ۋاڭ ياڭ شينجياڭدا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شينجياڭ قىزمەتىنىڭ باس نىساناسىن ارقاۋ ەتىپ، ۇزاق بولاشاقتىق جوسپاردى كوبىرەك جاساپ، نەگىزدى بەكەمدەۋ شارالارىن كوبىرەك اتقارۋ كەرەك
2020.06.15 14:58 كەلۋ قاينارى : شينجياڭ گازەتى
شينحۋا اگەنتتىگىنىڭ 6 - ايدىڭ 12 - كۇنى ۇرىمجىدەن بەرگەن حابارى (ءتىلشى لين حۇي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جۋىقتا شينجياڭدا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى بايىمداۋلارىن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جان - جاقتى دايەكتىلەندىرىپ، تياناقتاندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، شينجياڭ قىزمەتىن ويداعىداي ىستەۋدىڭ ۇزاق ۋاقىتتىلىعىن، كۇردەلىلىگىن، جاپالىلىعىن جەتە تانىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، قوعام ورنىقتىلىعىنىڭ جەتىستىكتەرىن اناعۇرلىم بەكەمدەپ، تۇبىرگە، نەگىزگە، ۇزاق بولاشاققا قاتىستى ماسەلەلەرگە نازاردى شوعىرلاندىرا كۇش سالىپ، باياندى تىنىشتىقتىڭ نەگىزىن بەكەمدەۋ كەرەك.
اۆتونوميالى رايوندىق پارتكومنىڭ شۋجيى چىن چۋانگو، ورتالىق كوميتەت شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان بىرگە تەكسەرۋ - زەرتتەۋ جۇرگىزدى.
6 - ايدىڭ 8 - كۇنىنەن 12 - كۇنىنە دەيىن، ۋاڭ ياڭ بايىنعولين، حوتان، قاشقار، قىزىلسۋ، بيڭتۋان 3 - شىسى سياقتى جەرلەرگە بارىپ، اۋىل - قىستاقتاردى، الەۋمەتتىك اۋماقتاردى، مەكتەپتەردى، كاسىپورىنداردى، تۋان الاڭدارىن، ءدىني ورىنداردى ارالاپ تەكسەرۋ - زەرتتەۋ جۇرگىزدى ءارى قىزمەت اڭگىمە ءماجىلىسىن باسقارىپ اشىپ، قاتىستى جاقتاردىڭ پىكىرلەرىن، ۇسىنىستارىن تىڭدادى. ول بىلاي دەپ اتاپ كورسەتتى: جۋىق جىلداردان بەرى، اۆتونوميالى رايوندىق پارتكوم ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا قاراتقان تۇسىنىك پەن تانىمدى ۇزدىكسىز تەرەڭدەتىپ، شينجياڭ قىزمەتىنىڭ باس نىساناسىن جۇزەگە اسىرۋدىڭ شارالارى مەن ادىستەرىن ۇزدىكسىز قاراستىرىپ جانە كەمەلدەندىرىپ، بۇكىل شينجياڭداعى ءار ۇلت كادرلارى مەن بۇقاراسىن ىنتىماقتاستىرىپ، قىرۋار جاپالى دا ەگجەي - تەگجەيلى قىزمەتتەر ىستەپ، كەلەلى كەزەڭدىك ونىمدىلىككە قول جەتكىزىپ، قوعامدىق كەلەلى جاعداي ورنىققان، كاسىپ سالاسىنىڭ قۇرىلىمى ساپالىلانعان، حالىق تىنىش ءومىر، شات - شادىمان تىرشىلىك كەشكەن تاماشا جاعدايدىڭ قالىپتاسۋىن ىلگەرىلەتتى.
ۋاڭ ياڭ بىلاي دەپ باسا دارىپتەدى: ۇلت، ءدىن قىزمەتى شينجياڭنىڭ قوعام ورنىقتىلىعى مەن باياندى تىنىشتىعىنا سايادى. جۇڭحۋا ۇلتى ورتاق تۇلعاسى تانىمىن بەرىك ورناتۋدىڭ نەگىزگى جەلىسىمەن تىعىز بايلانىستىرىپ، ۇلت قىزمەتىن جاقسى ىستەپ، جۇڭحۋا ۇلتى ورتاق تۇلعاسى تاريحىن زەرتتەۋدى كۇشەيتىپ، ءار دارەجەلى، ءار ءتۇرلى ۇلتتار ىنتىماعى، العاباسارلىعى تاربيەسىن ۇزدىكسىز تەرەڭدەتىپ، مەملەكەتتە ءبىر تۇتاس قولدانىلاتىن ءتىل - جازۋدى كەڭىنەن جالپىلاستىرىپ، ۇلتتاردىڭ كەڭ كولەمدى ارالاسۋىن، جان - جاقتى ىشتەسۋىن، تەرەڭ توعىسۋىن جەبەۋ كەرەك. پارتيانىڭ ءدىن قىزمەتى نەگىزگى باعىتىن جان - جاقتى دايەكتىلەندىرىپ، زاڭدىلارىن قورعاۋ، زاڭسىزدارىن تەجەۋ، ۇشقارىلىقتى اۋىزدىقتاۋ، سىنالاپ كىرۋگە قارسى تۇرۋ، قىلمىسقا سوققى بەرۋ، دىنگە سەنەتىن بۇقارانى مەملەكەت تانىمىن، ازامات تانىمىن، زاڭمەن جونگە سالۋ تانىمىن بەرىك ورناتۋعا جەتەكتەپ، شينجياڭدا ءىسلام ءدىنىن جۇڭگوشالاندىرۋدىڭ قوعامدىق نەگىزىن مىقتاپ بەكەمدەپ، ونى سوتسياليستىك قوعامعا اناعۇرلىم ويداعىداي ۇيلەستىرۋ كەرەك.
