جۇڭگو ۇكىمەتىنىڭ پاكيستانعا بارىپ ىندەتكە قارسى شايقاس جۇرگىزەتىن ەمدەۋ ماماندار گرۋپپاسى اتتاندى
2020.03.30 16:27 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى يۋان لەي 3 - ايدىڭ 28 - كۇنى ۇرىمجىدەن حابارلايدى. پاكيستان ۇكىمەتىنىڭ ۇسىنىسىنا ساي، جۇڭگو ۇكىمەتىنىڭ پاكيستانعا بارىپ ىندەتكە قارسى شايقاس جۇرگىزەتىن ەمدەۋ ماماندار گرۋپپاسى پاكيستاندا ىندەتتەن ساقتانۋ - تىزگىندەۋ قىزمەتىن سەلبەسىپ ورىستەتۋ ءۇشىن، 3 - ايدىڭ 28 - كۇنى ۇرىمجىدەن اتتاندى. ماماندار گرۋپپاسىن مەملەكەتتىك دەنساۋلىق ساقتاۋ - سالاماتتىق كوميتەتى ۇيىمداستىرىپ، شينجياڭ ۇيعۇر اۆتونوميالى رايونى تاڭداپ جىبەردى. اۆتونوميالى رايوندىق پارتكومنىڭ ورىنباسار شۋجيى لي پىڭشين ىندەتكە قارسى شايقاس جۇرگىزەتىن ەمدەۋ ماماندار گرۋپپاسىن اتتاندىرىپ سالدى.
ماماندار گرۋپپاسى 8 ادامنان قۇرالعان، جەكە - جەكە اۆتونوميالى رايوندىق جۇقپالى اۋرۋلاردى تىزگىندەۋ ورتالىعىنان، اۆتونوميالى رايوندىق حالىق شيپاحاناسىنان، شينجياڭ مەديتسينا داشۋەسىنە قاراستى 1 - شيپاحانادان، اۆتونوميالى رايوندىق جۇڭگوشا ەمدەۋ شيپاحاناسىنان كەلگەن، ماماندىق سالا بويىنشا تىنىس جولى اۋرۋلارى، سالماقتى اۋرۋلار، كۇتىمدەۋ، تەكسەرۋ - ساراپتاۋ، جۇڭگوشا شيپاگەرلىك سياقتىلاردى قامتيدى. ماماندار گرۋپپاسى جەرگىلىكتى ورىنداعى شيپاحانالارمەن جانە ماماندارمەن تاجىريبەدەن ورتاق پايدالانۋ، اۋىس - كۇيىس جاساۋ، جۇڭگونىڭ ىندەتكە قارسى اتتانۋداعى تاجىريبەلەرىن تانىستىرۋ، پاكيستان جاقتىڭ ىندەتتەن ساقتانۋ شارالارىمەن جانە دياگنوز قويۋ - ەمدەۋ تارتىپتەرىمەن ۇشتاستىرا وتىرىپ پاكيستاننىڭ ىندەتتەن ساقتانۋ - تىزگىندەۋ، ناۋقاستاردى ەمدەۋ جانە تاجىريبەحانا قىزمەتتەرىنە اقىل - كەڭەس بەرۋ، پاكيستاننىڭ ەمدەۋ قىزمەتكەرلەرىن جانە الەۋمەتتىك اۋماقتاعى ساقتانۋ - تىزگىندەۋ قىزمەتكەرلەرىن باۋلۋ جانە ولارعا جەتەكشىلىك ەتۋ سياقتىلاردى ورىستەتۋدى باستى مىندەتىنە الدى.
ماماندار گرۋپپاسى شينجياڭ ۇيعۇر اۆتونوميالى رايونى جىلۋعا اتاعان 10 مىڭ دانا مەديتسينادا پايدالانىلاتىن N95 ماسكى، 100 مىڭ دانا مەديتسينادا پايدالانىلاتىن ءبىر رەتتىك ماسكى، 5000 پار مەديتسينادا پايدالانىلاتىن قورعانۋ كيىمى، 12 تىنىس الدىرۋ جابدىعى، 5 ءدىرىل باساتىن مونيتور، نۋكلين قىشقىلىن تەكسەرەتىن - ولشەيتىن 10 مىڭ دانا سىناق ءدارىسى سياقتى ىندەتكە قارسى ەمدەۋ زاتتىق ماتەريالدارىن جانە ءدارى - دارمەكتەردى قامتىعان ەمدەۋ - قۇتقارۋ زاتتىق ماتەريالدارىن الا ءجۇردى. اۆتونوميالى رايون پاكيستانعا جىلۋعا اتاعان تۇڭعىش توپتاعى ىندەتكە قارسى مەديتسينالىق زاتتىق ماتەريالدار 3 - ايدىڭ 27 - كۇنى حونجىراپ شەكارا وتكەلىنەن وتكەن بولاتىن.
لي پىڭشين اتتاندىرۋ سالتىندا بىلاي دەدى: ەلەۋلى جۇقپالى اۋرۋلار − بۇكىل ادامزاتتىڭ جاۋى. جۇڭگو مەن پاكيستان جالپى بارىستاعى سەلبەستىك سەرىك، ەلىمىز جاڭا تيپتى ايدارشا ۆيرۋس وكپە قابىنۋ ىندەتىنە بار كۇشپەن قارسى اتتانىپ جاتقان شەشۋشى كەزەڭدە، پاكيستان الۋان ءتۇرلى تاسىلدەرمەن بىزگە قولداۋ كورسەتتى جانە كومەكتەستى. قازىر پاكيستاندا ىندەت تۋىلدى، ءبىز دە پاكيستان جاققا بەلسەنە كومەكتەسۋىمىز كەرەك. مامانداردىڭ تاڭداۋلى ءداستۇردى ساۋلەلەندىرىپ، بورىشتى، جاۋاپكەرشىلىكتى ەستەرىندە بەرىك ساقتاپ، تەحنيكالىق باسىمدىقتى تولىق ساۋلەلەندىرىپ، پاكيستاننىڭ ەمدەۋ - دەنساۋلىق ساقتاۋ قىزمەتكەرلەرىمەن تىزە قوسا شايقاس جاساپ، ءدوپ كەلگەن قاتاڭ سىن - سايىسقا بىرگە توتەپ بەرىپ، بورىشتى ادا ەتىپ، مىندەتتى ورىنداپ، جۇڭگو مەن پاكيستان ەلدەرى حالىقتارىنىڭ دوستىق سۇيىسپەنشىلىگىن اناعۇرلىم نىعايتۋىن ءۇمىت ەتەمىن. بۇكىل شينجياڭ حالقى سىزدەردىڭ ەرتەرەك امان - ەسەن جەڭىسپەن ورالۋلارىڭىزدى كۇتەدى.
اۆتونوميالى رايون باسشىلارىنان تيان ۋىن، ماڭلىك سەيىت اتتاندىرۋ سالتىنا قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
