جەلكەن جايىپ، ەسكەكتى ەرشىمدى ەسىپ، ەكونوميكانىڭ جوعارى ساپالى دامۋىن ىلگەرىلەتەمىز
− باس شۋجي شي جينپيڭنىڭ ساياسي كەڭەس ەكونوميكا سالاسىنداعى مۇشەلەردىڭ بىرىككەن گرۋپپا جيىنىنداعى ماڭىزدى ءسوزى رايونىمىزداعى ۋاكىلدەر مەن مۇشەلەردىڭ جانە كادرلار مەن بۇقارانىڭ قيىندىقتاردى جەڭىپ، قامال الۋ، شىنايى يگەرىپ، ناقتى ىستەۋ سەنىمدەرى مەن بەكىمدەرىن كۇشەيتتى
2020.05.26 13:27 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى تىلشىلەرى
”قازىرگى ەكونوميكالىق جاعدايعا جان - جاقتى، ديالەكتيكالىق، ۇزاق بولاشاقتىق تۇرعىمەن تالداۋ جاساۋعا تاباندى بولىپ، داعدارىس بارىسىندا جاڭا وراي جەتىلدىرۋگە، وزگەرگەن جاعداي بارىسىندا جاڭا جاعداي اشۋعا قۇلشىنۋ كەرەك“. باس شۋجي شي جينپيڭنىڭ مەملەكەتتىك ساياسي كەڭەس 13 - كەزەكتى كوميتەتىنىڭ 3 - ماجىلىسىنە قاتىناسقان ەكونوميكا سالاسىنداعى مۇشەلەرگە امانداسا بارعانداعى ءارى بىرىككەن گرۋپپا جيىنىنا قاتىناسقانداعى ماڭىزدى ءسوزى ەلىمىزدىڭ ەكونوميكالىق، قوعامدىق دامۋىن ىلگەرىلەتۋ ءۇشىن ماڭىزدى نۇسقاۋ كورسەتتى، قيىندىقتاردى جەڭىپ، قامال الۋدىڭ، داعدارىستى ورايعا اينالدىرۋدىڭ بەرىك سەنىمى مەن كۇش - قۋاتىن جەتكىزىپ، رايونىمىزداعى مەملەكەتتىك حالىق قۇرىلتايى ۋاكىلدەرىنىڭ، شينجياڭدا تۇراتىن مەملەكەتتىك ساياسي كەڭەس مۇشەلەرىنىڭ جانە كادرلار مەن بۇقارانىڭ اراسىندا قىزۋ اڭىس قوزعادى. كوپشىلىك مىنالاردى ءبىلدىردى: بۇرىن بولماعان حاۋىپ - قاتەرلەر مەن سىن - سايىستار الدىندا، باس شۋجي شي جينپيڭنىڭ ماڭىزدى ءسوزىنىڭ رۋحىن، ءسوز جوق، مۇقيات دايەكتىلەندىرىپ، تياناقتاندىرىپ، قيىندىقتاردى جەڭىپ، قامال الىپ، شىنايى يگەرىپ، ناقتى ىستەپ، ءتۇرلى شەشىمدەردىڭ، ورنالاستىرۋلاردىڭ تياناقتانىپ تەرەڭ تامىر تارتۋىنا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋدىڭ نىسانالارىن، مىندەتتەرىن ورىنداۋعا شىنايى كەپىلدىك ەتىپ، شينجياڭ ەكونوميكاسىنىڭ جوعارى ساپالى دامۋىن ۇزدىكسىز ىلگەرىلەتۋ كەرەك.
