ۋاكىل شۇي تاۋ:
ەرىكتى قىزمەت وتەۋدى ءتىپتى دە نىعايتۋ كەرەك
□ گازەتىمىزدىڭ جالپىلىق اقپارات قۇرالدارى ءتىلشىسى جاۋ جىيۇن
2020.05.22 14:02 كەلۋ قاينارى : شينجياڭ گازەتى
مەملەكەتتىك 13 - كەزەكتى حالىق قۇرىلتايىنىڭ 3 - ءماجىلىسى اشىلۋ الدىندا تۇر، مەملەكەتتىك حالىق قۇرىلتايىنىڭ ۋاكىلى، قۇتىبي اۋدانى لەي فىڭ اۆتوموبيل اترەتىنىڭ باستىعى شۇي تاۋ ەرىكتى قىزمەت وتەۋ ساپاسىن اناعۇرلىم جوعارىلاتۋ جونىندەگى ۇسىنىسىن دايىنداپ قويدى.
ىندەت تۋىلعاننان كەيىن، شۇي تاۋدىڭ ۇندەۋىندە 36 ەر - ايەل تاكسيشى دەمالىس ۋاقىتتارىن ىرىقتىلىقپەن قيىپ، ىندەتتەن ساقتانۋ - تىزگىندەۋ قىزمەتىنە ات سالىستى. شۇي تاۋ الەۋمەتتىك اۋماقتىڭ ىندەتتەن ساقتانۋ بويىنشا ەرىكتى قىزمەت وتەۋىنە قاتىناسۋعا تىزىمدەلىپ، قارت، ءالسىز، ناۋقاس، مۇگەدەك، جۇكتى ايەل سياقتىلاردى ەمدەلۋگە ەرىكتى تۇردە اپارىپ - اكەلىپ، ءبىرىنشى شەپتەگى ىندەتتەن ساقتانۋ قىزمەتكەرلەرىنىڭ قىزمەتكە بايلانىستى ءجۇرىس - تۇرىسىن قاناعاتتاندىرىپ، كوكونىس ساتىپ الۋ، ءدارى - دارمەك جەتكىزىپ بەرۋ، ەلەكتر، سۋ اقىسىن وكىلەتتىك تاپسىرۋ، بۇيىمداردى تاسۋ... سياقتى جاقتاردان كومەك كورسەتتى.
”مەن ىزگى، قايىرىمدى، مەيىرىمدى حالىق قۇرىلتايى ۋاكىلى بولىپ، سۇيىسپەنشىلىك ارقىلى قۇتىبي اۋدانىنىڭ مەيىرگە تولى ’ىندەتتەن ساقتانۋ قامالىن‘ تۇرعىزامىن“، - دەدى شۇي تاۋ.
مەملەكەتتىك حالىق قۇرىلتايىنىڭ ۋاكىلى بولىپ سايلانعاننان بەرى، شۇي تاۋ حالىق تۇرمىسىنىڭ دامۋى مەن ەرىكتى قىزمەت وتەۋ نەگىزگى تاقىرىبىن ارقاۋ ەتىپ، ءىس جۇزىندىك قيمىلى ارقىلى حالىق قۇرىلتايى ۋاكىلىنىڭ مىندەتىن امالياتتا ايگىلەپ كەلدى.
بىلتىر شۇي تاۋ لەي فىڭ اۆتوموبيل اترەتىنە جەتەكشىلىك ەتىپ، ەرىكتى قىزمەت وتەۋ جۇمىسىن ورىستەتۋمەن بىرگە، نازاردى زەينەتكەرلىك ىسىنە ءتۇيىندى تۇردە شوعىرلاندىردى. ولار قارتتار ۇيىنە بارىپ قىزمەتكەرلەرمەن، قارتتارمەن كەڭەستى: قارتتاردىڭ تاعى قانداي قيىنشىلىقتارى بار؟ زەينەتكەرلىك ءىسىن دامىتۋدا سۇيەمەلدەيتىن جانە كەمەلدەندىرەتىن قانداي جەرلەر بار؟...
شۇي تاۋدىڭ ەڭ ءمان بەرەتىنى جانە دە سول ەرىكتى قىزمەت وتەۋ قىزمەتى. ”ءار سالادا زىر جۇگىرىپ جۇرگەن ەرىكتىلەردىڭ ءبارى ءوز تاسىلدەرىمەن ىندەتپەن ايقاسۋعا كىرىستى، ينفورماتسيالاردى تىزىمدەپ، دەنە تەمپەراتۋراسىن ولشەپ، ءتارتىپتى ساقتاپ، ءىس جۇزىندىك ارەكەتتەرىمەن ’ۇلەس قوسۋ، دوستىق سۇيىسپەنشىلىك، ءوزارا قارايلاسۋ، العا باسۋ‘ سىندى ەرىكتى قىزمەت وتەۋ رۋحىن ايگىلەدى، مەن مۇنان زور شابىت الدىم“، - دەدى شۇي تاۋ − ”قۇتىبي اۋدانىنىڭ لەي فىڭ اۆتوموبيل اترەتىن الىپ ايتار بولساق، ءبىز ەرىكتى قىزمەت وتەيتىن شوفەر الۋ حابارىن شىعارا سالىسىمىزبەن، 60قا جۋىق تاكسي شوفەرى جابال تىزىمدەلدى“.
ىندەتتەن ساقتانۋ - تىزگىندەۋ كەزىندە ەرىكتى قىزمەت وتەۋ ءۇشىن بەلگىلى كاسىپتىك ءبىلىم بولۋ كەرەك. شۇي تاۋ جۇمىسقا شىعۋدان ىلگەرى ارناۋلى كۋرسقا قاتىناستى، ونىڭ ماسكىنى قانشا ۋاقىتتا ءبىر اۋىستىرۋ كەرەك، قولدى قانشا ۋاقىتتا ءبىر جۋۋ كەرەك، دەنە تەمپەراتۋرانى ولشەگەندە قانشا ارالىق ساقتاۋ كەرەك دەگەن سياقتى ۇيرەنگەن بىلىمدەرى كەيىنگى ەرىكتى قىزمەت وتەۋ بارىسىندا ەرەكشە ەس قاتتى. ”قىزمەتكە شىعۋدىڭ الدىنداعى باۋلۋ ەرەكشە كۇشتى باعىتتامالىلىققا يە، ول ەرىكتى قىزمەت وتەۋدىڭ ءتىپتى دە ءونىمدى بولۋىنا مۇمكىندىك جاسايدى، مۇنداي ءتاسىلدى باياندى مەحانيزم ەتىپ قالىپتاستىرۋ كەرەك“، - دەدى شۇي تاۋ.
”ىندەتتەن ساقتانۋ - تىزگىندەۋ بارىسىندا ايگىلەنگەن ەرىكتى قىزمەت وتەۋدىڭ تىڭ ەرەكشەلىكتەرىن قورىتىندىلاۋ قاجەتتى ءىس، سونداي - اق ونى اناعۇرلىم جاقسارتۋ، كەمەلدەندىرۋ ۇسىنىسىن بيىلعى مەملەكەتتىك حالىق قۇرىلتايى ماجىلىسىنە الا بارامىن“. شۇي تاۋ ەرىكتى قىزمەت وتەۋگە ۇزدىكسىز ات سالىسىپ، ەلىمىزدىڭ ەرىكتى قىزمەت وتەۋ ءىسىنىڭ دامۋىن جەبەۋگە مۇنان دا زور ۇلەس قوساتىندىعىن ءبىلدىردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
