بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

«اۆتونوميالى رايون جۇڭي شيپاگەرلىگىن، دارىگەرلىگىن جالعاستىرۋدى، جاڭالىق اشۋدى، دامىتۋدى جەبەۋ جونىندەگى اتقارۋ پىكىرىن» شىعاردى

2022 - جىلى اۋدان اشقان جۇڭي ەمدەۋ قۇرىلىمدارىنىڭ جاپپاي قامتىمى نەگىزىنەن ىسكە اسادى

2020.06.15 14:56     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى چاۋ جين 6 - ايدىڭ 13 - كۇنى ۇرىمجىدەن حابارلايدى. جاقىندا شىعارىلعان «اۆتونوميالى رايوننىڭ جۇڭي شيپاگەرلىگىن، دارىگەرلىگىن جالعاستىرۋدى، جاڭالىق اشۋدى، دامىتۋدى جەبەۋ جونىندەگى اتقارۋ پىكىرىندە» (تومەندە قىسقارتىلىپ «اتقارۋ پىكىرى» دەلىنەدى) رايونىمىزدىڭ جۇڭگوشا جانە باتىسشا شيپاگەرلىككە تەڭ ءمان بەرىپ، جۇڭي شيپاگەرلىگىنىڭ، دارىگەرلىگىنىڭ ەرەكشەلىگىن جانە ارتىقشىلىعىن ساۋلەلەندىرىپ، اۆتونوميالى رايوننىڭ جۇڭي شيپاگەرلىگىن، دارىگەرلىگىن جالعاستىرۋىن، جاڭالىق اشۋىن، دامىتۋىن جەبەپ، سالاماتتى شينجياڭ ستراتەگياسىن اتقارۋدى ىلگەرىلەتەتىندىگى ايقىندالدى.

  «اتقارۋ پىكىرىندە» جۇڭي شيپاگەرلىگىنىڭ، دارىگەرلىگىنىڭ قىزمەت وتەۋ جۇيەسىن اقاۋسىزداندىرۋ، جۇڭي شيپاگەرلىگىنىڭ، دارىگەرلىگىنىڭ سالاماتتى شينجياڭ ستراتەگياسىنداعى ەرەكشە رولىن ساۋلەلەندىرۋ، جۇڭي ءدارى - دارمەكتەرىنىڭ ساپاسىن جوعارىلاتۋدى جانە كاسىپ سالاسىنىڭ جوعارى ساپادا دامۋىن كۇش سالا ىلگەرىلەتۋ، جۇڭي شيپاگەرلىگى، دارىگەرلىگى دارىندىلار قوسىنى قۇرىلىسىن كۇشەيتۋ، جۇڭي شيپاگەرلىگىن، دارىگەرلىگىن جالعاستىرۋ مەن اشىق ۇستاۋ، دامىتۋ، جاڭالىق اشۋدى جەبەۋدىڭ 5 جاقتاعى ءتۇيىندى مىندەتتەرى ايقىندالدى. 2022 - جىلعا دەيىن اۋدان اشقان جۇڭي ەمدەۋ قۇرىلىمدارىنىڭ جاپپاي قامتىمىن نەگىزىنەن ىسكە اسىرۋ، بارلىق الەۋمەتتىك اۋماقتاردىڭ دەنساۋلىق ساقتاۋ جونىنەن قىزمەت وتەۋ ورتالىقتارىندا جانە اۋىل - قالاشىق ەمحانالارىندا جۇڭي ەمحاناسىن قۇرۋ، جۇڭي شيپاگەرلەرىن سەپتەۋ سياقتى مىندەت - نىسانالارىن قۇلشىنا ىسكە اسىرۋ العا قويىلىپ، رايونىمىزدىڭ جۇڭي شيپاگەرلىگى، دارىگەرلىگى ىستەرىنىڭ جوعارى ساپادا دامۋىن ىلگەرىلەتۋ ءۇشىن جاڭا جوبا جاسادى.

