شينجياڭداعى مەملەكەت اتتاعان ەكىنشى ەلەكترمەن قامداۋ جەلىسى ىسكە قوسىلدى
2020.06.15 15:02 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي 6 - ايدىڭ 12 - كۇنى ۇرىمجىدەن حابارلايدى. ءتىلشىنىڭ مەملەكەت تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىنشا، 6 - ايدىڭ 10 - كۇنى جۇڭگو شينجياڭ باركول قازاق اۆتونوميالى اۋدانىنان موڭعۇليانىڭ بۇرعىستاي وتكەلىنە 10 كيلوۆولتتىق ەلەكترمەن قامداۋ جەلىسى پايدالانۋعا بەرىلگەن، بۇل شينجياڭدا ىسكە قوسىلعان مەملەكەت اتتاعان ەكىنشى ەلەكترمەن قامداۋ جەلىسى.
جۇڭگو جاق شەكارانىڭ ىشىندەگى لاۋيەمياۋ وتكەلىنىڭ قارسى جاعى موڭعۇليانىڭ بۇرعىستاي وتكەلى، بۇل ەكى وتكەل جۇڭگو - موڭعۇليا اراسىنداعى ماڭىزدى تاس جول وتكەلى. ۇزاق ۋاقىتتان بەرى، بۇرعىستاي وتكەلىندە اۋىر دارەجەدە ەلەكتر جەتىسپەي، كەدەن جۇمىستارىنا جانە كاسىپورىندار وندىرىسكە، تۇرمىسقا پايدالاناتىن ەلەكتردى گەنەراتوردان الىپ وتىردى، وزىندىك قۇنى جوعارى ءارى تۇراقسىز بولىپ، جەرگىلىكتى ورىننىڭ ەكونوميكالىق، قوعامدىق دامۋىنا جانە يمپورت - ەكسپورت ساۋداسىن جۇرگىزۋگە زور دارەجەدە تۇساۋ بولدى.
2019 - جىلى 6 - ايدا موڭعۇليانىڭ بۇرعىستاي وتكەلى مەن ماڭايىنداعى وڭىرلەردىڭ قالىپتى تۇرمىستىق، وندىرىستىك ەلەكتر قولدانۋىن قامتاماسىز ەتۋ ءۇشىن، موڭعۇليا جۇڭگو جاققا ەلەكتردەن پايدالانۋ ءوتىنىشىن تاپسىردى. ءوتىنىشتى تاپسىرىپ العاننان كەيىن، جۇڭگو - موڭعۇليا ەكى جاق ەلەكترمەن قامداۋ جوسپار جوباسىن بىرگە جاساۋدى ۇيعاردى. بۇل ەلەكترمەن قامداۋ جەلىسى 2019 - جىلى 7 - ايدا قۇرىلىس باستاپ، 2019 - جىلى 12 - ايدىڭ اياعىندا بۇكىل جەلى بويىنشا تۇتاستىرىلدى، جەلىنىڭ شەكارا ىشىندەگى، شەكارا سىرتىنداعى جالپى ۇزىندىعى 2.6 كيلومەتر، جاڭادان 2 كەرنەۋ وزگەرتكىش ورناتىلدى، ەلەكترمەن قامداۋ جالپى سيىمدىلىعى 515 كيلوۆولت - امپەر بولىپ، موڭعۇليانىڭ بۇرعىستاي وتكەلىنىڭ جۇمىس جۇرگىزۋىن جانە توڭىرەگىندەگى كاسىپورىنداردىڭ قالىپتى وندىرىسكە، تۇرمىسقا ەلەكتر پايدالانۋىن قامتاماسىز ەتتى.
2009 - جىلى 4 - ايدا ەلىمىزدىڭ ەلەكتر تورى شىڭگىل اۋدانىمەن شەكارالاسىپ جاتقان موڭعۇليانىڭ بۇلعىن وتكەلىن ”جارىقتاندىردى“. سول جىلى 9 - ايدا ەلىمىزدىڭ مىندەتكە الىپ سالعان ەلەكتر تورى بۇلعىن وتكەلىنەن شىعىسقا سوزىلىپ، موڭعۇليانىڭ قوبدا ولكەسىنىڭ باتىس بولەگىندەگى 3 اۋداننىڭ 21 مىڭ تۇرعىنى تۇگەلدەي جۇڭگونىڭ ەلەكترىنەن پايدالاندى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