دامۋ سەنىمىن بەكەمدەپ، ۇدەرە العا تارتاتىن كۇش - قۋاتتى ۇيىستىرامىز
”باس شۋجيدىڭ ماڭىزدى ءسوزى ءبىزدىڭ دامۋ سەنىمىمىزدى اناعۇرلىم بەكەمدەپ، كاسىپورىننىڭ دامۋى ءۇشىن قۇلشىنۋ بەتالىسىن ايقىندادى“. مەملەكەتتىك حالىق قۇرىلتايىنىڭ ۋاكىلى، ەرەكشە ترانسفورماتور جارنا شەكتى سەرىكتەستىگى پارتكومىنىڭ شۋجيى، القا باستىعى جاڭ شين بىلاي دەدى: 1988 - جىلعى جالپى مال - مۇلكى 160 مىڭ يۋانعا جەتپەيتىن شاعىن زاۆودتان بۇگىنگى بازار قۇنى 26 ميلليارد يۋاننان اساتىن جارناسى نەگىزگى جارنا بازارىنا شىققان سەرىكتەستىككە اينالعانعا دەيىن، ەرەكشە ترانسفورماتور قول جەتكىزگەن ناتيجەلەر پارتيانىڭ پارمەندى باسشىلىعى مەن رەفورما جاساۋ، ەسىك اشۋ ابزال ساياساتىنىڭ جەمىسى بولۋمەن بىرگە، 30 نەشە جىلدان بەرى جاڭالىق اشىپ، وزگەرىس جاساۋعا تالپىنىپ، جوعارى ساپالى دامۋ جولىمەن جۇرۋگە تاباندى بولۋ دۇرىس تالعامىنىڭ جەمىسى. ”سەرىكتەستىگىمىز ينفورماتسيا تەحنيكاسىنىڭ ناقتى ەكونوميكامەن ىشكەرىلەي توعىسۋىن زور كۇشپەن ىلگەرىلەتىپ، سيفرلاندىرىپ، تورلاندىرىپ، زەردەلىلەندىرىپ، تيبىن جاڭالاپ، دارەجەسىن جوعارىلاتۋ ارقىلى كاسىپورىننىڭ باسەكەلىك قۋاتىن كۇشەيتەدى“، - دەدى ۋاكىل جاڭ شين.
شينجياڭدا تۇراتىن مەملەكەتتىك ساياسي كەڭەستىڭ مۇشەسى، شينجياڭ جينفىڭ عىلىم - تەحنيكا جارنا شەكتى سەرىكتەستىگىنىڭ باسالقاسى ۋ گاڭ بىلاي دەدى: تالاي جىلدان بەرى شينجياڭ ەكونوميكاسىنىڭ دامۋى كورنەكتى ىلگەرىلەۋشىلىككە قول جەتكىزدى، اسىرەسە، جۇڭگوداعى ماڭىزدى ەنەرگيا بازاسى رەتىندە، قايتا تۋىندامالى ەنەرگيا تۇتاس كاسىپ سالاسى تىزبەگىنىڭ باسىمدىعىن قالىپتاستىردى، كاسىپورنىمىزدىڭ الدا شينجياڭ ەكونوميكاسىنىڭ ارتۋىنا، ءسوز جوق، تىڭ قوزعاۋشى كۇش قوساتىندىعىنا سەنەمىن.
كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە باتىل قول جەتكىزەمىز
باس شۋجي شي جينپيڭ بىلاي دەپ اتاپ كورسەتتى: ءبىز جاڭا تيپتى ايدارشا ۆيرۋس وكپە قابىنۋ ىندەتىنىڭ ءتيىمسىز ىقپالىن قۇلشىنا جەڭىپ، اناعۇرلىم قاجىرلىلىقپەن قۇلشىنىس جاساپ، كەدەيلىكتەن ارىلتۋدان قامال الۋدىڭ جالپى بەتتىك جەڭىسىنە باتىل قول جەتكىزۋىمىز كەرەك.
مەملەكەتتىك حالىق قۇرىلتايىنىڭ ۋاكىلى، قىزىلسۋ قىرعىز اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى ءدىلشات قىدىرحان بىلاي دەدى: قىزىلسۋ وبلىسى جەرگىلىكتى جاعدايعا قاراي ىستەپ، قىستاققا، وتباسىنا، ادامعا قاراي شارا قولدانۋعا تاباندى بولىپ، كاسىپ سالاسىن دامىتۋدى كىرىستى ارتتىرۋدىڭ نەگىزى ەتىپ، ەرەكشە كاسىپ سالاسىن زور كۇشپەن دامىتىپ، عىلمي دا ءونىمدى كەدەيلەردى جەتەكتەۋ، كەدەيلەرگە پايدا جەتكىزۋ مەحانيزمىن ورناتادى، سونىمەن بىرگە جۇمىستاندىرۋدى ءبىرىنشى تۇتقا ەتۋگە تاباندى بولىپ، ەڭبەك قابىلەتى بار كەدەي حالىقتىڭ ءبارىنىڭ ورنىقتى جۇمىستانۋىن جۇزەگە اسىرۋعا شىنايى كەپىلدىك ەتەدى.