  جۇڭي شيپاگەرلىگى، دارىگەرلىگى كوپتەگەن سالماقتى اۋرۋلاردى ەمدەۋدە ەرەكشە باسىمدىققا يە، «اتقارۋ پىكىرىندە» سۇيەك مەرتىگى، ينەمەن ەمدەۋ، ۋقالاۋ، سونداي - اق جۇرەك - مي قان تامىر اۋرۋلارى، سوزىلمالى تىنىس جولى اۋرۋلارى، تەمىرەتكى، الاپەس سياقتى ەرەكشە اۋرۋلاردى ارناۋلى ماماندىق بويىنشا ەمدەۋدى ساپالىلاندىرىپ، كۇشەيتىپ، دياگىنوز قويۋ - ەمدەۋ جوباسى مەن كلينيكالىق بارىسىن دەر كەزىندە قورىتىندىلاپ، قالىپتاستىرىپ، جۇڭي شيپاگەرلىگىنىڭ جەڭىل ەمدەيتىن اۋرۋ تۇرلەرىن، ۇيلەسىمدى تەحنيكالارىن، ءونىمى ەرەكشە جۇڭي ءدارى - دارمەك تۇرلەرىن سارالاپ شىعۋ العا قويىلدى. سونىمەن بىرگە، اۋرۋدىڭ الدىن الۋدى ءتۇيىن ەتىپ، جۇڭي شيپاگەرلىگىنىڭ ”اۋرۋدىڭ الدىن الۋ“ سالاماتتىق ينجەنەرياسىن ىلگەرىلەتىپ، قارتتار، ايەلدەر، بالالار، دەنساۋلىق كەمىستىگى بارلار سياقتى ءتۇيىندى قاۋىم مەن سوزىلمالى اۋرۋدىڭ تۇراقتى كۇيىندە تۇرعان ناۋقاستاردى توڭىرەكتەي، جۇڭي شيپاگەرلىگىنىڭ اۋرۋدىڭ الدىن الۋ بويىنشا كيلىگۋ جوباسىن جاساپ، جالپى حالىققا ءدارىلى تاعاممەن ەمدەۋ، كوڭىل كۇيدى رەتتەۋ، قان تامىر جولى ۇياشىقتارىن ۋقالاۋ جانە بەس حايۋانشا گيمناستيكا، سەگىز قيلى گيمناستيكا سياقتى دەنساۋلىقتى كۇتۋ - ساقتاۋ ادىستەرىن جالپىلاستىرۋ كەرەك.

  «اتقارۋ پىكىرىندە» بىلاي اتاپ كورسەتىلدى: رايونىمىزدىڭ جۇڭي ءدارى - دارمەك ماتەريالدارى بايلىعىن قورعاۋدى جانە ودان پايدالانۋدى كۇشەيتىپ، كولەمدەندىرىلگەن جانە جۇيەلىلەندىرىلگەن ەگىمشىلىكتى، باعىمشىلىقتى ىلگەرىلەتۋ كەرەك. جۇڭي ءدارى - دارمەك ماتەريالدارى كاسىپ سالاسىن دامىتۋ جوباسىن جانە دارىلىك بايلىق سورتىن ەگۋ، باعۋ ءتىزىمىن جاساۋ، رايونىمىزدىڭ ءىشى - سىرتىنداعى كاسىپورىنداردى جۇڭي ءدارى - دارمەك ماتەريالدارى نەگىزگى ءوندىرىس رايونىندا ”بۇيىرتىلعان ءدارى باقشاسىن“ قۇرۋعا باۋراۋ، شارت - جاعدايى كەلەتىن ايماقتاردىڭ (وبلىس، قالا) ءدارى - دارمەك ماتەريالدارىن جيناۋ - جونەلتۋ ورتالىعىن جانە وسىزاماندانعان جۇڭي ءدارى - دارمەك ماتەريالدارى قامباسىن، زات اينالىمى ورتالىعىن جوبالاپ قۇرۋ سياقتى شارالارىنا قولداۋ كورسەتۋ ارقىلى كاسىپ سالاسىنىڭ ورنالاسۋىن ساپالىلاندىرىپ، جۇڭي ءدارى - دارمەك ماتەريالدارىنىڭ اينالىم كاسىپ سالاسى تىزبەگىن قۇرىپ، جۇڭي ءدارى - دارمەكتەرىنىڭ ساپاسىن جوعارىلاتۋ مەن كاسىپ سالاسىنىڭ جوعارى ساپادا دامۋىن ىلگەرىلەتۋ كەرەك.