ۋاڭ ياڭ بىلاي دەپ باسا دارىپتەدى: دامۋ − باياندى تىنىشتىقتىڭ ەكونوميكالىق نەگىزى، دامۋ جەتىستىكتەرىن حالىق تۇرمىسىن جاقسارتۋدا، جۇرت تىلەگىن ۇيىستىرۋدا تياناقتاندىرۋ كەرەك. جاڭا دامۋ ۇستانىمىن دايەكتىلەندىرىپ، جوعارى ساپالى دامۋ سەنىمىن بەكەمدەپ، جىبەك جولى ەكونوميكالىق بەلدەۋى وزەكتى رايون قۇرىلىسى سىندى كەلەلى جۇمىستى ويداعىداي ىستەپ، ەرەكشە باسىمدىعى بار كاسىپ سالالارىن جەتىلدىرۋ، زورايتۋ، قالا - قالاشىقتاندىرۋ ساپاسىن جوعارىلاتۋ، شارۋاشىلىق - ساۋدا ورتاسىن ساپالىلاندىرۋ جاعىنا اناعۇرلىم زور كۇش سالۋ كەرەك. كۇشتى شوعىرلاندىرا وتىرىپ، اۋىر كەدەيلىكتىڭ ەڭ سوڭعى قامالىن الىپ، قايتا كەدەيلەسۋدەن ساقتانۋدى قاداعالاۋ جانە كومەكتەسۋ، سۇيەمەلدەۋ مەحانيزمىن ورناتىپ، اقاۋسىزداندىرىپ، كەدەيلىكتەن ارىلتۋ جەتىستىكتەرىن بەكەمدەپ، جوعارىلاتىپ، كەدەيلىكتەن ارىلتۋدان قامال الۋدىڭ نىسانالارىن، مىندەتتەرىن دەر كەزىندە جوعارى ساپامەن ورىنداۋعا شىنايى كەپىلدىك ەتۋ، جاپپاي دوڭگەلەك داۋلەتتىلىككە جەتۋ جولىندا بىردە - ءبىر ۇلتتىڭ قاعىس قالماۋىنا شىنايى كەپىلدىك ەتۋ كەرەك.
ۋاڭ ياڭ بىلاي دەپ اتاپ كورسەتتى: بيڭتۋان − شينجياڭ قىزمەتىنىڭ باس نىساناسىن جۇزەگە اسىرۋداعى ستراتەگيالىق كۇش. بيڭتۋاننىڭ رەفورمانى تەرەڭدەتۋ جەتىستىكتەرىن بەكەمدەپ، بيڭتۋاننىڭ جالپىلىق قۋاتىن دامىتىپ، زورايتىپ، ورنىقتىلىقتى قورعاۋ، شەكارانى كۇزەتۋ جاۋاپكەرشىلىگىن، بورىشىن شىنايى اتقارۋ كەرەك. تاباندىلىقپەن وڭتۇستىككە قاراي دامىپ، ستراتەگيالىق ورنالاستىرۋدى ساپالىلاندىرىپ، ساياساتتىق قولداۋدى كۇشەيتىپ، بيڭتۋان مەن جەرگىلىكتى ورىننىڭ توعىسۋىن تەرەڭدەتىپ، بيڭتۋاندى شەكارانى ورنىقتىرىپ - بەكەمدەۋدىڭ ورنىقتىرعىشىنا، ءار ۇلت بۇقاراسىن ۇيىستىراتىن دومنا پەشكە، وزىق وندىرگىش كۇش پەن وزىق مادەنيەتتەن ۇلگى كورسەتەتىن رايونعا اينالدىرۋ كەرەك.
ورتالىق كوميتەت بىرلىكساپ ءبولىمىنىڭ ورىنباسار باستىعى، ورتالىقتىڭ شينجياڭ قىزمەتىن سايكەستىرۋ گرۋپپاسى كەڭسەسىنىڭ مەڭگەرۋشىسى شى جۇن، قازىنا مينيسترلىگىنىڭ ورىنباسار مينيسترى چىڭ ليحۋا، مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ مەڭگەرۋشىسى ليۋ يۇڭفۋ، مەملەكەتتىك دامۋ جانە رەفورما كوميتەتىنىڭ باس حاتشىسى سۇڭ لياڭ تەكسەرۋ - زەرتتەۋدە بىرگە بولدى. اۆتونوميالى رايوننىڭ باسشىلارىنان شوكىرات زاكىر، ۋاڭ جۇنجىڭ، لي پىڭشين قاتارلىلار قاتىستى تەكسەرۋ - زەرتتەۋ قيمىلدارىنا نەمەسە اڭگىمە ماجىلىستەرگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
