىنە كوشىپ، قۇرىلىس جۇرگىزۋشىلەر قۇرىلىس ورنىندا جەدەلدەتە قۇرىلىس جۇرگىزىپ، وڭتۇستىك - سولتۇستىك شينجياڭ ءىرى ارناسى قۇرىلىسىنىڭ ”تەزدەتۋ پەرنەسىن“ باستى.
”بۇل نىساندار ’شينجياڭنىڭ ءىشىن اينالدىرا تۇتاستىرۋ، شينجياڭعا كىرىپ - شىعۋدى تەزدەتۋ‘ جوباسىنىڭ نەگىزگى ارقاۋ نىساندارى، بۇل نىسانداردىڭ سالىنۋى شينجياڭنىڭ جوعارى قارقىندى تاس جول تورابىنىڭ ورنالاسۋىن كەمەلدەندىرۋدە، شينجياڭعا كىرىپ - شىعۋدى، وڭتۇستىك - سولتۇستىك شينجياڭدى ءوزارا ۇلاستىرۋ - تۇتاستىرۋدى ىلگەرىلەتۋدە، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتۋدە، جەلى بويىنداعى وڭىرلەردىڭ ەكونوميكالىق دامۋىن جەتەكتەۋدە تۇگەلدەي ماڭىزدى مانگە يە“، - دەيدى اۆتونوميالى رايوندىق قاتىناس - تاسىمال مەڭگەرمەسىنىڭ ورىنباسار مەڭگەرمە باستىعى دارەجەلى كادرى جىڭ ميڭچۋان.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
