رايونىمىزداعى ءار ۇلت كادرلارى مەن بۇقارا باس شۋجي شي جينپيڭنىڭ نيڭشيادا قىزمەت تەكسەرگەندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ مىنانى ءبىلدىردى −
بىردە - بىرەۋىن قاعىس قالدىرۋعا بولمايدى، شينجياڭ قاتاردان قالمايدى
گازەتىمىزدىڭ جالپىلىق اقپارات قۇرالدارى تىلشىلەرى
2020.06.15 15:11 كەلۋ قاينارى : شينجياڭ گازەتى
”جاپپاي دوڭگەلەك داۋلەتتى قوعام ورناتۋدا بىردە - ءبىر از ۇلتتى قاعىس قالدىرۋعا بولمايدى“.
باس شۋجي شي جينپيڭنىڭ نيڭشيادا قىزمەت تەكسەرگەندە سويلەگەن ماڭىزدى ءسوزى رايونىمىزداعى ءار ۇلت كادرلارى مەن بۇقارا اراسىندا كۇشتى اڭىس قوزعادى. كوپشىلىك ءبىر اۋىزدان مىنالاردى ءبىلدىردى: بىردە - بىرەۋىن قاعىس قالدىرۋعا بولمايدى، شينجياڭ قاتاردان قالمايدى. باس شۋجيدىڭ ماڭىزدى ءسوزىنىڭ رۋحىن، ءسوز جوق، ءىس جۇزىندىك ارەكەتىمىزدە تياناقتاندىرىپ، ىنتىماقتاسا كۇرەس جۇرگىزىپ، تاماشا باقىتتى تۇرمىستى قول ۇستاسا جاراتىپ، جاپپاي دوڭگەلەك داۋلەتتىلىككە بىرگە قادام تاستايمىز.كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزەمىز
6 - ايدىڭ 11 - كۇنى لوپ اۋدانى بۇيا اۋىلى اياققى سۇلۋا قىستاعىنىڭ كەدەيلەردى سۇيەمەلدەۋ سەحىندا جۇمىسشىلار مەكتەپ كيىمىن ءپىشۋ، كەسۋ، تىگۋ جۇمىستارىمەن قاربالاس بولىپ جاتتى. قىستاقتاعى كەدەيلەردى سۇيەمەلدەۋ سەحى 2018 - جىلى 8 - ايدا ىسكە قوسىلعاننان بەرى، 200دەن استام ادامدى جۇمىستانۋعا باستادى، مۇنىڭ جارتىسىنا جۋىعى كەدەي وتباسىنداعىلار.
”باس شۋجي كەدەيلەردى سۇيەمەلدەۋ سەحىن اشۋداعى ماقسات − كەدەيلەردى سۇيەمەلدەۋ. كەدەيلەردى سۇيەمەلدەۋ سيپاتىنا تاباندى بولىپ، قيىنشىلىعى بار بۇقاراعا بەيىمدەلىپ، قيىنشىلىعى بار بۇقارانى جۇمىستانۋعا كوبىرەك قابىلداۋ كەرەك دەپ اتاپ كورسەتتى“. اۆتونوميالى رايوندىق عىلىم - تەحنيكا قوعامىنىڭ اياققى سۇلۋا قىستاعىندا تۇراتىن ءبىرىنشى شۋجيى الاۋدين ابدىرەيىم بىلاي دەدى: ”ءبىز باس شۋجيدىڭ تاپسىرماسىن، ءسوز جوق، ەستە بەرىك ساقتاپ، كەدەيلەردى سۇيەمەلدەۋ سەحىن ويداعىداي باسقارىپ، اناعۇرلىم كوپ كەدەي وتباسىلارىن كەدەيلىكتەن ارىلىپ كىرىستەرىن ارتتىرۋعا جەتەكتەيمىز“.
قاعىلىق اۋدانى اقتاش قالاشىعى قونىس جاڭالاپ كەدەيلەردى سۇيەمەلدەۋدەگى كوشىرىپ ورنالاستىرۋ ءوڭىرى، وندا تاۋ قويناۋىنان وسى اراعا كوشىپ كەلگەن ارحيۆ تۇرعىزىلىپ، كارتچكالاندىرىلعان 14 مىڭ كەدەي وتباسى تۇرادى، قونىس جاڭالاپ كەدەيلەردى سۇيەمەلدەۋ بويىنشا كوشىپ كەلگەننەن كەيىنگى سۇيەمەلدەۋ جۇمىسى تىپتەن ماڭىزدى.
”’قونىس جاڭالاپ سۇيەمەلدەۋ ساياساتىن كەمەلدەندىرىپ، قونىس جاڭالاعان بۇقارانىڭ قونىس جاڭالاۋىنا، تۇراقتاپ تۇرۋىنا، اۋقاتتانۋىنا شىنايى كەپىلدىك ەتۋ كەرەك‘. باس شۋجيدىڭ ءسوزى نەگىزگى ساتىداعى كادر - بۇقارانىڭ كوڭىلىن ءدال تاپتى“. قاعىلىق اۋدانى اقتاش قالاشىق پارتكومنىڭ شۋجيى چيان گوبياۋ مىنالاردى ءبىلدىردى: ءبىز باس شۋجيدىڭ تالابىنا ساي، قالعان ىستەردى جاقسى ىستەپ، كاسىپ سالاسى باقشا رايونىندا ءبىر توبىن ورنالاستىرۋ، مال شارۋاشىلىق باعىمشىلىعى ارقىلى ءبىر توبىن شەشۋ سياقتى شارالار ارقىلى قونىس جاڭالاعان بۇقارانىڭ ورنىعىپ جۇمىستانۋ ماسەلەسىن ويداعىداي شەشىپ، قونىس جاڭالاعان بۇقارانىڭ قونىس جاڭالاۋىنا، تۇراقتاپ تۇرۋىنا، اۋقاتتانۋىنا شىنايى كەپىلدىك ەتەمىز.
”قالاشىق تۇرمىسقا وتە قولايلى، قونىس جاڭالاعاننان كەيىن ۇكىمەت ءبىزدىڭ جۇمىس تابۋىمىزعا قول ۇشىن بەردى، ەرەكشە راقىمەت ايتامىز!“، - اقتاش قالاشىعىنىڭ تۇرعىنى رىزۋانگۇل يۇسمان قۋانا بىلاي دەدى: ”الداعى ۋاقىتتا ءبىز باس شۋجي شي جينپيڭ ءۇمىت ەتكەندەي، ءوز بەلسەندىلىگىمىزدى، ىرىقتىلىعىمىزدى، جاسامپازدىعىمىزدى ساۋلەلەندىرىپ، قوس قولىمىزبەن اناعۇرلىم كوركەم تۇرمىس جاراتامىز“.ەكولوگيالىق ورتانىڭ جان تامىرىن ويداعىداي قورعاپ، جاقسارتامىز
تاكلاماكان ءشولىنىڭ سولتۇستىك جيەگىندەگى اقسۋ ايماعىنىڭ ەكولوگيالىق ورتاسى ءالسىز، سوڭعى جىلدارى ايماق ىشىندەگى 132 وزەن مەن 7 كولدى ويداعىداي قورعاۋ ءۇشىن، اقسۋ ايماعى ىلگەرىندى - كەيىندى اقسۋ وزەنى الابىنىڭ، وگەن وزەنى الابىنىڭ ەكولوگياسىن جونگە سالۋ نىسانى سياقتىلاردى جۇرگىزىپ، ەكولوگيالىق جۇيەنى قالپىنا كەلتىرۋدى ۇزدىكسىز كۇشەيتىپ، ەكولوگيانىڭ دامۋ كەڭىستىگىن ءونىمدى تۇردە كەڭەيتتى.
”باس شۋجي شي جينپيڭ نيڭشيادا قىزمەت تەكسەرگەندە، ەكولوگيالىق ورتانىڭ جان تامىرىن ويداعىداي قورعاۋ، جاقسارتۋ كەرەكتىگىن باسا دارىپتەدى“. اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى نياز اشىم مىنانى ءبىلدىردى: ءبىز باس شۋجيدىڭ ماڭىزدى ءسوزىنىڭ رۋحىن ءىس جۇزىندىك ارەكەتىمىزدە تياناقتاندىرىپ، اشىق اسپان، تۇنىق سۋ، تازا توپىراقتى قورعاۋ شايقاسىن ۇزدىكسىز ويداعىداي جۇرگىزىپ، ۇرپاقتارعا اسپانى اناعۇرلىم اشىق، جەرى اناعۇرلىم مانات، سۋى اناعۇرلىم تۇنىق كوركەم ورتا قالدىرامىز.
6 - اي كىرىسىمەن تۇرپاندا ءجۇزىم قاۋلاپ وسەدى، بۇل سول جەردەگى شارۋالاردىڭ كىرىستەرىن ارتتىرۋداعى ءۇمىتى ءارى وسى قالانىڭ ەڭ جان تەبىرەنتەرلىك كورىنىسى سانالادى.
باس شۋجي شي جينپيڭ بىلاي دەپ باسا دارىپتەدى: نيڭشيا ءجۇزىم شارابى كاسىپ سالاسىن دامىتۋدى حۋاڭحى قايراڭى ءوڭىرىن جونگە سالۋدى كۇشەيتۋمەن، ەكولوگيانى قالپىنا كەلتىرۋدى كۇشەيتۋمەن ۇشتاستىرىپ، تەحنيكالىق دەڭگەيدى جوعارىلاتىپ، مادەنيەت ءمانىن بايىتىپ، ۇگىتتەۋدى، تانىستىرۋدى كۇشەيتىپ، ءوزىنىڭ ايگىلى ماركاسىن جاراتىپ، ۇستەمە قۇن مەن جالپىلىق ونىمدىلىكتى جوعارىلاتۋ كەرەك.
”بۇل باس شۋجيدىڭ نيڭشياعا قويعان تالابى بولىپ قانا قالماستان، ءبىزدىڭ دە مۇنان كەيىنگى قۇلشىنۋ بەتالىسىمىز“. تۇرپان قالالىق جەمىس ورمانى كاسىبى تەحنيكاسىن جالپىلاستىرۋدان قىزمەت وتەۋ ورتالىعىنىڭ ورىنباسار مەڭگەرۋشىسى ءورنيسا قادىر بىلاي دەدى: ”وسى بىرنەشە جىلدا، تۇرپان قالاسى ساياحات كاسىبىن دامىتۋدى ءجۇزىمنىڭ ساپاسىن جوعارىلاتىپ، ونىمدىلىگىن ارتتىرۋ قىزمەتىمەن ۇشتاستىرىپ، تەك گاۋچاڭ رايونىنىڭ وزىندە ءجۇزىمدى تاقىرىپ ەتكەن كوپتەگەن باقشا تۇلعالادى. كوپشىلىكتىڭ تىزە قوسا قۇلشىنۋىندا، ءجۇزىمنىڭ تۇرپانعا ءتىپتى دە كوپ جاسىل رەڭ ۇستەپ، قالانى اناعۇرلىم كورىكتى، تۇرمىستى اناعۇرلىم تاماشا ەتەتىندىگىنە سەنەمىز“.جوعارى ساپالى دامۋدى تاباندىلىقپەن ىلگەرىلەتەمىز
باس شۋجي شي جينپيڭ بىلاي دەپ اتاپ كورسەتتى: ”ءبىر بەلدەۋ، ءبىر جولدى“ بىرگە قۇرۋ كەلەلى ورايىن مىقتاپ يگەرىپ، ىشكە ەسىك اشۋ مەن سىرتقا ەسىك اشۋدى ءوزارا ۇشتاستىرۋعا تاباندى بولىپ، اشىق ەكونوميكالىق نەگىزگى تۇلعانى جەتىلدىرىپ، اشىق ەكونوميكالىق ورتانى جاراتىپ، اناعۇرلىم جوعارى دەڭگەيدە ەسىك اشۋ ارقىلى اناعۇرلىم جوعارى ساپالى دامۋدى جەبەۋ كەرەك. ”بۇل نيڭشياعا عانا قويىلعان تالاپ ەمەس، شينجياڭعا دا قويىلعان تالاپ“. ءۇرىمجى كەدەن مەكەمەسىنىڭ باستىعى ديڭ جيباۋ بىلاي دەدى: ”مۇنان كەيىن ءبىز باس شۋجيدىڭ تالابى بويىنشا، رەفورما جاساۋ، جاڭالىق اشۋ تەبىنىن ۇزدىكسىز ارتتىرىپ، سىرتقى ساۋدا كاسىپورىندارىنا ويداعىداي قىزمەت ەتىپ، شينجياڭنىڭ اشىق ەكونوميكالىق ورتا قالىپتاستىرۋىنا جاقسى قىزمەت وتەۋشى بولامىز“.
بيىل جىل باسىنان بەرى، شينجياڭ سالىق ىستەرى تاراۋلارى سالىق اقىسى تيىمدىلىك ساياساتىن بار كۇشپەن تياناقتاندىرىپ، قىزمەت وتەۋ ساپاسىن جاقسارتىپ، ىندەتتەن ساقتانۋ - تىزگىندەۋگە دەم بەرۋدىڭ 15 شاراسى مەن جۇمىستى، ءوندىرىستى قالپىنا كەلتىرۋگە قولداۋ كورسەتۋدىڭ 13 شاراسىن ءتۇيىندى تياناقتاندىرىپ، سالىق تاپسىرۋشىلار مەن اقى تاپسىرۋشىلاردىڭ ءىس جۇزىندىك قيىنشىلىعىن شەشۋىنە كومەكتەستى.
”’كاسىپورىنداردىڭ سالىق اقى اۋىرتپالىعىن جەڭىلدەتۋ ساياساتىن تىڭعىلىقتى تياناقتاندىرۋ كەرەك‘. باس شۋجيدىڭ سوزىنەن مەن جاۋاپكەرشىلىگىمنىڭ وتە اۋىر ەكەندىگىن تەرەڭ سەزىندىم“. شينجياڭ سالىق ىستەرى مەكەمەسى كىرىستى جوسپارلاۋ، اداقتاۋ باسقارماسىنىڭ ورىنباسار باستىعى لو ايمين مىنالاردى ءبىلدىردى: ءبىز باس شۋجيدىڭ تالابى بويىنشا، كاسىپورىنداردىڭ سالىق اقىسى اۋىرتپالىعىن جەڭىلدەتۋ ساياساتتارىن ىشكەرىلەي جاقسى تياناقتاندىرۋمەن بىرگە، سالىق جيناۋدان قىزمەت وتەۋدى ۇزدىكسىز جاقسارتىپ، ساياساتتىڭ قاباتتاسۋ اسەرىن تولىق ساۋلەلەندىرىپ، كاسىپورىنداردىڭ تيجارات قيىنشىلىعىن جەڭىلدەتىپ، ەكونوميكانىڭ، قوعامنىڭ ۇزدىكسىز اقاۋسىز دامۋىنا ومىرشەڭدىك كۇش ۇستەيمىز.(ءتىلشى جاڭ يانفاڭ، جازۋعا قاتىناسقان تىلشىلەر شيە حۇيبيان، رايدا، جاڭ جىلي، جاڭ رۇيلين، چىن چياڭۋي، ميھىرگۇل ناسىر)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