  جۇڭي شيپاگەرلىگىنىڭ، دارىگەرلىگىنىڭ دامۋى دارىندىلار قوسىنى قۇرىلىسىنان ايرىلا المايدى، «اتقارۋ پىكىرىنە» ساي، رايونىمىز جۇڭي شيپاگەرلىگى، دارىگەرلىگى وقىتۋىن قولداۋ تەبىنىن ارتتىرىپ، اۆتونوميالى رايوننىڭ جۇڭي شيپاگەرلىگى، دارىگەرلىگى مەكتەپتەرى قۇرىلىسىن جەدەل ىلگەرىلەتىپ، جۇڭي شيپاگەرلىگى بويىنشا ساۋىقتىرۋ شيپاگەرلىك ءىلىمى، جۇڭي ءدارى - دارمەك بايلىعى ءىلىمى جانە جۇڭي ءدارى - دارمەكتەرىن جاساۋ ينجەنەريالىق ءىلىمى سياقتى تولىق كۋرس ماماندىعىن كوبەيتىپ اشىپ، جۇڭي شيپاگەرلىگى، دارىگەرلىگى تولىق كۋرس ماماندىعىنا وقۋشى قابىلداۋ كولەمىن بىرتىندەپ ۇلعايتىپ، كاسىپتىك - تەحنيكالىق شۋەيۋاندارىندا جۇڭي شيپاگەرلىگى، دارىگەرلىگى ارناۋلى كۋرس دەڭگەيىندەگى ماماندىقتى كوبەيتىپ اشادى. شۋەيۋان، مەكتەپ تاربيەسىنە قولداۋ كورسەتۋمەن قاتار، ۇستاز شەبەرلىگىن جالعاستىرۋ تاربيەسىمەن ۇشتاستىرىپ، جۇڭي شيپاگەرلىگىنىڭ، دارىگەرلىگىنىڭ كلاسسيكتەرى بويىنشا قابىلەت دەڭگەيى ەمتيحانىن ورىستەتۋ، جاسى ۇلكەن، ستاجى جوعارى جۇڭي شيپاگەرلەرىنىڭ شاكىرت تاربيەلەۋ تەبىنىن ارتتىرۋ، جۇڭي شيپاگەرلىگىن، دارىگەرلىگىن جالعاستىرۋداعى جانە جاڭالىق اشۋداعى ”ءجۇز، مىڭ، ون مىڭ“ دارىندى ينجەنەرياسىن ىلگەرىلەتۋ سياقتى جاقتاردان باستاپ كىرىسىپ، جۇڭي شيپاگەرلەر، دارىگەرلەر دارىندىلارى قوسىنىن قۇرادى.

  رايونىمىز تاعى جۇڭي دارىلەرىنىڭ باعاسىن جانە ەمدەۋدى قامتاماسىز ەتۋ ساياساتىن كەمەلدەندىرۋ؛ جۇڭي شيپاگەرلىگى، دارىگەرلىگى ىستەرىنىڭ دامۋىنا قارجى قوسۋدىڭ ورنىقتى، باياندى مەحانيزمىن ورناتۋ؛ جۇڭي شيپاگەرلىگىن، دارىگەرلىگىن باسقارۋ جۇيەسىن اقاۋسىزداندىرۋ، جۇڭي شيپاگەرلىگى، دارىگەرلىگى مادەنيەتىن ۇگىتتەۋ تەبىنىن ارتتىرۋ سياقتى قامتاماسىز ەتۋ شارالارى ارقىلى جاۋھارىن ءتىپتى دە ويداعىداي جالعاستىرىپ، تۋراشىلدىقتان جازباي جاڭالىق اشىپ، جۇڭي شيپاگەرلىگى، دارىگەرلىگى مادەنيەتىنىڭ اسىلىن بىرگە جارقىراتىپ، سالاماتتى شينجياڭ قۇرىلىسىنا دەم بەرەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار