بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتە تانىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك

2020.06.17 10:41     كەلۋ قاينارى : شينجياڭ گازەتى

  شينحۋا اگەنتتىگىنىڭ 6 - ايدىڭ 15 - كۇنى بەيجيڭنەن بەرگەن حابارى. 6 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 12 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ازاماتتىق زاڭنامانى جاريالاپ اتقارۋدىڭ كەلەلى ماڭىزىن جەتە تانىپ، حالىقتىڭ زاڭدى ۇقىق - مۇددەسىن زاڭ بويىنشا اناعۇرلىم ويداعىداي قامتاماسىز ەتۋ كەرەك» اتتى ماڭىزدى ماقالاسىن جاريالايدى.

  ماقالادا بىلاي دەپ باسا دارىپتەلدى: ازاماتتىق زاڭناما جۇڭگوشا سوتسياليستىك زاڭ جۇيەسىندە ماڭىزدى ورىندا تۇرادى، نەگىزدى بەكەمدەيتىن، مەجەنى ورنىقتىراتىن، ۇزاق بولاشاققا پايدالى نەگىزدىك سيپات الاتىن زاڭ، مەملەكەتتى جاپپاي زاڭمەن جونگە سالۋدى ىلگەرىلەتۋ، سوتسياليستىك زاڭمەن جونگە سالىناتىن مەملەكەت قۇرۋدى تەزدەتۋ، سوتسياليستىك بازار شارۋاشىلىعىن دامىتۋ، سوتسياليستىك نەگىزگى ەكونوميكالىق ءتۇزىمدى بەكەمدەۋ، حالىقتى وزەك ەتكەن دامۋ يدەياسىنا تاباندى بولۋ، حالىقتىڭ ۇقىق - مۇددەسىن زاڭ بويىنشا قورعاۋ، ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋ، مەملەكەتتى زاڭمەن جونگە سالۋ جۇيەسى مەن جونگە سالۋ قابىلەتىن وسىزاماندىرۋدى ىلگەرىلەتۋ جاقتارىندا تۇگەلدەي كەلەلى ماڭىز الادى.

  ماقالادا بىلاي دەپ اتاپ كورسەتىلدى: ەلىمىزدىڭ توڭكەرىسىنىڭ، قۇرىلىسىنىڭ، رەفورماسىنىڭ ءاربىر تاريحي مەزگىلىندە پارتيامىز ازاماتتىق ىستەر زاڭىن شىعارۋعا، اتقارۋعا ايرىقشا ءمان بەردى. پارتيا 18 - قۇرىلتايىنان بەرى، ءبىز امالياتتىڭ دامۋ تالابى مەن حالىق بۇقاراسىنىڭ تىلەگىنە سايكەسىپ، ازاماتتىق زاڭنامانى قۇراستىرۋدى ماڭىزدى كۇن تارتىپكە قويدىق. ءار جاقتىڭ بىرگە قۇلشىنۋىندا، 5 جىلدان استام قىزمەت ىستەۋ ارقىلى ازاماتتىق زاڭناما اقىرى اتقارۋعا جاريالانىپ، نەشە بۋىن ادامداردىڭ اسىل ارمانى جۇزەگە استى.

  ماقالادا بىلاي دەپ اتاپ كورسەتىلدى: ازاماتتىق زاڭناما جاڭا جۇڭگونىڭ 70 نەشە جىلدان بەرگى ۇزاق ۋاقىتتىق امالياتىندا قالىپتاسقان ازاماتتىق ىستەر زاڭ ولشەمىن جۇيەلى بىرىكتىردى، جۇڭحۋا ۇلتىنىڭ 5000 نەشە جىلعى تاڭداۋلى زاڭ مادەنيەتىن قابىلدادى، ادامزاتتىڭ زاڭمەن جونگە سالۋ وركەنيەت قۇرىلىسىنىڭ پايدالى جەتىستىكتەرىنەن ۇلگى الدى، ول − ەلىمىز سوتسياليزمىنىڭ سيپاتىن ايگىلەيتىن، حالىقتىڭ مۇددەسى مەن تىلەگىنە ۇيلەسەتىن، ءداۋىردىڭ دامۋ تالابىنا سايكەسەتىن ازاماتتىق زاڭناما، باس اماندىق، مال - مۇلىك حاۋىپسىزدىگى، ساۋدا - ساتتىققا قولايلىلىق جاساۋ، تۇرمىستىڭ باقىتتى بولۋى، ار - نامىس سياقتى ءار جاقتاعى ۇقىقتى تەڭ تۇرعىدا قورعايتىن ازاماتتىق زاڭناما، ايقىن جۇڭگو ەرەكشەلىگىنە، امالياتتىق ەرەكشەلىككە، ءداۋىر ەرەكشەلىگىنە يە ازاماتتىق زاڭناما.

