باستاپقى 5 ايدا رايونىمىزدىڭ بازار تۇلعالارى بىلتىرعى سايكەس مەزگىلدەگىدەن ％ 11.9 ارتتى ەلەكتر تورىنىڭ ساتۋ مولشەرى سايكەس مەزگىلدەگىدەن ％ 8 ارتتى
2020.06.15 14:58 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى رىن حۋا 6 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق بازاردى باقىلاۋ - باسقارۋ مەكەمەسىنەن ۇعىسۋىمىزشا، 5 - ايدىڭ سوڭىنا دەيىن، تۇتاس رايونىمىزداعى ناقتى ءتۇرلى بازار تۇلعالارى (بيڭتۋاندى قامتيدى) ءبىر ميلليون 900 مىڭنان اسىپ، بىلتىرعى سايكەس مەزگىلدەگىدەن ％11.9 ارتقان. مۇنىڭ ىشىندە كاسىپورىن 382 مىڭ بولىپ، بىلتىرعى سايكەس مەزگىلدەگىدەن ％7.7 ارتقان؛ جەكەشە ساۋدا - ونەركاسىپشىلەر ءبىر ميلليون 534 مىڭ 100 بولىپ، بىلتىرعى سايكەس مەزگىلدەگىدەن ％13.2 ارتقان.
اۆتونوميالى رايوندىق بازاردى باقىلاۋ - باسقارۋ مەكەمەسىنىڭ ورىنباسار باستىعى گاۋ جياندۇڭ مىنالاردى ءبىلدىردى: جاڭادان تىزىمگە الىنعان بازار تۇلعالارىنىڭ سانى ورنىقتى قاداممەن جوعارىلاپ، كاسىپ سالاسىنىڭ جاندانعاندىعىن، سەنىمدەرىنىڭ سەرپىلگەندىگىن ايگىلەپ، بازار كۇشى جينالىپ، بازار تۇلعالارىن ساقتاۋ قىزمەتى كەزەڭدىك تابىسقا قول جەتكىزدى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، اۆتونوميالى رايوندىق بازاردى باقىلاۋ - باسقارۋ تاراۋلارى كاسىپورىنداردى ورنىقتىرۋدى، بازار تۇلعاسىن ساقتاۋدى اناعۇرلىم كورنەكتى ورىنعا قويىپ، كاسىپورىنعا ءتيىمدى ءتۇرلى ساياساتتى تياناقتاندىرىپ، ساياسات جاعىنان كومەكتەسۋ - سۇيەمەلدەۋدى كۇشەيتىپ، قىزمەت وتەۋ ونىمدىلىگىن جوعارىلاتىپ، بازار تۇلعالارىنىڭ دامۋىن جەبەدى. بيىل 2 - ايدا اۆتونوميالى رايوندىق بازاردى باقىلاۋ - باسقارۋ مەكەمەسى «ىندەتتەن ساقتانۋ - تىزگىندەۋ كەزىندە بازاردى ورنىقتىرۋدىڭ، كاسىپورىنعا كومەكتەسۋدىڭ، حاۋىپسىزدىككە كەپىلدىك ەتۋدىڭ 16 تارماقتى قىزمەت شاراسىن» باسىپ تاراتىپ، بازار تۇلعالارىن تىزىمگە الىپ تىركەۋ، اكىمشىلىك رۇقسات ەتۋ، كەپىلگە قويىپ قارجى توپتاۋ سياقتى جاقتاردا بازاردى باقىلاۋ - باسقارۋ تاراۋلارىنىڭ فۋنكتسيالىق ابزالدىلىعىن ساۋلەلەندىرىپ، قىزمەت وتەۋ، قامتاماسىز ەتۋ قىزمەتىن ويداعىداي ىستەپ، كاسىپورىننىڭ جۇمىستى، ءوندىرىستى قالپىنا كەلتىرۋىنە دەم بەردى.
اۆتونوميالى رايوندىق بازاردى باقىلاۋ - باسقارۋ مەكەمەسى بەلسەندى تۇردە بازار تۇلعالارىن تىزىمگە الىپ تىركەۋدە قولايلىلىق جاساپ، ءتۇرلى بازار تۇلعالارى ءۇشىن ”ينتەرنەت جەلىسىندە تۇتاس ءبىتىرۋ، ۋادەلەسىپ جىلدام ءبىتىرۋ“ سىندى تىزىمگە الىپ تىركەۋ قىزمەت وتەۋىن ازىرلەدى ءارى قاعاز تۇردەگى تيجارات كۋالىگىن پوچتادان جىبەردى؛ مۇناس تىس، ءتۇرلى اكىمشىلىك رۇقسات ەتۋ ءتارتىبىن ىقشامداپ، رۇقسات ەتۋ مەرزىمى تولعان قاتىستى ءوندىرىس كاسىپورىندارىنىڭ ىندەتتەن ساقتانۋ - تىزگىندەۋ مەزگىلىندە وزدەرىن مالىمدەۋ، ساپا حاۋىپسىزدىگىنە ۋادە بەرۋ ارقىلى بۇرىنعى رۇقسات ەتىلگەن شارت - جاعدايى بويىنشا ءوندىرىس، تيجارات جۇرگىزۋگە شابىتتاندىردى.
اۆتونوميالى رايوندىق بازاردى باقىلاۋ - باسقارۋ مەكەمەسى تۇتاس رايوندا ”باقىلاۋ - باسقارۋدى كۇشەيتۋ، قىزمەت وتەۋدى ساپالىلاندىرۋ، قيىن ماسەلەلەردى شەشۋ، كاسىپورىنداردىڭ جۇمىستى، ءوندىرىستى قالپىنا كەلتىرۋىنە دالمە - ءدال دەم بەرۋدى“ نەگىزگى تاقىرىپ ەتكەن ارناۋلى ارەكەت ورىستەتىپ، بازاردى باقىلاۋ - باسقارۋ قىزمەت سالاسى بويىنشا قورعانۋ بۇيىمدارىن وندىرەتىن كاسىپورىنعا قىزمەت وتەۋ اترەتىن، ساپانى جوعارىلاتۋعا قىزمەت وتەۋ اترەتىن، ازىق - تۇلىك حاۋىپسىزدىگىنە قىزمەت وتەۋ اترەتىن، ءبىلىم مەنشىگى ۇقىعىنا قىزمەت وتەۋ اترەتىن، زاڭنىڭ اتقارىلۋىن باقىلاۋعا قىزمەت وتەۋ اترەتىن قۇرىپ، ءبىر كاسىپورىنعا ءبىر شارا پرينسيبى بويىنشا 195 ءتۇيىندى كاسىپورىنعا بارىپ، تۇيىندە تۇرىپ جەتەكشىلىك ەتىپ، سول جەردىڭ وزىندە كاسىپورىنداردىڭ جۇمىستى، ءوندىرىستى قالپىنا كەلتىرۋ بارىسىندا جولىققان قيىنشىلىقتارىن شەشتى.
بيىل 3 - ايدا اۆتونوميالى رايون «جەكەشە ساۋدا - ونەركاسىپشىلەردىڭ ىندەتتىڭ ىقپالىنا توتەپ بەرۋىنە، تيجارات وزىندىك قۇنىن تومەندەتۋىنە كومەكتەسىپ، ورنىقتى دامۋدى جەبەۋ جونىندەگى ءبىرقانشا پىكىردى» جاريالادى، اۆتونوميالى رايوندىق بازاردى باقىلاۋ - باسقارۋ مەكەمەسى بەلسەنە تياناقتاندىرىپ، 6 - ايدىڭ 7 - كۇنىنە دەيىن تۇتاس رايونداعى جەكەشە ساۋدا - ونەركاسىپشىلەر ءۇشىن تەكسەرۋ - ولشەۋ جانە باۋلۋ قاراجاتى، تاسىمال جۇمىسىن توقتاتقان اۆتوكولىكتەردى باسقارۋ قاراجاتى، دۇكەن جالداۋ اقىسى، جىلجىمايتىن مال - مۇلىكتى تىزىمگە الدىرۋ قاراجاتى سياقتى 10 تۇردەگى قاراجاتتان جالپى ءبىر ميلليارد 956 ميلليون يۋان كەشىرىم ەتتى، كاسىپورىنداردان تەكسەرۋ - ولشەۋ اقىسىنان 7 ميلليون يۋاننان استام قاراجاتتى ازايتىپ نەمەسە كەشىرىم ەتىپ، كاسىپورىنداردىڭ ءبىلىم مەنشىگى ۇقىعىن كەپىلگە قويىپ قارجى توپتاۋدا 28 ميلليون يۋان قارىز الۋىنا كومەكتەستى.
”كەلەسى قادامدا ءبىز كىرۋگە رۇقسات ەتۋ ورتاسىن، باسەكە ورتاسىن، تۇتىنۋ ورتاسىن ساپالىلاندىرۋدا جوعارى ساپادا قارقىندى تەزدەتۋگە ۇزدىكسىز كۇش سالىپ، ’ينتەرنەت + ۇكىمەت ىسىنە قىزمەت وتەۋ‘ جانە ’ءبىر تەكشەدە‘ تىركەۋ، ’ءبىر تەرەزەدەن‘ ءبىتىرۋ، ’ءبىر ينتەرنەت جەلىسىندە تەگىس‘ ءىس ءبىتىرۋ، ’ەشقايدا جۇگىرمەي‘ كۋالىك الۋدى ۇزدىكسىز تەرەڭدەتۋدى بەلسەنە ىلگەرىلەتىپ، تەكسەرىپ بەكىتۋ بارىسىن، تەكسەرىپ بەكىتۋ ۋاقىتىن، تەكسەرىپ بەكىتۋدىڭ وزىندىك قۇنىن شىنايى ازايتىپ، قارجى قوسىپ شارۋاشىلىقپەن شۇعىلدانۋعا ءتىپتى دە تەز، ءتىپتى دە جاقسى، ءتىپتى دە قولايلى قىزمەت وتەيدى“، - دەدى گاۋ جياندۇڭ.
گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي 6 - ايدىڭ 12 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋعا قاراعاندا، باستاپقى 5 ايدا شينجياڭ ەلەكتر تورىنىڭ جالپى ساتقان ەلەكترى 52 ميلليارد 983 ميلليون كيلوۆات - ساعاتقا جەتىپ، سايكەس مەزگىلدەگىدەن ％8.09 ارتقان.
مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ ساناعىنا نەگىزدەلگەندە، بيىل باستاپقى 5 ايدا رايونىمىزدىڭ بارلىق كاسىپ سالاسىنىڭ پايدالانعان ەلەكتر مولشەرى 47 ميلليارد 762 ميلليون كيلوۆات - ساعات بولىپ، جالپى ەلەكتر پايدالانۋ مولشەرىنىڭ ％90.15ىن ۇستاعان؛ قالا - قالاشىق تۇرعىندارىنىڭ تۇرمىستىق ەلەكتر تۇتىنۋ مولشەرى 5 ميلليارد 221 ميلليون كيلوۆات - ساعاتقا جەتىپ، جالپى ەلەكتر پايدالانۋ مولشەرىنىڭ ％9.85ىن ۇستاعان.
باستاپقى 5 ايدا رايونىمىزدىڭ 1 - كاسىپ سالاسىنىڭ ەلەكتر پايدالانۋ مولشەرى شامامەن 600 ميلليون كيلوۆات - ساعات بولىپ، تۇتاس كاسىپ سالاسىنىڭ ەلەكتر پايدالانۋ مولشەرىنىڭ ％1.25ىن ۇستاعان. 2 - كاسىپ سالاسىنىڭ ەلەكتر پايدالانۋ مولشەرى 31 ميلليارد 217 ميلليون كيلوۆات - ساعات بولىپ، تۇتاس كاسىپ سالاسىنىڭ ەلەكتر پايدالانۋ مولشەرىنىڭ ％65.36ىن ۇستاپ، سايكەس مەزگىلدەگىدەن ％6.63 تومەندەگەن، بۇل نەگىزىنەن كەزەكتە بۇكىل جەر شارىندا ۇزدىكسىز تارالعان ىندەتتىڭ ىقپالىنان بولىپ، ءبىر ءبولىم كاسىپ سالاسىنىڭ بازار سۇرانىسى تومەندەپ، توقىماشىلىق، اليۋمىن قورىتۋ سياقتى كاسىپ سالالارىنىڭ وندىرىسكە ىستەتەتىن ەلەكتر مولشەرىنىڭ كورنەكتى تومەندەۋىنەن كەلىپ وتىر.
باستاپقى 5 ايدا ەلەكتردەن پايدالانۋ مولشەرىنىڭ ارتۋىنا ەڭ كوپ ۇلەس قوسقانى 3 - كاسىپ سالاسى بولدى. 3 - كاسىپ سالاسىنىڭ پايدالانعان ەلەكترى 15 ميلليارد 948 ميلليون كيلوۆات - ساعات بولىپ، جالپى كاسىپ سالاسىنىڭ ەلەكتر پايدالانۋ مولشەرىنىڭ ％33.39ىن ۇستاپ، سايكەس مەزگىلدەگىدەن ％43.46 ارتقان. بۇل نەگىزىنەن جۇمساق بولشەك جانە ينفورماتسيا تەحنيكاسى قىزمەت وتەۋ كاسىبىنىڭ نەگىزىنەن ىندەتتىڭ ىقپالىنا ۇشىراماعاندىعىنان، ”ۇلكەن ساندى مالىمەت“ جانە ”بۇلت“ سىندى قاتىستى عىلىم - تەحنيكالىق كاسىپورىندارىنىڭ تىڭنان ارتقان ەلەكتر پايدالانۋ مولشەرى 3 ميلليارد 628 ميلليون كيلوۆات - ساعات بولىپ، ەلەكتر پايدالانۋ مولشەرىنىڭ قارقىنىن 4.7 پايىز جوعارىلاتتى.
ەلەكتر پايدالانۋ تيجارات - ساۋدا ورتاسىن ۇزدىكسىز ساپالىلاندىرىپ، ارتتىرۋ، قامداۋ، ۇلعايتۋ، ساتۋدى كۇش سالا ىلگەرىلەتۋ ەلەكتر ساتۋ مولشەرىنىڭ ارتۋىنداعى ماڭىزدى سەبەپتەردىڭ ءبىرى. بيىل مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى قىزمەت وتەۋدى ساپالىلاندىرىپ، كاسىپتى ۇلعايتۋ، ەلەكتر پايدالانۋدى ءوتىنىش ەتۋ جۇمىس تارتىپتەرىن ىقشامداپ، ءتۇيىندى كاسىپتەردى ۇلعايتۋ نىسانىن باسى - قاسىندا قاداعالاپ، جيىنى 35 كيلوۆولتتىق، سونداي - اق ودان جوعارى ءتۇيىندى نىساننان 19ىن ورىندادى، سيىمدىلىعى ءبىر ميلليون 680 مىڭ كيلوۆات - امپەرگە جەتتى.
ەلەكتر ەنەرگياسىنىڭ ورىن باسۋ كولەمىنىڭ ۇزدىكسىز كەڭەيۋى ەلەكتردىڭ ساتىلۋ مولشەرىن ارتتىرۋدا دا اسا ماڭىزدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ەلەكتر ساتۋدىڭ جاڭا ارتۋ تۇيىندەرىن بەلسەنە كەڭەيتىپ، ونەركاسىپ، اۋىل شارۋاشىلىعى ءوندىرىسى، تۇرعىندار تۇرمىسى، ساۋدالىق اس - سۋ، مەكتەپ اۋلاسىنىڭ تازا جىلۋدان پايدالانۋى سياقتى ءتۇيىندى سالالاردا ەلەكتر ەنەرگياسىنىڭ ورىن باسۋىن ۇزدىكسىز ىلگەرىلەتتى، باستاپقى 5 ايدا ورنىن باسقان ەلەكتر مولشەرى 2 ميلليارد 243 كيلوۆات - ساعات بولدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