”نىسانامەن تىعىز ۇشتاستىرىپ، دالمە - ءدال شارا قولداندىق، كەدەيلىكتەن ارىلتۋدان قامال الۋ نىسانالارىن، مىندەتتەرىن دەر كەزىندە ورىنداۋعا سەنىمىمىز بار“. ياركەن اۋدانى ازاتباع قالاشىعى پارتكومىنىڭ ورىنباسار شۋجيى، قالاشىق باستىعى ابلەت ازەز مىنالاردى ءبىلدىردى: ”ازاتباع قالاشىعى ەرەكشە كاسىپ سالاسىن زور كۇشپەن دامىتىپ، كوپ ءتۇرلى شارانى قاتار قولدانىپ، كەدەي بۇقارانىڭ كىرىسىن ارتتىرىپ، ەڭ سوڭعى ماشاقاتتى تۇيىندەردى باتىلدىقپەن جەڭەدى“.
”ورنىقتىرۋ“ مەن ”قامتاماسىز ەتۋ“ نەگىزىندە بەلسەنە العا ىلگەرىلەيمىز
”استىقپەن جانە ماڭىزدى اۋىل شارۋاشىلىعى قوسىمشا ونىمدەرىمەن تۇراقتى قامداۋ ەكونوميكالىق، قوعامدىق دامۋدى ورنىقتىرۋ جونىنەن كەلەلى ماڭىزعا يە، ءارقانداي كەزدە دە بوساڭسىتۋعا بولمايدى“. اۆتونوميالى رايوندىق پارتكوم اۋىل - قىستاق قىزمەت كەڭسەسىنىڭ مەڭگەرۋشىسى، اۋىل شارۋاشىلىعى، اۋىل - قىستاق مەڭگەرمەسى پارتيا باسشىلىق گرۋپپاسىنىڭ شۋجيى جۋ گاڭ بىلاي دەدى: بيىل بۇكىل رايون باسىمدىعى بار اۋىل شارۋاشىلىعى ونىمدەرى ءوندىرىسىنىڭ ورنالاسۋىن عىلمي جوبالاپ، استىقپەن جانە ماڭىزدى اۋىل شارۋاشىلىعى ونىمدەرىمەن ءونىمدى قامداۋدى بار كۇشپەن قامتاماسىز ەتىپ، اۋىل شارۋاشىلىعى ءوندىرىسىنىڭ ءتۇرلى قىزمەتتەرىن تىڭعىلىقتى تۇردە ويداعىداي ىستەپ، اۋىل شارۋاشىلىعىندا جاپپاي مول ءونىم الۋعا قۇلشىنادى.
”ءىس ءبىر ۇلەس ورنالاستىرۋمەن، توعىز ۇلەس تياناقتاندىرۋمەن بىتەدى. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن قاز - قالپىندا دايەكتىلەندىرىپ، تياناقتاندىرىپ، فورماشىلدىقتان، تورەشىلدىكتەن اۋلاق بولىپ، ناقتى ىستەپ، ناقتى ونىمدىلىككە جەتۋگە كۇش سالامىز“. قۇمىل قالالىق اۋىل شارۋاشىلىعى، اۋىل - قىستاق مەكەمەسى كاسىپ سالاسىن دامىتۋ ءبولىمىنىڭ باستىعى يىن گوجياڭ بىلاي دەدى: كەلەسى قادامدا قۇمىل قالاسى قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، اۋىل شارۋاشىلىعىنىڭ كاسىپ قۇرىلىمىن ساپالىلاندىرىپ، اۋىل شارۋاشىلىعىن كاسىپ سالالاندىرا دامىتۋ ءۇشىن تاماشا نەگىز قالايدى.
(شينجياڭ گازەتىنىڭ تىلشىلەرى شى شين، رىن جياڭ، لي ياڭ، ءپاريزات ابدۇل، حان چينيان، ليۋ - ي، ءرايدا، ەرىكتى ءتىلشى شى جىحۇي جازعان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