  ماقالادا بىلاي دەپ اتاپ كورسەتىلدى: ازاماتتىق زاڭنامانىڭ كەلەلى ءمانى جونىندەگى ۇگىت - تاربيەنى كۇشەيتۋ كەرەك. ازاماتتىق زاڭنامانى ويداعىداي اتقارۋ − حالىقتى وزەك ەتۋگە تاباندى بولۋدىڭ، حالىقتىڭ ۇقىق - مۇددەسىن جۇزەگە اسىرۋدى جانە دامىتۋدى قامتاماسىز ەتۋدىڭ قاجەتتى تالابى، سوتسياليستىك بازار شارۋاشىلىعىن دامىتۋدىڭ، سوتسياليستىك نەگىزگى ەكونوميكالىق ءتۇزىمدى بەكەمدەۋدىڭ قاجەتتى تالابى، پارتيامىزدىڭ مەملەكەتتى جونگە سالۋ دەڭگەيىن جوعارىلاتۋدىڭ قاجەتتى تالابى ەكەندىگىن ايقىن ءتۇسىندىرۋ كەرەك. ازاماتتىق زاڭناما − مەملەكەتتى جاپپاي زاڭ بويىنشا جونگە سالۋدىڭ ماڭىزدى ءتۇزىم قۇرالى، كوپتەگەن بەلگىلەمەلەر قاتىستى مەملەكەت ورگاندارىمەن تىكەلەي بايلانىستى، ازاماتتاردىڭ جانە زاڭدىق يەلەردىڭ ۇقىق، مىندەت قاتىناسىنا تىكەلەي سايادى. ازاماتتىق زاڭنامانى اتقارۋ دەڭگەيى مەن ونىمدىلىگى − ءار دارەجەلى پارتيا جانە مەملەكەت ورگاندارىنىڭ حالىق ءۇشىن قىزمەت وتەۋ باس ماقساتىن اتقارۋىن تارازىلايتىن ماڭىزدى ولشەم.

  ماقالادا بىلاي دەپ اتاپ كورسەتىلدى: ازاماتتىق ىستەر زاڭىن شىعارۋعا قاتىستى قىزمەتتەردى كۇشەيتۋ كەرەك. ازاماتتىق زاڭنامانى جاريالاپ اتقارۋ ازاماتتىق ىستەر زاڭىمەن جونگە سالۋ قۇرىلىسىنداعى بارلىق ماسەلەنى ءبىر جولدا شەشتى دەگەندى كورسەتپەيدى، ءالى دە كوپتەگەن ماسەلەلەر اماليات بارىسىندا سىننان ءوتۋدى، ىزدەنۋدى قاجەت ەتەدى، تاعى ۇزدىكسىز سايكەستىرۋدى، تولىقتاۋدى، اشالاۋدى قاجەت ەتەدى. ماسەلەنى باعدار ەتۋدەن جازباي، جاڭا اماليات نەگىزىندە ازاماتتىق زاڭنامانىڭ ۇزدىكسىز كەمەلدەنۋىن جانە دامۋىن ىلگەرىلەتۋ كەرەك.

  ماقالادا بىلاي دەپ اتاپ كورسەتىلدى: ازاماتتىق زاڭنامانىڭ زاڭ اتقارۋ، زاڭ جۇرگىزۋ ارەكەتىن كۇشەيتۋ كەرەك. ءار دارەجەلى ۇكىمەتتەر ازاماتتىق زاڭنامانى ءونىمدى اتقارۋعا كەپىلدىك ەتۋدى ماڭىزدى تۇتقا ەتىپ، زاڭمەن جونگە سالىناتىن ۇكىمەت قۇرىلىسىن ىلگەرىلەتىپ، ازاماتتىق زاڭنامانى اكىمشىلىك شەشىم جاساۋدىڭ، اكىمشىلىك باسقارۋدىڭ، اكىمشىلىك باقىلاۋدىڭ ماڭىزدى ولشەمى ەتۋ كەرەك. ءار دارەجەلى ءادىليا ورگاندارى ءادىليانى ءادىل جۇرگىزۋدەن جازباي، ازاماتتىق ىستەر دەلولارىن تەرگەۋ دەڭگەيى مەن ونىمدىلىگىن جوعارىلاتۋ كەرەك. ادۆوكاتتار ءىسورنى جانە ادۆوكاتتار سياقتى زاڭ كاسىبى قۇرىلىمدارىنىڭ، كاسىپتىك قىزمەتكەرلەردىڭ رولىن تولىق ساۋلەلەندىرىپ، حالىقتىق جاراستىرۋ، ساۋدا ىستەرىنە تورەلىك ايتۋ سياقتى كوپ نەگىزدى داۋ - شار شەشۋ مەحانيزمىنىڭ رولىن ساۋلەلەندىرىپ، ازاماتتىق زاڭنامانى اتقارۋ قىزمەتىن جان - جاقتى ىلگەرىلەتۋ كەرەك.

  ماقالادا بىلاي دەپ اتاپ كورسەتىلدى: ازاماتتىق زاڭنامانى جالپىلاستىرۋ قىزمەتىن كۇشەيتۋ كەرەك. ازاماتتىق زاڭنامانى جالپىلاستىرۋ قىزمەتىن كەڭ كولەمدە ورىستەتىپ، ونى ”14 - بەسجىلدىق“ كەزىندە زاڭ جالپىلاستىرۋ قىزمەتىنىڭ ءتۇيىنى رەتىندە يگەرۋ كەرەك. ازاماتتىق زاڭنامانى حالىقتىق وقۋ - اعارتۋ جۇيەسىنە ەنگىزىپ، جاستار مەن ورەندەرگە ازاماتتىق زاڭناما تاربيەسىن كۇشەيتۋ كەرەك. نازاردى ازاماتتىق زاڭنامانىڭ جالپى ەرەجەسىن جاساۋدا جانە ءارقايسى بولىمدەرىن جاساۋدا ويداعىداي يگەرۋ قاجەت ەتىلگەن وزەكتى ماڭىزدى مازمۇندارعا جانە ءتۇيىندى ماسەلەلەرگە شوعىرلاندىرىپ، ازاماتتىق زاڭنامانىڭ نەگىزگى پرينسيبىن، نەگىزگى تالابىن جانە ءبىر قىدىرۋ جاڭا بەلگىلەمەسىن، جاڭا ۇعىمىن، جاڭا رۋحىن ويداعىداي شەشىپ ءتۇسىندىرۋ كەرەك.

  ماقالادا بىلاي دەپ باسا دارىپتەلدى: ەلىمىزدىڭ ازاماتتىق ىستەر زاڭ - تۇزىمدەرى نازارياسىن زەرتتەۋدى كۇشەيتىپ، ازاماتتىق زاڭنامانى ءونىمدى اتقارۋعا، ەلىمىزدىڭ ازاماتتىق ىستەر زاڭ - تۇزىمدەرىن دامىتۋعا نازاريالىق تىرەك ازىرلەۋ كەرەك. ءار دارەجەلى پارتيا جانە مەملەكەت ورگاندارى ازاماتتىق زاڭنامانى اتقارۋدى باستاماشىلدىقپەن ۇگىتتەپ، ىلگەرىلەتىپ، قامتاماسىز ەتىپ، تەكسەرۋ مەن باقىلاۋدى كۇشەيتىپ، ازاماتتىق زاڭنامانىڭ جالپى بەتتىك ءونىمدى اتقارىلۋىنا شىنايى كەپىلدىك ەتۋ كەرەك. ءار دارەجەلى باسشى كادرلار ازاماتتىق زاڭنامانى ۇيرەنۋدىڭ، وعان بويسۇنۋدىڭ، ونى قورعاۋدىڭ ۇلگىسى بولىپ، ازاماتتىق زاڭنامانى قولدانىپ، حالىقتىڭ ۇقىق - مۇددەسىن قورعاۋ، قايشىلىقتاردى، داۋ - شارلاردى شەشۋ، قوعامدىق جاراسىمدىلىقتى، ورنىقتىلىقتى جەبەۋ قابىلەتى مەن دەڭگەيىن جوعارىلاتۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار